Post: #1
Title: تراجي مصطفي
Author: اساسي
Date: 04-14-2005, 00:07 AM
Parent: #0
اسم جميل ..
اعجبني الاسم
|
Post: #2
Title: Re: تراجي مصطفي
Author: علاء الدين يوسف علي محمد
Date: 04-14-2005, 00:18 AM
Parent: #1
| Quote: أنا حأكون رودا مرودا في البورد |
|
Post: #3
Title: Re: تراجي مصطفي
Author: خدر
Date: 04-14-2005, 00:24 AM
Parent: #2
علاء
انت ما بتعرف تشوف الاشياء الجميله !!
قالو ليك اسم جميل
جيت طوالي قاشط ليك لنك و بتولع في النار
نصيحه اليوم
اساسي فرصه نادره ليك .. حاول تتعلم منو
|
Post: #4
Title: Re: تراجي مصطفي
Author: علاء الدين يوسف علي محمد
Date: 04-14-2005, 00:27 AM
Parent: #3
خدر فهامة البورد
يعني قصدك إنو كونها تكون زي رودا مرودا شيء ما جميل !
ما قلنا ليك في قناتك الإخبارية شوف لينا حفلة ، عروض أزياء
أي حاجة
ما إشتغلت بينا
|
Post: #5
Title: Re: تراجي مصطفي
Author: خدر
Date: 04-14-2005, 00:38 AM
Parent: #4
لا يا زعطوط الذكي
اساسي قال انو اسم جميل
جيت انت ناطي و جبت كوت من كلام تراجي
و هي بتقول انها حا تكون رودا مرده
طيب ياخي اقيف شويه مع روحك و حاول استطعم الاسم
شوفو كيف !!
اسم جميل !! اكتب مؤيدا
ما جميل !! اتخارج شوف ليك شكله في حته تانيه
بعدين تعال يا اخوي
شايفك اليومين ديل بقيت شجاع و بترد علي
طيب تعال لي في البوست ده
Re: الطريق طويل و شاق و مراكش بعيييييده.. او حبيبتي دعي...ح فوق نار هاااادئه..
خلينا نشوف موضوع عرض الازياء
و صدقني حا تطلع مبسوط
اساسي
جوطنا ليك بوستك و طرشقنا ليك احساسك بالاسم
امسحها لي زعطوط ده في وشو
و احييييك .. فعلا الاسم جميل
و احساسو لذيذ
|
Post: #6
Title: Re: تراجي مصطفي
Author: Mohamed Suleiman
Date: 04-14-2005, 00:43 AM
Parent: #4
خدر
The pack is on the move
كلمة السر
Quote: تراجي مصطفي
اسم جميل ..
اعجبني الاسم |
و علاء دايما جاهز ... للأجهاز
و سيتبعه عمر .. و أبو طالب .. و بقية صحابة الميتافيزيقيا
ففي الجو رائحة دم
و سيتهموك يا خدر أنك كوفي عنان هذا الزمان
Quote: علاء
انت ما بتعرف تشوف الاشياء الجميله !!
قالو ليك اسم جميل
جيت طوالي قاشط ليك لنك و بتولع في النار |
لابد أن تراجي قد "عفصت" أصابع أقدام البعض
يا خدر .. لن يستمعوا لنصايحك
مالم تكن مصحوبة بقرار يحمل الرقم 1593
Quote: نصيحه اليوم
اساسي فرصه نادره ليك .. حاول تتعلم منو |
|
Post: #7
Title: Re: تراجي مصطفي
Author: Tragie Mustafa
Date: 04-14-2005, 01:04 AM
Parent: #1
اساسى
شكرا يا ظريف
وازيدك نكته على الصباح الحلو دى
نسيت انزلها للاخ جنى (كان عنده بوست بتاع نكت اليوم) لكن استحضرتها الان
( مره كنت انا واختى واسمها توسل بنعمل فى تريننق فى شركة شل فى بورسودان
بعدين ضربت واحده صحبتنا تلفون تسأل عننا رده عليها مراسله حلفاوى
قالت ليه: (لو سمحت تراجى ولا توسل فى؟)
قال ليها  لا مافى)
بعدين سالته موظفة المقسم المسؤله من التلفونات قالت ليه شنو المافى؟
قال ليهاواحه بتسأل من زيوت جديده...... وانا قلت ليها لسه ما نزلت عندنا
الموظفه قالت ليه اسمها شنو؟
قال ليهاتراجى و توسل)
و المكتب كله فقع بالضحك.
خدر يا رائع ما تعلن دى فى قناتك الرهيبه انه (تم وقف مؤقت لاطلاق النار
بين الظلاميين و المستنيرين) و انه تراجى و اساسى يتبادلون النكات.
و شكرا يا غالى لهرشتك لعلاء دى ضحكتونى وانتو بتتناقروا.
بعدين انت يا خدر صاحى بدرى ليه ولا متابع اخبار المظاهرات زى
حسه يجينا محمد جمعه ولا حسين ملاسى يقول لك شقيتا ابو جنزير
ومعارف شربنا قهوه وين والخرطوم ما فيها اى حاجه!!!!!!!!!!!!!!!!
|
Post: #8
Title: Re: تراجي مصطفي
Author: خدر
Date: 04-14-2005, 01:07 AM
Parent: #7
تراجي
|
Post: #9
Title: Re: تراجي مصطفي
Author: Hussein Mallasi
Date: 04-14-2005, 01:11 AM
Parent: #7
سلامات يا تراجي؛
| Quote: بنعمل فى تريننق فى شركة شل فى بورسودان |
انتي زميلتنا في الاسكندرية و للا اسم على اسم؛
لانو في الحقيقة لي زمن بشبه عليكي 
|
Post: #10
Title: Re: تراجي مصطفي
Author: خدر
Date: 04-14-2005, 01:13 AM
Parent: #9
اساسي
الحق
ملاسي سرق البوست
|
Post: #11
Title: Re: تراجي مصطفي
Author: ناذر محمد الخليفة
Date: 04-14-2005, 01:13 AM
Parent: #1
الأخ أساسي
والله فعلا الإسم جميل جدا لكن أقول ليك حاجة ..
تراجي دي أول ما جات المنبر وفي المداخلة التاسعة ليها تحديدا في بوست جدي ياسر الشريف
قامت تووش دخلت في الموضوع وقالت مقال ناذر دا كان إرهابي وكدة
المهم أنا إتحيرت في الزول الجا داخل توش وأول مرة أشوفوا وفي البداية الإسم غلبني أقراهو وقلت ياربي دا بت ولا ولد ؟؟!! الجا صاقعني كدة لا إحم لا دستور
طبعا غلبني مرة واحدة لحدي ما عرفت في بوستات تانية إنو إسم بت وقريتو صاح ..
إسم جميل ولذيذ وجرسو ناعم ما زي أسامي تانية بتخلع الواحد في البورد دا
والنكتة برضو ألذ ..
|
Post: #13
Title: Re: تراجي مصطفي
Author: عبد الحميد البرنس
Date: 04-14-2005, 01:26 AM
Parent: #12
لدي شقيقة صغرى بذات الإسم تحضر للدكتوراه في الإقتصاد وأحبها.
|
Post: #14
Title: Re: تراجي مصطفي
Author: عبداللطيف خليل محمد على
Date: 04-14-2005, 01:31 AM
Parent: #13
مخطوبة يا برنس ؟؟؟؟
|
Post: #15
Title: Re: تراجي مصطفي
Author: عبد الحميد البرنس
Date: 04-14-2005, 01:35 AM
Parent: #14
لكن مهرها في بوست (إلى بشاشا إنسانا صادقا نبيلا).. يا لطيف!.
|
Post: #17
Title: Re: تراجي مصطفي
Author: خدر
Date: 04-14-2005, 01:39 AM
Parent: #15
اينما ذهب اساسي
تبعه الجميلين و الجميلات
تنويه
الاخ اساسي المدير واقف جنبو اسه و ماقادر يرد عليكم
سيرد لاحقا ماتقلقو
|
Post: #16
Title: Re: تراجي مصطفي
Author: علاء الدين يوسف علي محمد
Date: 04-14-2005, 01:39 AM
Parent: #14
خدر الممعوط لمن معاين فوق
إنت قايل الحركة دي بتخييل علينا و إنت رافع وشك في الصورة
عادي زي الزبادي باروكة سيم سيم سمير غانم
يا مصوراتي الحفلات الخمس نجوم
|
Post: #18
Title: Re: تراجي مصطفي
Author: خدر
Date: 04-14-2005, 01:42 AM
Parent: #16
علاء
ما ملاحظ انك الوحيد النشاز في البوست ده !
