بكري ابوبكر..لؤي..دكتور:النور حمد..واهل المروة..الحقوني ..الحقوني..الفزع يا اهل البورد

هذه الاستغاثة..ارسلها لكم جميعا..مؤملا في مروءتكم وشهامتكم..لانقاذ ما يمكن انقاذه..في بوستي المهم جدا جدا..علي الاقل بالنسبة لي..بوست..من هو،هم،هن ديمقراسي..كنت احاول ان احمل صورة في البروفايل..واحمل صور ..عن خورطقت في موضوع ذكرياتنا عن خورطقت..كانت النتيجة..ان ضاع كل ما كتبت باسمي في ذاك البوست..ولم تحمل الصور..ما يهم..اعادة ما ضاع..شرح كيفية تحميل الصور

تحميل لالصور..اضاع كل ما كتبت..كيف يمكن ارجاعه..كيف يمكنني تحميل الصور

ما تندهي

ما حدا

عوا المعيط

طار الندا

ما حدا

هم بالفدا

ما حدا

في فزعك بدأ

(راجع بوست الفاهم حاجة يفهمن لحسين ملاسي)

سيف خليل خلى الطرطشة هدا ليهو بوستك قاعد


اضبط...من هو/هي/هن/هم...ديمقراسي؟؟؟..بكري ابوبكر يكشف ا...حح الاوضاع..له الشكر

اى خدمة؟؟

ست البنوت لحدهن

حبابك عشرة

والله تراكي مرتن برزة..جيتي في وش الفزعة..ياها المحرية فيك...
ضحكت حد الثمالة ..علي وصفك لي بالطرطشة..لانها ما غريبة علي ..في جهلتي سمعوني ليها كتير..وما اظنها ناويه تفارقني...
قلت يا بت الناس ..اوريكم صورتي..رغم اني خايف عليها..ابت ..وحلفت براس ابوها ما تظهر..في واحدة من محاولاتي الآثمة..ظهر المربع..الفيهو علامة غلط دا..تراكي شايفاهو..قلت امسحو ما اتمسح..قلت يا ود خلي البروفايل ..وزي ما وعدت دكتور النور ..حمل صور عن خورطقت..قمت (جغبصت وصت..جغبصة وصواته مطولة)..رجعت اشوف الموضوع..القي كلام المتداخلين..وكلامي مافي..بس في مساحة مستطيلة وصغيرة بعرض اقل من بوصة..وعلي اليمين المربع المنحوس دا..اها بديت الثكلي..بكيت بكية ناقة علي حوارا..عشان الكتبتو في البوست كان (علي الهواء مباشرة)..يعني ما عندي غيرو..(الود عامل فيها ماركيز)..وكان عن ذكريات حبيبة بلحيل علي النفس..تاني قلت..ياود خت الرحمن في قلبك..وابقي زي الرجال طق الروري..وسويلك كوراكا للفزعة..وتراكم ما قصرتو ..الله لا وراكم شينة..
بس يا بت الشيخ وقتين اتي عارفة الفنيات دي وريني ليها..اسع اتي لصقتي بوستي دا هنا كيفن؟؟!!..اها دي انا والله ما بعرف اسويها..كدي اشرحو لي..كيفن احمل صورة البروفايل..رغم اني اتبعت الخطوات كلها..الا طلعت فشوش..حملت الصور كلها في الكمبيوتر حقي..مشيت البروفايل ..اخترت صورة..مشيت التحميل حق بكري داك..حملت..تمخض الجبل عن لا شي ولا فار حتي..مرة واتنين وعشرة ..والحال في حالو..قلت خلي حكاية الصورة البي الجنبة دي ..وامشي خت الصور الواعد بيها دكتور النور..يعني الصور البختوها في قلب البوست ويقعدو يتكلمو عنها ديك..بيني وبينك دي انا ما عارف فيها التكتح..وقعدت اصوت..والحصل بعد داك تراكم كلكم عارفنو..عليكم الله وروني ..وكان خايفين من صورتي عليكم امان الله ما بلصقا ليكم..بس خلوني اوريكم صور ناس ومناظر من خورطقت..والله تعجبكم عجب ..تدوني وراه الفاتحة..انا منتظركم..باقي انا متعمد..ما تتأخروا عشان ما امشي اصوت تاني..
بصراحة..حسدت الناس البعرفو يسووا الحاجات دي..اسع شوف جنس سجيمان دا..صورتن ما لصقا لينا هنا مافي..وكمان يبدل ويغير علي كيفو..اظنو شيطان الصور دا عاقد معاه حلف الايام دي..
ودعناكي الله ..وشكرا علي الفزعة..لك كل المودة

