المريخ مغلوب ..وسامي وراكوبة ومحمد الأمين وشيبا عاملين أبو النوم ..أصحي يابريش

سبحانك اللهم ..
جاء الحق وزهق الباطل إن الباطل كان زهوقا..
ياجماعة الحكاية شنو ؟؟؟يعني ما ننوم أصلو ؟؟؟ الواحد يخت راسو في المخدة يصحي الصباح يلقا الأسود الحرة تتقلب علي النظام الصهيوني عدييييييييييييل كده ؟؟؟

هلال بورتسودان يهزم مريخ العاصمة 1- صفر !!!!!!!!!!!!!!!!!!!!!!!!!!
والجميل قي الموضوع إنو ناس سامي وراكوبة ومحمد وشيبا عاملين فيها ما جايبين خبر وحتي نحن زاااااتنا كنا ما جايبين خبر لكن الله يخلي لينا ثورة الإتصالات ..
قلتوا لي شنو ؟؟؟قلق؟؟؟؟؟؟؟ الله لا وراكم القلق !!!!!!!!!!!!!!!!!
أها اولادنا الصغار غلبوكم ومتعودااااااااااااااااااااا داااااااااااايماً والغلبكم شكلوا واحد من مشاطيبنا ولا شنو ؟؟؟؟؟سمك !!!!!!!!!!!!!!!!!!!!!!!!!!!!
إقتراحات للاخوة :
سامي يا حبيب :
جاك إسم من السماء سميهو (سعد) خصوصاً وإنو إنت عندك ولد إسمو (أحمد) وأهو يبقا عندك (أحمد سعد ) ...

راكوبة :
منتظرين أي حاجة لي حيدر(بورتسودان ) إنشاء الله أغنية عروس البحر يا حورية يا بورتسودان يا حنية من قلبي تايه في حبك أهدي سلامي وألف تحية

محمد الأمين :
عليك الله نزل لينا الزول المتشعلق وبيدق في الحيطة دا وخليهو يركب ينا يافطة مكتوب فيها (ترحيلات أولاد سعد السفرية ) بورتسودان الخرطوم وبالعودة وتوجد وجبة إفطار ..

شيبا :
ركز معانا شوية وموضوع بورتسودان ده أهم ليك من موضوع تاج السر أقترح عليك الإتصال بمزمل أبو القاسم والتفاكر حول كشف حقيقة سن اللاعب أحمد سعد خصوصاً وإنو اللاعب كان محترف في موزمبيق بي إسم الفنان أحمد بورتسودان ..

تخريمة :
أخيراً اللعنة حاتفارق الهلال إنشاء الله طالما تاج السر ما حايكتب عنو وإنشاء الله بعد كده الأمور حاتمشي إبرة في موزة ..

قلق شدييييييييييييييييييييييييييييييييييييييييييييييييييييد
وهاكم الكمونية دي ...

نقلاً عن المشاهير :

Quote: استطاع هلال الساحل ان يفرمل انتصارات المريخ في دوري الكوكاكولا الممتاز ويهزمه بهدف دون مقابل في المباراة التي جرت بين الفريقين باستاد بورتسودان أمس احرزه لاعبه احمد سعد في الدقيقة الخامسة من الشوط الثاني للمباراة وكان هلال الساحل في احسن حالاته امس و الافضل مستوي من المريخ فتسيد غالبية مجريات المباراة.. واستحق الفوز بنتيجة المباراة واضافة الثلاث نقاط الي رصيدة في روليت الممتاز، ورغم ان فريق المريخ متصدر الدوري حاول جاهداً تغيير نتيجة المباراة أو معادلتها حيث اجري مدرب الفريق ثلاثة تبديلات إلا ان محاولاته باءت بالفشل وقام بالحاق قلق وتنقا وعبد الحميد السعودي لدعم المريخ ولكن تبديلاته الثلاث لم تحقق هدفها وعجز الثلاثي عن احراز هدف التعادل الي ان انتهت المباراة علي نتيجتها. لعب المريخ امس بتشكيلة ضمت : بهاء الدين- دامر- احمد محجوب- سفاري- الصيني- جندي- علاء الدين يوسف- فيصل العجب- يكيني- النونو- لومامي.