اطلع بره يا اشتر
|
Post: #19
Title: Re: تراجي مصطفي
Author: Hussein Mallasi
Date: 04-14-2005, 01:53 AM
Parent: #18
تنويه لابدّ منه:
| Quote: انتي زميلتنا في الاسكندرية و للا اسم على اسم؛ |
كانت لنا زميلة في الاسكندرية اسمها تراجي؛
بس نحنا كنا قداما بعشرة سنين.
لذا لزم التنويه؛
و على المراقبين مراعاة فروق التسنين.
|
Post: #20
Title: Re: تراجي مصطفي
Author: Hussein Mallasi
Date: 04-14-2005, 01:55 AM
Parent: #19
عشرة سنين دراسية؛
و ليست ضوئية.
|
Post: #29
Title: Re: تراجي مصطفي
Author: علاء الدين يوسف علي محمد
Date: 04-14-2005, 03:10 AM
Parent: #16
| Quote: و شكرا يا غالى لهرشتك لعلاء دى ضحكتونى وانتو بتتناقروا |
ليه بس كدة بس كدة كدة بس كدة بس !
|
Post: #21
Title: Re: تراجي مصطفي
Author: Tragie Mustafa
Date: 04-14-2005, 02:13 AM
Parent: #1
شكرا على السهره الظريفه دى
شكلكم ما ناوين تخلونى انوم واعرف اصحى لاولادى الصباح عشان يمشوا المدرسه
سعيده بمعرفتكم جميعا.
اولا يا حسين ملاسى
نعم يا صديقى يانى ذاتى برلومة ناس رجاء محى الدين وسلوى الصافى.
ويا جماعه اوع تلصقونى فى ملاسى ده وتقولوا دفعه الراجل ده كان خريج اعتقد او فى
سنه ثالثه ونحن برالمه.
بهظر معاك يا حسين
كيف احوالك وعملته كم من الاولاد والبنات؟
بعدين يا جماعه حسين ملاسى ده عنده قريبتو كانت فى بور سودان معانا اسمها تراجى ملاسى
لكن يا حسين مداخلاتك ما عاجبانى, ياخى ما تبقى زى قريبك القاضى الشجاع
الرفض قوانيين سبتمبر وقدم استقالتوا لنميرى!!!!!!!!!!!!!!!!!!!!!!!!!!!!
الاستاذ الفاضل ياسر الشريف متابعه لكل بوستاتك وهى اضافه حقيقيه للمنبر
قبل يومين شرفنا فى كندا الاستاذ الجمهورى الرائع عبدالله النعيم.
و للجمهوريين موده خاصه عندى.
ناذر
اسمك ايضا نادر
من ثوانى كتبت لخدر انه اسفه لو دخلت فيكم توشششششششششششششششش
لكن عارف الواحد\الوحده البقدم عضويه للبورد اكيد كان قارئ و ربم قارئ نهم كمان
عشان كده بيعرف كل الناس لكن هم المابيعرفوه.المهم با صديقى
واحده من دوافع دخولى كان بوستك عن الارهاب و حتعرف رايى لما افتح البوست ده!!!!!!!!!!!
محمد سليمان يا ابن خالتى
كفاك يا اخوى نضال كيبوردى وبعدين الناس ديل ما تقتل روحك عشانهم, اشتغل ليهم
قدر ملاليم الى بيدوها لينا(مش ناس علاء و جاد قالوا علينا مأجورين) ولا ايه رايك
ندخل فى اضراب وما تنسى انى بفهم شويه فى كلام الشيوعين (النقابات)و (الاتحادات)
ونرفع سعر النضال شويه والبيدفع اكتر عليه يا فرده يا (خليل) يا (عبد الواحد)
نشوف الحشاش يملأ شبكته ولا ما كده يا يا اخوى كفانا و ما تنسى انت وراك شغل بكره
وبلا العم سام دى انت ادرى بيها منى نا اوصيك يا اخوى صحتك,قوم نوم ديل ناموا وصحوا
اساسى معذره مره اخرى لو خرمجنا لك البوست, لكن انت ما قلت لى كنت مختفى وين
الفتره الماضيه كنت فى دوره تدريبيه حتى يرفعوك (مرجف ) اكبر ام ماذا؟؟؟؟؟؟؟؟؟؟
عبد الحميد
هل تقبل باخت اخرى اسمها تراجى
لك مودتى.
الصباح رباح.
|
Post: #22
Title: Re: تراجي مصطفي
Author: عبد الحميد البرنس
Date: 04-14-2005, 02:26 AM
Parent: #21
ويشرفني كذلك.. يا تراجي.. بيد أن أبي تأثر في التسمية بمذيعة مصرية قديمة تدعى تراجي عباس أثناء إقامته في أرض الكنانة عند بداية خمسينات القرن الماضي.. ولا أدري ما الذي ذهب به من العيلفون وقتذاك!.
|
Post: #26
Title: Re: تراجي مصطفي
Author: A.Razek Althalib
Date: 04-14-2005, 02:56 AM
Parent: #22
اساسي
تراجي
خدر
ملاسي
علاء الدين
محمد سليمان
وبقية عقد البورداب...
شوفو كلام محمد سليمان ده:
| Quote: و سيتبعه عمر .. و أبو طالب .. و بقية صحابة الميتافيزيقيا |
يا باشا.. دي ما باب المكجنك بيحدر (بيحمر) ليك في الضُلمة ولا شنو..
يا باشا.. إنت جنسيتك أمريكية ولا راكب الطابور... (طبعاً الكلام عن الحصانة)..
الممنوحة بعدم المسائلة.. القانونية... بختك..
رأيك شنو لو طلع موسى هلال أمريكي...
ولا البشير.. أو الواحد وخمسون متهم الشاملهم القرار...
يا زول أنا شايفك قاشطني في كل صغيرة وكبيرة..
ما تكون فاكرني رئيس جمهورية.....
يا مناضل... الكي بورد.....
خلي بالك ...
من نصيحة أختك ترجي...
إنت في بلاد العم سأم....
خلي المر لينا نحن أهلو..
فالمر الحاصل على أرض الواقع... هو حصاد خيبة السودان في أبنائه...
كده يا محمد سليمان بدون أي ترجي.. وما تراجي..
كده شوف ليك كم حل لمشكلة السودان..
وتعال أعرضها هنا.. بدون إستعراض.. لمسألة نفي الطرف الآخر.. أو محقه حد الإبادة..
وبالطريقة بتلاقي باقي الخلق بدون إعراض...
جوك في بوستيك.. وناس أبو الريش مقومين معاك كتاحة لعنان السماء... زي الحصل في بوست دكتور محمد خير...
وباقي الخلق... الخاته الرحمن في قلوبها...
تلاقيها فارشة ليك الأفراح درر..
وقبل ما نخش من باب العند والعند المضاد..
والحراثة الفوق البحر.. أو الضجيج البلا طحين...
بنصحك برغم إنو آفة النصح أن تكون جهاراً...
وبقول ليك كفانا عياط..
وخليك من دغدغة العواطف.. الفارغة .. دي...
وتعال خت أيدك في يد باقي خلق الله وخد ليك مدماكك..
عشان نبني بلد...
|
Post: #23
Title: Re: تراجي مصطفي
Author: Ridhaa
Date: 04-14-2005, 02:39 AM
Parent: #1
الأخ أساسي
سلام
فعلا الاسم جميل ...
الأخ حسين ملاسي
الزير سالم ولامكسور ..
الأخوان خدر وعلاء الدين ..مناقرة شديدة
الأخت تراجي .. اضافة حقيقية للمنبر .. ربنا يحفظك
الشباب .. بوست جميل
|
Post: #25
Title: Re: تراجي مصطفي
Author: أبوالريش
Date: 04-14-2005, 02:52 AM
Parent: #23
تراجى و توسـل..
