Post: #1
Title: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: rani
Date: 04-17-2005, 11:18 AM
ودي راني السماني
|
Post: #2
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: معتز تروتسكى
Date: 04-17-2005, 11:40 AM
Parent: #1
خالص التحايا
الزميل العزيز رانى ..
ياااااااااااااااه
ياصديق..
كغينك والحاله عموم..
هذه من افضالك علينا..
عشت نبيلا..
وسلامى الى كل الشباب المعاك ..
والى العزيزه سلوى نكمل لك الصوره..
بالقصيده
قزازة دم
كلمات : محجوب شريف
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
|
Post: #3
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: rani
Date: 04-17-2005, 11:45 AM
Parent: #1
قزازة دم
للشاعر : محجوب شريف
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
****
.
.
* * *
ودي راني السماني
|
Post: #4
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: rani
Date: 04-17-2005, 11:50 AM
Parent: #3
هههههه لكن لقيتك
شوف بالله.. في نفس اللحظة الانا رسلت فيها النص انت نزلتو..
.
.
كنت متوقعك يازول يا زين
.
.
ودي وكل ما تيسر من قرآن المصطفي
|
Post: #5
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: معتز تروتسكى
Date: 04-17-2005, 11:59 AM
Parent: #4
loooooooooooool
رانى ..
طيب داير منك خدمه بفتش لى قصيدة قاسم امين وقصيده نبنيك اكيد (يا ايد ابوى على ايد اخوى على ايدى انا) غناء مصطفى
عندى لكن وين ماتعرف..
دايرهم نص ممكن ترسلهم لى لو لقيتهم..
ودي وكل ما تيسر من قرآن المصطفي
|
Post: #6
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: rani
Date: 04-17-2005, 01:05 PM
Parent: #5
قاسم امين
محمد الحسن حميد
********
سميت المدن النايمة
المدن التصحى فى حين
تترجى خطى العمال
اصوات الفلاحين
*********
النفس الطالع نازل
فى صدور المسحوقين
أسميت السفن التمخر؟؟
فى نص البحر الطين؟؟
***********
الناس ام عرقا يجهر
السرها يوما حيبين
الناس التنضح سكر
تتجرع مر وطين ؟؟؟
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين..
************
كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين
وردية يا قاسم امين
وردية يا قاسم امين
وبرجع ليك بالباقي..
|
Post: #7
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: Soumeta
Date: 04-17-2005, 04:26 PM
Parent: #1
أهدي بأسمك لي ألوطن كنز ألمحبة،،
علاء ألديييييييييييين أإبراهيم،،
بابا فزاري جد فاقداك،،
راني تاني جبت علاء و أنا ألزمن ده كلو حارساك،،
معقول بس؟
علي ألعموم أنا قنعت فله تحياتي بس،،
عزة
|
Post: #8
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: Soumeta
Date: 04-17-2005, 04:37 PM
Parent: #1
إسلني ألله من هنا تاني،،
أصلي ما قايلة مشتاقة ليك قدر ده،،
لا زلت أحتفظ بقصاصات ألمنظمة و قشرة كركدي،،
لكن إنت طلعت،،، ياك علاء ألدييين،،
أخبار عمو عباس معاك؟ أتمني أسمع عنو أي خبر كويس،،
|
Post: #9
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: rani
Date: 04-17-2005, 05:53 PM
Parent: #8
Soumeta
انا مش رسلت ليك ايميل فيهو تليفون علاء قبل كده؟؟
اتمني انو ما تكون خانتني الزاكرة الخربة..
علي اي حال لو كان لا..
اسف جداً اني نسيتكـ..
.
.
رسلي لي ايميل وبلمك بيهو..
مع فائق ودي
|
Post: #11
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: Soumeta
Date: 04-18-2005, 10:44 PM
Parent: #9
إخربني يا راني،،
ولا يهمك لانها ما بقت علي نسيانك لي،،،
علي ألعموم تحياتي و سلامي ليكم،،
مع ألود،،
عزة
|
Post: #10
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: Salwa Seyam
Date: 04-17-2005, 06:27 PM
Parent: #1
العزيز راني
شكرا علي هذه الهدية الرائعة ...
فصوت علاء الدين الحميم لا امل سماعه... فو يستدعي الي ذاكرتي الكثير من التفاصيل الحميمة...
تسلم ياراني ولك الود خالصا
|
Post: #12
Title: Re: سلوي صيام.. ادخلي بصمت.. هنا يرقد علاءالدين بسلام.. ومش بتطلع كل يوم..
Author: Yassir Hamid
Date: 04-18-2005, 11:33 PM
Parent: #10
الأخ راني
لك الود
برغم أن الأهداء للأخت سلوى صيام ولها التحية ، إلا أن لعلاء الدين حيز في نفوسنا بمساحة وطن له التجلة وأحملك أشواقي وتحياتي له .. وأسال عن الشوق .. قصيدة غناها علاء الدين كتبتها في نيجيريا عام 1988م ولم أسمعها برغم الطرطشات التي وصلتني من العديد من الأصدقاء فرجاء لو أمكن ان أسمعها
ولك الشكر ولعلاء محبتي
ياسر حامد خليفة
|
|