Post: #1
Title: يا أهل الطب محتاجة مساعدة !!
Author: Sana Khalid
Date: 04-09-2005, 08:39 AM
دكاترتنا الأعزاء,
اليومين دي شغالة لي في شوية ترجمة, و محتاجة لمساعدة في إيجاد المصطلح العربي الصحيح المقابل لبعض المصطلحات الطبية الانجليزية..
أول واحد
neuroblastoma
أرجو المساعدة ............فقط المصطلح المقابل و ليس الشرح..
و لكم مني الشكر مقدماً
|
Post: #2
Title: Re: يا أهل الطب محتاجة مساعدة !!
Author: Sana Khalid
Date: 04-09-2005, 11:30 AM
Parent: #1
خلاص.. هو واحد بس ما تخافوا...و تقولوا دي ح تتلحنا...
بس
neuroblastoma
دي
|
Post: #3
Title: Re: يا أهل الطب محتاجة مساعدة !!
Author: Hafiz Bashir
Date: 04-09-2005, 12:31 PM
Parent: #1
ورم الأوليّـات العـصبية
او
ورم الجذيعات العصبية
و الله اعلم
|
Post: #4
Title: Re: يا أهل الطب محتاجة مساعدة !!
Author: Hafiz Bashir
Date: 04-09-2005, 12:41 PM
Parent: #1
ربما يكون المطلوب ترجمة Neuroblastoma cells
و هذه يقابلها بالعربية الخلاياالجذعية العصبية الورمية
|
Post: #14
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 03:22 AM
Parent: #4
شكراً ليك أخي حافظ...هي كانت Neuroblastoma بدون cells
أفهم من كلامك إنو ديل الاتنين مترادفات...إذا كان كده فأنا
عجبني ورم الأوليات العصبية...مهضوم أكتر ..اسمح لي آخده هو
و شكراً جزيلاً..
|
Post: #5
Title: Re: يا أهل الطب محتاجة مساعدة !!
Author: Anwar Ahmed
Date: 04-09-2005, 01:01 PM
Parent: #1
neuroblastoma
الاخت سناء سلام انا ما دكتور لكن ادا قسمنا الكلمه قد تعطي معني فكلمة neuro تعني عصبي وكلمة blast تعني انفجار
من هنا يمكن ان نجمع معني كلمه neuroblastoma قد تكون انهيار عصبي !!! وقد لا تكون ....اسا لي الدكاترة...
|
Post: #6
Title: Re: يا أهل الطب محتاجة مساعدة !!
Author: عبداللطيف خليل محمد على
Date: 04-09-2005, 01:12 PM
Parent: #5
ورم أرومة العصبي : Neuroblastoma
|
Post: #16
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 03:31 AM
Parent: #6
مرحب بيك أخي عبداللطيف..
تعرف نفس الترجمة دي لقيتها أمبارح بعد ما نزلت البوست في حاجة اسمها المعجم الطبي الموحد...(طبعاً المعجم ده محتاج لترجمة برضو للعربية)
المهم كلمة أرومة دي بقت لي صعععبة..و قلت أكان مشيت كتبتها في الترجمة ح أزعل ناس كتيرين مني...لأنو الحاجة البترجم فيها دي حتكون لعامة الناس...بحكي ليكم عنها بعد شوية...
و شكراً جزيلاً ليك
|
Post: #25
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:18 AM
Parent: #16
معليش يا عبداللطيف أخوي...الوردة ما وصلتك..قلت أجي أجيبها تاني..
|
Post: #15
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 03:24 AM
Parent: #5
أنور ..كيف حالك؟ ..
أيوه حكاية( التقطيع) دي بتنفع كتير في تقريب المعنى...لكن شايفة أوما... oma ما عجبتك..ورميتها بوراك...
شكراً ليك
|
Post: #7
Title: Re: يا أهل الطب محتاجة مساعدة !!
Author: zola123
Date: 04-09-2005, 01:28 PM
Parent: #1
يا أنور دي بالغت فيها بالجد 
مع ان فكرتك كويسة انك تقسم الكلمة لمحاولة ترجمتها
ده اذا قدرنا أصلا!!