أسمــاء سلوكيــة صوفيـة، جميلـة.. وماذا لنا غيـر أن نرجـو ونتوســل، عسى أن يرحمنـا الله.. ويدخلنـا فى فضلـه.
|
Post: #24
Title: Re: تراجي مصطفي
Author: الجندرية
Date: 04-14-2005, 02:45 AM
Parent: #1
تراجي مرحب بيك
اساسي سلام
المدير لسه لاصق فيك ؟
|
Post: #28
Title: Re: تراجي مصطفي
Author: banadieha
Date: 04-14-2005, 03:07 AM
Parent: #24
جمال الاسم (تراجي مصطفى) في أنه يستوقفك دائما..تراجي فريد، اقصد اسم تراجي فريد..واسم مصطفى أو المصطفى بعمل ماتشنق دائما مع أي اسم يلحق به أو يسبقه..أنا لا أجامل ولكن بقول الكان عامل لي حرقص من اسابيع..ولولا عزوفي المتعمد عن إنزال البوستات لكنت سبقت قبل كم يوم بإنزال بوست عن نفس الموضوع..لكن القلوب شواهد ياأساسي الكان رومانسي ومازال
|
Post: #27
Title: Re: تراجي مصطفي
Author: JAD
Date: 04-14-2005, 03:01 AM
Parent: #1
أساسي_ملاسي- علاء – البرنس –تراجي
سلام يا شباب ..
كيف ديار إرديس ود الأرباب يا برنس؟؟
|
Post: #30
Title: Re: تراجي مصطفي
Author: خدر
Date: 04-14-2005, 03:14 AM
Parent: #27
Quote: اساسي سلام
المدير لسه لاصق فيك ؟ |
قرقرقرقرقر
قرقرقرقرقر
قرقرقرقرقر
|
Post: #32
Title: Re: تراجي مصطفي
Author: مهاجر
Date: 04-14-2005, 03:23 AM
Parent: #30
ازيكم وكيف حالكم
الاسم جميل بلا شك ومقرون باسم الوالد هو الجمال بعينه
اساسي يامولانا خدر
ما زانقو المدير
(شاكل البنغالي وقام البنغالي رفض يجيب ليهو فطور.وهو بدون الفطور ما بقدر يكتب ولا يفهم حاجة)
ولو طلع من المكتب ناش الشمار كتار.
|
Post: #31
Title: Re: تراجي مصطفي
Author: عبد الحميد البرنس
Date: 04-14-2005, 03:18 AM
Parent: #27
الله.. يا جاد.. لم يتبق.. مع هذه الغربة الكندية.. سوى الحنين إلى فريق "بتري".. وربما كانت الإجابة مع ابن عمتي زينب.. القاص الجميل عادل الشوية!.
|
Post: #33
Title: Re: تراجي مصطفي
Author: علاء الدين يوسف علي محمد
Date: 04-14-2005, 03:24 AM
Parent: #27
خدر الممعوط
كلكم كدة
ما تتزنقوا و يختوكم في ركن
تقولوا الروب
أطلعوا برة
ما طالع
|
Post: #34
Title: Re: تراجي مصطفي
Author: خدر
Date: 04-14-2005, 03:29 AM
Parent: #33
طيب اقعد قبلك اوع اشوفك بره البوست ده
|
Post: #35
Title: Re: تراجي مصطفي
Author: A.Razek Althalib
Date: 04-14-2005, 03:35 AM
Parent: #34
خدر..
علاء الدين..
ختو الكورة واطه..
شهرنا هلا.. لاكين.. كلامنا لساع..
واليوم.. خميس...
|
Post: #36
Title: Re: تراجي مصطفي
Author: Abo Amna
Date: 04-14-2005, 03:39 AM
Parent: #35
الذئب و الحمل يرعيان معا و الاسد ياكل التبن كالبقر اما الحية فالتراب طعامها .
سفر اشعياء 65: 25
خدر يا حبيب
قريت رواية طائر الشؤم لفرانسيس دينق
ياخي انسي الموضوع
بعدين رسل لي ايميلك ضروري او اضيفني في المسنجر
[email protected]
|
Post: #37
Title: Re: تراجي مصطفي
Author: خدر
Date: 04-14-2005, 03:50 AM
Parent: #36
اب امنه
تمت اضافتك .. اذكر كلمه السر عند الدخول
والا لن تتعرف عليك مصدات الانتي فايروس
و بالتالي سيفشل الاتصال
اعذرونا
فهناك الكثير من الهتر و الهكر
كلمه السر تراجي
|
Post: #38
Title: Re: تراجي مصطفي
Author: Abo Amna
Date: 04-14-2005, 04:13 AM
Parent: #37
اساسي
الحق
ملاسي سرق البوست ..
وبعدين يجي يقول ليك ...
اللهم ارزقنا يمن يدعو الي مقاطعة بوستاتنا ...
|
Post: #39
Title: Re: تراجي مصطفي
Author: Abo Amna
Date: 04-14-2005, 04:18 AM
Parent: #38
خدر
لا تراجي لا توسل ما نفعت معاك اظنها مصداتك دي مطششة ..
رسل لي ايميل ضروري عايزك ياخي ..
|
Post: #40
Title: Re: تراجي مصطفي
Author: Abo Amna
Date: 04-14-2005, 04:19 AM
Parent: #38
خدر
لا تراجي لا توسل ما نفعت معاك اظنها مصداتك دي مطششة ..
رسل لي ايميل ضروري عايزك ياخي ..
|
Post: #41
Title: Re: تراجي مصطفي
Author: Abo Amna
Date: 04-14-2005, 04:19 AM
Parent: #38
خدر
لا تراجي لا توسل ما نفعت معاك اظنها مصداتك دي مطششة ..
رسل لي ايميل ضروري عايزك ياخي ..
|
Post: #42
Title: Re: تراجي مصطفي
Author: علاء الدين يوسف علي محمد
Date: 04-14-2005, 05:16 AM
Parent: #41
خدر
الأطفال يمتنعون
في نقاشاتنا دي و الناس الـ FFR
|
Post: #43
Title: Re: تراجي مصطفي
Author: اساسي
Date: 04-14-2005, 05:19 AM
Parent: #41
جميع الاحبة المتداخلون
وست الاسم
لا اخفيكم اني استمتعت بهذا البوست جدا
والحقيقة تفاجأت به ...
وكانت مفاجاة سارة ..
واكتفي بماجاء في صدر البوست بان الاسم جميل
كنت قد كتبت البوست وداخلت في بوست اخر لي ورايت وقتها في البوست ردان من الاخوة
علاء وخضر ولم استطع الرد حينها ليس لان المدير (لاصق فيني ) ولكن لاني خرجت في عمل الي
البنك وعدت بعد ساعتين لاجد ان هناك اربعون مداخلة
اضحكتني جدا وسرتني ايضا واستمتعت بها
وكلكم كدا ادونا خاطركم الي ان اعود للمداخلات مساء ان شاء الله
او كما يقول الصحفي المركب مكنة كوز( ان مد الله في الآجال)
|
Post: #44
Title: Re: تراجي مصطفي
Author: علاء الدين يوسف علي محمد
Date: 04-14-2005, 05:25 AM
Parent: #43
أساسي
أخد راحتك و تعال بمهلتك أنا بحرسو ليك
و ما تخاف على حبوبة تراجي
أنا بونسة ليك
و بنش ليك أي ذباب يجي للعسولة حبوبة تراجي
خاصة الذباب الرجاف
بعيد عنك دة ذباب الإنترنت خطييييييييييييير و كلو رملي .
|
Post: #45
Title: Re: تراجي مصطفي
Author: علاء الدين يوسف علي محمد
Date: 04-14-2005, 05:43 AM
Parent: #44
Quote: الصغير علاء الدين
صباح الخير
انت متين صحيت وله الليله نبطشى؟
وما تزعل من صغير ده بس صورتك بتقول انك صغير با النسبه لينا.
وبعدين بتقول لينا احلموا بعالم سعيد خالى من العرب!
العرب هم وينهم؟؟؟؟؟؟؟؟؟؟؟؟ |
حبوبة تراجي
بما إنو البوست دة مخصص ليك و حأضمن إنك حتجيهو حتجيهو فإيه رايك نتونس شوية كدة فيهو ، أهة أنا جبت ليك المداخلة دي من بوست أخونا محمد سليمان و الراجل شايفو متجرس لما يدور في حركة الهزل و المراءاة من تشليع و تفليع فقلت بدل أشغلو بأحاديثنا الجانبية ننقل الكرة لهنا.
أهة يا غالية
بخصوص العرب
أول تبادي و ما تزعلي
العرب ديل العلموك الحديث و لبسوك القميص
أهة نجي لي كيف دي.
طيب نمسك الحديث :
أهة إنتو قلتو إنو إنتو ما عرب و العروبة ما دم بس العروبة لسان أهة يبقى إنتو يا عرب - يا أشباه عرب - يا بتتمسحو في العرب
أنا غايتو
عرب
طيب نجي للقميص
و دي في سؤال تجاوبي عليهو بأمانة بحل المشكلة بدون تعقيدات و زوغانات.
