التسوي في قرض تلقي في جلدك

التسوي في قرض تلقي في جلدك

بقلم / ابراهيم عبدالله بقال سراج
[email protected]


استغربت جداً عندما سمعت لاول مرة ان هناك حركة مسلحة تُدعي اوتسمي بحركة انصاف المهجرين التي اعنت عن نفسها مؤخراً ولكني اعتبرت ان المسألة طبيعية جداً ان تقوم اي حركة مسلحة في جميع انحاء البلاد التي تسمي بالسودان للمطالبة بحقوقها المسلوبة لان جميع حكوماتنا التي تعاقبت علي حكم السودان لم يلتفتوا ولم يفاوضوا الا مع من حمل السلاح وهذا الامر قاد الي حمل السلاح في جميع انحاء السودان مثلاً الجنوب ودارفور والشرقوكردفان واخيراً اهل الشمالية نفسم حملوا السلاح فقط تبقي اهل الخرطوم والجزيرة لم يحملوا السلاح حتي الان ولا نستغرب اذا سمعنا بأن هناك تمرد قد قام في الجزيرة لان اهل الجزيرة ايضاً مهمشون وكل اهل السودان مهمشون والسلطة والثروة في ايدي اقلية متسلطة ومتهيمنة لاتتجاوز عددهم اسابع اليد الواحد نهبوا كل ثروات البلاد واودعوه خارج البلاد لمصالمحهم الشخصية وهمشوا بقية اقاليم السودان ولكن الامر الغريب نجد ان كل الحاكمين في البلاد من رئيس للنائب الاول وكل الوزراء السيادين هم من ابناء الشمالية ونهر النيل والسؤال الذي يطرح نفسه اين ذهبت اموال وثروات البلاد اذا كان اهل الشمالية نفسهم قالوا انهم مهمشون وحملوا السلاح ضد اهلهم وذوي قرباهم اي حكام السودان ؟ هل هذه لعبة سياسية القصد منها النيل من الحركات التحررية الاخري الذين حملوا السلاح في دارفور والجنوب والشرق وكردفان والانتقاص من مطالبهم ؟ ام ماذا وهل الحركة التي قامت بالشمالية هي حركة مطلبية تريد التقسيم العادل للسلطة والثروة اذا كان كذلك فالامر خطير ولا مبرر لها لان الشلة الحاكمة الان كلهم ينهدرون من المنطقة التي حملت فيها السلاح الان ؟ وهل الحكومة اعترفت بهذه الحركة وتتفوض معهم ؟ ام تعتبرها حركة جهوية وقطاع طرق ونهب مسلح وخارجون عن القانون كما سمت بها اهل دارفور من قبل ؟ وهل الحكومة تعلن الحرب ضد هؤلاء وتسلح
الجنجويد ضدهم وتضربهم بالطائرات كما فعلتها في دارفور ؟ كل هذه اسئلة مشروعة يجب الاجابة عليها من قبل الحكومة يبقي هنا فقد صدق المثل العامي الدارفوري التسوي في قرض تلقي في جلدك فالحكومة فعلت في اهل دارفور مالم يفعله النجار في خشب ومالم يفعله شارون في الفلسطينين سؤال اخير هل الحكوم تفعل بأهله من ابناء الشمالية كما فعلتها في دارفور

مع احترامي ليك يا أخي ابراهيم أولا السلام عليكم:- الشيء الثاني الما حبيته فيك ياأخي: (ولكن الامر الغريب نجد ان كل الحاكمين في البلاد من رئيس للنائب الاول وكل الوزراء السيادين هم من ابناء الشمالية ونهر النيل ) وشكرا

بقال ود تكتوك

Quote: التسوي في قرض تلقي في جلدك

اهاااا... من حسي بدينا في اللف والدوران......تقولو دايرين تقاسمونا السلطة عشان تاكلونا........ وديتو كريت وييييييين؟

المثل
التسوي كريت في القرض تلقاهو في جلدا....

