Post: #1
Title: يا ناس الفن و حقيبة الفن طلب .....
Author: محمد الامين احمد
Date: 04-13-2005, 10:31 AM
Parent: #0
تحية طيبة للجميع
يا جماعة بفتش لبقية كلمات الاغنية دى، ما داير اكون طماع و اقول دايرها صوت 
بتقول
يا خفيف الروح *** قل لى هذا نداك ام ندى الاسحار (او البلور)
و شكرا مقدما
|
Post: #2
Title: Re: يا ناس الفن و حقيبة الفن طلب .....
Author: ALGARADABI
Date: 04-13-2005, 11:12 AM
Parent: #1
الأغنية من كلمات خليل فرح
لحن و غناء ابراهيم الكاشف
فلق الصباح قولى أهو نورك لاح خلى
يا خفيف الروح هو هذا نداك أم ندى الأزهار
****
من جنان رضوان أصلك لذا كل ربيع فصلك
اتنفس فوح..تتنفس ناس
و رياض و بحار
****
ما ألذ نسيم وصلك ما رأيت يا جميل مثلك
يا بليبل الدوح هو هذا هواك
أم هوى الأسحار
*****
انت روضة وليك زهرة انتا كوكب وليك بهرة
ضمخوك للجبير زعفران وعبير
انتا نار فى بهار
*****
صبغ الخدين حمرة بعد ساعةتشوف صفرة
الأصفرار ده كتير أخجلوك يا أمير
ولا نمت نهار
*****
صبح البستان شايل شجر الرمان مايل
السلاف فى الدنان والكنار فى حنان
و الهزار فى هزار
*****
أنت كالطاؤس خائل كبرياءك فيك خايل
أنزل انتا كمان غنى قول يا زمان
وين حبيبى أزار
*****
ما عرفنا عدوك زاهل ولا لسه غلام جاهل
متهلل صيف شتا عندك كيف
فى اللعب بالنار
*****
فى لهيبك أشوف ساحل كالفراشة أجيك راحل
أنا خايف كيف يا لطيف الطيف
أهوى أبقى النار
****
فلق الصباح نور فى نحور الغيد صور
جمعن فى الدور من خدود وبدور
صدفة ومحار
*******
عزة شوفى الحوش نور بى نجوم الليل غور
يا صباح النور على العيون الحور
و الخديد الحار
*****
عزة قومى كفاك نومك وكفانا دلال يومك
انتى يا الكبرتوك البنات فاتوك
فى القطار الطار
******
عزة شوفى شباب قومك سبقوك على كومك
بت رجال ولدوك وللقبيلة هدوك
انتى عز وفخار
*****
المال فى كمال وصفك أدبك وجمال خلفك
الضمير العود و العيون السود
فى البطانة كتار
******
أدبك عنوان ظرفك نوريه يكون ألفك
زعلك يا أم خدود سوى ليهو حدود
ومنو يا ستار
|
Post: #3
Title: Re: يا ناس الفن و حقيبة الفن طلب .....
Author: محمد الامين احمد
Date: 04-13-2005, 11:32 AM
Parent: #1
ALGARADABI
شكرا يا رائع ،،
نردها ليك فى الافارح ان شاء الله
شكرا شكرا شكرا شكرا شكرا شكرا شكرا شكرا شكرا شكرا شكرا
|
Post: #4
Title: Re: يا ناس الفن و حقيبة الفن طلب .....
Author: ALGARADABI
Date: 04-13-2005, 02:14 PM
Parent: #1
بس ماتكون أفراح مريخية.......
بس لو كنتا هلالابى.........
|
Post: #5
Title: Re: يا ناس الفن و حقيبة الفن طلب .....
Author: Mohamed Elbashir
Date: 04-13-2005, 09:58 PM
Parent: #1
الأخ محمد الأمين
الغنيه دي بالذات من الأغاني التي تشدني بقوه و عشانكم نساهم بالهديه دي
| Quote: ما داير اكون طماع و اقول دايرها صوت |
خليك طوالي طماع عشان ننكت الحاجات السمحه دي
|
Post: #6
Title: Re: يا ناس الفن و حقيبة الفن طلب .....
Author: ali elhassan
Date: 04-13-2005, 10:38 PM
Parent: #1
الاخ محمد الامين
عن اذنك تخريمة ..
محمد البشير انا اقول
الزول ا شايفو وين
لاقيتك فى شيكاغو .
حاول اتزكر .
تحياتى لى ابو قرون لو بتلاقية.
|
Post: #7
Title: Re: يا ناس الفن و حقيبة الفن طلب .....
Author: محمد الامين احمد
Date: 04-14-2005, 10:41 AM
Parent: #1
ALGARADABI
يا زول ان شاء الله تكون افراح سودانية
Mohamed Elbashir
يا اخى اشكر ليك فنك ، طبعا يعنى امتنان كده لحدى ما تستغيث
و كان الطمعك بجيبك لينا ، طوالى بنكون طماعين
فلك الشكر و قد نثرت عبير الصوت هنا فاشجيت حواسنا
ali elhassan
البوست بوستك ، و مرحب بيك كتير
و جميل هو تواصل الانسان السودانى
تحياتى للجميع
|
Post: #8
Title: Re: يا ناس الفن و حقيبة الفن طلب .....
Author: صديق الموج
Date: 04-15-2005, 08:42 AM
Parent: #1
صبغ الخدين حمرة بعد ساعةتشوف صفرة
الأصفرار ده كتير أخجلوك يا أمير
ولا نمت نهار
محمد الامين والمتداخلين تسلموا على هذا الخيط الرائع، ولكن فى الكوبلى
الفوق ده هناك رواية سمعتها من عمنا عبد الله على عبد الله شقيق الشاعر
محمد على عبدالله الشهير بالامى.قال لى الفنانين ديل حتى الكبار منهم
بغلطوا فى البيت اعلاه وبقولوا اخجلوك يا امير وخليل فرح لم يقل ذلك
فخليل قال صبغ الخدين حمرة بعد ساعه تشوف صفرة .
طيب اذا كان احمرار الخدود
من علامات الخجل وايضا عندما ينوم ذوى البشرة البيضاء على جنباتهم
تتورد الخدود من اثر وضع اليد تحت الخد او من الفراش فمن اين جاء الاصفرار
لذا خليل لم يقل اخجلوك ولكنه قال اخ جلوك يا امير والا نمت نهار
ومعلوم الذهب عندما يجلوه يصير اكثر اصفرارا وهذا سؤال ومعه تاوه
اخ..جلوك ولكم شكرى،،،
|
|