ما عندكم مشكلة ... !

أنت كنت وين أصلآ ؟
نقد: انا كنت قاعد في بيت كنت أمارس منه مهامي الحزبية وكنت حا أطلع من ذلك البيت إلى العلن وأمشي بيتنا

- كيف وضعك الآن ؟
نقد : أنا ذهبت إلى بيتنا

- كيف الحالة الصحية؟
نقد : عال العال ، صحتي كويسة جدآ ، وأي كلام عن مرضي غير صحيح
علقت انا{ فعلآ يا استاذ نلاحظ ذلك من صوتك }

- هل ترى أن هناك خللآ في التأمين ؟
نقد: حا يخضع الموضوع للدراسة والمراجعة
وأضاف ، يبدو كان هناك بلاغ
http://www.sudaneseonline.com/anews2005/apr7-88770.shtml

طيب
تلك كانت افادات الاستاذ محمد ابراهيم نقد عبر مقابلة هاتفية وارجو ان تدققوا فى ما تحت السطور حتى يكف البعض اذاه عنا ومحمد حامد قال ومحمد لخ فعل والعميد قعد .. كويس
والناس الزعلانة وختتو معانا قرض احسن تمشى تشوف ليها حائط مبكى اخر ويعنى بالعربى الفصيح كدا شوفو ناسكم واعملوا تدقيق ومحاسبات حزبية تسد عليكم الحفر والفرجات البيخشو بيها الناس على قيادتكم واما قصة كيف انا جبت الخبر فهذا موضوع يخصنى وحدى وانا ما مطالب بكشف مصادرى لشخص وكلكم عندكم مصادر بتعطيكم اخبار ومعظمها اخبار اى كلام فى زول قال بغم ... قلنا حاجة ... ماسكتنا ... وزعلانيين ليه وجايطين فى شنو الخبر وطلع صحيح مية مية ولمن نزلتو هنا لا كنت قاصد اشمت فى زول ولا احرق روح بنى ادم بس قصدنا نخت الناس فى الصور كزميل ليهم فى المنبر دا اولا ولانو دا من حقى زى ما فى ناس تانية يوماتى بتنزل اخبار وبيانات كمان من حقى وانا احصل على خبر كبير زى دا اجيبو هنا اقلو الناس تقيف على رواية واضحة بدل من الناس تشرق وتغرب وتعمل من الحبة قبة واهو الاستاذ كويس وحمد الله على السلامة .
يا جماعة روقو المنقة ولو عندكم غباين شوفو محل ما تفشوها وين . وقصة smc انسوها لانو المركز دا مركز اعلامى ومحلو معروف فى نص الخرطوم وكل الجرائد المحلية والعربية والافريقية بتنقل عنو يوماتى ورويتر بتنقل عنو والواشنطن بوست نقلت عنو والجزيرة ... اها قاطعو ديل كمان لانهم اذرع لاعلام الجبهة الاسلامية ...
يا اخوانا انا ظللت حريص على الجميع فى المنبر دا .. لا بغلط على زول ولا بهاتر بنى ادم وما عندى قشة مره مع انسان فبالله راعوا لينا دا ولو كرهتو حزبى واعتقادى السياسى ، وانا وناسى السجمانين ديل خلونا ... ورونا فلاحتكم انتو .. وبطلو الثكلى والنواح كل ما زول زح منكم اشربكتو فيهو
بالمناسبة فى ناس قالت الخبر عار من الصحة ومصنوع واتهمونى بالكذب والتضليل ... اها الكورة خشت القون ... رايكم شنو ... استحق اعتذار ... مش كدا ... لكن ما فى مشكلة بعفى ليكم وما بشتكى ...

الجماعة قالو مقاطعنى عشان انا ضربت لى صلاح قوش قلت ليهو يا سيادة اللواء محمد ابراهيم نقد قاعد فى حى الفردوس امشى شوفو وسلم عليهو
عشان كدا برفع بوستاتى براى ....
اها
up

الأخ/ محمد حامد جمعة

Quote: عشان كدا برفع بوستاتى براى ....

الله يرفع مقدارك ويعلي شأنك..
وأنت تتحفنا بالسبق الصحفي...

والما عجبو ما يقرأ...
أنحن والفارغة يملاها الله....

وخلي روحك ديمقراطية...

ففاقد الشيء لا يعطيه..

والأمر شورى..

وما تعتر ليك...

قشة..

