Post: #1
Title: ماسينجر على الهواء.....
Author: شمهروش
Date: 04-07-2005, 07:53 AM
Parent: #0
هذه العنوان ماركة مسجلة باسم
الاخت الغالية جدا رجاء العباسي
التحية لها اينما حلت..
1/اخي شلبي انا في انتظارك!!
2/ كاظم تصل بالسلامة...
|
Post: #2
Title: Re: ماسينجر على الهواء.....
Author: شمهروش
Date: 04-07-2005, 07:58 AM
Parent: #1
Quote: المتواجدون الان بالمنبر الحر 351 شخص » (31 )عضو و (320) زائرا
»Abdelrahman Elegeil
»Afifi Mahamed
»ahmed haneen
»Ahmed Khalil
»Alia awadelkareem
»Anwar Ahmed
»Balla Musa
»Deng
»Dr.Mohammed Ali Elmusharaf
»EXORCIST7
»Hassan Osman
»merfi
»Mohamed Doudi
»Mohamed Elgadi
»mohamed osman bakry
»mohmmed said ahmed
»Nasser Mousa
»Omer Abdalla
»Rashid Elhag
»Shao Dorsheed
»Tabaldina
»Yaho_Zato
»Yasir Elsharif
»خضر حسين خليل
»ست البنات
»شمهروش
»عبد المنعم سيد احمد
»فيصل عثمان الحسن
»معتز تروتسكى
»نصار
»ودالعباسية
هذه الصفحة يعاد تحديثها كل 120 ثانية. |
من بين هولاء الاحباب حبيب جدا
معتز تروتسكي لك كل التحايا النواضر.....
الاخ دينق حبابك الف
|
Post: #3
Title: Re: ماسينجر على الهواء.....
Author: معتز تروتسكى
Date: 04-07-2005, 09:01 AM
Parent: #2
خالص التحايا..
العزيز جدا
شمهرور..
(اسمك الحيرنى ده)
ما احلاها صدفه الواحد يلقى اسمو فى بوستك ..يمكن لانو موظب على متابعتك سرا يارفيق..
بعدين مرات بكون مافى بس بكون اولاين رب ضارة نافعه انو تجى وتحينا..
شكر ليك كتير ياملك..
بالجد كلامتك بالرغم بساطتها لكن فعلها قوى..
تسلم انت ..
وتعيش انت ويدوم خيرك
تعيش والدنيا ماضيرك..
لو جارت عليك ايام تعال لى عيونا بتشيلك (برغم النضارات)..
ولك كل التحايا النواضر.....
|
Post: #4
Title: Re: ماسينجر على الهواء.....
Author: شمهروش
Date: 04-07-2005, 11:11 AM
Parent: #3
تروتسكي ,,,, الحبيب جدا
احيانا قد يكون الانسان في حوجة لان يسمعه من بالصين
وانت هنالك,,,
اريد ان اهمس في اذن انسان بعيد يهمه ماانا والوطن عليه...
حقيقة اقولها مجردة لم اجد غيرك لاشاركه قسمة لحظة اللاشي التي نحن فيها
فقد اقتسموا الكعكة اما انا .. وانت .. ومحمد احمد وكلتوم.. وام مساير
وحمراء,,, عشمنا في الفرج القريب!!!
اخي لك التحية مرة اخرى
مزيدا من التواصل
ـــــــــــــ
تخريمة :مالوا اسمي ؟؟؟؟
|
Post: #5
Title: Re: ماسينجر على الهواء.....
Author: HOPEFUL
Date: 04-07-2005, 11:18 AM
Parent: #4
يا ضلامي ما تشد حيلك
شنو تخريمه وتقريمه
عبر هذا البوست نسأل عن ناس ما بيريدونا في دبي راحو يتفقدونا
 
تخريمه:-
الفرق شنو بين ماسنجر علي الهواء
وماسنجر علي الهوى؟
|
Post: #7
Title: Re: ماسينجر على الهواء.....
Author: معتز تروتسكى
Date: 04-07-2005, 01:29 PM
Parent: #4
Quote: يا ضلامي ما تشد حيلك
شنو تخريمه وتقريمه
|
قايتو ياهوبفل شكيتك على الله...
ماتستر الراجل شويه..
تشرها ليهو فى السهله كده..
LOOOOOOOOOOOOOOOOOOOOOL
عزيزنا شمهروش
كفينك ياجميل
انت بالجد لاقى نفسى فى بوستك ده من الزحمه البره وزى ماقلتا ربك يدنا العافية نحن ديل الشعب ..
تسلم كتير همستك وصلت جوه نبض القلب استقرت ياصديق...
ارتجاليا من حائظ احداث الوطن حجر 0
صديق الوجعه (شمهروش)
من تقاسم معي دفء الجمره
غارسك جوا الطين.. رسول ..
غير الله ما تقدر تقول ...