المسافر
حبابك..يا راجل الفزعة..والله فيك مروة وشهامة..ربنا يقدرنا علي جزاك..
الحمدلله الامور رجعت كما هي ..ولا ادري لها سببا..الا تحميل الصور لا زال يشكل معضلة لي

تحياتي ومحبتي

أب أحمد سلامات

البوست كما هو لم يصبه سؤء , وأعلم أنه عصانا التي نتوكؤ بها ولنا فيه مآرب أخري فمداخلات الاستاذ النور حمد تبهرنا حد العجز عن المداخلة ونكتفي حيالها بالمتابعة.






بشري

حبابك الماجد بشري

ياكا اخت الشدرة البتتكي عليها وكتين تقع..وفعلا الدم بحن..جيتني في اول الفزعة..الحمدلله البوست رجع كما هو..رجع كيف..الرجعو منو..الله اعلم..انا لما الامور اتلخبطت..قلت يا ابو مروة..وتراكم ما قصرتو ..الله لا وراكم شينة..
ولا تخاف زي ما وعدناكم..محطتكم جايا..

لك المودة

يا سيف .. الشلاقة شغلانتنا ..
ولو ما اتشالقنا نموت ..
اتشالق بس ما تجيب ضقلها يكركب ..

الماجد معتصم
تحياتي
ياهي شلاقتي العارفة ديك ما خلتني ولا خليتا..اسع الكمبيوتر دا والنت وكل الحاجات الحاسوبية دي..بتعلما بي نفسي ..بس ادخل واصوت..لمن اعرف..بس اسع دي..وروني قصة الصور دي ..غلبتني..وخفت ما تضيع لي الكتبتو ..

مودتي

الأخ سيف
تحيّة طيّبة

أولاً إعتذاري لكوني كنت خارج السويد ولم أتمكّن من الدخول إلى النت إلاّ بعد عودتي اليوم .. وشُكري لثقتك وإيرادك لإسمي إن كنت انا المعني ..

أرجو أن تكتب لي على بريدي المدون في التوقيع أدناه لحل المعضلة .


وُدّي

ـــــ
انا في البعيد مشتاق لهمسة من الوطن يانسمة
[email protected]

الاخ لؤي
تحياتي وكل مودتي

ياك انت المعني..ومين براكا..لك شكري علي الاستجابة والنجدة..ساوافيك علي البريد المدون ادني المداخلة..ان شاء الله..

صادق محبتي

يا اخوانا صورتي الخايفين منها دي..ليكم امان الله ما بلصقا ليكم..بس وروني ..كيف احمل الصور في قلب البوست..ولكم الشكر..يلا اتحركو قبل ما اصوتا تاني..

الأخ سيف
تحيّة

أرسلت لك إيميل صباح اليوم ، ولم يصلني منك أيّ رد .. لذا سأحاول الشرح هنا ، وطوّل بالك معاي .



ـــــ
انا في البعيد مشتاق لهمسة من الوطن يانسمة
[email protected]

Quote: بكري ابوبكر..لؤي..دكتور:النور حمد..واهل المروة..الحقوني ..الحقوني..الفزع يا اهل البورد

الحبيب الغالي : ود عوج الدرب

كوراكك أناهنا سمعتو !!!!!!!!!!!!.

نان انت وكتين ندهت العالم دي كلها مالك ما ناديتني عشان كان اسقط ليك حجرها

لا يوم القيامة تاني ما تلم فيها !!!!!!!!!.

بعدين أنا غايتو ما بعرف لكن بكري دا الا ترقد فطيسة حتى يسمعك

لكن انت حي ما أظن حتى لو تكورك للسنة الجاية !!!!!!!!!!!.

المهم شوقنا شواويل شواويل .. وانا شايف جيش من أهل الفزع هب لنجدتك ..وان شاءالله

يحرروك من التوهة ويطرودوها من كمبيوترك طردة حزب الله لي عساكر اسرائيل من جنوب

لبنان!!


مشتاقك أبدا / خضرعطاالمنان

خضر عطا المنان
تحياتي

شكرا علي الفزعة..رغم انها كانت لصديقك..ود عوج الدرب..المهم انت راجلا فيك مروة وشهامة..وصراحة بكري ما قصر..اول الذين اتو للفزعة..وكمان جا من باب البيت الجواني(بريدي الالكتروني)..يعني ما من باب الديوان..باقي الزول سيد بيت..والحمدلله طلب الصورة وارسلناها له..وربنا يوفقو يوريكم صورتي..ان شاء الله تعجبكم ..وتكون قدر التوقعات..خاصة بعد الهلولة والزيطة الحصلت دي..عموما ان شاء الله ما نجيكم في شينة
لك المودة
سيف الدولة احمد خليل

كخطوة أولى ، تقوم بالضغط على الزر أعلى صفحة المنبر والمكتوب عليه (( تحميل الصور )) ، كما هو موضّح في الصورة أدناه .