ويا سناء الله يكون في عونك عشان بصراحة كدة انا ما عارفة الفايدة شنو من ترجمة المصطلحات أو الأسماء ممكن كتابة النص المترجم ثم ايراد الكلمة كماهي بين قوسين ثم في الحاشية اسفل الصفحة اعملي تعريف أو وصف لنوع الورم بالتفصيل.
اول كلمة عصبي وتاني كلمة اسم الخلايا المكون منها.
لحد ما يجيكي زول يعرف يترجمها ليكي على بعضها حاونسك شوية.
كانت عندي صاحبة قرت في السودان طب ومرة على سبيل الفضول ليس الا مسكت واحد من كتبها اتصفحه واعتقد ان الكتاب كان سوري
لقيت ليكي حاجات عجيبة مثل: المتقعوصات اللولبية, المتكورات الماعارفة شنو, العصويات الابصر ايش
بعد ان انتهيت من نوبة ضحك معتبرة جلست لتفهمني انها ترجمات لأنواع الباكتيرا.
المهم الاستفادة شنو؟ وهل من الضروري ترجمة الأسماء؟
وبالمناسبة دي شوفي لي معاكي اسمي ده ( ايناس) بيطلع شنو بالانجليزي
هو جاي من الأنس او الاستئناس
تحياتي وحبي
|
Post: #8
Title: Re: يا أهل الطب محتاجة مساعدة !!
Author: Anwar Ahmed
Date: 04-09-2005, 02:18 PM
Parent: #7
د..إيناس إزيك واحوالك تعرفي كثيرا ما استخدم طريقة تقسيم الكلمة لمحاولة ترجمتها
فقد تعطي المعني القريب للكلمه و هذه الكلمه قد تحتاج لطبيب متخصص في
neurosurgery فهو الاقرب ليعطي نفس ترجمة المصطلح
|
Post: #9
Title: Re: يا أهل الطب محتاجة مساعدة !!
Author: mohamed osman bakry
Date: 04-09-2005, 02:40 PM
Parent: #8
والله دي Robbins مايترجمها
|
Post: #10
Title: Re: يا أهل الطب محتاجة مساعدة !!
Author: Kostawi
Date: 04-09-2005, 03:09 PM
Parent: #9
Neuroblastoma
هو ورم خبيث عند الأطفال قبل بلوغهم سن الواحدة
و الورم ينشأ في فوهة الخلايا العصبية التي تمتد من قاعدة الرقبة حتى الزنيب العظمي.
يعني بالعربي كده معناها سرطان أطفال صغنتوتين ...
Well, I tried
|
Post: #11
Title: Re: يا أهل الطب محتاجة مساعدة !!
Author: Mohamed Elbashir
Date: 04-09-2005, 03:16 PM
Parent: #10
Quote: يعني بالعربي كده معناها سرطان أطفال صغنتوتين ...
|
غايتو يا نصر كان بقي كلو زي ده ناس الطب تعبانين الكتاب يكون داير ليهو عشره عتاله
معليش يا أخت سناء ده شهر ما عندنا فيهو نفقه
تحياتي
محمد علي
|
Post: #12
Title: Re: يا أهل الطب محتاجة مساعدة !!
Author: EXORCIST7
Date: 04-09-2005, 03:36 PM
Parent: #11
الأخ محمد البشير... عاوز أعرف لو إنك درست الثاوى العام فى مدرسة الوفاق المتوسطة ؟
شكلك كدا ما غريب على....
|
Post: #22
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:11 AM
Parent: #12
مع انو الكلام ما لي ...لكن أهلاً بيك اكسورسيست
|
Post: #32
Title: Re: يا أهل الطب محتاجة مساعدة !!
Author: EXORCIST7
Date: 04-10-2005, 07:42 AM
Parent: #22
الأخت سناء خالد
وفقك الله للمصطلح خفت أقوم أصرح هنا الجماعة إياهم يقولوا الإرهابى دا بيعنى معنى تانى بيسهم فى دعم الإرهاب
أصلو دى فهمهم بقى ضيق
والسلام
|
Post: #40
Title: Re: يا أهل الطب محتاجة مساعدة !!