تحياتي للاخ سجيمان:
أنا ضد العنصرية يا اخي والحكم باللون والاتجاه
الحديث عن تاريخ السودان طويل البورد ما بيقدر عليه.
حديث عن تاريخ للامه نفسها، يستمد من الواقع ويستوحي من الحقيقة، وينطلق من صورة ماثلة لا تقبل التغيير والتبديل فهي تاريخ لما اهمله التاريخ، ومرآة تعكس كل شيء في حياة الامة السودانية. ما كنا اعداء. بل كنا ابنا وطن واخوان واتمني ان يستمر العداء الي مالا نهاية.
نستعصم الله فخير عاصم

لا يا ابره
انت زول عقلك كبير
الحكاية ما شمال ولا جنوب



الغريبة انو الانصار حكمو البلد دي من دارفور وكردفان

يعني الصادق المهدي وكت حكم ما حكم الا باصوات الغرباوة

يبقى ده اختياركم

اماحكومات العساكر
فدي ما محسوبة
لامننا ولا منكم
ديل ناس من روحهم
براااااااااااااااهم يعني

مرحبا بك عنصريا جديدا ، والطاقية اللى فى راسك ده حقه تلبسهالى
زول يستحقها

رغم كدا فى ناس فاتحة بوست عشان تجرم علاء الدين بـ ( العنصرية )

حين تدافع تصبح عنصرياً .. و حسن تلزم الصمت و ( تتخرس ) يجيك زي دا ..

بلاوى ..

تحياتي لكم جميعاً


انا ما عنصري لكن واقع حال


بلانا بيقول كدة نعمل شنو يعني

نسكت << من سكت عن الحق فهو شيطان اغرس>>

ما علاقة القرض بهذا الموضوع ؟؟؟
عجبي ...

اخي محمد ابراهيم قرض


القرض هي شجرة

ماقصدي اسمك ياقرض ياقرض ياقرض


والله اسمك دي سمحة عاجباني عجب حي انا


من القرض

Quote: والله اسمك دي سمحة عاجباني عجب حي انا من القرض

ههههههههههههـــــــــــاي.كح كح كح..... الله يجازيك يا بقال...... مكسّر في القرض وصابر

Quote: Quote: والله اسمك دي سمحة عاجباني عجب حي انا من القرض ههههههههههههـــــــــــاي.كح كح كح..... الله يجازيك يا بقال...... مكسّر في القرض وصابر

والله


يا سجيمان

انت زول ظريف عديل



كده الله يخليك لين



ياااااااااااااااا رب

بقال

Quote: يا سجيمان انت زول ظريف عديل

وحات الله انت الاظرف.... يا القرضاوي

يا سجيمان


انا اسمي ابراهيم بقال

مالقرضاوي

بقال

Quote: انا اسمي ابراهيم بقال

الزول دا مشت وين؟

بس ما يكون سحروهو...وِمرِض

دكتور عادل

والله انت عارف الخلقك منو

يا سيجيمان
نحنا كان عندنا عتوت وعز وكت ياكلن القرض قعد يمرضن !
ومرة مشيت للكوافير وقصيت شعرى ، أمى الله يرحمها قالتلى ( يا بت مالك بتجزى راسك حاكيتى العز ?)
ملحوظة -
يا سيجيمان الله ياسع أيامك مشتهين الكسترد !
ست البنات .

ست البنات لي حدهن

Quote: يا سيجيمان الله ياسع أيامك مشتهين الكسترد !

قلنا نصبر سوية لمن الملاقطة الفي البورد دي تنتهي!

يا سيجيمان الملاقطة دى ماب تطلعلك منها بى هيين فايدى ، أخيرلنا الكسترد يبرد علينا العوا القايمى دى .
ملحوظة -
شايقية قريبتنا فى الحاج يوسف مشا ليهم محمد الحسن سالم حميد وعبد الواحد وراق، ومالقو أولادها فى البيت فسألوها منهم ، قالتلهم ( مشوا على اللعب دا )
كان فى ندوة أيام الأنتخابات فى الحاج يوسف !
ست البنات.

ست البنات

Quote: كان فى ندوة أيام الأنتخابات فى الحاج يوسف !