ـــــ
انا في البعيد مشتاق لهمسة من الوطن يانسمة
[email protected]

بعد الخطوة الأولى أعلاه ستظهر لك الصفحة الموضّحة في الصورة أدناه ، وعليك بالضغط على الزر الموضّح بالدائرة الحمراء ، مع ملاحظة أنّ اللغة تختلف بإختلاف لغة الويندوز في جهازك ..





ـــــ
انا في البعيد مشتاق لهمسة من الوطن يانسمة
[email protected]

بعد ذلك ستظهر لك صفحة في جهازك كالصورة التالية ، ومن القائمة الموضّحة بالسهم الأحمر تختار مكان تواجد الصورة التي تريد تحميلها ، وبعد إختيار الصورة تقوم بالضغط على الزر الموضوعة عليه الدائرة الحمراء ..

لاحظ ان الصورة لابد أن يكون مقاسها على الأكثر 65 كيلوبايت لا أكثر ..





ـــــ
انا في البعيد مشتاق لهمسة من الوطن يانسمة
[email protected]

والآن بعد إختيار الصورة تقوم بالضغط على زر التحميل الموضّح بالدائرة الحمراء ، وتنتظر النتيجة حتّى يكتمل التحميل ..





ـــــ
انا في البعيد مشتاق لهمسة من الوطن يانسمة
[email protected]

بعد إكتمال عمليّة التحميل سترى الصفحة التالية ..





ـــــ
انا في البعيد مشتاق لهمسة من الوطن يانسمة
[email protected]

والآن إلى الجزء الذي يتسبّب في عدم إظهار الصورة رغم نجاح عملية التحميل ..

بعد الخطوة السابقة ، تقوم بتظليل الرابط تماماً كما هو موضّح في الصورة التالية وهي الطريقة الصحيحة






المهم جدّا هو التأكّد من أن التظليل يتم بشكل صحيح ودون زيادة أو نقصان في مساحة التظليل .. والصورة أدناه فيها مثال يوضّح التظليل الخاظئ والذي يمتد خارج إطار الرابط كما توضّحه الدائرة الحمراء وهي طريقة خاظئة للتظليل



لاحظ الفرق بين الصورتين


ـــــ
انا في البعيد مشتاق لهمسة من الوطن يانسمة
[email protected]

بعد عمليّة التظليل مباشرةً تقوم بالضغط على زر (( ملفّك )) والذي يظهر في الصورة التالية ، توضّحه الدائرة الحمراء ..



لاحظ أنّك لابد أن تكون أون لاين حتّى تتمكّن من الدخول لملفّك .


ـــــ
انا في البعيد مشتاق لهمسة من الوطن يانسمة
[email protected]

بعد الدخول إلى ملفّك ، تنزل أسفل الصفحة وتلصق في المكان الأبيض الموضّح في الصورة التالية بالدائرة الحمراء ، تقوم هناك بلصق الرابط الذي قمت بنسخه من قبل .. ولا بد من مسح كل المكتوب داخل المساحة البيضاء قبل عمليّة اللصق ..





ـــــ
انا في البعيد مشتاق لهمسة من الوطن يانسمة
[email protected]

بعد عملية لصق الرابط ، تقوم بتظليل عبارة (( اسم ملفك )) ، ويجب أن يكون التظليل صحيحاً كما أوضحت في السابق ، وكما في الصورة أدناه ..



إستعمل الاسهم اليمين واليسار في الكيبورد للبحث عن عبارة (( اسم ملفك )) في الرابط .


ـــــ
انا في البعيد مشتاق لهمسة من الوطن يانسمة
[email protected]

والآن ترجع للصفحة التي نسخت منها الرابط فيما سبق وتنسخ إسم صورتك الذي توضحه الدائرة هنا ، وتلصقه مكان عبارة (( إسم ملفك )) التي ظللتها في السابق .. أو يمكنك بدلاً عن ذلك كتابة إسم الصورة تماماً كما في جهازك بدلاً عن عبارة (( إسم ملفك )) .. ولا تنسى وضع النقطة بعد الصورة وعبارة (( jpg )) تماماً كما هي في صفحة نجاح التحميل مع ملاحظة انّها قد تُكتب بالحروف الكبيرة (( JPG )) أحيانا ويتحكّم في ذلك مقاس الصورة ونوعهاً .. لذا يجب نقلها كما هي من رسالة نجاح عمليّة التحميل كما في الصورة أدناه ..




