Post: #1
Title: سعودي وسوداني يخترعان جهازاً يسجل المخالفات المرورية
Author: مهاجر
Date: 04-25-2005, 02:52 AM
Parent: #0
سعودي وسوداني يخترعان جهازاً يسجل المخالفات المرورية
الرياض - ياسر المعارك الحياة 2005/04/25
ابتكر شابان سعودي وسوداني جهازاً، يهدف إلى إلزام السائقين التقيد بالأنظمة المرورية، ويخفف الأعباء الميدانية على دوريات المرور ويقلل من حجم الخسائر المالية لحوادث المرور ويقلل الخسائر في الأرواح التي بلغت حوالى 4 آلاف شخص و23 ألف إصابة، منها 67 في المئة بسبب السرعة.
وقال المخترع السعودي أكرم العصفور إن جهاز «رجل المرور الآلي» يتميز بقدرته على رصد المخالفات المرورية كتجاوز السرعة القانونية، وقطع الإشارة الحمراء، وانتهاء صلاحية رخصة القيادة، أو استمارة السيارة، وتسجيل المخالفة على السائق وليس على صاحب السيارة.
لكن العصفور أشار إلى أن هناك ثلاثة أمور يجب أن تتوفر حتى يعمل هذا النظام بشكل كامل ودقيق، وهي أن تكون رخصة القيادة واستمارة السيارة ممغنظتان، وأن يركب الجهاز الذي يحتوي على شاشة للتاريخ وشاشة للوقت وأخرى للسرعة في السيارة، وأن ترسل المخالفة إلى جهاز لاستقبال المعلومات يثبت في إدارة المرور عن طريق الجهاز المثبت في السيارة، موضحاً فيها الوقت والتاريخ واسم مرتكب المخالفة.
وأكد العصفور أن الاختراع تفادى عدداً من العيوب في أجهزة الرادار التي تستخدم في الوقت الحالي، فالرادارات المثبتة على الطرقات لرصد السيارات المسرعة غير دقيقة في بعض الأحيان، لعدم قدرتها على رصد السيارات المسرعة كافة في اللحظة ذاتها، كما أنها ترصد صورة السيارة واللوحة ما يعني تسجيل المخالفة على السيارة وليس على سائقها.
من جانبه، أوضح المخترع السوداني محمد توفيق أن الجهاز استغرق ثلاث سنوات ونصف حتى وصل إلى هذه الكفاءة، وهو قابل للتطوير لاستخدامات أمنية أخرى، مضيفاً أن السيارة عندما تسرع يستطيع المرور تحديد موقعها من خلال الجهاز المثبت في السيارة، وعندها يمكن توقيف السيارة عند التبليغ عن سرقتها.
وأضاف توفيق أن الجهاز سيخفف الأعباء الميدانية لدوريات المرور، إضافة إلى التخلص من مشكلة عدم دقة رجل المرور في أوقات المساء لصعوبة تحديد نوع السيارة أو لونها.
وناشد المخترعان المسؤولين ورجال الأعمال تبني هذا الاختراع، والمساهمة في إبراز إنجازات العقول العربية.
رايكم شنو
يكون السوداني لوحده اخترع الجهاز ولا السعودي معاه
خلو رايي بعدين لما نشوف ارائكم
|
Post: #2
Title: Re: سعودي وسوداني يخترعان جهازاً يسجل المخالفات المرورية
Author: abuguta
Date: 04-25-2005, 03:01 AM
Parent: #1
عباس
انا بقول تعاون افكار عربية
ها ها ها ها ها ها
حلوة عربية دى مش....بس لو كان المخترع سعودى براه ما كان ادى زولك طريقة
ولو كان سودانى براه مافى زول بجيب خبره...حتى فى السودان اختراع مو ذو فائدة
لكن خليوه نق ول تعاون عربى...بكرر حلوة عربى دى...مش
يقوم ينط لينا محمد سليمان دا اسى...ومعاه كدمبس...انت بتعرف كدبس بتاع ناغبور ياعباس
لك خالص تحياتى
وشكرا لنقل الخبر
|
Post: #5
Title: Re: سعودي وسوداني يخترعان جهازاً يسجل المخالفات المرورية
Author: EXORCIST7
Date: 04-25-2005, 05:42 AM
Parent: #2
يا أبو قوتة ...
سلام كدمبس بعرفو وخالد المرعب وحسين الراجل وأحمد المرض وفرينى وناجى حسونة الخ....