تحية إلى الأستاذ نقد، مع أطيب الأمنيات بالصحة والعافية..
ياسر

Quote: اليوم السبت 9 أبريل 2005 يوافق الأول من ربيع الأول عام 1426 وفيه اعتاد السودانيون، والجمهوريون بداية الاحتفال بالمولد النبوي الشريف الذي يوافق الثاني عشر من ربيع الأول.. أسوق التهنئة إلى الجميع.. وأسأل الله أن يكون به بداية إحقاق الحق في السودان ونصرة المظلومين من المستضعفين والنساء والرجال "الذين يقولون ربنا أخرجنا من هذه القرية الظالم أهلها واجعل لنا من لدنك وليا واجعل لنا من لدنك نصيرا"، وذلك بزوال الدولة التي شوهت الإسلام وشوهت الشريعة بقوانينها "قوانين سبتمبر"، وساعدت في نمو الإرهاب والتكفير حتى صارت له سطوة عالمية وصلت ذروتها في زلزلة الحادي عشر من سبتمبر وما زالت تداعياتها مستمرة.. أرجو ألا ننسى أن كل هذا الهوس والإرهاب والطغيان قد بدأ في النصف الثاني لفترة الحكم المايوي، وبالتحديد بعد المصالحة الوطنية التي جاءت بالأخوان المسلمين وغيرهم من السلفيين الذين بدأوا باحتواء حكومة مايو وعملوا على تحويل مسارها نحو أهدافهم.. وقد كانت نقطة التحول في موقف الأستاذ محمود والجمهوريين عندما جاء الشيخ المصري محمد نجيب المطيعي إلى السودان وبدأ حملته التحريضية ضد الجمهوريين والمسيحيين والجنوبيين، من مسجد "التقوى" في حي كوبر، وهو المسجد الذي بُني على نفقة عمر محمد الطيب نائب رئيس الجمهورية ورئيس جهاز الأمن وقتها، ثم انطلقت الحملة نحو الإذاعة والتلفزيون.. فخرج كتاب "الهوس الديني يثير الفتنة ليصل إلى السلطة" في مايو 1983.. في هذا الكتاب الذي صدر والبلاد ما زالت تحكم بواسطة دستور 1973 العلماني، حاول الجمهوريون تنبيه السلطة إلى أن التحريض على الإرهاب والعنف ضد الجمهوريين وضد المسيحيين سوف يؤدي بالبلاد إلى كارثة إذا لم تقم الحكومة بوقفه.. لقد وصف الأستاذ ذلك الكتاب بأنه كتاب أمني من الدرجة الأولى.. وقد كان توقع الأستاذ محمود صحيحا، فقد انطلقت حركة حمل السلاح بواسطة الجنوبيين في نفس الشهر الذي اعتقل فيه الأستاذ محمود والجمهوريين.. نسأل الله بحق المصطفى نبي الرحمة أن يهزم هذا الطغيان والإرهاب ويسوق المجرمين إلى الجزاء والخزي .. "ومن أظلم ممن منع مساجد الله أن يُذكر فيها اسمه وسعى في خرابها، أولئك ما كان لهم أن يدخلوها إلا خائفين * لهم في الدنيا خزي ولهم في الآخرة عذاب عظيم" صدق الله العظيم

الدكتور ياسر الشريف.
التحايا...
والله يا ود المليح.. حيرتنا معاك...
من حكاية النسخ واللصق دي.. Paste & Copy كده شوف ترجمتها باللغة الألمانية شنو..؟
بعدين في مغالطات واضحة..
ومخالفة لقوانين النشر في منبر سودانيز أون لاين..!
المصدر شنو الأنت عامل منو الـ Quote
لا حولاآآآآه...
والحاجة التانية...
الكلام الغريب الفيهو مغالطات...
لا تنطلي لأصغر صبية البورد...
شماسي... مثال...

Quote: وفيه اعتاد السودانيون، والجمهوريون

يعني شنو يعني...!!؟!!
الجمهوريين ما هم سودانيين ولا دي تيجي كيف دي...
سبحان الله..

أنا بتخايل لي إنت عايز تقول..
المسلمين ..
والجمهورين..

غايتو...
الله لا يجعلك من الذين ....
تشابه عليهم البقر...
أو كمثل لخبطة الشاهد والمشهود..
ولا من الذين وصفهم رب العباد كمثل الحمار يحمل أسفاراً.. يا دكتور...

قول آمين...

UP

لا تهتم بعدد الردود ، بس انت شوف الزوار !

محمد حامد جمعه فوق

بوستك ده كان تمام ولا سجم رماد

الممهم إنت فوق

أبو الزفت ضد سياسة الأقصاء