بعد عملية اللصق تقوم بالضغط على عبارة (( Change Profile )) ، وهكذا تكون العمليّة قد إكتملت وستظهر الصورة التي قمت بتحميلها في بروفايلك ..


سأعود لشرح عمليّة تحميل الصور في الموضوعات حيث تحتاج لكود محدّد لإظهارها ..

ـــــ
انا في البعيد مشتاق لهمسة من الوطن يانسمة
[email protected]

الأخ الفاضل لؤي

شكرا جزيلا للشرح الوافي والذي هو لفائدة الجميع

فقط أخبرك أنني حاولت هذه الطريقة بحذافيرها لأكثر من عشرين مرة ولم تنجح معي وفي النهاية إضطررت للإستعانة بمواقع متخصصة في تحميل الصور ..

أعتقد أن طريقة المنبر هذه معقدة نوعا ما لذا أنصح السائل بالإستعانة بمواقع تحميل الصور المتخصصة حتى لا تحدث له إشكالية كما في حالة السائل

ولكم الشكر

الاخ ناذر خليفة

تحياتي

شكري علي المرور..والاضاءة المفيدة..لقد حاولت انا ايضا علي النحو الذي تفضل به الاخ لؤي..ولم افلح كما لم يفلح غيري..واتفق معك ان طريقة التحميل في البورد بها بعض التعقيد..
حاولت التحميل من مواقع اخري ..ايضا فشلت..سأحاول مرات أخر..وسأستفيد مما تفضل به الاخ لؤي..

تشكراتي وكل مودتي

الأخ ناذر

المشكلة تكون دائماً في واحد من أمرين إثنين فقط لا غير .. يجب أولاً أن تكون الصورة مطابقة لشروط التحميل من حيث المقاس والنوعيّة وهذا شرط لايمكن نجاح التحميل دون توفّره .. والأمر الآخر هو الدقّة المتناهية في عملية التظليل والنسخ واللصق ، وهو الأمر الذي يعتقد البعض أنّه ليس بذات أهميّة ، أو أنّه قد تمّ تنفيذه بالشكل الصحيح ، لكن أقل خطأ صغير في التظليل والنسخ واللصق يتسبب دوماً في مشكلات أغلب الناس هنا مع عمليّة تحميل الصور .

لك الشكر

ـــــ
انا في البعيد مشتاق لهمسة من الوطن يانسمة
[email protected]

الاكرم لؤي
تحياتي وصادق مودتي
*اشكرك علي المجهود الوافر الذي بذلته هنا
*بعثت لك برسالة علي الايميل الموضح ادني مداخلتك..حال قراءتها..اين ضل سبيله؟
*ذات الخطوات التي اوردتها اتبعتها بحذفارها ..عشرات المرات..ولا نتيجة ايجابية..داخلني شك في قدراتي وخبراتي..استعنت بالمدام التي تعمل بتدريس الحاسوب..وبمهندس كمبيوتر بدرجة خبير..وثلاثتنا فشل في الوصول الي النتيجة المرجوة..ربما كان الخطأ في التظليل..علي اي ..سأعاود مرة اخري..
*ارجو افادتنا بتحميل الصور..التي تأتي كموضوع في قلب البوست ..
*بعثت بالصورة الي الاخ بكري ..ويبدو ان محاولات قد جرت..فقد اختفي ذاك المربع اللعين..نرجو له التوفيق

لك محبتي

سيف الدولة احمد خليل

الاكرم لؤي

تحياتي ومحبتي

الله لا جاب يوم شكرك..تراني ممتنا لك بلا حدود..لقد نجحت ..في انزال الصورة في البروفايل..لكني اراها اكبر مما ينبغي ..يعني ما بتشبه صور الناس..اها في طريقه يصغروها ولا لا..تجدني منتظرا علي المتقد من الجمر ..لحصة اخري في تحميل الصور في قلب البوست..

اكون ممنونك ..وتلميذك كمان..اخي الحبيب

الأخ سيف
تحيّة

سعيد انا لنجاحك في تحميل الصورة .. سأساعدك في تصغير الصورة الآن وسأعود للشرح لاحقاً .. قم بالدخول إلى بروفايلك أو ملفّك كما سبق لتغيير عنوان صورتك ، ولا تقم بمسح عنوان الصورة كاملاً كما فعلنا من قبل ..