ههههههههههههه

الحاجة تكون سمعت حس المكرفون....وقايلاها باشا

ملحوظة -"
"شايقية قريبتنا فى الحاج يوسف"

الأخت ست البنات: عليك الله هسى عبارة "يبرد علينا العوا القايمى دى" دايرا ليهـا مذكـرى تفسيـريـى؟

كتب ابراهيم بقال

(والله اسمك دي سمحة عاجباني عجب حي انا


من القرض )


مش كان تقول من بدري يا ابراهيم ...
يهمني إنك تكون دايما مبسوط يا هومة يا خطير
جيب كيسك تعال نعبي ليك شوية قرض ...
و كمان أنا بعينك وزير لوزارة القرض في
الحكومة الجديدة بتاعة ناس قرنق ...
رأيك شنو يا هومة ؟؟؟

كتب سجيمان ...

(ههههههههههههـــــــــــاي.كح كح كح..... الله يجازيك يا بقال...... مكسّر في القرض وصابر )

و الله ما كلمني يا سجيمان .... يطرشني رسمي و شعبي ...

قرض

Quote: و الله ما كلمني يا سجيمان .... يطرشني رسمي و شعبي ...

تراكا خسي عرفت


لكن اسمع


ضميرك كيف؟

كتب سجيمان :

(تراكا خسي عرفت


لكن اسمع


ضميرك كيف؟)


ضميري أهيف يا سجيمان و مضمر كمان ... و بلغة البقال
ضميري أهيفة و مضمرة و بقال بيموووت فيه ..

قرض

Quote: ضميري أهيف يا سجيمان و مضمر كمان

ما تقول لي مضمّر مفدوع وكاحل؟......

كتب سجيمان :

(ما تقول لي مضمّر مفدوع وكاحل؟...... )

يا سلام على لبابتك يا سجيمان
بتفهم و بالإشارة كمان يا سي جي

قرض الناس قرض

الحاجة مش سمعت المايكرفون يا سيجيمان ،الحاجى مغرومى باللعوب ومغرودالها فى لعبا بي دليبو ونقارتو !
--
ويا أبو الريش أخوى نحنا مرات بنحتاج لمختار الصحاح عديل !!!
الجنا انتقو ارمو
وقع اورد
دحين بدو بار شى ???
لا تنتقى ايدى شى !
الحقى التى جنب السام هو شوفتينها شى ?
--
شكرا ليكم
ست البنات .

ياقال
سجيمان
قرض
ست البنات



القحة كتلتنى الله يجازيكم

الأخ ابراهيم بقال

تحية واحترام

لهذا المقال الرصين والموضوعي والذي لا أري فيه اي نوع من العنصرية بل اسئلة مشروعة يجب ان تكون لها اجابات.بل وقد يكون في رأيي من أكثالمواضيع المطروحة تميزا.

سوف احاول ان اجيب بقدر ما استطيع برغم انني أري الطريقة التي تم بها الانحراف عن الموضوع وتحويله الي دكان ود البصير.


هل هذه لعبة سياسية القصد منها النيل من الحركات التحررية الاخري الذين حملوا السلاح في دارفور والجنوب والشرق وكردفان والانتقاص من مطالبهم ؟ ام ماذا وهل الحركة التي قامت بالشمالية هي حركة مطلبية تريد التقسيم العادل للسلطة والثروة اذا كان كذلك فالامر خطير ولا مبرر لها لان الشلة الحاكمة الان كلهم ينهدرون من المنطقة التي حملت فيها السلاح الان ؟


سيكون هذا محور نقاشنا القادم ... بعد أن اعيد قراءة ما كتبته ...

بيان

Quote: القحة كتلتنى الله يجازيكم

اهاااا.... الليييييييلة يا بيان.... الناظر جا....انتي بي تقحي بي صوت عالي مالك؟...

