رابطة الصحفيين السودانيين بالمملكة توجه الدعوة لبورداب الرياض

التاريخ 30 مارس 2005
السادة : سودانيزأونلاين المحترمين
الموضوع : الدعوة للأمسية الثقافية للجمعية
من خلال سعيها الدؤوب لمد جسور الإلفة والمحبة والتعاون معكم ، تدعوكم اللجنة التنفيذية لجمعية الصحفيين السودانيين بالمملكة العربية السعودية إلى تشريفها بحضور الأمسية الثقافية الترفيهية المقامة في إطار احتفالاتنا بفعاليات الخرطوم عاصمة الثقافة العربية للعام 2005 ، وتباشير السلام على بلادنا الحبيبة .
إن هذا المهرجان الاحتفالي الذي يكتمل بهاؤه بحضوركم ، يجئ في إطار تفعيل أنشطة الجمعية الاجتماعية والثقافية الدورية ، ولخلق مزيد من التعاون بين الجمعية ومختلف الفعاليات والكيانات السودانية الهادفة إلى عكس الوجه المشرق للسودان ، ويسعدنا أن تمتد جسور التواصل بيننا بما يحقق هذا الهدف السامي .
ويشتمل برنامج الاحتفال على إلقاء شعري من كبار الشعراء ، وحفل موسيقي ساهر ، واسكتشات مسرحية ، ورقصات شعبية بالإضافة إلى برنامج مسابقات للأطفال .
يقام الاحتفال مساء الخميس 7 إبريل 2005 م ، باستراحة نجد بوادي لبن ، جنوب غرب نادي الرياض ، ويبدأ البرنامج في تمام الساعة الثامنة مساء ...
وتفضلوا بقبول فائق الشكر والاحترام .
السكرتير العام
مصطفى أحمد البشير

سوف نكون حاضرين بصفتنا أعضاء في الرابطة وقد حدثني الأخ حسين حسن حسين عن البرامج والأطروحات وعن تعاون أسرة سودانيز أون لاين بالرياض مع رابطة الصحفيين كجزء لا يتجزأ منها وهناك مقترحات كثيرة ناقشناها وسوف تتبلور قريباً إن شاء الله ..

ياخال العصابة يجوا كيف ؟ ..

الخال ود قاسم :
نحن إنشاء الله جايين جايين كان عزمونا ولا ما عزمونا يعني ضهب ألف وحا نبقا ليهم زي ناس (علوب) ..

تخريمة :
ياخال هل نتوقع أن نجد بوست بعد الأحتفال مكتوب عن أنه من ذهب لهذا الأحتفال لا يمثل أسرة سودانيز أون لاين كما فعل الأخوة في الأمارات أم رابطة الصحفيين السودانيين ليست من المغضوب عليهم ولا الضالين ..
الأخوة بورداب الأمارات زرعوا فينا مفهوماً غريباً عن تعريف كلمة (بوردابي) ..
يديك العافية يا خال ومعليش للخرمجة دي مش إنتو أهلي في الغربة دي ؟؟؟إستحملوني شوييييييييية ..

دا شنو يا خال

Quote: بحضور الأمسية الثقافية الترفيهية المقامة في إطار احتفالاتنا بفعاليات الخرطوم عاصمة الثقافة العربية للعام 2005 ، وتباشير السلام على بلادنا الحبيبة

وكمان ضمن احتفالات السفارة ؟؟

هو فضل فيها سلام !!!

ولا محاكمات وجري واقبضك اقبضك

من جانبي الدعوة مرفوضة

عفوا
هذا رأي الشخصي فقط

شوكرن

ود قاسم ارجوا ان لا ندلق قربنا فى هذه الغفار المعاطيش وحقوا تتحرى من الدعوة
عشان ما نتهمش تانى وزى ما فال المثل لا يتهمش المهمش من مؤتمر واحد مرتين
وبعدين ادينا الاكيدة عشان نغسل جلاليبنا

معتصم
عمر الفاروق
خالكم منتظركم هناك ، هاتوا عدة الشغل وتعالوا ، لو الجماعة مشوا كويس نحن ما عندنا مشكلة ، لو اتلولوا تكون عدتنا جاهزة ،،


أحمد حنين
لا يوجد في كل الدعوة اسم السفارة ، وجمعية الصحفيين تضم كل الطيف السياسي ، وتضم الرياضيين والشعراء والأدباء وغيرهم ،،، تعال يا أبوحميد وخلينا نشوف ، ولو عندك شعر بتاع معارضة تعال عشان نسمع منك ...