عنوان صورتك الحالي هو (( Saif13.gif )) ، قم بتغيير الرقم 13 إلى 15 فقط لاغير وقم بعد ذلك بالضغط على زر (( Change Profile )) يعني إستبدل فقط الرقم 3 برقم 5 ..


هذا حل سريع لمشكلتك في تصغير الصورة وسأعود للشرح التفصيلي لبقية القضايا .


وُدّي
ـــــ
انا في البعيد مشتاق لهمسة من الوطن يانسمة
[email protected]

أها يا سيف لؤي ما خلا ليك حاجة. عمل ليك كتلوج عديل.
بعد ما شفنا صورتك، بعد خمس وعشرين سنة - ما شاء الله تبارك الله - عايزين نشوف صور خورطقت العندك. ونحن في الإنتظار.

حبابك دكتور النور

والله الزول دا ..زي ما بقولو اهلنا ناس كردفان..نجي..يض (النقاط لزوم المد) نجاضتن ما متلها نجاضة..يعني لؤي ولدا نجيض مو ني..اها الناس زمان قالو ..من علمني حرفا صرت له عبدا(لا تستخدم الفكرة الجمهورية في موضوع حروفي دا)..اها جنس العلمني ليهو لؤي دا..شيتن اكبر من الحرف..وجماعة زمان كان حضرو ما عارف ..كان سووني شنو لي لؤي..علي اي انا سعيد ..ان عدد اساتذتي في البورد قد زاد واحدا..رغم ان وجودهم هنا..يكتفني..يعني مافي انطلاقة ..استاذي العزيز..سعدت بتقريظك للصورة ..للؤي القيام ووافي التبجيل..

الأخ الأكرم سيف
تحيّة طيّبة

أرى أن الأمر قد أصبح يسيراً عليك الآن ، ممّا سيسهّل من فهم الشرح الذي أراه أحياناً لايفي بالحاجة وقد يصعب فهمه إن كان/ت المتلقّي/ة غير راغب/ة أو غير معتاد/ة على التعامل مع الكمبيوتر ..

بكل الوُد أفضّل أن تناديني بإسمي لؤي دون أيّ حاجة لإطلاق لقب أستاذ عليّ ، فلست بأستاذ في هذا المجال ولم تسبق لي دراسة الكمبيوتر ، وكل ماأعرفه عنه هو مجرّد إجتهاد شخصي ، وشاكر انا لك هذا الإعتبار ..


وُدّي
ـــــ
انا في البعيد مشتاق لهمسة من الوطن يانسمة
[email protected]

نواصل ..

لوضع الصور في قلب الموضوعات ، نتّبع نفس الخطوات السابقة لتحميل الصور من الجهاز للموقع ، ولكن دون الحاجة إلى الدخول للبروفايل ..

بعد عمليّة التحميل والحصول على رابط الصورة كما هو موضح في هذه الصورة

نقوم كما سبق بتظليل الرابط ونسخه بشكل صحيح كما أوضحت فيما سبق ، ثم تأتي خطوة نقل الصور لموضوع بوست ..

يتم تحديد مكان وضع الصورة في الموضوع المعني ، ثم يتم فتح وقفل قوسين بهذا الشكل [][] .. والقوسان موجودان في الكيبورد العربي تحت حرفي الباء والياء وذلك بإستخدام الشيفت (( SHIFT )) ، بعد وضع الأقواس نقوم بكتابة هذه الحروف داخل الكود الأول والذي يقع ناحية اليمين ، والحروف هي IMG وهي إختصار لعبارة IMAGE ، ويجب وضع الحروف الثلاثة تماماً بين القوسين لتبدو هكذا [IMG] ثم ننتقل للكود الثاني الموضوع ناحية اليسار ونكتب داخله الشرطة المائلة لليمين هذه / وبعدها نفس الحروف الثلاث IMG مع ملاحظة كتابة الشرطة أولاً ثم الحروف لتبدو هكذا /IMG بعد كتابتها مع ملاحظة وضعها بين القوسين [] ..

وبعد ذلك نقوم بلصق رابط الصورة الذي قمنا بنسخه من قبل بين الكودين ، مع ملاحظة التركيز التام في عدم وجود زيادة أو نقصان قبل وبعد الرابط وأن يكون النسخ واللصق بشكل صحيح ..

بهذا تكون الصورة جاهزة للعرض في المكان المحدد ، وأي خطأ في التظليل والنسخ واللصق قد يؤدّي لعدم ظهور الصورة ..