Author: Mohamed Elbashir
Date: 04-11-2005, 11:59 PM
Parent: #32
بعد أذن أختنا سناء
الأخ مصطفي (EXORCIST7)
معليش شوفت البوست متأخر
أيوه ياهو زاتو واحد من المرتزقه بتوع عمر و أستاذ خالد و الله أيام
دي أيميلي و نسمع أخبارك (melbashirATgmail.com)
و كدي شوف صورتي دي كان تعرف المعاي
تحياتي وودي
محمد علي
|
Post: #21
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:09 AM
Parent: #11
لكن برضو شكراً ليك أخي محمد البشير على الطلة..
و أنا متأكدة.. أكان عندك..
ما بتقصر..
|
Post: #20
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:07 AM
Parent: #10
مرحب بيك كوستاوي...
و ألف ألف شكر...لأنو محاولتك جداً مفيدة لي..و فعلاً السجل موجه للأم والطفل.
لكن ..معليش أكتر عليك شوية كمان...
هل هو مرض شائع في السودان؟
هل يمكن أن يتوفر ( بسهولة ) فحص الأطفال في السودان ( فحص وقائي) لمعرفة إن كان هذا المرض موجوداً أم لا...؟
و شكراً مرة أخرى
|
Post: #19
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:00 AM
Parent: #9
سلام أخي محمد عثمان...
Robbins
دي ترجمتها شنو؟
|
Post: #18
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 03:58 AM
Parent: #7
زولتنا..دكتورتنا الحلوة...(ما شاء الله)...أنا فرحانة اني شفت صورتك..أخيراً ...
عارفة حكاية التعريب و المراجع السورية و العراقية المعربة ...و المحتاجة لتعريب أكتر من المراجع الأصلية دي..نحن كنا أول ضحاياها...(نحن أول دفعة جربوا فيها التعريب) و يا عيني علينا...
أضحكك زيادة...
البنكرياس = المعثكلة !!!!
و الاثنا عشر = العفج !!!
و الإلتهاب = الخمج !!!!
يعني كان جاك راجل عجوز مسكين ..عندو التهاب في الاثنا عشر...اتخيلي شكلو و انت بتقولي ليهو ...والله يا حاج انت عندك خمج في العفج...
غايتو ...أنا ما مع حكاية تعريب المصطلحات دي برضو...لكن حكاية الترجمة الشغالة فيها دي حكاية جميلة.. وحتجرني عشان أحكي ليكم عن انسان جميل ..في زمن عز فيهو الجمال...عايزة من زمان ألقى فرصة و أفرد ليهو بوست...ان شاء الله قريب...
لكن ح أديك فكرة مختصرة...
هنا في اليابان ..عندهم كتيب أو سجل صغير...يعطى للمرأة الحامل منذ شهورها الأولى و يظل معها في كل زيارة لمتابعة حالة الجنين..وحالتها هي الصحية...ثم الولادة وكل ما يتعلق بها من معلومات..ثم يتابع السجل مع نمو الطفل حتى سن السادسة...فيه تسجيل كامل لتطور نموه , وتطعيماته .. وكل شيء عن حالته الصحية...و هذا الكتيب سجل رسمي..يتم التعامل معه بحرص من الطبيب, و المراكز الصحية.. و وزارة الصحة...و الأم طبعاً..
أقوم بترجمة هذا الكتيب أو السجل إلى العربية...تهيئة لتطبيق فكرته في السودان... و أنا في غاية السعادة بهذا المشروع..و بصاحب الفكرة...كواهارا سان... رجل سوداني من اليابان!!
|
Post: #13
Title: Re: يا أهل الطب محتاجة مساعدة !!
Author: أحمد الشايقي
Date: 04-10-2005, 00:07 AM
Parent: #1
آنـس , يـؤنـس إئـنـاسـاً
تـخـفـف إلى إيـنـاسـاً
مصدر الأنس والإيناس أنى كانت، وهي من كانت طيبة النفس محبوب قربها وحديثها، أما ايناس فهى مزيلة الوحشة..
وهى الملاطفة وهى المؤانسة لأبويها.
معليش نسـيت
إنتو قلتو عايزين تترجمـوا شنو؟؟؟
|
Post: #23
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:12 AM
Parent: #13
..إيناس..إيناس يا أحمد الشايقي...
وشكراً على المساعدة..
القصيدة..
|
Post: #17
Title: Re: يا أهل الطب محتاجة مساعدة !!