صديق الموج
يكفي أن الدعوة وصلتني عن طريق رابطة الصالحية ، ومن الأخ حسين حسن حسين شخصيا وبالهاتف أكثر من مرة ،،،
سنكون حضورا هناك نصفق لكلمة الحق ، ونساندها ،،،

صباح الخيرات يا خال

Quote: المقامة في إطار احتفالاتنا بفعاليات الخرطوم عاصمة الثقافة العربية للعام 2005 ، وتباشير السلام على بلادنا الحبيبة .

سؤال ياخال
من هي الجهة التي ترعي فعاليات الخرطوم عاصمة الثقافة بالمملكة

وبس

صباح الخيرات يا خال

Quote: المقامة في إطار احتفالاتنا بفعاليات الخرطوم عاصمة الثقافة العربية للعام 2005 ، وتباشير السلام على بلادنا الحبيبة .

سؤال ياخال
من هي الجهة التي ترعي فعاليات الخرطوم عاصمة الثقافة بالمملكة

وبس

أبوحميد
الاحتفال بالخرطوم عاصمة الثقافة العربية حدث تقوم به جهات عديدة بدون أن يكون هناك تنسيق بينها وبين السفارة ، فمثلا سترى قريبا أن الملتقى السوداني سيحتفل بهذه المناسبة ، وكثير من جمعيات السودانيين المهنية والثقافية ستحتفل بطريقتها ،،،

بعدين يا أبوحميد نحن مشينا احتفالات الحركة وفوجئنا بالغناء الذي سمعته بأذنيك ! من أجبر الحركة على ترديد مثل هذه الأغاني ؟

ود قاسم..
طالما هم سودانيين..
تكفينا دعوتهم...

وأحمد حنين ده.. مالو
عامل زي الزول عايز يبقي المرجفون الفي المدينة..
وتبدي الخصام.. وتبين..

يا أخي الصحفيين السودانيين لو دعونا...
لضلف بقرة لأجبنا..
وعلى ما أعتقد أنك ...
أنت واحد منهم...
ولا ماك عضو..

وبعدين يا خال العيال ...
الزول ده ما قال ليك...
مندي.. ولا زعتر هندي...
ألف مرحب..

ويكفي أنو الدعوة وردت عن طريق...

الصالحية...

سلام يا خال..

يوم 7 أبريل ده مُش مفروض تتكون ليهو لجان واللجان تنبثق منها لجان؟

دُم بألف عافية،،

Quote: معتصم عمر الفاروق خالكم منتظركم هناك ، هاتوا عدة الشغل وتعالوا ، لو الجماعة مشوا كويس نحن ما عندنا مشكلة ، لو اتلولوا تكون عدتنا جاهزة ،،

بون جوغ يااقطاعي
يوم الجمعة الفاتت اديتنا الحر والسخانة.. وأنت مرطب في الفارهه المكندشة معاك السادة الدبلوماسيين الكاردينال ود الشيخ والوجيه صديق الموج .. وفكيتنا انا ومعتصم وشتات عكس الهوا.. العربية يا كافي البلاء لا مكيف ولا ملطف جو بس مناديل ورق .. نشيل ونمسح في عرق التعابة



انا جاي ..
لكن اعمل احتياطاتك من الآن .. لي كل حاجه واقترح تشيل معاك السيرمس الاسود بتاع القهوة .. والابيض بتاع الشاي .. الشاي ساده طبعا .. وكتر لينا في ( الكيك الإنجليزي )...