وضعت مثالاً لشكل الكود كامل في عنوان مداخلتي هذه ، وبالرجوع لعنوان المداخلة أعلى المداخلة هنا يمكن رؤية شكل الكود والرابط كاملاً كمثال .


ـــــ
انا في البعيد مشتاق لهمسة من الوطن يانسمة
[email protected]

استاذي المبجل لؤي
تحياتي وصادق محبتي

اسمح لي ان امنحك لقب استاذي..يعني في سرج واحد مع دكتور النور حمد..بمثلما سعدت بنجاحي..فأنا سعيد بهذا التتلمذ الاسفيري..وهذا يجعل لك ميزة علي استاذي الباهر النور محمد حمد..ساحاول تطبيق الحصة عملي..يا رب النجاح..سأكون معك عبر هذا البوست وعنوانك البريدي ..فهنالك كثير نأمل في تعلمه..واظن ان مثلي كثر ..فلا ضير ان كانت الحصص(علي الهواء مباشرة)..حتي تعم الفائدة..لو نجحت اليوم..ناس البورد امانة ما تعبو معاي ..ما اخلي صورة الا الصقا ليهم..يعني فش غباين..قول عندي صور كدي ..وانا عريس..بعد ما لعبن فيني الخالات والعمات..سووني زي المهراجا الهندي..ورغم كدا الصور دي عاجباني عجب شديد..لانهن يوثقن لانهزامي امام المؤسسة التقليدية وسلطة الحبوبة والعمة ،الخالة..علي اكبر كبير..يجيبو يمسحوه بحاجات عجيبة..ويلبسو مصايبا ..فرج الله،سوميت،يسر،قرمصيص،سرتي ويشيلو سيف كمان..وقدر ما يطنطن ..يسو فيهو حاجة زيادة..طبعا لو بقت ما ممنوعه بقوانين الحبيب بكري..وبعد اذن استاذي النور واستاذي لؤي..اعذب بيها ناس البورد عذاب..آسف للهترشة والطرطشة كما تقول تماضر..

لك القيام ووافي التبجيل

الأخ سيف

قمت بشرح كيفيّة وضع الصور في الموضوعات ، ومستعد للمساعدة إن صعب الأمر ، وسأعود بالمزيد .. يلاّ فرّجنا في الصور ، شوّقتنا .



ـــــ
انا في البعيد مشتاق لهمسة من الوطن يانسمة
[email protected]

الحق يا لؤي ..مشيت غيرت الرقم 3 الي 5 كما تفضلت..جاتني صورة لا في الحيرة لا في الديرة..ويبدو انني افهم ما حدث..لاني محمل في جهازي مجموعة من الصور ..وبارقام متسلسلة..فيبدو حينما غيرنا الرقم اتي بمتسلسل آخر لصورة اخري ..وكان ما كان ..وصراحة احترت ..اي الصورتين انسب للبروفايل..واحترت في كيفية الخروج من هذه الورطة ..او كما يقول المثل ..(كترة بين)..علي اي سنبقي علي هذه الصورة الي حين ..ما توضح لنا التصغير بصورة تفصيلية ..ونأسف اننا اثقلنا عليك..لا ادري ان وضعت الرقم 3 مرة اخري ..هل سيعود بي الي الصورة الاولي ام لا..

لك المودة

الأخ سيف
تحيّة

رجائي لو سمحت مراجعة كلماتي السابقة هذه ليسهل فهم ماكنت أعني وليُفهم التوضيح مرّة أخرى بشكل سليم

Quote: عنوان صورتك الحالي هو (( Saif13.gif )) ، قم بتغيير الرقم 13 إلى 15 فقط لاغير وقم بعد ذلك بالضغط على زر (( Change Profile )) يعني إستبدل فقط الرقم 3 برقم 5 ..

لاحظ كلمة (( gif )) .. انت ياعزيزي لم تقم فقط بتغيير الرقم 3 إلى الرقم 5 ، لكنّك قمت كذلك بتغيير رمز الصورة السابقة المصغّرة من gif إلى jpg وهو الشئ الذي أدّى إلى ظهور صورتك الحاليّة والتي قمت انت بتحميلها وهي تحمل الرقم 15 لكنّها تحمل الرمز jpg وليس gif ولذا ظهرت هذه الصورة بدلاً عن القديمة بشكلها المُصغّر ..