حصل شفتي ليك طيارة إغاثة لمتضرري دارفور أو من كان قبلهم في المحن و الإحن السابقات للسودان ، المويلح زمن قلبي على وطني و أغنية مايكل جاكسون
We R the world
تشادية ؟
كينية؟
بورندية؟
صومالية؟
زائيرية ؟
نيجرية؟
أوغندية؟
و الخيم القاعدين فيها لاجيء دارفور دي من وين ؟
و المساعدات من وين ؟
و اللبن النيدو و برطمانات المربى و جركانات الزيت ؟
بالمناسبة أنا بجهز لي في إحصائية دقيقة لحجم المساعدات العربية لناس دارفور اللي إنتو فرضتو نفسكم كممثلين ليهم في الشبكة العنكبوتية
و تقدري تقولي لي كم بس في السعودية من السودانيين ؟ و من أهل الغرب تحديداً ؟ خليك من بقية الدول العربية .
و الخيل تجقلب و الشكر لمنو يا حبوبة ؟
بجيك تاني
|
Post: #46
Title: Re: تراجي مصطفي
Author: Hussein Mallasi
Date: 04-14-2005, 06:31 AM
Parent: #45
كيفك يا تراجي؛
وفعلاً الحي بيلاقي.
| Quote: لكن يا حسين مداخلاتك ما عاجبانى |
معليش يا تراجي؛ الفات مات؛
و ليكي علي؛ كل يوم و التاني انزل بوست جديد و أكتب فيهو:
* مظاهرات عارمة تجتاح الخرطوم.
* المتاريس تغلق كل الشوارع المؤدية للقصر الجمهوري.
* ساعات قليلة و يسقط - يستسلم - النظام.
* الحكومة محاصرة في مباني مجلس الوزراء بين شارعي الجامعة و النيل.
و عندما اتعب من الكتابة؛ سأقوم بانزال العديد من ال ALKARAMA
|
Post: #47
Title: Re: تراجي مصطفي
Author: قرشـــو
Date: 04-14-2005, 07:27 AM
Parent: #1
والله حكاية .....
|
Post: #49
Title: Re: تراجي مصطفي
Author: Hadia Mohamed
Date: 04-14-2005, 09:06 AM
Parent: #1
تراجى مصطفى ابو طالب
عضو رابطة السودانيين بهاملتون لدورتين
ومسؤلة مكتب المرأة والطفل
بورتسودانية نشيطة فى مجال المرأة.
لها التحية.
|
Post: #50
Title: Re: تراجي مصطفي
Author: Ridhaa
Date: 04-14-2005, 10:08 AM
Parent: #1
الأخ حسين ملاسي
عندكم كرامة ولاشنو ....
|
Post: #51
Title: Re: تراجي مصطفي
Author: محمد الامين احمد
Date: 04-14-2005, 10:10 AM
Parent: #1
تحية طيبة للجميع
برضو بسجل اعجاب باسم تراجى و اسم توسل
|
Post: #52
Title: Re: تراجي مصطفي
Author: Hafiz Bashir
Date: 04-14-2005, 10:34 AM
Parent: #1
و انا بسجل إعجاب شديييييييييييييييييييييييييييييييييييييييييييد بالإسم
و إعجاب اشد بست الإسم
اساسي
تحياتي
|
Post: #53
Title: Re: تراجي مصطفي
Author: Tragie Mustafa
Date: 04-14-2005, 10:54 AM
Parent: #1
الاعزاء ايوه كده خلونا سودانيين اصيلين
نختلف ونتفق احباب و با احترام
حسين ملاسى
ذائق من السؤال مالك عملت كم بالله(قصدى اطفال) اوع تقولى لسه ما عرسته
تكون بالغته زى صلاح صديق محمد خير لو تزكروا قريب القوصى برلوم ناس
خالد التهامى....صلاح ده معانا هنا وانا شايله حالوا طوالى.
ياخى عاش من سمع قرأ لك
تزكر يا حسين حفلة الكليات النظريه العملوها لاستقبالنا
وغنى فيها حيدر بورسودان............اوع .............اوع تجيب
الشمار ده للبورد.
حليل ايام اسكندريه........... و الجماعه ناس الهند ديل شايفاهم
متفسحين فى البورد لكن من ناس مصر ما شايفه غيرك ولنا مهدى
شايفاك مره داير تدخل شمال وقلت لنا من ناس مصر؟؟؟؟؟؟؟؟؟؟
دى كيف ما عاصرناها.......... وقتها ضحكته وقلته حسين ملاسى الله يجازى
محنه........هو ما عارف انه (كومر).......... وناس لنا احتمال
(سزوكيات)....صغيره جات بعدكم
المهم يا سيدى انت فارقت اسكندريه فى اجمل ايامها بعد سقوط الكيزان
لكن انتوا من الجيل اللى كان مستسلم للكيزان.........لكن نحن كنا
جيل الثوره........................تحياتى لك
عبد الحميد البرنس
تحياتى وشكرا يا اخى وبعدين انت بتقول كندا يا ترى انت وين فيها
اوع تكون فى البرتا لكن كان انت فى اونتاريو يانى الواصلاك
وبوستك خرافى جاينه.............جاينه عشان بشاشتنا ده بيستاهل
علاء الصغير
مش اخير للاولاد الحلوين والمؤدبين يسمعوا كلام الاكبر منهم بالذات حبوباتهم!
اما ايه رايك موضوع العرب ده نخليه فى بوست براه عشان يكون واضح
للحبايب الافارقه يجوهو عديل توش اصله نحن من ما بنشوف اسم (عرب) ده
طوالى بندخل,اتفقنا خلاص بس انت اعرف لينا عدد جركانات الزيت الادوها لينا
العرب ونحن نوريك الاتمسح بيها منو اكيد بنات الشوايقه امهات شعر طوال
ما نحن المضقلمات ديل!!!!!!!!!!!!!!
اساسى
وينك يا راجل قالوا عملت لك قبل كده بوست لى رودا طوالى ركبتها
( التونسيه) ياربى ناوى تركبنى ياتوا خطوط
يا ريت (السويسريه) اصله ناويه اودى (قراصه) لناس لاهاى.
منتظرينا المساء
ابو امنه
شنو يعنى فاتح لينا كده ما تعبرنا شويه
على فكره عايزه ايميلك كان عندى وما لاقياه و يا ريت يا ابو امنه
لوعندك قصيدة نزار قبانى (جميله بوحيرد) ان تنشره لانه عايزاها
ضرورى لانه قذارات ( المحتلين الفرنسيين ) هم
(يلهون بانثى دون ازار.............) كم قال نزار قاعده تزكرنى
بافعال الجنجويد مع مريم
(وجراح جميله بو حيرد هى والتحرير على موعد
ابو الريش ( عوجات كيتها)
كيف حالك يا اخى
الصوفى الرائع
رايت سماحتك فى بوست محمد سليمان
وزى ما قلت لك فى الايميل انت جبال الصبر تتحملونا
وما يحدث فى دار فور يفقد كل عاقل صوابه
فاعذرنا ولك العتبى حتى ترضى.
هاديه محمد
وينك يا غاليه لسه لابده فى الانتر نت
على فكره يا جماعه هاديه دى زوله ظريف جدا وطيبه جدا و مواصله الناس
و فجأه اختفت من اجتماعيات (هاملتون) وكل ما نسألها تقول الانترنت
لحد ما جابت رجلنا وباين حتودينى فى مليون داهيه
اهو بداية (اساسى) فاتح لينا بوست وحتى لما يغيب
علاء الين حارسوا ليهو ياخى يا علاء ما تدونا فرقه شويه نتنفس كفايه السودان و طفشتونا منه
وقاعد فى السعوديه دفيان ونحن من غرف الثلج سوينا عضلات ولا عضلات هاشم بدر الدين
انت عارف انا حسه اتزكرت سيجمان و بالله بلغوا اعتذارى
وقول ليه تراجى قالت لك انت ما سمعت اهل علاء الدين (الشوايقه) قالوا شنوا
قالوا (السواى موحداث) فما تخاف منى بس ناس( قريحتى راحت) دى ليها عوده .
هاديه شايفه البقينا فيه ده تحياتى و محبتى للصغار.