|
Post: #11
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 02:18 AM
Parent: #5
EXORCIST7
كدمبس بعرفو وخالد المرعب وحسين الراجل وأحمد المرض وفرينى وناجى حسونة
خالد المرعب بعرفوا
والخال العجيب فريني .بقي يجي عمرة صدق(لكن معاها تجارة عشان البوتيك)واتزوج كمان
|
Post: #10
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 02:13 AM
Parent: #2
عليك الله يا ابوقوتة ما تجيب سيرة ناس دافور هسي يكرهوك اليوم الجابك
ويطلعوك في مكان اخر
كدمبس ما بعرفوا والله
لكن غايتو ناس ناغبور كلهم شفتهم لانهم اي واحد جاي بونا بقابل محمد كمال
وكان يحكي كل طرائفهم الجميلة
يا حليل الهند
قلت المخترع مالوا
دا زانقوا زنقة كفيلي (القحطاني)ربنا ينتقم منو
الحمد لله نقلت منو قبل يومين
تخريمة يا احمد
انا غيرت المهنة في الاقامة بس من عامل خرسانة الي عامل عادي
ونقلت من القحطاني اللئيم(لحس مني 8000 الف ريال حتي خلصت من شرو)
|
Post: #3
Title: Re: سعودي وسوداني يخترعان جهازاً يسجل المخالفات المرورية
Author: Khaalaleyaal
Date: 04-25-2005, 04:07 AM
Parent: #1
شكيتم علي الله مالهم ومال المرور - الواحد لو ماشي بي كرعينو يطقو رادار
ربنا يجيب العواقب سليمة
الخال
|
Post: #13
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 02:25 AM
Parent: #3
الخال العزيز
كل شئ الزمن دا متوقع
ربك يهون
|
Post: #4
Title: Re: سعودي وسوداني يخترعان جهازاً يسجل المخالفات المرورية
Author: ابو عثمان
Date: 04-25-2005, 04:48 AM
Parent: #1
الأخ / مهاجر
السعودي بيكون كفيل السوداني
وقال ليهو يا شريكك
يا اهلك !!!!!!!!!!!!!!!!
|
Post: #6
Title: Re: سعودي وسوداني يخترعان جهازاً يسجل المخالفات المرورية
Author: abuguta
Date: 04-25-2005, 05:57 AM
Parent: #4
| Quote: سلام كدمبس بعرفو وخالد المرعب وحسين الراجل وأحمد المرض وفرينى وناجى حسونة الخ... |
اكشن سلامات
وبركة الشفناك طيب
الخ ...يعنى بتعرف محمد كمال ود فداسى...اها هو قريب صاحب البوست..حسين الراجل معنا فى الرياض
قابلته فى زواج صالح السراج...
|
Post: #14
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 02:45 AM
Parent: #4
ابو عثمان
صدق مرة اخي
يعمل في مختبر مستشفي كبير وهو مسئول القسم.طلبوا منه عمل شرح موجز لعمل بعض الجهزة وانجازاتها حتي يقدمها لامير مقرن عند زيارته للمستشفي.وقام بذلك .لكن تم استلام الورقة منه لعمل طباعة لها بصورة جميلة.
لكن عندما الامير مقرن زحقلوا الجماعة كلهم وجابوا سعودي يشرح.
ربك يهون يا مان هنا تشيل الريال وتسكت
|
Post: #7
Title: Re: سعودي وسوداني يخترعان جهازاً يسجل المخالفات المرورية
Author: jini
Date: 04-25-2005, 06:38 AM
Parent: #1
Quote: يكون السوداني لوحده اخترع الجهاز ولا السعودي معاه
|
السوداني هو المخترع
والسعودي هو المكتشف
عشان اكتشف السوداني
صنع في السعودي بايدي سودانية!
جني
|
Post: #15
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 02:52 AM
Parent: #7
جني سلام
صدق هنا حقوقك الفكرية والادبية كلها مهضومة
بس اكل في حنانك ساي
ومشي حالك
زمان عندنا مدير يحب الاقتراحات
وهو عندوا نظرية (مدير الدقيقة الواحدة)والجماعة يجو يسالوني عن حلول لمشاكل في الشغل
امشي للمدير وانا طبعا مشرف العمليات.
يقول لي المدير فلان اقترح حلول عملية.ارجو انك تحاول تتماشي معاها.
من ديك بقيت (المعلومة علي قدر الحاجة فقط)
واياك تعلم واحد بدون مقابل.لانوا الواحد شاف اشياء لا يصدقها ابدا
عشنا مع الهندوس ولم نري منهم شيئا
|
Post: #8
Title: Re: سعودي وسوداني يخترعان جهازاً يسجل المخالفات المرورية
Author: Hafiz Bashir
Date: 04-25-2005, 08:50 AM
Parent: #1
هي بالله كلمة اخترع دي لسه موجودة في القاموس
|
Post: #9
Title: Re: سعودي وسوداني يخترعان جهازاً يسجل المخالفات المرورية
Author: Hafiz Bashir
Date: 04-25-2005, 08:56 AM
Parent: #1
نسيت اعمل علامة اسستفهام و كمية كدا من علامات التعجب
|
Post: #12
Title: Re: سعودي وسوداني يخترعان جهازاً يسجل المخالفات المرورية
Author: Hussein Mallasi
Date: 04-26-2005, 02:24 AM
Parent: #9
و مالو العصفور براهو البيتكلم !!
|
Post: #16
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 02:57 AM
Parent: #9
حافظ
الله كريم علينا
ربنا يرجع كل الطيور المهاجرة الي بلادنا الحبيبة
قريبا انشاء الله
عندها سيعرف الكل قيمتنا
|
Post: #17
Title: Re: سعودي وسوداني يخترعان جهازاً يسجل المخالفات المرورية
Author: مهاجر
Date: 04-26-2005, 03:02 AM
Parent: #16
الاستاذ ملاسي
اولا دي اول مداخلة لك في بوستاتي
تاني حاجة قلت
و مالو العصفور براهو البيتكلم !!
وليه لا
|
|