والآن سأشرح شئ بسيط .. صورتك السابقة الكبيرة رقمها 13 ورمزها gif .. وهي نفسها لكن في شكل صغير رقمها 15 ورمزها gif .. أمّا صورتك الحاليّة الكبيرة هذه فرقمها 15 ورمزها jpg ، وهي نفسها هذه الجديدة ولكن بحجم أصغر رقمها 16 ورمزها jpg ..

لذلك عليك الآن إختيار الصورة التي تريدها وفقاً للتوضيح أعلاه ، ولكي تكون الصورة أصغر وذلك أفضل لأن الصورة الكبيرة تشوّه شكل الصفحة ، لذا يجب أن تختار صورة أصغر .

وُدّي
ـــــ
انا في البعيد مشتاق لهمسة من الوطن يانسمة
[email protected]

شكرا لؤي ..الحمدلله الامور ظبطت..اي الصور ..تشوقت لها؟؟..الصور الفلكولورية..ام صور خورطقت؟؟..ان كانت الاخيرة فسأحملها في بوست..من هو ديمقراسي..وان كانت الفلكولورية فسآتي بها هنا ..ان شاء الله..عاجز عن شكرك استاذي العزيز..علي فكرة انت في السويد..والسويد دي عندي فيها صاحبا عزيز بلحيل ..ما عارف ليه طريق..وهو قديم هناك درس فيها وحضر الدكتوراة..دفعتي(ود فصلي) وزميل دراستي في خورطقت..وكمان بلدياتي..اسمه مجدي امين سيد احمد قريش..ان شاء الله تكون عترت فيه..

الحبيب لؤي
تحياتي
تراني ما عندي عوجة تب..اول محاولة نجحت فيها..وربنا يهون علي الباقي..اسفت كثيرا ان بعض الصور التي كنت اتشوق لعرضها كان اكبر من الحجم المحدد..خاصة الصور الفلكولورية خاصتي..وكذلك بعض الصور خاصة خورطقت والتي اراها مهمة في بوستي الآخر ..من هو ديمقرسي..اها يا خوي بكري ما عندو لينا زيادة..واللا انت ما عندك لينا بصارة..

مودتي وصادق المحبة

أبو السيوف
مبرووووووووك

والله ماعندك عوجة تب .. طبعاً يوجد حل لضغط الصور وتصغيرها حتّى تتمكّن من تحميلها بعد ذلك ، لكن الشرح يحتاج منّي لعمل صور كالصور التوضيحيّة أعلاه ، لذا ستحتاج المسألة لبعض الوقت ..

في رسالتي البريديّة إليك طلبت منك رقم هاتفك ومكان تواجدك ، لكن لم يأتيني منك رد لذلك قمت بالشرح هنا ..

يمكنك إضافتي في الماسنجر وتحديد وقت يناسبك لأشرح لك الأمر بسرعة قبل العودة لشرح الأمر للجميع بالصور .


مبروك تاني
ـــــ
انا في البعيد مشتاق لهمسة من الوطن يانسمة
[email protected]

شكرا لؤي..بخصوص التلفون والعناوين كلها موجودة في البروفايل..وحبابك الف..واليك صورة فلكولورية..ومؤكد ان صاحبها..ليس الخليفة عبد الله ود تورشين..ولا يونس الدكيم ..ولا حتي ود النجومي..دا انا ذاتي ..بعد ان فعلت بي المؤسسة (الحبوبية)الاعاجيب..وهي هدية خالصة لك..هذا ان لم تعتبر مخلة بالآداب


ولك المودة

Quote: واليك صورة فلكولورية..ومؤكد ان صاحبها..ليس الخليفة عبد الله ود تورشين..ولا يونس الدكيم ..ولا حتي ود النجومي..دا انا ذاتي ..بعد ان فعلت بي المؤسسة (الحبوبية)الاعاجيب

يعني بعد ديل كلّهم طلعتَ ود حبّوبة !!

شكراً على الإهداء ، وهديّة مقبولة من زول عزيز ..

الأخ سيف أرجو أن تبعث لي بأرقامك على بريدي إن لم يكن في الأمر مضايقة .. لي سياسة أتّبعها بعدم الدخول إلى أي بروفايل ، وذلك لخط سير أتّبعه بدقّة ..