Author: أبو ساندرا
Date: 04-10-2005, 03:37 AM
Parent: #1
ورم جذعي عصبي
|
Post: #24
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:13 AM
Parent: #17
مرحب بيك عمو أبو ساندرا و نورت بوستي..
وشكراً جزيلاً ليك
|
Post: #26
Title: Re: يا أهل الطب محتاجة مساعدة !!
Author: أبو ساندرا
Date: 04-10-2005, 04:25 AM
Parent: #1
نور الله قلبك بالأفراح
وأسعدك بالليالي الملاح
ومن هسع حاجزين عندك ، تعالجينا من أمراض الشيخوخة والزهايمر المبكر
|
Post: #28
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:43 AM
Parent: #26
معليش عمو أبو ساندرا..أنا ما قدرت ما أضحك..
لكن آسفة على الخلط الحصل...و اللي أكيد أنا سببو..
أنا طبيبة بيطرية...
و في الشهادة فقط...خبرة عمل...زيرو
لكن أنا متأكدة انو إيناس ان شاء الله ما حتقصر معانا.. انت ..و أنا
و شكراً على الدعوات الحلوة..ربنا يحققها ليك كمان في ساندرا و أخواتها
|
Post: #27
Title: Re: يا أهل الطب محتاجة مساعدة !!
Author: ombadda
Date: 04-10-2005, 04:30 AM
Parent: #1
sorry I dont know
|
Post: #29
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 04:56 AM
Parent: #27
شكراً ليك أخي أمبدة..
و تحياتك وصلت لبيطرة و البياطرة...
هنا يأخذون عينة بول لجميع الأطفال في عمر سبعة شهور, و طريقة أخذ العينة بسيطة,يعطوا كل أم عند زيارتها لتطعيم طفلها ضد السل في الشهر الرابع , يعطوها مظروف صغير به ورقة من نوع خاص, و يطلبوا منها أن تحتفظ بها حتى يصبح عمر الطفل سبعة شهور..حيث تبلل الأم هذه الورقة بقطرات من بول الطفل, و تضعها في الظرف و ترسلها بالبريد إلى العنوان المطبوع عليه..حيث تقوم تلك المعامل بفحص العينة و يرسلوا نتيجة الفحص إلى أهل الطفل بالبريد أيضاً...
طبعاً أتوقع ان كانت النتيجة ايجابية لا سمح الله , أن يقوموا بعد ذلك بعلاج الحالة ومتابعتها...
ان شاء الله حتتحق عندنا الحاجات دي...باذنه تعالى ..وباجتهادنا...
|
Post: #30
Title: Re: يا أهل الطب محتاجة مساعدة !!
Author: أبو ساندرا
Date: 04-10-2005, 05:09 AM
Parent: #1
]ده عز الطلب
|
Post: #31
Title: Re: يا أهل الطب محتاجة مساعدة !!
Author: Balla Musa
Date: 04-10-2005, 07:28 AM
Parent: #30
الأخت سناء
السلام عليكم ورحمة الله وبركاته
Quote: neuroblastoma
أرجو المساعدة ............فقط المصطلح المقابل و ليس الشرح.. |
أنا كطبيب درست باللغة الإنجليزية وكانت لغة عملى كذلك الإنجليزية وغيرى من الأطباء الذين درسوا وعملوا فى السودان من أبناء جيلى صعب علينا إعطائك فقط المصطلح المقابل و ليس الشرح..
ولكنى أوجهك للأطباء الذين درسوا بسوريا إذ لديهم مصطلحات مقابلة بالعربى وقد صارت مرجع فى تعريب الطب.
لك شكرى وأسفى للتأخير وقد كان بسبب البحث عن مصطلح مقابل ولكن إستحال على فى البلد الذى أقيم فيه
|
Post: #34
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 08:01 AM
Parent: #31
و عليكم السلام ورحمة الله وبركاته يا دكتور بلة..
و أنا شاكرة ليك طلتك...
