( دعاء ) الدخول الى الزنزانة

مع كل الود والتقدير للاستاذ الموصلي والاستاذ عز الدين هلالي

دعاء الخروج من الزنزانة!!!!!!!!!!!!!!!!!!!!

الصمود
محجوب شريف -اكتوبر 1990
-----------
جيناك وكنا طلعنا منك نحنا مرفوعي الرؤوس
جيناك مرفوعي الرؤوس
افتح زنازينك اهو بنفتح صدورا مابتكوس الرحمة تب
مافينا مرقا فيهو سوس
بل فينا عرقا من جذور الشعب عشقا لا يداس
نحنا بندوس على كل من عايز يدوس
نحنا بندوس
*****
جيناك و كنا طلعنا منك عنوة كده واقتدار
تشهد ترابيسك هديك وهادا الجدار
نهر الجماهير العميق جلجل شديد الانحدار
زلزل حديد الانكسار
امتد حولك واستدار وملا الطريق
واذا باسوارك ضفاف وسواعد الناس النخيل
حملتنا امواج الهتاف في ذلك الصبح الجميل
حملتنا افواج الكفاف ومدامع الفرح النبيل
الغدر مابيبقى انتصار
والانكسار المستحيل
المستحيل
المستحيل
****
اسمعنا ياليل السجون
نحنا بنحب شاي الصباح
والمغربية مع الولاد و الزوجة -- والام الحنون
والاصدقاء
والى اللقاء
واللمة عند الامسيات
والتكية جنب الاغنيات
والقدلة في السوق الكبير
نتمشى نغرق في الزحام ملء العيون
بنحب كدا ونعشق تمام
الا بنكون قدر الثبات
ضد السكات ضد السكون
ضد التسكع و الجنون
جنبا الى جنب التماسك و الحنين
افتح زنانينك اهو بنفتح شبابيك اليقين

الصديق الحبوب
جنا صلاح

مليون سلام ومحبة ليك.

أهو بنفتح...

والله أيام يا زمان.

سلام على ذاك الزمان .. سلام على داك المكان ، اللمة والناس الحنان.

أهديك : هتاف ومظاهرة .. وسمحين كتاااار
أهديك شجر
علمنا كيف الانتظار
علمنا كيف يبقى الحبيب .. غيمة وحجر ، كرة بروق
غنوة وبحر
وكلمة هزار
واهديك تكية نص نهار
ونسة صحاب ..
والنسمة بالضحكات تجي
ونتقاسم الهم والمحبة
وشاينا فار
:
:
:
:
:
"كفاك؟؟؟"
***
**
*
أكيد الود

طيب ودعاء ( القعاد) جوة الزنزانة؟





استمتعت بالقصائد كلها !!

(دعاء) الدخول الي الزنزانة ذكرني لحظة ظريفة في زنزانة في بيت الاشباح المسمي (الواحة) لابأس ان احكيها لكم هنا:-

قد يكون لاحظ معظم الذين مروا ببيوت الاشباح ان المعتقلين الجدد دائما يكونوا متوجسين عند دخولهم الزنزانة و يتهيبون الحديث مع المعتقلين القدامي خاصة الذين لايعرفونهم . واذا سألت الواحد عن لماذا اعتقلوه ،بيقول ليك والله ما عارف واذا سألت عن هل لديك اي نشاط سياسي يقول لك ابدا ابدا .
المهم في عام 1993 وكنا في بيت الواحة وقبلنا كان معتقلين بعض القياديين من الحزب الشيوعي منهم عبدالحميد علي وفاروق زكريا وصلاح سمعريت ومحمد حسن وهبي ود.يوسف واخرون اعتقلوا من بيت اللاماب الشهير .
فحدث ان جاء معتقل جديد وكان بادي عليه التعذيب وجلس بجانبي وسالته السؤال التقليدي عن لماذا اعتقلوه وهل له نشاط سياسي فاجابني بالاجابة المعروفة ،وبعد قليل مر بجانبنا محمد حسن وهبي فسألني ذلك المعتقل دا منوا فقلت له هذا محمد حسن وهبي ، فبسرعة قال لي بالله دا من الاعتقلوهم في اللاماب . فقلت له طيب ما قلت ما عندك نشاط سياسي ، فبوغت فجأة ومن ثم ضحكنا .

وطلع صاحبنا شيوعي كبير.

اقترح ان يشارك الذين مروا بهذ التجربة القاسية ان يكتبوا عن الطرائف التي مرت بهم خلال هذه التجربة
وشكرا لمحمد صلاح وتحية لمحجوب شريف.
ودمتم