دكتورى الخواجه !

ولكن وجدت نفسي معتقلاً منذ الأول من أبريل 2004م ولمدة ثلاثين يوماً مع الأشغال الشاقة في سجن تحت الأرض على الحدود الغربية لأرتريا بعد رحلة طويلة بشاحنة مرسيدس من أسمرا. وصرت مهدداً للأمن القومي الأرتري (لأني قلت لا للتدخل الأرتري في شئون التحالف) ومتجسساً على التجمع الوطني الديمقراطي لصالح السفارة السودانية بأسمرا وغيرها من الاتهامات التي ظلت ترددها أبواق الجبهة الشعبية عبر ممثليها السودانيين الأصل.
دا الكلام الكتبو أمير بابكر عبدالله بعنوان مشاهدات سوداني في معتقلات الجبهة الشعبية (للديمقراطية والعدالة) ... ومرت المسالة كدا ساى لا فى زول قال للراجل هاردلك لا فى زول قال ليهو معليش لا فى زول هبب ليهو حتى رغم انو فى جماعة هنا جنها شجب وادانات ومذكرات وكتابة عرضحالات اى حدث يقع بس ها تعالو وقعوا ابصموا امضوا هنا العندو حزب والعندو جماعة والعندو فصيل والماشى ساااااااااااااى مطلق ايديه بس تجى وترمى ليك كلمة كلمتين ... طبعا دا لو كان الزول المقصود دا عندو كيس مع الحكومة ولا النظام لكن لمن يعملوها الناس التانيين زى ما يقول هريدى خلاص مطره وتصب فى الروس مافى زولا يجيب خبر ما زمان ناس جيش الامة ديل كان عندهم جرحى واسرى وناس متضررة ولمن جا اتفاق نداء الوطن بين الحكومة وحزب الامة الحكومة الوهم دى والبتشتموها كل يوم انصار وما انصار دى زاتها دفعت شوية وشويات عشان الاتفاق يمشى لقدام ولانو ناس حزب الامة قالو عاوزين خسائر ناسهم فى جيش الامة الكان قائده الملازم عبد الرحمن الصادق شخصيا وبرتبو الصغيرة حلف وقسم انو يكون قائد وجنرال رغم انو فى ناس اكبر منو فى السن وفى الرتبة فى المعارضة ، المهم الحكومة دفعت والحزب استلم وشيل خت شيل دق القروش دى لا مشت لمهاجرى ولا عسكرى فى جيش الامة واتحلست وين مافى زول قام سال وقصص كتيرة لمن تجى على ناس هنا تسكت ولمن تكون ما عليهم يقدو اضان زوار المنبر دا بالجوطة ، بعدين يا جماعة فى ناس هنا والله بتقنبلها ... بوووووووووووم ... يعنى شوف الزميل محمد سليمان قال فى موضوع بقال شنو قال ليهو رايس وزيرة الخارجية الامريكية زاتها متابعة موضوعك وحتنظر وتبت فيهو والله ماشية معاك طراوة يا بقال لكن بالله يا محمد سليمان هى رايس دى وكت حنينة كدا ما تشوف عيال الناس الماسكهم فى كوبا وغونتنامو بلا سبب وبلا جنيه ولا تشوف مروان البرغوثى المربوط لى هسة فى السجن بتاع اسرائيل وكمية بتاع ناس كتار لى هسة محجوزين فى مليون بلد ... وكمان قال ليهو حنترجم عبر زول مقالاتك وقال ينشروها فى جريدة كدا ما عارف من جرائد امريكا ودكتورى الخواجه ..الغنية ... والله الترطيبة والشهرة ما عندك يا بقال توماس فريدمان عدييييييييييييييل لكن حاسب وما تترجمو بتاعة ابو نارو شيوعى ديك ... سمح ..
المهم ... يا جماعة لا لتوقيف اى زول بشان يتعلق بحرية تعبير ولا اتخاذ موقف بطرق سلمية لكن الاهم من دا انو الناس تحترم عقول الناس وما تفكها وتشوتها كدا ...براحة علينا كفاية علينا غش كان من الحكومة ولا المعارضة خلونا نشوف لينا مقعد صدق فى دواخلنا ... ولا شنو يا جماعة وصدقونى انا اهين لك الرضا العام زى ما يقول ود المكى ... وعلى ليلى يطول اساك منتعلا وسامة قلبك الشاعر مطرود امام الريح محتملا جراحات الهوى الخاسر ... يلا ختو اى اسم

حجرك سنين يا سعادة العميد...
تحالف/أمة/شعبي....و معاها فوق ده تمريكا..

كوستاوى ...
بالمناسبة الصورة معبرة .... ادعو للاستاذ الخاتم عدلان بالسلامة

Quote: هى رايس دى وكت حنينة كدا ما تشوف عيال الناس الماسكهم فى كوبا وغونتنامو بلا سبب وبلا جنيه ولا تشوف مروان البرغوثى المربوط لى هسة فى السجن بتاع اسرائيل

ماألعن من التركي الا المتورك
تور بقر جواميس مسلم عربي!!
يا واد اتكلم مرة عن قارتنا السمراء!!

Quote: دكتورى الخواجه !

شئ ردحي وشئ زار!
سبعة صنايع والبخت ضايع!
جني