Post: #1
Title: ونســـــة في خشـــــم البــــــــــــــاب (2)
Author: Dia eldin khalil
Date: 04-17-2005, 08:41 AM
Parent: #0
سلامات يا ناس البورد....
لينا زمن طويل من البورد دا ....
الواحد طول من القعدة و عرفة اخبار الناس....
طوالي الناس قايمة سداري و شكل شديد....
غايتو نسوي شنو....
عموما اشتقنا للونسة البراااحة...
والغني السمح و الشعر اللطيف....
والكلام المسربع.....
عشان كدة ....
امبارح كنا قاعدييين بناكل في فول الواحة المح في ود نوباوي....
اقترحنا قعدة كدة في خشم الباب زي حقت السنة الفاتت....
فيها الناس الونسنجية كلهم...
قرمبوز...
فاضلابي...
عمر عبد العزيز...
تماضر...
ابراهيم كوبرا
الجندرية...
سجيمان...
ملاسي...
ناجي الزبير...
ابوساندرا...
طلال عفيفي...
عصام عبد الحفيظ...
والبقية الونسنجية...
وكمان ما ننسي البرالمة الجو في التسجيلات الاخيرة...
غايتو عازمنكم حبة ونسة....
في خشم الباب....
و علينا جاي...
ضياء
|
Post: #2
Title: Re: ونســـــة في خشـــــم البــــــــــــــاب (2)
Author: الجندرية
Date: 04-17-2005, 09:13 AM
Parent: #1
يا حليلكم والله
بركة الجيتو طيبين
وعقبال العقد الفريد كله ما يكتمل
|
Post: #3
Title: Re: ونســـــة في خشـــــم البــــــــــــــاب (2)
Author: Ibrahim Algrefwi
Date: 04-17-2005, 09:54 AM
Parent: #1
ضياء (الدين) -2
يازول انت فكرتك شنو مع الاخطاء الاملائية العجيبة دي
السنة الفاتت (بوس ليلي) والمرة دي تجي تقول لينا
المح في ودنوباوي ..والله يا ضياء مما قومنا
وشفنا خلقناالمح ده في البيض الوداهو ودنوباوي شنو..!
....
....
بلا داعي مؤكد:
رمال كثيرة تسربت يدانا "أنا وأنت" ...
سنوات بخيباتها بامالها المشدودة وراياتها المنكوسة
تعال نحصي كم صبية عاشت باشعارنا وما بهتت...
وانت صاحبي
لا ادري اي حكمة لقلبي ان اختارك من دون (خلقه)
ان تكون سيد اصحابي الوسيمين واكثرهم صبراً علي ..
|
Post: #4
Title: Re: ونســـــة في خشـــــم البــــــــــــــاب (2)
Author: Ibrahim Algrefwi
Date: 04-17-2005, 10:22 AM
Parent: #1
لكن ما وريتني يا ضياءرأيك في المثل الشهير
"حبل المهلة يفك ويربط"..!
|
Post: #5
Title: Re: ونســـــة في خشـــــم البــــــــــــــاب (2)
Author: طلال عفيفي
Date: 04-17-2005, 06:34 PM
Parent: #4
أول الكلام : ألف صلاه على حبيبنا النبي .
أما بعد ..
فقد قال الشاعر : " يا حليل زمان وأيام زمان " ..
ثم أني ما زلت أعيش في هذه المدينة العجيبة المسماة بالخرطوم ..
وتلفحني شمسها .
احاول أن أتماسك وأمشي برغم ذلك التنميل الذي أصاب روحي وقلبي .
أقرأ صحف البلاد عند الظهيره .. ولا أفهم ما يحدث بالضبط .
تأكلني الأشواق لبنت غادرتني زي الما حصل شي ..
معظم الاشياء ثابته على ما هي عليه :
إذ ما زلت من برج الحمل , طولي يشارف ال190 سم , أنفاسي طالعه ونازله ,
والقلب يعشق إذا ما ترتب له الهوى ..
رحل عني في هذا العام :
"حسين شريف .
عبد العال الإدريسي .
أحمد زكي .
و كمال مكي مدني ".
وها أنا ذا أراقب قلبي وهو يحترق من حوافه .
ولا أعرف يا صحابي كم سأصمد تجاه هذا العمر ..
لكنها , في الأخير , تظل حياتي .. وأحبها ..
وأختم قولي هذا بقول الشاعر : الجايت أكتر من الرايحات .
" والله أعلم " .
...
طلال
___________________________
ملحوظه :
بما أن الأمر كذلك ..
فقد أصبح باب النجار مخلعاً .
|
Post: #6
Title: Re: ونســـــة في خشـــــم البــــــــــــــاب (2)
Author: Ibrahim Algrefwi
Date: 04-18-2005, 05:16 AM
Parent: #5
طلال ... مشتاقين
أقصد ... هُنا ..
|
Post: #7
Title: Re: ونســـــة في خشـــــم البــــــــــــــاب (2)
Author: الملك
Date: 04-18-2005, 07:29 AM
Parent: #6
امبارح كنا قاعدييين بناكل في فول الواحة المح في ود نوباوي....