شاكر لتفهّمك
ـــــ
انا في البعيد مشتاق لهمسة من الوطن يانسمة
[email protected]

شكرا لؤي ومرحبا..الآن بعثت لك برسالة فيها ما طلبته من معلومات وزيادة

لك مودتي

أرشح هذا البوست لنيل جائزة أطرف بوست بجدارة
وشكرا على هذه الضحكة التي رسمتوها على شفاهنا هذا المساء

Quote: خاصة الصور الفلكولورية خاصتي

عليك الله يا لؤي ساعد الزول ده كويس
أنا في أشد الشوق لرؤية كل الصور الفلكلورية الزي دي
حاجة جميلة جدا
ويا سيف يديك العافية ويبسطك

ده انت كده دخلت عالم تاني

دقر يا عين

حبوباتك يا عشاي ما بدورن وصف من قول
شوف كيف ضمخنك زينة وحرير يتلاصف المغزول

بنه بنه بيه يا بينة يا بنينه بيه يا بينة

صورتك يا عشاي لما يكون السيف فوق الكتف محمول
سلطان زمانك عرشك ذهب ضوك نجف يا قائد الأسطول

بنه بنه بيه يا بينة يا بنينة بيه يا بينة


اوعك تكون زعلت هه

الحبيب المسافر
تحياتي
شكرا علي الزيارة..يا خوي البزعلني شنو ؟الله لا جاب الزعل..واشكرك علي الكلام الجميل..هذه الصور التي اسميها فلكولورية..تبدأ حكايتها بالرفض من جانبنا نحن المثقفاتية..وبعدها جبرا بخاطر الام والحبوبة..ثم التسليم الكامل ..يبدا المسوح ..والتضميخ بالعطور..الواحد يطنطن..تنط العمة وتحلف بشيخا الا تلبسك الهلال..وواحدة من الخالات..تحلف باولادها تعمل الضريرة..والحبوبة بلهجة آمرة يجيب رقبتك البس سبحة اليسر..واحدة اخري السوار ..تطنطن..عمة حبوبة جدك..تنط وتقول عوايدنا بتقول العريس..لازم يعملو ليه الجبيرة ويربطو لي الحريرة..وحبوبتك ام امك..تنكت ليها مصيبة كدا اسما السرتي..خلي بالك دا بلبسو للعريس وبغطو بيه الميت..وعند معرفتك بحقيقة انو بغطو بيه الميت..تفرنب ..تلقي الحريم ديل كلهن عيونن حمرن وينهشنك نهشة كلب..تلبس السرتي ..تقول الحمدلله ..الله حلاني ..واحدة تانية تنكت ليك قرمصيص ما عارف من اي تلافيف..وبرضك ترضي..وانت قايم..تجي واحدة ركبا بالجنبة ومشي ما قادرة تمشي ..وكلام ما قادرة تتكلم ..ترجف زي عربية الجاز..تكون كارة ليها سيف..تقول ليك دا سيف جدك الحارب بي مع المهدي..تشيل السيف ..وشكلك يكون بقي مهراجا..وتقول كدي الدلوكة..تتخمج..دبل دنق دبل دنق..العباطة والهاشمية ما تخليك..تنقز وتعرض زي قرد الطلح..يجن المكعكعات ديل كلهن..يقولن يلا نمشي تقطع الفرع..كان ما قطعتو بيحصل شنو وشنو..والغريبة انت تخاف من البحصل..وتمشي تقطع الفرع ..وما يخلوك لامن يسلموك..لعواجيز نسابتك وداك موال آخر..طبعا الهزيمة ومسيرة التنازل ..تبدأ من مدة الايد لختة الحنة..من مديت ايدك ..سجمك تاني الحاجات بتفنن فيل زي ما دايرات..الا فعلا الواحد بدخل دنيا..والما ضاقو ان شاء الله يضوقو..

زولة23

تحياتي وكل مودتي

سعدت بمرورك..فعلا هذا البوست من البوستات الطريفة..بدأ استغاثة وانا ابكي (جد..جد)..علي ذكريات عزيزة كتبتها ارتجالا وبدا لي انها ضاعت..وتحول الي فزعة ومواساة..ثم الي دروس معتبرة في تكنولوجيا تحميل الصور..ثم دردشة..ولا ادري الي اين يصل..وطالما انك سعدت به وبالصورة الفلكولورية..ان شاء الله لك المزيد..بعد حصة..تصغير الحجم..والي ذلك الحين لك كل المشاعر الطيبة..

الأخ سيف
أين هي باقي الصور (الفلكلورية) ؟؟؟
انت غشيتنا ولا شنو؟

لا حولاااااااااااااااا..دا نكتي من وين؟؟؟

تحياتي الاخت زولا..وعلي الوعد سوف انزل الصور التي وعدت بها..وما تأخرت الا لانشغالي ببوستي الآخر..وزحمة العمل..والبيت ..ووو...ربنا ييسر علينا..وانا علي وعدي ..ان شاء الله