Post: #1
Title: ياخرطوم..ثورى .. ثورى..ضد الحكم الديكتاتورى !!!
Author: bushra suleiman
Date: 04-22-2005, 01:02 PM
ياخرطوم ثورى..ثورى
ضد الحكم الديكتاتورى
وعلمى ناس (الجبهه)الخانو
كل مبادى العمل الثورى
***
وافتحى بابك للحريه
والبسى توب..ديمقراطيه
واهتفى..تحيا بلادى وفيه
لكل الشهدا الصدقو النيه
** ** **
ياخرطوم..ثورى..ثورى
واكشفى كل دقون الزيف
واهدمى كل جدار عملوه
عشان ما يمنعوا لون الطيف
واكسرى سيف الذل المشهر..
وامسحى عنا غمامة الصيف
** ** **
ياخرطوم الصحو الباكر
وياخرطوم الزهو النادر
لمى الحزن الفيكى تبادر..
وانفضى ليل الغدر الماكر..
وارفعى راسك..وبصوت هادر
رددى لحن الامل الثائر.
***
وثورى ثورى يالخرطوم
ضد الحكم الديكتاتورى
وعلمى ناس (الجبهه) الخانو.
كل مبادى العمل الثورى.
------------
اكتوبر1991
|
|