يا جماعة الخير :

Quote: جندي- علاء الدين يوسف- فيصل العجب-

علاء الدين يوسف ده أوعا يكون علاء الدين يوسف بتاع المنبر بتاعنا ده ؟؟؟شوايقة يا رسول الله

Quote: اجري مدرب الفريق ثلاثة تبديلات إلا ان محاولاته باءت بالفشل وقام بالحاق قلق وتنقا وعبد الحميد السعودي

يا كوتش ملحقهم مالك ؟؟؟ دخلوهم ساااااااااي وألعبو 14 نفر في الميدان وبرضو النتيجة معروفة !!!
الدوري الممتاز ده من ما بدا المريخ لمن يمشي بورتسودان إذا جا راجع من ال3 مباريات بي نقطة واحدة هو الكسبان ....
تخريمة :
ياربي كبدة الجمل دي الليلة بتكون كيف ؟؟؟؟؟
هاك ام فتفت دي

مريخنا صعب
كاساتو دهب
ياهلالى يابدون
ياساكن جوا
العيون
المريخ بجيب الكاسات الخارجية
وانتو جيبو الكاسات الداخلية...
ما مشكلة يهزمنا هلال الساحل
لكن لو هزمنا المقاولون العرب
تعال لومنا
قلت لى هزائم الهلال من تجتوج
عشان شطبو من البورد بقيت تقع فيه
بكرة بجيك
ياخوى خلينا من هزائم المريخ والهلال
داير لى زيارة لامى عشان اضمنها تكون معاى
باقى لى الفرنسين ديل جاين لاول مرة السودان
ولقدام

Quote: أها اولادنا الصغار غلبوكم

ما كان تسوقوهم معاكم تونس
بتحصل يا عمر، دي كورة!
ونحنا عندنا (استحقاقات) أهم

أبوقوتة :

أو
إسم الشهرة :
احمد الصديق بله موس محمد امام ود محمد زين ود ضياب ود مرزوق ود ابراهيم ود عرمان


أحمد سعد الكورة يشوتا..
خلا الشبكة دوام محتوتة ..
ديل أولادنا هلال الساحل ..
عصروا النجمة وجابو زيوتا..
بسمل وحمدل قول يا الله ..
وسيب الهضربة يا أبقوتة ..

Quote: داير لى زيارة لامى عشان اضمنها تكون معاى

والله بالغت في دي يا أبقوتة ..
بس إنشاء الله المهنة كويسة وما كابوي
بعدين إنت مش مواعدني تغييير لي المهنة ؟

Quote: باقى لى الفرنسين ديل جاين لاول مرة السودان

دحين يا أخوي لو الفرنسيين جو السودان باقي ليك نحن بنقعد في الغربة دي ؟؟ما طوااااااااالي بنمشي السودان باقي الفرنسيين ديل ناس حناااااااااااان

Quote: ياربي كبدة الجمل دي الليلة بتكون كيف ؟؟؟؟؟ هاك ام فتفت دي

عمر الفاروق

الفوق دي كانت قوية جداً جداً ولذيذة وملعوبة

لكن شنو !!!!!!!!

البياخد خمسة أكرر خمسة في ربع ساعة ومرتين في الخارج ده يقولوا عليهو شنو؟؟؟؟؟

بعدين قالوا عملوا لقاء مع ترباس كان حاضر المباراة فقال إنو مشي يشرب موية جا راجع لقا الهلال مغلوب خمسة ... يعني لو كان مشي شرب شاي كان جا لقاكم مغلوبين كم؟؟؟؟؟

معادلة رياضية

خمسة من الاهلي + خمسة من الترجي= ؟
خمسة(الاهلي +الترجي) = شبكة الهلال جاها إسهال

يا عمر باشا :
كدي قول بسم الله وخت الرحمن في قلبك ...
ختيتو ؟؟؟؟
أهلي شنو وخمسة شنو ؟؟؟إنت أسة هلالابي ولا مريخابي ؟؟
لأنو خمسة الأهلي دي كانت حقت المريخ في الجب الأخضر !!!!! ما قلت ليكم سيبو الهضربة يا مريخاب !!!!!!!!!!!!!!!!! ده حالتو مسمار واحد عمل فيكم كده لو كان مسمارين كان جيت قلت لي هيثم طمبل بيلعب في المريخ ؟؟؟

يبقا المعادلة الصحيحة كده :
خمسة من الاهلي +خمسة من أو يمن = شبكة المريخ بقت فسيخ ...