سيلك فترني من الهطول ...
انا بشتلك بين الظنون ..
بسقيك بي روح الفتن ....
متخازل جواك يا حريق ..
شايفة المطيرات فرقن ...
رحل السحاب...
لما الخريف قرب يحن...
والمطرة كاتلاها الهموم ..
دماع عيونا ابن يجن....
أملي قلبك بالوطن ... بالصُّغارْ ** قومة العمال دَغَش ... بالنّضارْ ** المزارعية الغُبُش ** بالجنود الوين تخش ؟؟
انا بيك صلاتي مع النجوم ..
جوا الجوامع ..في الكنايس..
ارتل الطين .. واشهد ان الله حق..
اتوضى بيك ..
شان الله بس يسمع دعاي ....
حتى لو رجع الدعا....
معناهو بسمع صوت صداي ...
ضايقو قا مشروق هو بيك ..
متوسدك .. مدفون معاك...
يوم اتولد..معناها تاوق لي سماك...
بنفي الشهيق جواي ..واتنفس هواك...
اتهجدك..واستغفرك بس اغفر اوزار القراك...
نفسي يوم تفرد خطاك ..
واتغطى بي طيفك معاك ...
واترتلك..
واتشقا انهار في رباك...
الله جابك شان اتوب..
جواكا واعرف الله لي ...
شان ارجع الدرب الزمان...
فكيتو بستناك تجي ..
شان ارجع ارقص في الصراط..
وادعا ليك في خطوتي..
لا الدهشه بتشوف اندهاش ..
ولا النهار بيضوق دعاش ..
ولا المسامير الثبات بتضوق ثبات..
فيك يا ثبات..
واما الدراويش لما يمدحو ..
في المسيح شان تطلع..
صوت الرشاش يا ايها البشرى غنواتك..
تراتيل اندهاش..
جيتك ملفح بلاماني الخايبه والوعد القنوط
لك انزف صمتي حروفا مبعثرة ...
وابذر افكاري في ارض خوا جوفها ....
فلك ان ترتب حروفي من جديد ....
تصغها كيفما اردت ان يعزف لحن البوح ...
ولك يا اخي ان تسقي بنات الخاطر ... عسجدا وزلالا....
ولك ان تسقه السم النقيع ...
لك امد يد العذر فلك ان تلمسها ولك ان تدر ظهرك عنها ...
ربما اكن قد اطلت قبل عودتي ..
ولكن ها انا بانتظار عتباك او خصامك ...
ربما كان الاوان ما يزال بانتظاري ...
ولك...
اكيد برجع ليك
وهم كذلك00
ياشمهروش..
اما اسمك..
اولا بتعبنى وبكتبوا غلط الا انقلو عديل..
بعدين ليه بقيف فيهو من دون الاسامى جاينى فضلو اعرف معناهو ..
يلا فتك بعافيه وخلى بالك من روحك..
|
Post: #6
Title: Re: ماسينجر على الهواء.....
Author: mekki
Date: 04-07-2005, 11:36 AM
Parent: #1
ازيكم يا حلوين
|
Post: #8
Title: Re: ماسينجر على الهواء.....
Author: شمهروش
Date: 04-08-2005, 07:35 AM
Quote: يا ضلامي ما تشد حيلك
شنو تخريمه وتقريمه
|
هوب فل ,, ضلااااااامي دا كان زمان هيهيهيههيه
شمهروش العهد الجديد...
تخريمة:
الفرق بانو عين الرب ترعاك
وعين الله مش كلهم عيون وبترعى
تروتسكي ايها العزيز..
Quote: أملي قلبك بالوطن ... بالصُّغارْ ** قومة العمال دَغَش ... بالنّضارْ ** المزارعية الغُبُش ** بالجنود الوين تخش ؟؟
|
تعرف مابهمني الظلط والكهارب المدفقة في البلد..
شن نفعا لو ماشين جنب عمود النور وشامين بنزين؟؟
شن بتفيد لو في شكلا نص الليل مشينا الحوادث مالقينا الدواء
......
مكي الاحمدي طولنا منك
عاوزك تكمل باقي الرواية..
بيني وبينك الاحفاد وبناتهم بخلوا الزول شااااعر
|
Post: #9
Title: Re: ماسينجر على الهواء.....
Author: Shalabi
Date: 04-08-2005, 09:53 AM
Parent: #1
الغالي شمهروش ،،،
تحية وشوق كمية،،
سأتصل بك غدا..
وأأسف للتأخير وليس(التطنيش) .. شوية تنشنات ..
ودمت يارائع...
|
Post: #10
Title: Re: ماسينجر على الهواء.....
Author: شمهروش
Date: 04-08-2005, 10:00 AM
Parent: #9
التنشنة سببها معرووووف
الحنة جاهزة...
ربنا يحينا لي باكر
|
|