انا غايتو ما معاكم

انا جيت اسعل بقال من "كريت" ودوها وين؟....وامشي اهلي

الاخ ابو امنة

سلاماااااااااااااااات كتير
والله

اخي اذا زول قال الحقيقة يقولوا ليه عنصري

نعمل شنو لناس ذي ديل يا ابو امنة

بقال

Quote: نعمل شنو لناس ذي ديل يا ابو امنة

حدد.........

يا سجيمان والله العظيم

ما قصدي ليك انت

قصدي لي ناس هناي وهناي وهناي

يا سجيمان والله العظيم

ما قصدي ليك انت

قصدي لي ناس هناي وهناي وهناي

ابراهيم

Quote: يا سجيمان والله العظيم ما قصدي ليك انت قصدي لي ناس هناي وهناي وهناي

عليك النبي ما تحلف

وحات الله مصدقك

ابراهيم

Quote: يا سجيمان والله العظيم ما قصدي ليك انت قصدي لي ناس هناي وهناي وهناي

عليك النبي ما تحلف

وحات الله مصدقك..... انت قاصد الهنايات التلاتة ديل

يا سجيمان والله العظيم

ما قصدي ليك انت

قصدي لي ناس هناي وهناي وهناي

بيان ،
سلام
ان شاء الله تضحكى فرحانى وبغرانى !
الله يفرحك كل يوم .
الضحك مو سمح !
ست البنات .

أخ ابراهيم...
تحياتي ...
سأحاول التداخل اذا أمكنني...
لانو الموقع اليومين ديل متجنن علي يفتح دقايق ويعصلج تاني كلو كلو...

الأعزاء المتداخلين... لماذا لا نأخذ الموضوع بجدية لأن ما كتب يمثل طريقة تفكير...
الأخ ابراهيم سأستعرض معك أسئلتك واخدا بعد الاخر....

Quote: استغربت جداً عندما سمعت لاول مرة ان هناك حركة مسلحة تُدعي اوتسمي بحركة انصاف المهجرين التي اعنت عن نفسها مؤخراً ولكني اعتبرت ان المسألة طبيعية جداً ان تقوم اي حركة مسلحة في جميع انحاء البلاد التي تسمي بالسودان للمطالبة بحقوقها المسلوبة لان جميع حكوماتنا التي تعاقبت علي حكم السودان لم يلتفتوا ولم يفاوضوا الا مع من حمل السلاح وهذا الامر قاد الي حمل السلاح في جميع انحاء السودان مثلاً الجنوب ودارفور والشرقوكردفان واخيراً اهل الشمالية نفسم حملوا السلاح فقط تبقي اهل الخرطوم والجزيرة لم يحملوا السلاح حتي الان ولا نستغرب اذا سمعنا بأن هناك تمرد قد قام في الجزيرة لان اهل الجزيرة ايضاً مهمشون وكل اهل السودان مهمشون والسلطة والثروة في ايدي اقلية متسلطة ومتهيمنة لاتتجاوز عددهم اسابع اليد الواحد نهبوا كل ثروات البلاد واودعوه خارج البلاد لمصالمحهم الشخصية وهمشوا بقية اقاليم السودان

ما قلته هنا واضح ويبدو أنك تفهم الوضع جيدا ولكن.....

Quote: ولكن الامر الغريب نجد ان كل الحاكمين في البلاد من رئيس للنائب الاول وكل الوزراء السيادين هم من ابناء الشمالية ونهر النيل والسؤال الذي يطرح نفسه اين ذهبت اموال وثروات البلاد اذا كان اهل الشمالية نفسهم قالوا انهم مهمشون وحملوا السلاح ضد اهلهم وذوي قرباهم اي حكام السودان ؟

ما معنى السؤال الثاني اذا كنت قد أجبت عليه فيما تحته خط أعلاه؟؟؟

Quote: هل هذه لعبة سياسية القصد منها النيل من الحركات التحررية الاخري الذين حملوا السلاح في دارفور والجنوب والشرق وكردفان والانتقاص من مطالبهم ؟ ام ماذا وهل الحركة التي قامت بالشمالية هي حركة مطلبية تريد التقسيم العادل للسلطة والثروة اذا كان كذلك فالامر خطير ولا مبرر لها لان الشلة الحاكمة الان كلهم ينهدرون من المنطقة التي حملت فيها السلاح الان ؟

لماذا تعتقد أن مواجهة أهل الشمالية للحكومة تنال من مطالب الاخرين؟؟
المفروض أنه العكس فكلما توسعت الجبهة المعارضة كان ذلك في مصلحة الجميع ومنهم أنتم...