تراجى.
|
Post: #54
Title: Re: تراجي مصطفي
Author: mohamed osman bakry
Date: 04-14-2005, 11:04 AM
Parent: #53
Quote: اوع تقولى لسه ما عرسته
تكون بالغته زى صلاح صديق محمد خير لو تزكروا قريب القوصى برلوم ناس
خالد التهامى....صلاح ده معانا هنا وانا شايله حالوا طوالى.
|
شيل حال أكتر من كده
يالطيـف
|
Post: #55
Title: Re: تراجي مصطفي
Author: Tragie Mustafa
Date: 04-14-2005, 11:20 AM
Parent: #1
الاخ محمد الامين
انشاء الله ربنا يجعل كلامى خفيف على قلبك
زشكرا لاعجابك با الاسم.
حافظ بشير
شكرا يا راجل يا طيب
ربنا يجعلنا من الطيبين
وربنا يديك الحلوين و الحلوات وتسميهم احلى الاسماء
محمد عثمان بكرى
مالك يا اخى على
انا الزول ده اخوى و ما قاعده ادعيهو لضلال
انا عايزاه يتزوج زى خلق الله و يشوف جنياتوا وهو بصحته و عافيته
انت زعلان ليه!!!!!!!!!!!!!!!!!!!!!!!!!!!!!!!!!!!!
|
Post: #56
Title: Re: تراجي مصطفي
Author: mohamed osman bakry
Date: 04-14-2005, 11:42 AM
Parent: #55
Quote: محمد عثمان بكرى
مالك يا اخى على
انا الزول ده اخوى و ما قاعده ادعيهو لضلال
انا عايزاه يتزوج زى خلق الله و يشوف جنياتوا وهو بصحته و عافيته
انت زعلان ليه!!!!!!!!!!!!!!!!!!!!!!!!!!!!!!!!!!! |
أبدا والله مازعلان بس الراجل نديدي
قرينا في هدل و الحمام قدل
|
Post: #57
Title: Re: تراجي مصطفي
Author: alsngaq
Date: 04-14-2005, 12:20 PM
Parent: #1
تراجي اسم عسل شديد
له وقع سلمى
لدي السنجك
ودي
nice move
خدر
انت رباطابي ولا شنو؟؟؟
|
Post: #58
Title: Re: تراجي مصطفي
Author: Tragie Mustafa
Date: 04-15-2005, 00:31 AM
Parent: #1
السنجك سلام
مسجل غياب من فتره انشاء الله خير
واديك شوية اسماءاحيانا بنادوى بيها
طبعا اى سنجك معناه شايقى ولا ما صح الكلام ده يا ناس شوايقه يا رسول الله
ميرم تعرف دى معناها شنو يا السنجك دى عند الفور معناها السيده
و طبعا ما اى سيده من الاسره المالكه يعنى زى الاميره
و هل بتعرف يعنى ايه (ادروته) يعنى البنت اللونها زى لون المنقه
دى بلغة البجا ناس نوريت و ابو الريش و ابو امنه.
وياله نثقف بعض اكثر حول اسماء كثيره سودانيه لها مدلولاته المحليه.
|
Post: #59
Title: Re: تراجي مصطفي
Author: Hussein Mallasi
Date: 04-15-2005, 07:02 AM
Parent: #58
كيفك يا تراجي؛
و الله ايام؛ على الرغم من مرور ما يقارب ربع القرن عليها؛
الا انها مازالت منتعشة في الذاكرة.
اما من حيث الابناء و البنات فلدي و الحمد لله تلاتة.
اما ايام الانتخابات ديك؛ فقد حضرت فوز "قوات التحالف"
في المنصورة؛ قبل ان تكر السبحة و يفوزوا في معظم المحافظات
بما فيها الاسكندرية ..... تتذكري يا تراجي الهتاف الشهير بتاع التحالف البيقول:
الثورة مستمرة و الخاين يطلع برة.
و برضو الكيزان كان عندهم نشيد بيقول:
منصورة يا غراء يا موطن الاعداء
سنفوز في طنطا ...... و ايه كدا ما عارف.
غايتو كانت ايام؛ و رحم الله الاخ حسان الاقرع؛ و امد في ايام اياس زكريا؛
فعلى الرغم من ان كلاهما كان في جانب؛ الا ان العلاقة بينهما كانت اكثر من اخوية.
|
Post: #60
Title: Re: تراجي مصطفي
Author: محمد حسن العمدة
Date: 04-15-2005, 07:57 AM
Parent: #59
وقتها ضحكته وقلته حسين ملاسى الله يجازى
محنه........هو ما عارف انه (كومر).......... وناس لنا احتمال
(سزوكيات)....صغيره جات بعدكم
لوووووووووووووووول يا ملاسي
دي خدر ما شافا
انا ما عارف ناس كندا كلهم ناس رايعين لييييه ؟؟؟؟
|
Post: #61
Title: Re: تراجي مصطفي
Author: Hussein Mallasi
Date: 04-15-2005, 08:02 AM
Parent: #60
كيفك يا عمدة؛
لو انا كومر؛ امال ناس عمك صديق الموج يكون شنو ....
انت ما شفتا اختنا سناء خالد كتبت شنو !!
كدي دقيقة بس؛ و بجيك راجع.
|
Post: #62
Title: Re: تراجي مصطفي
Author: Hussein Mallasi
Date: 04-15-2005, 08:08 AM
Parent: #61
هاك الدليل هنا يا عمدة:
Re: الموضة دي ما حلوة....!!!!!!!
| Quote: الأخ المحترم حسين ملاسي |
| Quote: العم المحترم صديق الموج |
|
Post: #63
Title: Re: تراجي مصطفي
Author: Hussein Mallasi
Date: 04-15-2005, 08:13 AM
Parent: #62
سلامات يا رضا؛
الزير ما عارفو سالم و لا مكسور؛
فقد تم السطو عليه بليل؛
و بليل هذه؛ غير بليل البشر و الايناس اذا ما رق الحال؛
بتاعت الكرامة.
|
Post: #64
Title: Re: تراجي مصطفي
Author: علاء الدين يوسف علي محمد
Date: 04-15-2005, 08:45 AM
Parent: #63
حبوبة تراجي
Quote: بس انت اعرف لينا عدد جركانات الزيت الادوها لينا
العرب ونحن نوريك الاتمسح بيها منو اكيد بنات الشوايقه امهات شعر طوال
ما نحن المضقلمات ديل!!!!!!!!!!!!!!
|
بالغتي لكن
معقول ياخ نحن بناتنا يتمسحوا بزيوت جركانات الإغاثة الجاتكم من أولياء نعمتكم العرب ؟
لا ياخ دي كتيرة و قنبلتيها كبيرة شديد
لأنو يا حبوبة أول حاجة الجابنا شنو لدارفور و نحن في أقصى الشمال ، و طيارة الإغاثة توووووووووووووووش بتنزل في مطار نيالا الدولي ، ونحن يا كافي البلا مطار "حلال" ساي ما عندنا ، يعني حتى لو عايزين تفبركوا ليكم خبر كاذب بأنوعوض الجاز و علي عثمان حولوا مسار الطيارات لمروي حتطلعوا زي صاحبنا بقال اللي قال إنو أبو نارو زعم الجناح المتشدد للأخوان المسلمين شيوعي ، يا كافي البلا حتى الفبركة و الكذب الناس يتسقط فيها .
أهة قولي لي بس كيف الشوايقة و بناتهم إتمسحوا بزيوت الإغاثة اللي جاتكم من أولياء نعمتكم العرب ؟
بعدين ياخ إنتي ما سمعتي الشاعر القال :
طبيعي غزير لا باروكة لا سلة
دة شايقي ما فوراوي
حبوبة تراجي
أنا أؤيد فكرة فتح بوست عن دور العرب في السودان لأنو الكلام كتيييييييييير و المساهمات حتكون أكتر و الموضوع حيكون مسخن ، خاصة لو تطرقنا لموضوع المعسكرات اللي تم إنشاءها بواسطة الهلالاب العرب في دارفور بالذات "الهلال السعودي و الأماراتي و الكويتي و السوري و الأردني و المصري " خيم نااااااااااااااعمة و بطاطين صاح ، الجماعة الرحل ضربوا الهمبريب في الخيم المجهزة و المعسكرات المزودة بالمستشفيات الحديثة و علب المربة و برطمانات التنك و حليب النيدو و هاك يا مز وحلفوا ما يرجعوا القطاطي ، أها إنتو إستغليتو الشغلانة و بقيتو تجيبوا صورهم في الملاجيء كأنما هم مجبورين للعيش في الحياة المرتبة بينما نجدهم يحلفون أغلظ الإيمان أنها الحياة الرغدة و هي نقلة نوعية كبيرة من قطاطي الرحل لخيام العرب.