Quote: بعدين قالوا عملوا لقاء مع ترباس

يازول ترباس ده والله بس تديهو إنشاء الله ساعة يد بيمشي معاك أي حتة وبيقول ليك أي كلام يعني انا أسة لو قرصت ليهو 20 الف جنيه بكرة بيجي يقول لمن جابو القون في المريخ الحكم كان لسة ما صفر لي بداية الكورة ..

تخريمة :
يبدو أنك قد تشابهت عليك الخمسات يا أبو عمير ..
خمسة وستة جوني من النوم صحوني بورتسودان ودوني في الفندك دقوني وبي المسمار غزوني ..وانا ياااااااا ناس الله لي الليلة ..
الأغنية مهداة الي راكوبة وسامي ومحمد وشيبا وليك يا ابو عمير ..

يا عمر الفاروق يا رشاشة

الله أستغفر الله

يعني كمان نحنا تاني نحفظ ليكم تاريخ خمساتكم ؟؟؟ والمسامير وهلم جراً ؟؟؟؟ يا حبة كدي إنت زاتك خت الرحمن في قلبك

هسع دي قبال شهرين كده الاهلي المصري كان عمل ليكم شنو؟؟ ولا كان الزمالك دا؟؟؟ ولا شنو ولا شنو؟؟؟ يا حبة نحنا ما فاضين عشان نلقط ليكم خمساتكم المجدعنها في الشوارع دي وعلي قول المصريين ( للي يسوي واللي ما يسواش) قولوا يا لطيف وروقوا المنقة

Quote: يازول ترباس ده والله بس تديهو إنشاء الله ساعة يد بيمشي معاك أي حتة وبيقول ليك أي كلام يعني انا أسة لو قرصت ليهو 20 الف جنيه بكرة بيجي يقول لمن جابو القون في المريخ الحكم كان لسة ما صفر لي بداية الكورة ..

يعني هسع المشكلة بقت في كلام ترباس؟؟؟؟ عليك الله إنتو ما خجلانين من عمكم الارباب ده !! بعد ما جبتو قونكم عمكم حلق بالتقطعوا كان التوانسة ديل صعدوا ..!!!!! عليك الله هسع الزول ده يودي وشوا وين من الناس

كدي يا زول صلي علي النبي وأمشي إغتسل وتوب وتعال راجعنا بعدين نتفاهم

ياعمر المناسبة دى كانت دايرة وجود تاج السر فى المنبر رد الله غربته
ده كان ضبح لينا

الحبيب ترهاقا ..
تحياتي ..

Quote: ياعمر المناسبة دى كانت دايرة وجود تاج السر فى المنبر رد الله غربته ده كان ضبح لينا

تاج السر ربنا يرد غربتو وإنشاء الله يرجع للمنبر سالم غانم ..بس ياريت يخفف من موضوع الهلال ده شوية لأنو بي صراحة انا مرات قاعد أقتنع بي التفاؤل والتشاؤم وتاج السر في الفترة الفاتت دي كج الهلال عدييييييييل كده ...
راجين الضبيحة إنشاء الله يرسلا لينا بي الفاكس...

الفاروق

شايف نفسياتك اتصلحت ياربى تكونوا جبتو تاركم من الترجى ونحن مادريانين.

وين كانت الاهازيج الجميله دى ايام الحداد وايام السجم والرماد!!!
...الانسان نساااااى اها إن شالله يكون هلال بورتسودان ريحكم والحيدوسى اقنعكم.

قلوبنا معكم

سمعنا انه سيد الفريق قرر يقلبوا اتحاد فنانين انا عندى خمسه اعود قديمة عايز ابيعها مابتلقى لى ليها مخارجه (إن شاء الله الخمسه بى فرِد واحد ) وماعندى مشكله لو بعتها لى فى خمستاشر دقيقه بركبك التونسيه واعمليك حفله فوق طيات السحاب

ياأبو أحمد (سعد ):
حياك الله ياخ والله قطعت مصاريني بي الضحك

Quote: سمعنا انه سيد الفريق قرر يقلبوا اتحاد فنانين

أنا عندي إقتراح إنو صلاح إدريس ودكتور عمر محمود خالد يتلموا علي بعض وفي فريق واحد ويااااااااااااااا بخت اللعيبة ..

