|
|
 أفيدوني أفادكم الله عن ملكية قصيدة ( رد الرسالة )
|
أعزائي
قد تكون قصيدة رد الرسالة المنسوبة للشاعر مختار دفع الله والتي أدعي ملكيتها شخص آخر - عذراً إن غاب عني أسمه - واحدة من أجمل القصائد القصائد السودانية ، تأملوا معي
تاني كاتب لي خبارك
إنت قائل إنو لسه قلبي تائه فى مدارك
دي الديار خليتها ذاتا لما ضاقت بي ديارك
والبعاد الشايفو قاسي ما زمان كان بي إختيارك
ويمشي الشاعر لحدي ما يقول
وكنت برضو ممكن أهديك نور عيوني
عشان عيونك مني يرضو
أصلي حاسس طول سنيني إنو أشواقي وحنيني
نقطة الضعف اللفيني
ويستمر الإنسياب الجميل حتي آخر القصيدة التي تمثل سلوي وعزاء وإنتصار علي العواطف الزائدة عن الحد ، ويمكن دي كانت صفة المحبين إضافة للتوسل والإستعطاف والجرسة من ظلم الحبيب لحدي ما جاء إسماعيل حسن وكتب لي وردي ( بعد إيه ) التي إنتصر فيها للمحبين وكبرياء المحبين خاصة لما يقول
روح ربي يعدل ليك طريقك
العملتو كان بي إيدك
ختام قصيدة رد الرسالة بقول
إنت لو فاكرني بحزن شان فراقك
يا حليلك ويا حليلك ويا حليلك
شفتو جنس الرجالة دي ؟ لكن يا جماعة الخير يا أعضاء المنبر رجاء أفيدوني عن ملكية هذه القصيدة عليكم الله عشان حتي لما يحفظا فى دفتر أو يقولها ما يحسب ضمن المتعاملين فى المال المسروق ، ما بطعن فى مختار دفع الله ، لكني عاوز أعرف الحقيقة .
تحياتي
|
|
 
|
|
|
|
|
|
|
|
Re: أفيدوني أفادكم الله عن ملكية قصيدة ( رد الرسالة ) (Re: Fadl Karrar)
|
فضل كرار:
تحياتي..
علي حد علمي وإبان تواجدي في السودان أثيرت هذه القضية في عدة صحف ووصلت حد المحاكم بعد لأن قال أحد الشعراء (زييك كده نسيت إسمو) أن القصيدة منسوبة إليه وأنه نشرها بأحدي الصحف قديماً ولكن مختار إستولي عليها ..
مختار دفع الله بدوره أكد أن القصيدة ملك له ومسجلة بإسمه في المصنفات ..
عموماً القصيدة كان من المفترض ان يغنيها الفنان محمود عبد العزيز وهيالان بحوزة الفنان النور الجيلاني ملحنة وجاهزة للغناء إن لم يكن تم تسجيلها..
تحياتي..
| |
|
|
|
|
|
|
|
|
|
Re: أفيدوني أفادكم الله عن ملكية قصيدة ( رد الرسالة ) (Re: نادية عثمان)
|
اعتقد اكثر مما يحتمل
فسرقة الاعمال الجاهزة ظاهرة موجودة
واعتقد مختار دفع كانت دفوعاته ضعيفة
الامر الذي يحفز علي الشكوك حول ملكيتها
او نسبتها اليه ..لكن برصد بعض
الاعمال المبهرة للشاعر مختار
مثل رائعته التي تغنت بها المبدعة حنان النيل
تجعل الامر في حالة التباس ..
لان النفس في هذه القصيدة - صاحبة "الملاوا"ذات
الشد والجذب بين مختار والشاب الذي ادعى
ملكيتها-بها انفاس جديدة تختلف نوعا ما عن
كتابات مختار دفع الله لو ثبتت له ملكيتها
| |
|
|
|
|
|
|
|
|
|
Re: أفيدوني أفادكم الله عن ملكية قصيدة ( رد الرسالة ) (Re: Fadl Karrar)
|
رد الرسالة
تَانى كاتب لىَّ خبارك
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
.... وكنت برضو....!!
ممكن أهديك نور عيونى
شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك
القاهرة
مايو 1980
دون أدني شك مختار دفع الله،،
| |
|
|
|
|
|
|
| |
Fadl Karrar
waleed500
fohamer
Soumeta
فيس بوك
تويتر
انستقرام
يوتيوب
بنتيريست