دة طبعاً ما من و لا أذى لكن دي الحقيقة يا تراجي
لأنو العرب الرحل في كل مكان في السودان " ضاربين الهويد " و الصقيعة و حياة التنقل ا لدائمة تحرمهم من الكثير من متع الدنيا اللي بتتوفر مع الإستقرار ، بس هم ناس خلقهم الله إسمهم "رُحّل" حرفتهم الزراعة و الرعي و التنقل فلما يلقوا الهوا البارد و الأكل المجاني و الدوا و المزّة ، بمرقهم منو تاني ؟
حتقولي لي و ليه هم من الأساس يكونوا رحل ؟
و ليه ما يكون عندهم موطن ؟
و ليه ما يكون عندهم بيت و مأوى زيكم يا عرب يا شماليين يا خامينها ؟
"طبعاً لازم مؤثرات حركية و صوتية لحبك الموقف الدرامي هنا يا حبوبة"
حأقول ليك إنتو قلتو دارفور بحجم فرنسا ، ولو كلهم كانوا ضاربين الراحات و ساكنيين في بيوت و نعمة ، كان نحن أهل الشمال طالبنا بالإنفصال.
و حأقول ليك إنو العرب الرحل ما في دارفور بس
بل في كل مكان ، في الشمال و الوسط و الشرق و الغرب و حتى الجنوب فيهو قبائل الرحل ، و كل دول العالم فيها الرحل ، يعني دارفور ما إستثناء حتى لا ندع فرصة لدموع تماسيح و رياء و تملق و إستجداء مشاعرالآخرين و تسوول الرأي لعام.
العرب دوماً كانت لهم اليد الطولى ، المطببة المآخية المربتة ، الشافية ، الخيرة ، النقية .
أما اليد الإفريقية في السودان فلكم ما تفعله إرتريا و قبلها أوغندا من سلاح و دعم للمتمردين وهو سلاح ما كان القصد منه تقديم عون لفئة على أخرى بقدر ما كانت أجندته الخفية اليهودية هي زعزعة استقرار و أمن السودان حتى لا تقوم له قائمة.
و هاهي تشاد التي كانتبذرة ما يحدث في دارفور فبالله عليك من أين بدأت عصابات النهب المسلح ؟ ألم تكن من تشاد أيام الحرب التشادية التشادية و التشادية الليبية ؟
و من أين تدخل البضائعلمهربة للسودان التي جعلت من الزغاوة أغنى القبائل في المنطقة ، و أما الإيدز فحدث ولا حرج ، فمدخله من أفريقيا الوسطى و تشاد و أوغندا.
|
Post: #65
Title: Re: تراجي مصطفي
Author: lana mahdi
Date: 04-15-2005, 02:09 PM
Parent: #1
Quote: و الجماعه ناس الهند ديل شايفاهم
متفسحين فى البورد لكن من ناس مصر ما شايفه غيرك ولنا مهدى
شايفاك مره داير تدخل شمال وقلت لنا من ناس مصر؟؟؟؟؟؟؟؟؟؟
دى كيف ما عاصرناها.......... وقتها ضحكته وقلته حسين ملاسى الله يجازى
محنه........هو ما عارف انه (كومر).......... وناس لنا احتمال
(سزوكيات)....صغيره جات بعدكم |
تراجي الحبيبة
اول شي انّسلم على اساسي سيد البوست طولتا ما لاقيتو هنا
طبعا ناس ملاسي ديل يا تراجي يا حبيبة يا دفعة ناس يعقوب ابراهيم البشير يا عاصرو بعض يعنى كانو بيدرسوهم لينا في تاريخ الحركة الطلابية في مصر على اساس انهم(اجدادنا القدماء)
ما يحاولو يا تراجي يجروك ل(جيلي أنا) ديل ديناصورات وجيل ابو رجيلة مش كوامر يا عمدة
انا جيت مصر مع اول اتحاد مركزى يشيلوهو الكيزان بعد سنوات التجمع(وش دفعتنا كان على الحركة الطلابية مش ولا بد)!!!!!!
اتخيلي ما على الحركة الطلابية براها(سرنا الباتع) امتد للبلد و جا الانقلاب في سنتنا..يعنى شكلنا شوووووووووم
اما ناس الهند ديل فبصراحة يبغرو قبل فترة عملتا بوست بتاع خريجي مصر(حسادتن لى بوستيهم الوصل 44 صفحة)اكتشفتا انو ما كتار هنا فقمت انسحبتا براااااحة
وطبعا اختى و زوجها (هنداب)كل مرة يكاوونى بي اجتماعيات ناس الهند وانهم التوب و انا بغالطهم انو ناس مصر اجتماعياتهم بتكون رابطة حتى بعد التخرج
فلمن يكونو جنبي و اكون فاتحة صفحة فيها بوست الحركة الطلابية في الهند بسرعة بقفلا
(((ما ناقصة)))
خالص محبتي
وبوست دمو خفيف راجعة ليهو تانى
|
Post: #66
Title: Re: تراجي مصطفي
Author: alsngaq
Date: 04-16-2005, 01:36 AM
Parent: #1
تراجي موجود وبظهر فى البوستات السمحة الزي اسمك دي كدا
طبعا شايقي
وبنحب اسم سلمى وسعاد شديد وح نضيف فى اجندتناالجديدة تراجي
| Quote: و هل بتعرف يعنى ايه (ادروته) يعنى البنت اللونها زى لون المنقه |
ودا اسم جميل ومعناهو راااائع شديد
سؤال يا تراجي
ويكيانوس
او
ويقيانوس
الكلمة دي مرت عليك قبل كدا؟
يا ملاسي
لنا مهدي انتهت منك عدددديل وطلعته ديناصور
رغم انو الصورة بتعكس انك لسه شبااااب
تكون الصورة قديمة ولاشنو
انا ما ح افوت الفرصة دي وح ادعوك للانضمام لبوست
خريجي الهند خاصة اني من زمان بقول روحك وطبعك
مننا،بمناسبة الاسماء الجميلة دي فى واحد قال ليك
قبل كدا انو اسمك له ايقاع هندي
لنا مهدي
بتحملي اسم نحن ال سنجك بنحبو شديد
خاصة انو بتحملو اجمل انسانة عندنا
الاسماء الجميلة فى المنبر لدي
دريمز / ودا اختيار موفق جدا
هالة/ بالمناسبة البنات ديل وين؟؟؟؟؟
مريم/ اسم متجدد دائما حاجة كدا Auto update يعني
دينق / ياريت اعرف مدلوله؟؟؟؟؟
شنتير / تراجي الاسم دا من عندكم اعتقد، ايه معناهو؟؟؟
وبجي راجع تاني لباقي الاسماء الجميلة والاسماء الما حلوة
|
Post: #67
Title: Re: تراجي مصطفي
Author: A.Razek Althalib
Date: 04-16-2005, 01:54 AM
Parent: #66
ملاسي
| Quote: منصورة يا غراء يا موطن الاعداء |
إنت يا ملاسي...
في زمنكم داك ...
المنصورة دي موش كانت محطة قطر...
وبيت العمدة..
وناظر المحطة...
في سوق السكة...
|
Post: #68
Title: Re: تراجي مصطفي
Author: A.Razek Althalib
Date: 04-16-2005, 02:12 AM
Parent: #67
لنا مهدي.
التحايا...
| Quote: ناس مصر اجتماعياتهم بتكون رابطة حتى بعد التخرج |
بالمناسبة أمس كان..
معي هنا في الرياض...
محمد مختار.. ـ إقتصاد وعلوم سياسية القاهرة.. (الرياض)
والصادق حسين يونس ـ تجارة خارجية جامعة حلوان.(الإحساء)
وحيدر عبدالرحمن ـ تجارة عين شمس...(الإحساء)
إلى وقت متأخر من ليلة الجمعة...
ودعناهم ...
وما جفت مآقينا..
إسترسلنا ذكريات الكنانة...
في سهرة بدأت ليلة الخميس حوالي... الساعة العاشرة...
زحف العمر ببشرياته البيضاء على تلال الجماجم...
وإرتسمت آمال الصبا..
تجاعيد على الجباه الفارهة..
وفي كل تجعيدة..
يسكن حلم الطفولة...
الذي يراه الكل...
في أبناءه..
الصادق حسين ولدين وبنت..