Quote: وهل الحكومة اعترفت بهذه الحركة وتتفوض معهم ؟ ام تعتبرها حركة جهوية وقطاع طرق ونهب مسلح وخارجون عن القانون كما سمت بها اهل دارفور من قبل ؟ وهل الحكومة تعلن الحرب ضد هؤلاء وتسلح الجنجويد ضدهم وتضربهم بالطائرات كما فعلتها في دارفور ؟

هل تتمنى أنت ذلك؟؟؟ أن تتكرر مأساة دارفور في مكان اخر؟؟؟

Quote: سؤال اخير هل الحكوم تفعل بأهله من ابناء الشمالية كما فعلتها في دارفور

هذه الحكومة لا تتورع عن فعل أي شئ وبدلا من انتظار تكرار المأساة علينا محاولة وقف ما يحدث أصلا والنضال معا من أجل واقع أفضل للجميع فالحقوق لا تتجزأ....
هذه السلطة عصابة تجمعت من جميع أنحاء السودان وضد كل السودانيين ولن تكون جريمة أهل الشمالية المغلوبين على أمرهم أن بعض عناصرها منهم...
هل تعلم أن والي الشمالية الأسبق كان من دارفور وأنه سام الناس سوء العذاب.... فهل سنتهم أهل دارفور البسطاء بأنهم السبب وأنهم من أرسلوه لنا؟؟؟
الانقاذيون يمثلون ماركة واحدة ولا انتماء لهم....
ومطالبة أهل الشمالية بحقوقهم لن تنتقص من حق أحد فالسودان دولة ضخمة وغنية تسع الجميع متى ما كانت هنالك ديمقراطية حقيقية وتنمية متوازنة....
وتحياتي...

يا السيد سماح وود الشيخ

سلام عليكم اولاً

اولا انا لا اريد ان انتحدث بالجهوية والعنصرية

وانتم عكس ذلك

انا تحدثت عن هذ الحكومة العنصرية حكومة ولايتي نهر النيل والشمالية

هؤلا ء جاءوا من نهر النيل والشمالية وسطو علي كرسي الحكم ورفضوا التنازل منها

ولو كان ثمنه كل السودان فلذا من الطبيع جداً ان تقوم ثورة في دارفور والجنوب والشرق وكردفان والشمالية وانا ذاتي بكرة بقوم لي بثورة ضد حكم الجلابة
ولا الكلام ده ما عاجبكم يا سيد سماح وود الشيخ

Quote: ولو كان ثمنه كل السودان فلذا من الطبيع جداً ان تقوم ثورة في دارفور والجنوب والشرق وكردفان والشمالية وانا ذاتي بكرة بقوم لي بثورة ضد حكم الجلابة

دة كدة كويس....

سماح يا سماح

شكرا سماح علي هذه المداخلة

وعلي النقطة التي اثرتيها في حديثك (لماذا تعتقد أن مواجهة أهل الشمالية للحكومة تنال من مطالب الاخرين؟؟المفروض أنه العكس فكلما توسعت الجبهة المعارضة كان ذلك في مصلحة الجميع ومنهم أنتم...)
وسوف ضيف اليها نقاطا أخري تسيرفي اتجاه الاجابة علي الاسئلة.