Quote: انا عندى خمسه اعود قديمة عايز ابيعها مابتلقى لى ليها مخارجه (إن شاء الله الخمسه بى فرِد واحد ) وماعندى مشكله لو بعتها لى فى خمستاشر دقيقه بركبك التونسيه واعمليك حفله فوق طيات السحاب

كدي أول شي خارج العود الجدييييييييييييييييييييييييييد ده بعدين انا بشوف ليك طريقة للقديمة

Quote: وماعندى مشكله لو بعتها لى فى خمستاشر دقيقه بركبك التونسيه واعمليك حفله فوق طيات السحاب

كان بي ودي إنو بعد تبيع العود الجدييييييييييييد ده نجيبك بي السودانية وفوق طيات السحاب لكن نسوي شنو بعد حادث الطيارة المؤلم في بورتسودان ..
غايتو انا بتصرف وبشوف ليكم ناس قندلا أو أتنينا وبي المييييييييت كده الإبراهيمي وأضعف الإيمان الصفصاف ...
أها كيف ليك تركب ؟؟؟؟؟

الاخ/ عمر

Quote: أخيراً اللعنة حاتفارق الهلال إنشاء الله طالما تاج السر ما حايكتب عنو وإنشاء الله بعد كده الأمور حاتمشي إبرة في موزة ..

فى ده والله ما ليك حق حقوا بحكم الانتماء للفنلة الزرقاء أمل ان يعود تاج الشسر وكل الزميلات والزملاء للمنبر الحر وهذا هو عشمنا فى بكرى
تحياتى

بلدي الحبوووووووووووووووب :
مرحبأً بي عودة الأخ تاج السر وانا كنت أول المطالبين بي رجوعوا ورجوع كل الزملاء بس انا علقت علي الكلام الكتيييييييييييير عن الهلال لأني بي صراحة من النوع المرات بيقتنع بي (التفاؤل والتشاؤم) إستغفر الله ..ودايماً لمن يكون الهلال لاعب ما بحب اٌقرا جريدة أو أشوف أي خبر عن الهلال وكنت بزوغ عديييييل من المكتبات والتلفزيون أها لمن أجي المنبر عشان أتابع بلقا تاج السر كاتب عن الهلال طوااااااالي بعرف موضوعنا مستحمي وبعرف إنو المريخ أمورو حا تسلك ..
الأخ تاج السر أخ لنا نتمني عودته وعودة الاخرين وخصوووووووووووووصاً ود الشيخ ..
تحياتي ...

عمر الفاروق

الليلة يومك

لكن ما مشكلة
كراع البقر جيابة

مع الإعتذار للترجي

وهاك الخضرا دي

أداني تحييييييييييييييييييية ..
دموعو سالت والمنام أبا لييييييييييية ..
العجــــــــــــــــــــــب حبييييييييييييييييييبي..

انا صحي ما نسيت أدرج إسمك في لستة الناس النايمين ...
شنو يا زول البنج فك خلاص والمسمار طلع من النافوخ ؟؟؟؟؟؟؟؟؟؟؟؟؟؟؟؟؟

Quote: كراع البقر جيابة

يازول ده كلامك ...والله جيابا جنس جيب والعجب لمن نجيكم تاااااااااااني في موضوع المقاولون العرب ...

Quote: مع الإعتذار للترجي

والأخوة في بورتسودان ..

تخريمة :
قلق غلبكم سجلتوهو ...
زولو غلبكم سجلتوهو ..
أحمد سعد غلبكم عايزين تسجلوهو ..
والله إنتو تقعدوا تباروا لي لعبية هلال بورتسودان البيجيبو فيكم أقوان ديل بعد سنة بنلقا المريخ عبارة عن هلال بورتسودان في أمدرمان ...
هاك الفشفاش ده ...

قلق

ما سبب القلق ليكم

وهاك تونس دي