حيدر ولد وبنت.
محمد مختار في الطريق..
أنا المسكين ده... توأم صبيان..
وتفرعت أحاديث... الذكريات...
لعمر حماد.. الأزهر..
وعوض المجاهد..
ونزار الشكابة..
وعبدالشافي إبراهيم عيسى الكلاكلة..
وعاطف.. وشريف.. مبارك عربي.. لا زالو في القاهرة..
عثمان أبكورة... الأزهر ـ لا زال أيضاً في قاهرة المعز..
والذكريات ... عابرة..
وكانت فعلاً صدى ... السنين الحاكي..
تخريمة:
بوست مصر ما شفناهو..
عفواً... اساسي..
وناس قريعتي راحت...
لكم مودتي...
وليهو تاني.....
|
Post: #69
Title: Re: تراجي مصطفي
Author: مهاجر
Date: 04-16-2005, 02:46 AM
Parent: #68
شكرا اساسي
في البوستات الجميله يمكن ان نتعرف علي تراث كل قبيلة او جهة معينة في السودان.
|
Post: #70
Title: Re: تراجي مصطفي
Author: A.Razek Althalib
Date: 04-16-2005, 03:18 AM
Parent: #69
مهاجر...
التحايا..
طراك الله...
الدكتور خالد أصيل..
هو أصيل في خلقه ونبيل في قيمه..
أصيل.. هو أصيل..
أحد ابناء حينا..
بنيالا..
|
Post: #71
Title: Re: تراجي مصطفي
Author: انتصار محمد صالخ بشير
Date: 04-16-2005, 09:53 AM
Parent: #1
الاخت الغالية
تراجى
السلام عليكم ورحمة الله
والله مشتاقين طبعا طالت المدة ولكن الذكريات باقية من العشى الثانوية
وسعيدة جدا ان اسمع اخبارك فى اخر زيارة لى لبورتسودان سالت عنك وكلما مررت بمنزلكم القديم جوار بنك السودانى الفرنسى اترحم كثيرا على استاذتنا الجليلة الوالدة بتول
لك تحياتى واشواقى وستسعد جدا حباب الاحمر باخبارك وانك بخير
انتصار
|
Post: #72
Title: Re: تراجي مصطفي
Author: Khalid Kodi
Date: 04-16-2005, 10:14 AM
Parent: #1
الحمد لله يا اخت تراجى، جات سليمه.
أساسى ومن معه يرسلون لك تحذير بهذا البوست!
أياك أياك أياك وأن تحاولى ان تتفوهى بمثل ماكانت تنطق به "فلانه"
أن فعلت سينهشون لحمك فى هذا المنبر.
ولن أردت الأمثله فالارشيف خير معلم،
والخيارات كلها لك.
لك الود.
|
Post: #73
Title: Re: تراجي مصطفي
Author: Abo Amna
Date: 04-16-2005, 10:45 AM
Parent: #72
العزيزية تراجي
عذرا لانني لم استطع العودة الي هنا سريعا ...
انت صاحبة البوست مش (الما أساسي ده) ...
ووجودنا هو تحية لك في المقام الأول حتي ولو جاء علي شكل مناكفات ..
هل نستطيع أن نتجاهل اسم أعجب خصومه قبل اصدقاءه ..
وهل نستطيع ان نتجاهل ...
سوف انشر القصيدة بكل تأكيد
مودتي
|
Post: #74
Title: Re: تراجي مصطفي
Author: Tragie Mustafa
Date: 04-16-2005, 11:09 AM
Parent: #1
الفنان خالد كودى
وينك يا راجل مختفى
شكلك مشغول وما بتظهر الا فى ال Week End
والله نحن يا استاذ سألين عليك
الجماعه ديل ما تخاف على منهم
اختك صنديده و مكاره
بس احياننا حمقاء
بخاف يوم يرفعوا درجة الحماقه فى السماء اقوم اصلب مكنه.
خالد
اولا بدعوك لبوست ظريف عن ابنه رائعه هى ايمان بت اخونا هاشم بدر الدين
سألت رئيس الوزراء الكندى وهو فى زياره لمدرستهم عن دار فور
المهم اقرى البوست
تحياتى
تراجى.
لنا الغاليه شكرا على المرور
نحن ناس مصر ذاتنا حديد
فى علاقاتنا
بس ناس الهند شكلهم كان عندهم اكسس للانترنت اكثر مننا.
حسين ملاسى
مبروك الكتاكيت
ويتربوا فى عزك
بس حسين ده يا جماعه عينى عليه بارده من النوع امابيعجز ده ضارب الدنيا طناش!
حسان الله يرحمه يا حسين كان راجل نضيف.
السنجك
تحيه ثانيه
وادينا كمان من اسماء الشوايقه
انتصار
انا سعيده جدا القى لى واحده من العشى الثانويه
لو بتتزكرى ايام الدوره المدرسيه وان مشاغبه جدا و مشجعه كبيره
لفريقنا بتاع الباسكت.
عبد الرازق
شكلك زعلان داخل البوست وما عايز تقول سلام
المهم ياسيدى طلعت خريج من مصر
وكمان بتعرف خالد اصيل
انا ما بعرفه لكن سالنى منه ابن خالى مكاوى محجوب الشريف
مكاوى خريج من بونا وساكن نيالا او بالاحرى هو من ناس نيالا
اكيد كده انت بتعرف اهلى وابناء خالتى ناس ياسر وحسن ومبارك (على الشريف)
نائب نيالا عن دائرة على الحاج ايام نميرى!!!!!!!!!!!
اها ياعبد الرازق عرفتنى ولا لا!!!!!!!!!!!
علاء الصغير
شايفه ( علاء الصغير) دى عجبتك ولبدته عليها
لا قلت انت مواليد متين ولا حاجه
مبروك عليك
بوستك شايفاه بتاع العرب وجاياه وحاتك
بس ما فاضيه كدى امش اقرا بوست الرائعه بت هاشم بدر الدين
عشان تعرف نحن ما بنابا العرب بس العرب الغير شرفاء.
|
Post: #75
Title: Re: تراجي مصطفي
Author: A.Razek Althalib
Date: 04-17-2005, 02:14 AM
Parent: #74
تراجي مصطفى
أولاً:
السلام عليكم ورحمة الله وبركاته...
| Quote: شكلك زعلان داخل البوست وما عايز تقول سلام |
لا لا..
الحكاية موش داخل البوست وما داير أقول سلام..
المسألة إنو هنا العفص تقيل...
خاصة ناس المكارثيون الجدد.. وصيد الساحرات..
شوفتي لو الواحد قال سلام...
على طول نسخ ولصق...
على طول شتات لبكري...
والشكية لغير الله مذلة..
وزي ما إنت شايفة... الحاصل...
ياها التحذيرات واصلة...
بس يا مكارة ..
في زول بقول لنفسو مكار...
كده خلي النفس هادي...
لغاية ما تتعرفي على أجواء البورد... يا برلومة..
| Quote: المهم ياسيدى طلعت خريج من مصر |
ناس المنصورة.. الدقهلية..
بلد الست..... (ام كلثوم)..
| Quote: وكمان بتعرف خالد اصيل |
الرجل الأصيل...
| Quote: انا ما بعرفه لكن سالنى منه ابن خالى مكاوى محجوب الشريف |
ناس حينا كلهم...
| Quote: مكاوى خريج من بونا وساكن نيالا او بالاحرى هو من ناس نيالا |
وهل يخفي القمر...
| Quote: اكيد كده انت بتعرف اهلى وابناء خالتى ناس ياسر وحسن ومبارك (على الشريف) |
أكيد.. أكيد... لو تعرفي كيف ...
ده أجمل طيف..
وضيعنا سنين ما بنتقابل...
| Quote: نائب نيالا عن دائرة على الحاج ايام نميرى!!!!!!!!!!! |
لا يا تراجي..
نائب دائرة نيالا شمال ....
ماركة مسجلة علي الشريف
على الدوام...
حتى لو كان الترشيح لشيخ حلة..
لغاية آخر إنتخابات للديمقراطية الأخيرة.. كان مرشح الحزب الإتحادي ضد على الحاج...
وفاز فيها النائب مالك الزبير سام... عن حزب الأمة....
| Quote: اها ياعبد الرازق عرفتنى ولا لا!!!!!!!!!!! |
طالما ما بتعرفي الناس البعرفهم..
أكيد حأعرفك...
حتى ولو ما بعرفك...
برضو بعرفك...
والزول ده مشي خلاص خلى المنبر.....