هل هذه لعبة سياسية القصد منها النيل من الحركات التحررية الاخري الذين حملوا السلاح في دارفور والجنوب والشرق وكردفان والانتقاص من مطالبهم ؟ ام ماذا وهل الحركة التي قامت بالشمالية هي حركة مطلبية تريد التقسيم العادل للسلطة والثروة اذا كان كذلك فالامر خطير ولا مبرر لها لان الشلة الحاكمة الان كلهم ينهدرون من المنطقة التي حملت فيها السلاح الان ؟


دعنا نطرح السؤال التالي في البدء:

هل مشكلة السودان تكمن في هيمنة الشمال علي الجنوب والغرب ؟؟؟ أم في هيمنة المركز علي الأطراف ؟؟
ان الظلم الواقع علي منطقة دارفور هو نتاج هذه الهيمنة والتي في رأيي هي هيمنة مركز علي أطراف وليست هيمنة شمال علي جنوب حتي ولو سيطر أبناء الشمال علي السلطة الموجودة.نعم لم تكن هنالك حروب ونزيف في هذه المنطق كما حدث في الجنوب والغرب ولكن هذا لا ينفي وقوع الظلم علي الأطراف الشمالية والشرقية.برغم تفاوت درجات هذا الظلم الا انه لا يمكن الحديث عن شمال متطور بهذا الاطلاق.

واظن انه في فترة مشكلة حلايب نقلت القنوات الفضائية طبيعة هذه المنطقة التي تحسب شمالا بصورة واضحة ولا أظن ان الحياة فيها تختلف من الحياة في اية منطقة في الغرب أو في الجنوب اذا ما تم حذف مشهد الحرب وانعدام الأمن.
اذا ما زرت المنطقة الشرقية ومررت بمناطق البجا وأتمني أن تتاح لك الفرصة لتري كيف يعيشون وكيف الحياة هنالك.

احصائيات هيمنة الشماليين علي السلطة وخصوصا في ظل نظام الجبهة الاسلامية تكشف عنها الاحصائيات التي وردت في الكتاب الأسود بجزئيه.
مناطق النوبيين في الشمال لا يمكن مقارنتها بالخرطوم أو المركز.واذا ما كنا نتحدث عن مدن في أقصي الشمال كمراكز تجارية هامة فيمكن أن نتحدث عن الابيض وبورتسودان وغيرها من مدن الأطراف.

هذه ليست مساواة للشمال بالجنوب والغرب ولكن ليكون الأمر أكثر وضوحا أن الهيمنة ليست شمالية جنوبية بل هي مركز وأطراف وهؤلاء الشماليين الذي جاؤوا الي المركز لم يعودوا مرة أخري الي هنالك مثلما حدث مع القادمين من الأطراف وفي ظل نظام الجبهة الاسلامية وتدمير الأراف كلية اصبحت المسالة هجرة شعب كامل الي المركز.

بهذه الصورة يمكننا أن نأتي الي الي الوضع الحالي:

المعارضة التي حملت السلاح في الجنوب انتزعت وتقسامت السلطة مع حكومة غير شرعية وهي حكومة المركز وحكومة الجبهة الاسلامية.
اذا من الواضح ن ثروة البلاد في طريقها الي الجنوب وجيوب سلطة الجبهة الاسلامية الخاصة ليس في الامكان الحديث عن سلطة الجبهة الاسلامية الشمالية بهذا الاطلاق فللجبهة الاسلامية
دعم لا تخطئه عين من منطقة الغرب أكثر منه جنوبيا وليس الجبهة الاسلامية فقط وانما ايضا الأحزاب التقليدية وعلي رأسها حزب الأمة.

المطلوب في النهاية هو تقسيم عادل للسلطة والثروة واذا ما كنا نتحدث الان عن هذا التقسيم مابين الحركة الشعبية والجبهة الاسلامية علي أنه تقسيم عادل نكون مخطئين واذا ما تحدثنا حتي بتقسيم آخر ما بين لالحكومة الحالية وحركات دارفور ايض نتحدث عن تقسيم غير عادل فليس المطلوب هو افقار الشمال والوسط وتحويلهم الي جنوب او غرب و شرق آخر فبهذه الطريقة لن نكون فعلنا سوي عكس المعادلة.