يوم ما .... حتوديك الاخطاء دى فى داهية ....
الضو ...
المزيد من الدهشة ,,,
تمنحك المزيد من التساؤل ,,,
الباب الذى يدخل الإجابة صده إندهاش الذى صنعه
,,, إذن الدهشة لا تصنع التساؤل ...لان الصمت
باب الذى كان الاإجابة
فلا غرابة ان نصنع
لأنفسنا بيتا ليس له
باب ....
(كن بخير صديقى)
|
Post: #8
Title: Re: ونســـــة في خشـــــم البــــــــــــــاب (2)
Author: Dia eldin khalil
Date: 04-19-2005, 04:04 AM
Parent: #1
سلامات....
انتو يا ناس بقيتو قاعديين للزول في حلقو دا....
اسي دي شغلتكم يعني ....
ومالو كان كتبيتا مح؟؟؟؟
المح دا ما ما موجود داخل الجمجمة و بنفكر بيه....اها غالطوني كمان...
المح ..دي ما اختصار محترم....
واصلا الواحد بقا مح..تار معاكم....
و بعدين هو طلال دا اصلا لاقي (بوس ليلي) دا وين؟؟؟؟
.............
وبعدين يا ناجي الزبير ...الثقافة الكتيرة دي شنو؟؟
الضو ...
المزيد من الدهشة ,,,
تمنحك المزيد من التساؤل ,,,
الباب الذى يدخل الإجابة صده إندهاش الذى صنعه
,,, إذن الدهشة لا تصنع التساؤل ...لان الصمت
باب الذى كان الاإجابة
فلا غرابة ان نصنع
لأنفسنا بيتا ليس له
واللة انت خربت شديد يا بتاع الجودة....
.............
طـــــــــلال عفيفي.....
في رحلت صيد....
الويـــــــــــــل لكن....
سعاد ماسي اللة يطراها بالخير..
|
Post: #9
Title: Re: ونســـــة في خشـــــم البــــــــــــــاب (2)
Author: الملك
Date: 04-19-2005, 02:17 PM
Parent: #8
ضياء مشتاقيييييييييييييييين يا مثقفاتى
Quote:
وبعدين يا ناجي الزبير ...الثقافة الكتيرة دي شنو؟؟
|
......
هو أصلو الواحد ما يتجدع شوية معاك يا مثقف 
......
| Quote: يا بتاع الجودة.... |
...
جودة لذيذة بس عليك الله ما تجينى هناك وبخاصة الإسموا قرمبوز داااااااااااك ....خلونى أتجود شوية 
|
Post: #11
Title: Re: ونســـــة في خشـــــم البــــــــــــــاب (2)
Author: Ibrahim Algrefwi
Date: 04-21-2005, 12:06 PM
Parent: #1
طلال عفيفي ...
صديقي كامل الدسم باسم العينان
أشتقت اليك "هُنا" شوقاً لا بمدروك ولا يُحكي
اذا اني أكتب هنا بمزاجِ مشلول ،روح خَرِبة
ونفس اقصر من بسمة الشرطي بحاجز التفتيش..!
اي انني " بقيت ذي الاشولنجي"
فاقدك ...
وأشتاق ان اشم وردك والحواديت ..!
____________________________
* بيكاسو ، حببني فيه طلال
وذاني بيكاسو خطوة لطلال
|
Post: #12
Title: Re: ونســـــة في خشـــــم البــــــــــــــاب (2)
Author: Ibrahim Algrefwi
Date: 04-22-2005, 11:35 AM
Parent: #11
ُثُم أنني يا شاب ....
" عندي حنين ما بعرف لمين"...
|
Post: #13
Title: Re: ونســـــة في خشـــــم البــــــــــــــاب (2)
Author: Dia eldin khalil
Date: 04-22-2005, 12:41 PM
Parent: #1
back
|
Post: #14
Title: Re: ونســـــة في خشـــــم البــــــــــــــاب (2)
Author: Dia eldin khalil
Date: 04-27-2005, 05:11 AM
Parent: #1
لوحة وطن فى عيون طفلة
طفلة حلوة وشايلة لونة .. ترسم الوطن الشباب
كل خط فى اللوحة باين .. من دموع الطفلة يحكى الدموع
النفوس تبقى السحاب
القلوب تبقى الأيادى .. نزرع الوطن اليباب
راسمة فى اللوحة القمارى .. فيها وش النيل حزين
الضفاف كان لونا أحمر .. الشجر كان لونو أخضر
الجباه عرق بيضارى .. حمرة النيل واصفرارو
راسمة جوه اللوحة طفلة .. الفرح فى عيونا صفق
غير النيل إنحدارو
لابسة من السعدة قرقاب .. شايلة فى الأيد الطوارى
مارقة
شلة من أطفال مدارس .. فى نظام ماشين سوا رددوا الخبر بالوتر
الزمن فى اللوحة بشر الجروف فتحت مداها
الغيوم شايلة المطر الترابلة هناك كبار
شتتوا العيش للمواسم
العيون شايلة
من بعيد فى اللوحة عامل الآيادى على السنابل
ودع الليل والفتر .. خدرالوطن اليباب
|
|
