Post: #1
Title: أين حق المراة (الأم) في اسم الابن؟؟؟؟ من اجل حقوقها كاملة تماما
Author: alsngaq
Date: 03-30-2005, 04:16 AM
Parent: #0
الى دعاة حقوق المراة
من اجل إعطائها حقها كاملا
لماذا الأبناء يحملون اسم الاباء
أين حق الأم في اسم الابن؟؟؟؟
يعني ليه ما يكون عندنا مثلا
وليد نسرين
دفع السيد ست النفر
أليس من حق المراة ان يحمل الابن اسمها كما يحمل اسم الرجل؟؟؟
مسألة المساواة دي لا يمكن تجزئتها !
يعني يا مساواة واضحة وقوية ومؤسسة ولا النسوان ديل ومعاهم
اخوانا الرجال الإنسانيين شديد خالص و المنتشرين فى انحاء المنبر ديل يفكو رأسنا
دا شوية لانو الموضوع دا شكله كدا بقى استايل(يفصل على حسب الأحداث وظروفها).
فياريت يعني نعرف رأي الإخوة والأخوات في مسألة حمل الابن لاسم الأم كم هو حادث مع الرجل
سواءً كان هذا الابن شرعي أم لا؟؟؟
|
Post: #2
Title: Re: أين حق المراة (الأم) في اسم الابن؟؟؟؟ من اجل حقوقها كاملة تماما
Author: Yasir Elsharif
Date: 03-30-2005, 04:24 AM
Parent: #1
خوزيه ماريا أثنار
خوزيه هو رئيس وزراء أسبانيا السابق.. ماريا أمه وأثنار أبوه.. ما هو الإشكال في أن يكون إسمك محمد خديجة عبد الله؟؟
لا أعتقد أن هناك ستكون أي مشكلة، يا سنجك كلتوم آل شايقية
|
Post: #3
Title: Re: أين حق المراة (الأم) في اسم الابن؟؟؟؟ من اجل حقوقها كاملة تماما
Author: abuguta
Date: 03-30-2005, 04:27 AM
Parent: #1
السنجك سلام
انا عندى اقتراح فى تقسيم فترة الحمل لو وصلنا لحل
مشكلتك دى محلولة...يعنى اى واحد يشيل وليدو فى السنة المكلف فيها
لكن انا عندى سعال لناس تحرير المراة ديل...انت المراة فى الغرب محررة ولا لسع باردة
طيب ليش بتحمل اسم زوجها..مالو اسمها او اسم ابوها...
ياخوى ديل اسمها ضيعوه خلى ابنائها...
اسى مسسس بووووووووووش...عاين ليها فراحنة كيف وهى قارنة اسمها مع بوش
تخريمة
مالكم والساحر حايمين يوم الجمعة فى معارض الشفاء...عاوزين تغيروا السيارة ولا شنو
لكن الساحر ما عنده عوجة..بقى شريطى فاهم..
تحياتى ليه
ولقدام
|
Post: #4
Title: Re: أين حق المراة (الأم) في اسم الابن؟؟؟؟ من اجل حقوقها كاملة تماما
Author: مريم بنت الحسين
Date: 03-30-2005, 05:18 AM
Parent: #1
| Quote: يا سنجك كلتوم آل شايقية |
السنجك ازيك.. اسمح لي أضحك في نكته دكتور ياسر 
والله ليه لأ؟ تعرف انا شايفه الرجال ديل السلبطه العليهم.. المرا تحمل .. وتمر بمصاعب كبيره جداً... وحم وقرف وزيادة وزن.. وانهاك جسد.. وبعداك الولادة البقولوا عنها موت .. وفي النهاية يقولوا ود فلان...عليك الله عان قوّة العين
اطالب معك من هذا المنبار باعتماد تسمية بالأم بدلا عن التسمية بالأب، موش زي دكتور ياسر العملها ظريفه شويه ودخل اسم الام
وانا يكون اسمي مريم علوية زينب ضوة...
ايوه
بنت الحسين
|
Post: #5
Title: Re: أين حق المراة (الأم) في اسم الابن؟؟؟؟ من اجل حقوقها كاملة تماما
Author: صديق الموج
Date: 03-30-2005, 06:30 AM
Parent: #1
يا جماعة اصبروا شوية يوم القيامة قالوا النده بكون بى اسم الام،مستعجلين ليه؟؟؟
وبعدين انا اهل امى من قمت ما نادونى بى اسم ابوى طوالى بقولوا لى صديق ودعشة
حاشية: اسم الوالده نسرين واسم الدلع عشة.
وبعدين حقوق شنو يا السنجك ؟؟انت ما معرس والا شتو؟
،،كدى جرب والله يشيلن 99% من الماهية والواحد الباقى يقسمنو معاك اكل وشراب،،،
هسع انا بطالب بحق الرجل.او اقلو نطالب بمساواة واسال السيد الريئس مريم بنت الحسين
ورقنا قدمناه ليها.
|
|