للناس الما بيعجبها العجب ولا الصيام في رجب...
وزمان قلنا فاقد الشيء لا يعطيه...
يحرم الناس من إبدأ رأيها...
وعايز هو الوحيد اليقول ..
الشيء ده صحي..
والشيء ده غلط..
وعلى العموم ...
طالما بقيتي من ناس مصر...
ده لوحده قصر مسافات طويلة.. للحوار...
وحمد الله ألف على التواجد على صفحات هذا المنبر...
ولنا لقاء...
وصولات وجولات......
ولك باغة... ورد..
عربون محبة..
وألفة...
وسلام...
|
Post: #76
Title: Re: تراجي مصطفي
Author: A.Razek Althalib
Date: 04-17-2005, 03:52 AM
Parent: #75
تراجي..
بالمناسبة..
المهندس معتصم دفع الله...
عضو بورداب الرياض....
جايب لنك..
مصر يا أخت بلادي...
والدبايب في البورد هنا كتار...
بس لابدين وراء الأسامي المستعارة..
دروز...
و......
تجار شنطة.....
|
Post: #77
Title: Re: تراجي مصطفي
Author: صلاح الدين عبدالله محمد
Date: 04-17-2005, 06:28 AM
Parent: #76
[مدخل :ــ
لا يا اخى شكرا ليك
ايوة اتغدينا
لا الشاى كمان شربناه
واشكرك لو جبت لينا شاى تانى
اصلو الونسة جميلة
ـــــ
تحية لاساسى
تحية لتراجدى
تحية للكل
واضيف اسمى مع الواقفين ومتاملين لجمال والاسم وتفردة
فى زمن الهدوء هذا البوست يخلينى اتخيل فى بيت سماية ولد خالتك (دى عشان ماتقولوا ضيف فى الحلة وساكى سمايات الحلة) وانت ضيف فى الحلة ومابتعرف ناس الحلة كويسة
وبعد الغداء وشراب الشاى والاسترخاء الجميل على الكرسى
وبتسمع فى ونسة الناس بعد مارمت كل الهموم بروح صافية وخلال هذا البوست حسيت ان هناك كثيرون لا يتركوا الجدية اينما حطوا (الكلام ليك يا ابوامنه)
وناس ملاسى ماعارف زيروه مازال سالما ام لا
يا ملاسى دفعت فى الجامعة كيف وانت قدامها بعشرات(عشرات دى كويسة)السنين وانت البحومك هناك بعد خلصت قرايتك شنو؟بتذكرنى الواحد فى الفرع زمان بعد التخرج اربعة سنوات دراسة ليلية بحوش الجامعة؟ ايام وايام بين الفكرة والضياع وان تجد لك موطء قدم فى هذا العالم بعد التخرج تتنفس بحوامة الجامعة
وتحية لرجل كل البوستات عبدالرازق
نشرب الشاى الثانى واجيكم
[/B
|
Post: #78
Title: Re: تراجي مصطفي
Author: جدو
Date: 04-18-2005, 09:23 AM
Parent: #75
الحبيب اساسي
كيفنك؟؟
مريت بيجاي لقيت البوست مليان ما شاء الله عيني باردة
قلت اسلم واسأل ...الحكاية شنو قاطع الخبر كدة
اخوك مزروووووووووور
عندي امتحان بعد اسبوع
ما تطنش من المسجات
تحياتي للجميع
وترحيب بالقادمة الجديدة تراجي
صاحبة الاسم الفريد
خالص ودي
|
Post: #79
Title: Re: تراجي مصطفي
Author: Tragie Mustafa
Date: 04-18-2005, 09:53 AM
Parent: #1
الاخ ابو امنه شكرا على المرور
ويا صديقى الحقنى بنزار
فانا مشتاقه لشعره جدا
وفى هذه المنافى صعب ان نجد كتبه
قديما كنت املك ثلاثه
اجزاء من اعماله الكامله
لكن ولاننى عامله كريمه واحب ان يقراء كل احبتى
الاشياء الجميله ضاعت هذه الثروه
وتعرف يا ابو امنه اغلى ما فيها
ان هذه الدواوين كانت هديه من
المرحوم والدى
كان رجلا رائعا يعشق نزار والحريه
وعند ما كان يهديينى دوواوين نزار
كان اباء صديقاتى ينصبن المشانق لبناتهن
لو علموا انهن يقرأن لنزار
من وقتها وانا مدركه اننى مختلفه لى اسره مختلفه
واراء مختلفه
و ها نحن حتى اليوم ندفع ضريبة اختلافنا عن الجوقه والامعه!!!!!!!
وفى انتظارك يا ابو امنه
لك محبتى
و اهديك ابيات نزار والتى
كنت و لازلت اعتبرها اجمل تعريف للحب
قال نزار قبانى :
( الحب ليس رواية شرقية
بختامها يتزوج الابطال
لكنه الابحار دون سفينة
وشعورونا ان الوصول محال
هو ان تظل على الاصابع رعشة
وعلى الشفاه المطبقات سؤال
هو هذه اليد التى تغتالنا
ونقبل اليد التى تغتال!................(طبعا يا ابو امنه ذلك قتلا مختلف
............................ليس مثل قتل ناس البشير للطلاب والاطفال) .
لك مودتى تراجى .
|
Post: #80
Title: Re: تراجي مصطفي
Author: محمد عبد القادر سليمان
Date: 04-18-2005, 07:23 PM
Parent: #1
تحايا عطرة للجميع,,,,
جذبني لهذا البوست اضافة الى روعة اسم تراجي
ورود اسم الاخ الكريم مكاوي محجوب الشريف فهو
من استلمني برلوما بمطار الخرطوم وسلمني الى كفيلي
بمدينة بوناالهندية الاخ سامي راشد تاج الدين كان ذلك في يوليو
عام 1989 ويا لها من سنين التحية عبرك لهذا الرجل الشهم وبخصوص
الاستاذ خالد اصيل فهو ايضا من ابناء نيالا ومقيم بكندا.
وبالمناسبة قصة الالفة بين شباب الهند دا سر ما بيعرفوا الا
زولا او زولة من خريجي الهند طبعا الاخت لنا زارت الهند لكنها
لم تكتشف السر عشان كده لما حاولت تجرب الشغلانة مع خريجي مصر
لم يحالفها الحظ عموما حظا اوفر لخريجي مصر في الجولات القادمة و
التحايا موصولة الى الاخ عبد الباسط والاخت ندى .
|
Post: #81
Title: Re: تراجي مصطفي
Author: NAZIM IBRAHIM ALI
Date: 04-18-2005, 09:09 PM
Parent: #1
(تراجى)
امراءة من طراز(شيرين عبادى)و((انديرا غاندى)
شجاعه وواعيه وكثيفه المعرفه
اتذكرها في محاضره للدكتوره(نوال السعداوى)في(اتحاد الطلاب السودانيين بالاسكندريه)كانت لها مداخله اذهلت (نوال السعداوي)فاحتضنتها وكانها تقول(من اين اتت هذه البنت بكل هذه الفصاحه والعمق)
كثير من ود واحترامات
|
Post: #82
Title: Re: تراجي مصطفي
Author: SalahDirar
Date: 04-18-2005, 11:53 PM
Parent: #81
أساسي الرائع
لك التحية ..
أخالها روح جميلة منك ومحاولة للنفس الهادىء في خضم معترك
العمل اليومي .. ذاك الذي لا ينفع ولا يشفع ..
عرفتك لماحاً،شفافاً وذكياً ومستقرئاً جيداً للأشياء ولكني أصبت بالدهشة فعلاً
أسألني لماذا؟؟ .. لأنني لم أكن موقناً بأن الحال وصل بك إلى
هذا الحد .. الحد الرائع طبعاً ..
ألمح تحت الرماد وميض نار .. وألمح محاذير استغربت من وردودها
أكاد أجزم بأنها لم تأت جزافاً ولكنها عملاً بمثل (الفي بطنه ... )
أحييك مرة أخرى وأقول:
الضرب ضرب أبو محجن
مرة أخرى صديقي العزيزي أقول لك:
Good Shoot
|
Post: #83
Title: Re: تراجي مصطفي
Author: خدر
Date: 04-19-2005, 00:17 AM
Parent: #82
اساسي
Ur not welcomed
Just leave
قلت ليهو( طيب) في الاخر !!
فتحت البوست من الصباح و لقيتك بنهزرو فيك
والله بضحك بهستريا ..
بالجنبه كده
شوق شديد
|
|