ما هو مطلوب هو تقسيم عادل للسلطة والثروة مع الأخذ في الاعتبار المناطق التي تضررت طويلا من الحرب ووضع خطط لاعادة اعمارها اسوة بالمناطق الأخري.
يظل هذ الحديث في جو معافي وديمقراطي سليم ولكن ما يحدث حاليا لاهو معافي ولا هو سليم ويبقي أننا نحتاج الي المزيد من الضغط علي الحكومة وتفكيك هذه المركزية التي وصلت الي درجة من التعقيد لا يمكن التعامل معها ببساطة.

وهذه النقطة ما تعيدنا الي مداخلة الأخت سماح سيد ادريس

نعم اذا تم التقسيم العادل

للسلطة والثروة والاعتراف بالاخر

حتما سيحل مشكلة كل السودان

Quote: سماح وود الشيخ سلام عليكم اولاً اولا انا لا اريد ان انتحدث بالجهوية والعنصرية

يا بقال
عليك الله ما تقرضنا يا اخوي الجاب سيرة
العنصرية منو بلا كده انا متهم
هسع كان نبذتك بتخليني
وتيب

الاخ الكريم بقال .. حقيقة انا لا اعرفك شخصيا لكن اشهد لك بالنشاط الذهنى والحضور الدائم عبر الكتابات فى المنابر المختلفة ولكن الحظ كذلك وباستمرار انك تكثر من الحديث حتى على مستوى الشان الدارفورى على التصنيف عرب وافارقة كما الحظ ان ابناء القبائل العربية - هبانية تعايشة بنى هلبة ورزيقات وغيرهم - يبدون فى كل هذه المشكلة صمتا وربما حيادا كبيرا ولم نسمع لهم الى اليوم حديث عن (الزرقة ) وانهم كيت وكيت رغم ان الاخرون فى القبائل الاخرى يزعمون ان العنصر العربى فى دارفور يقود عبر الجنجويد حملات التطهير والابادة
ارجو ايضاح هذه النقطة ولى عودة

اخي محمد حامد جمعة

سلامااااااااااااااات

حقيقة انا ايضاً لم اعرفك شخصياً ولكن من خلال

رسالتك يبدو انك من ابناء جلدتي وبلدتي دارفور

انا لم افرق بين العرب والزرقة كلنا واحد في دارفور

لكن الحكومة ادخلت فينا الجهوية والعنصرية والقبلية

وما كل العرب جنجويد ولكن كل الجنجويد عرب

صافي النور جنجويد كاشا امين بناني موسي هلال

حسين عبدالله جبريل ادومة ابو شنيبات هؤلاء الانتهازين
من العرب هم الجنجويد وليس كل العرب جنجويدمع احترامي
لك ان كنت عربياً

الله لا جاب النبذ

ياود الشيخ

انت هسع بنبذوك لي شنو يعني

ياخي انت ود شيخ كامل

اكان ما احترمناك علي الاقل نحترم

ابونا الشيخ الانت ولدو

Quote: ان الظلم الواقع علي منطقة دارفور هو نتاج هذه الهيمنة والتي في رأيي هي هيمنة مركز علي أطراف وليست هيمنة شمال علي جنوب حتي ولو سيطر أبناء الشمال علي السلطة الموجودة

أتفق معك يا أبو آمنة.

وأقول:

نحن في الشمال أكثر الناس تضررا مما يحدث بإسم الشمال.

ونحن المسلمون أكثر الناس تضررا مما يحدث بإسم الإسلام.

ونحن العرب أكثر الناس تضررا مما يحدث باسم العروبة.

فالألم عندنا مضاعف.

ونحن المختلفون مع الجبهة الإسلامية أول من امتدت لنا يد النظام: تشريدا من الوظائف العامة والخاصة والجيش والشرطة ومصادرة للممتلكات ومحاكمات لرموز الفكر والنضال وتشريدا من البلاد. وتكميما للأفواه ثم التحدث باسمنا عن الديمقراطية والعدل والسلام والإسلام.

يجب إلغاء نظام الجبهة الذي ألغى الآخر وفاق في دكتاتوريته كل الأنظمة الشمولية والفاشستية والعنصرية.

إن الشمال والعروبة والإسلام والحرية والديمقراطية والوطنية كلها براء مما يحدث بإسمها.