Post: #1
Title: 120 محامى لزول كســر كمـرة!!!!
Author: أبوالريش
Date: 04-11-2005, 11:03 PM
الزول دا لو كتل ليه رقبـة كانوا حيترافعـوا عنو كم محامى..
جنس عـدم شغلـة..
واحـد شـاب جا ماشى بكرعينـو، وشـايل معـاه ســلم!! وماشى بالسلـم لحـد ما وصل للسفـارة الأمريكيـة ما لقى زول يقول عينك فى راسك.. بعدين بعـد ما وصل السفــارة، قام خت السلــم على الحيطـة (حيطـة السفـارة يا جماعـة ما حيطـة بيته)، وطلـع فى السلم.. لحـد ما وصل محل الكامـرة!!! (إحتمال كانت قصـاد شباك القنصل).. قام كســر الكامرة بالشـاكوش اللى كان شـايلو معاه برضـو.. ونزل من السـلم..
أول ما نزل لقى المعجبين من ناس الأمن، قاموا سـاقوه لحراسـة الشمـالى..
حت الان الأمـر (ما) عادى..
المهـم لو الحادثـة دى حدثت فى أمريكـا هنا، القاضى يفرض عليـه أما إصلاح الكامرا أو دفع ثمنهـا، وبالكتيـر قد يحكم عليـه بيوم أو يومين خدمـة إجتماعيـة.. وإنتهـى البيان، ولا يحتاج لمحامى حتى.
.. أما الحادث فى الســودان فلا يفهـم على الإطلاق..
حتى الأن 120 محامى أعلنوا أو سجلوا للدفاع عنه، وكونـوا مجلس دفاع!!
ال120 ديل لو كل واحـد منهـم دفع دولار واحـد، كان إشتروا كمرتين للسفـارة!!
=======
(خاص بالأخ دينق!
لم أجـد إيميلك حتى الأن)
[email protected]
|
|