عبد الرازق
كيف حالك ،،، نتلاقى هناك ونعرض سوا ونبشر فوق بنّوت بلدنا ،،،


وتوضيح لكل الاخوة :
اتصل بي هاتفيا منذ قليل الأستاذ حسين حسن حسين ، وهو السكرتير الثقافي للجمعية ، وأفادني أنه اطّلع على تحفّظات بعض الاخوة في سودانيزأونلاين ،، وأوضح الأستاذ حسين أن هذا العمل ينطلق من الجمعية ، وهي جمعية قائمة بذاتها ، ولاعلاقة لها بحكومة أو معارضة ، لأنها جمعية مهنية ، وأفاد الأخ حسين أن هذا الحفل سوف يكون حفلا دوريا يقام في الخميس الأول من كل شهر ، وهو حفل أسري ، ترفيهي ، ثقافي ، تسعى الجمعية من خلاله لتقديم الثقافة السودانية عبر مشاربها المختلفة للتعريف بها ونشرها،، كما تسعى للترفيه عن الأسر السودانية عبر تقديم القراءات الشعرية والأغاني والرقص الشعبي ،،،
وقد وجهت الجمعية الدعوة لكل ألوان الطيف السوداني ،،، ويفهم من كلام الأخ حسين بصورة واضحة لا لبس فيها أن الاحتفال ستحضره الأسر السودانية ، فاصطحبوا أسركم

لقد شرفني الاخ حسين وحملني رسالة كنت اريد نشرها هنا اليوم ولكن الخال سباق ..
نعم سوف نكون هناك معهم وبأسرنا واطفالنا ونشارك معهم لاننا نعرف من هم وخاصة انهم حذفوا حكاية الخرطوم عاصمة للثقافة العربية لانوا نحن النوبيين عندنا مشكلة مع المبدأ وليس المسمى ونؤمن بالثقافة السودانية المتفرده .. السودان الوردة..حمرا صفرا.. زرقاء بيضا.. لكنها ليست ثقافة عربية !!كما اكدها نبيل شعيل في ثقافتنا الغنائية..
وإن تحدث بعضنا بالعربية ليست بداهة ان نركن لغتنا وثقافتنا في الارشيف .. وعندما تاتي الذئاب من مناطق الجوع بحثا عن فريسة في المراعي الخضراء حتما اتفقت مع الاسود النوبية مالكة الارض وفارضة اتفاقية البقط .....ولست انا مع المتثاقفين الذين كتبوا وحرفوا الاصول النوبية الي اصول عربية ولم يعتقوا (دخان الطلح) ولا الدلكة ولا الخمرة الا وجردوانا منها ....وحتما لم تكن الارض خالية عندما كان الغذو والاغتصاب ...
سوف نكون هناك ونريد شعرا نوبيا وبجاويا ودينكاويا وفوراويا وعندها سوف يصت المتثاقفون ...

سودانيز أون لاين مؤسسة إعلامية لها وزنها داخل وخارج الوطن وكل من ينتمي لها يمثل صحافة بحالها .
وفي آخر مقابلة لي مع الأخ حسين حسن حسين كان مصرّ أن تنضم أسرة سودانيز بالرياض لرابطة الصحفيين بالمملكة وكنت قد تحدثت مع الخال بهذا الخصوص ونحن بصدد طرح هذه الفكرة عليكم ولكم أن تحددوا بأنفسكم مدى إستعدادكم لهذه الدعوة والإنضمام لهذه الرابطة ..
وهي كما نوه الخال تضم كل ألوان الطيف الصحفي وخطها وطني وواضح ..

تخريمة ..
أها يا مقاتل يا شفيف حا تجي ولا لا ؟ ..

حسن الملك تحياتي

نشكر الأخ حسين حسن حسين علي التوضيح
والدعوة

لكن يا ملك متين حذفوا الخرطوم عاصمة الثقافة العربية

وبعدين منو القال انو الخرطوم عاصمة الثقافة العربية

عربية قال

يا اخوان
هو في قتلة ومجرمون مطلوبون من العدالة الدولية
يمارسوا ثقافة

انها ثقافة الزرقاوي
وعربية بن لادن

سلام

الخال ود قاسم شكرا للدعوة وسوف أحضر لو في العمر بقية والمهم عندي أن التقي بكم جميعاً

فوق ..

للتذكير و ...