Post: #1
Title: حكومة البشير تعتزم الحوار مع أعدائها التاريخيين..
Author: حسام يوسف
Date: 04-17-2005, 01:56 PM
Parent: #0
نقلا عن الشرق الاوسط :-
كشف الرئيس السوداني عمر البشير ان حكومته تعتزم فتح حوار مع العدو التاريخي للاسلاميين الحزب الشيوعي السوداني المعارض بعد ظهور سكرتيره العام محمد ابراهيم نقد اخيرا فهل الحزب الشيوعي علي استعداد لذلك .......................
|
Post: #2
Title: Re: حكومة البشير تعتزم الحوار مع أعدائها التاريخيين..
Author: nour tawir
Date: 04-17-2005, 09:58 PM
Parent: #1
حكومة عمر الشير اليومين ديل تتفاوض مع الجن الازرق ذات نفسه
وفى عقر داره
خليك من الحزب الشيوعى السودانى
انت بتلعب ولا شنو؟
|
Post: #3
Title: Re: حكومة البشير تعتزم الحوار مع أعدائها التاريخيين..
Author: abuguta
Date: 04-17-2005, 10:53 PM
Parent: #2
الاخ حسام
لو عملت ليك حزب اليوم الحكومة سوف تتفاوض معك طال ما هم قاعدين فى الكرسى
Quote: خليك من الحزب الشيوعى السودانى
انت بتلعب ولا شنو؟ |
نورتاور احيك يامناضلة
تعرفى اول امس كنت بحضر فى برنامج سامى حداد على الجزيزرة
فضيف البرنامج من الدوحة واظنه شعبى
قال عبارة جميلة لقطبى المهدى المستاى من الوضع المتردى او الخائف على كرسيه او محكمة لاهاى...قال له بنص العبارة انت تتفق معاى ياسيد قطبى ان الحكومة شغالة- رزق اليوم باليوم
فعلا عبارة عجبتنى وجسدت واقع الحكومة الحالى...عاوزة تطول عمرها باى صورة
ولقدام
|
Post: #4
Title: Re: حكومة البشير تعتزم الحوار مع أعدائها التاريخيين..
Author: محمد صلاح
Date: 04-18-2005, 00:12 AM
Parent: #3
إزيك يا حسام
في حكومة عاوزا تفاوض شخص تروح ليهو البيت بقوة مدججة بالسلاح
وبرئيس ونائب رئيس جهاز الأمن ؟ يعني مش كان احسن تمشي ليهو بوزير سياسي مثلا !
الحزب بينو وبين الحكومة نهر من دماء الشهداء شيوعيين وغير شيوعيين وطنيين ساكت كدا
كتلتهم الحكومة أخرهم الأخ الطالب خالد من مؤتمر البجا زي ما قريت هذا الصباح قبال
قهوة الصباح يطالعك خبر يسمم عليك وطنك !
الحزب عندو لجنة اتصالات سياسية وفعليا الحكومة كانت بتحاور فيهم او بمعنى أصح تعتقلهم وتستدعيهم في جهاز الأمن وتحاورهم انا قريت في جريدة الميدان عشرات المرات انو الرأي والموقف
في الحكومة ما بطلع من أفراد حتى لو كان الاستاذ نقد زي ماهو نفسو قال بطلع من هيئات زي هيئة الاتصالات السياسية والسكرتارية واللجنة المركيزة and so
مع ذلك الحزب يقبل بالحوار لانو ارتضى الحل السياسي الشامل زيو زي احزاب المعارضة من مؤتمر مصوع
لأنو كان شايف من سنة 99 الحاصل الليلة والمخرج الوحيد ليو مؤتمر دستوري يؤسس لسودان الجميع وليس حوارات بالتجزئة وحسب الطلب والمحاولات البائسة البتقوم بيها الحكومة من شرا وشق صفوف الأحزاب واعتقال واغتيال كوادرا وتجي ببراءة الابالسة تقول ليك عاوزا حوار
حققوا شروط الحوار ومتطلباتو في الأول والحوار ما بكون في التصريحات في الصحف بالذات لصحفيين اجانب والحوار ما بكون بالرقيص من منصات عامة وقدلة يا لاهاي حافي حالق
|
Post: #5
Title: Re: حكومة البشير تعتزم الحوار مع أعدائها التاريخيين..
Author: حسام يوسف
Date: 04-18-2005, 05:30 PM
Parent: #4
| Quote: نقلا عن الشرق الاوسط :- |
عزيزي محمد صلاح
لقد كان الموضوع نقلا عن جريدة الشرق الاوسط ولم يكن راي خاص اوحتي راي الحزب الشيوعي وانماراي الحكومهولقد نقلت ما قريت ولك مني العتبه
|
Post: #6
Title: Re: حكومة البشير تعتزم الحوار مع أعدائها التاريخيين..
Author: حسام يوسف
Date: 04-19-2005, 04:18 AM
Parent: #5
up
|
|