في الحقيقة أنا ما باستغنى عن الشرح..أولاً عشاني..عشان أفهم الحاجة الأنا بكتب فيها..و ثانياً عشان أحاول أضع المصطلح في اطار تفسير مختصر ضمن السجل..أنا أمس و أنا بكتب كنت مستعجلة عشان عايزة أخلص بسرعة.. وكنت عايزة المعلومة السريعة المختصرة..و برضو ما حبيت أشغلكم معاي , و أنا عارفة الوقت البياخده الرد على أي بوست...
لكن أكون سعيدة لو قلت لي وصف (شعبي, أو بلدي) يعني لو عايز تسمي المرض لأم سودانية من عامة الناس...ممكن تقول ليها شنو؟
لقيت المصطلحات السورية أخير منها اللاتيني...!!!!
|
Post: #33
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 07:51 AM
Parent: #30
لااااا...العفو يا عمو أبو ساندرا...
حاشاك وانت سيد الناس..
يا ريت لو كل الناس زيك...
ربنا يخليك يا رب...
|
Post: #35
Title: Re: يا أهل الطب محتاجة مساعدة !!
Author: zola123
Date: 04-10-2005, 08:28 AM
Parent: #1
سناء يا عسل الله يسعدك ضحكتين شديد في الخمج دي
تصدقي مرسومة علىنا نحن السودانيين
اقول ليكي حاجة ؟ من دربك ده شيلي ترجمة أبو ساندرا عشان دي أجمل ترجمة قرؤيتها في البوست ده
Nero: عصبية
Blast: خلايا جذعية
Oma: ده اختصار للطبيعة السرطانية وورم كلمة مناسبة لوصفها برضو
لو عايزة تفاصيل أكتر عليكي ب د. معز وسوف أقوم بوضع سؤالك في المنتدى الطبي بصفحته وانتظر معاكي الرد.
http://drmoiz.com/phpBB2/viewtopic.php?p=38965#38965
أحمد الشايقي
ما بتقصر, ده ما أنا زاتي الوصف ده  لوووول
لاكن أنا قصدت ترجمة لأسمي بالانجليزية يعني اسم مقابل اسمي في اللغة الانجليزية وأكيد حتكون حاجة صعبة
عمو أبو ساندرا تبرى من الخرف انشاء الله, الزيك بخرف لاكن؟ 
|
Post: #36
Title: Re: يا أهل الطب محتاجة مساعدة !!
Author: Kostawi
Date: 04-10-2005, 10:34 AM
Parent: #35
الأخت سناء خالد
طبعا أنا ما طبيب ولكن وجودنا في البلد دي لازم رجل الشارع يعرف شويه من المعلومات الطبية وكمان يعرف شويه في القانون.
طبعا ما عندى معلومات إحصائية عن السودان ولكن في أمريكا من بين كل 100000 طفل توجد حالة واحدة.
و 50% من من الأطفالا الذين يصابون بهذا النوع من ألأورام شخصوا بمرض السرطان...ويمكن علاج المرض جراحيا إذا أكتشف مبكرا. ومن أعراضه الواضحة هو بروز الورم في الرقبه (ورم صلب الملمس وغير مؤلم)....وعند إنتشاره يسبب آلآم في العظام و من الأعراض الأخري عدم الشهية للأكل.
أسباب المرض غير معروفة تحديدا ولكن بعض العلماء يعزون أسبابه للتلوثات البيئة.
و الله أعلم
|
Post: #37
Title: Re: يا أهل الطب محتاجة مساعدة !!
Author: Sana Khalid
Date: 04-10-2005, 10:37 AM
Parent: #35
إيناس الحبيبة..
شكراً جزيلاً لمساعدتك ..و أنا في الانتظار لو لقيتي معلومة تاني...
فعلاً أنا لقيت ترجمة عمو أبو ساندرا أكتر ترجمة سهلة , وممكن الناس تتقبلها.....
أقول ليك حاجة..اسمك ده ما تهبشيه..خليهو كده سمح...
يقوم يطلع مشاتر بالانجليزي.. وناس البورد يمسكوه ليك
و دمت
|
Post: #38
Title: Re: يا أهل الطب محتاجة مساعدة !!
Author: Anwar Ahmed
Date: 04-10-2005, 11:41 AM
Parent: #1
سناء بحثت في النت عن معني الكلمه فوجدت تعريف لها في صفحة جمعية السرطان الأمريكية وقد عرفوها
Neuroblastoma, a form of cancer that occurs in infants and children, is rarely found in children older than 10 years. The cells of this cancer usually resemble very primitive developing nerve cells found in an embryo or fetus. (The term neuro indicates "nerves," while blastoma refers to a cancer that affects immature or developing cells).
نيوروبلاستوما شكل من أشكال السرطان الذي يحدث في الأطفال الرضع والأطفال يوجد يوجد بصورة نادرة في الأطفال اكبر عمرا من 10 سنوات .... خلايا هذا السرطان عادة تشبه الخلايا العصبية النامية البدائية جدا وجدت في جنين .... تعبير neuro = عصبية تشير الي أعصاب بينما blastoma تشير إلى سرطان يؤثّر على الخلايا الغير ناضجة أو نامية..
ويمكن مراجعة الرابط
http://www.cancer.org/docroot/cri/content/cri_2_4_1x_wh...neuroblastoma_31.asp
وفي رابط آخر قسمت كلمة neuroblastoma الي
neuro-blast-oma
neuro (nerve) + blast (germ, bud) + oma (tumor).
الورم=oma +(الجرثومة، البرعم)انفجار = blast+ (عصب )العصبي= neuro
كلمة blast قد لا تعني انفجار كمصطلح طبي وهنا ارجح تعريف الدكتور ة إيناس وهي خلايا جذعية فأهل مكه ادري بشعابها
المرجع
http://www.marrow.org/PATIENT/neuroblastoma.html
وقاكم الله جميعا من كل شر
|
Post: #39
Title: Re: يا أهل الطب محتاجة مساعدة !!
Author: أبو ساندرا
Date: 04-10-2005, 12:12 PM
Parent: #1
sana khalid
zoga123
العزيزات :
انا دخلت طور الخرف قبل خمس سنوات ورشيدة تعبت من عمايلي ، وهسع بتبني في حجرة علوية بدون سلم ، بعد ما فشلت تحذيراته من شاكلة أنت أبو بنات ولازم تكون وقور
وفي الحقيقة انا حاولت أكون وقور ، وفتشت على الوقار في الأسواق والبقالات الكبرى والصيدليات وما لقيتو ، هسع انا قنعت وهي قنعت ، وعشان بناته ما يبورن { بايركس} لازم تتخلص مني ، وعملت حسابي ، أي حاجة تقدم لي لازم تضوقه هي في الأول أو الكلبة بتاعته دينا الجاسوسة حتين انا أدخل يدي ، أو نتلحس غير مأسوفآ على خرفنا المدمر
ويا سناء ماعندك أي مشكلة ، ممكن تكتسبي خبرات من بيتنا { حديقة حيواناتنا } حا تلقي زراف وغزلان وجرو صغيروني كده خاتيني تحت الرادار طوالي بإيعاز من وزارة الداخلية
|
Post: #41
Title: Re: يا أهل الطب محتاجة مساعدة !!
Author: مبيوع
Date: 04-12-2005, 00:05 AM
Parent: #1
الاخت سناء
الترجمه الصحيحه هى
ورم الخلايا المصوره للعصبون
|
Post: #42
Title: Re: يا أهل الطب محتاجة مساعدة !!
Author: أحمد الشايقي
Date: 04-12-2005, 00:05 AM
Parent: #1
د. زولا 123
ترجمـة إيناس بالانجليزي
ســــااااااهـلـة
قولي:-
Noouusaa
|
Post: #43
Title: Re: يا أهل الطب محتاجة مساعدة !!
Author: Sana Khalid
Date: 04-13-2005, 03:46 AM
Parent: #1
الأخوة المحترمون..
كوستاوي..أنور أحمد ..مبيوع..
شكراً لكم كثيراً على المعلومات القيمة...سأحاول وضعها في صورة مبسطة في السجل..
عمو أبو ساندرا...تحياتي لك و لخالتو رشيدة..أنا متأكدة انو الغرفة اللي بتقول عليها دي هي تاج فوق الراس..
أما زرافاتك..و غزلانك..تمشي وتجي تلقاني (متفنة) جنبهن..وشابكاهن ليك..كوايييييي...كواييييييي....(يعني حلااااااااتن...بالياباني...)
الأخ المحترم أحمد الشايقي...
بالله غنيها...
|
|