Post: #1
Title: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-25-2005, 12:36 PM
Parent: #0
صدمة كبيرة تلك التي تلقاها المهتمون بعلم الأجناس (الانثروبولوجيا) نتيجة اكتشاف قبيلة أمازونية، لم تكن معروفة في السابق، ضالعة في طقوس زواج غريبة تتمثل في لجوء النساء إلى التهام أزواجهن بعد الزواج مباشرة.
وتم اكتشاف قبيلة (دجاباسي) من قبل علماء غربيين مصادفة في منطقة نائية تسمى «فال دو جافاري» بين رافدين من نهر الآمازون (جوتاي وجانديا توبا) في البرازيل.
وتضم هذه المنطقة نحو ست قبائل بدائية كما يشير إليه الدكتور تايلر لوميس من مركز ساوباولو لدراسات الأجناس، ويقول الدكتور تايلر انهم قاموا ببعثات استكشافية في مسعى للاتصال بأفراد هذه القبيلة حينما تم اختطاف أحد أفراد البعثة ويدعى الدكتور مايكل ماديغان بصورة غريبة من خيمته.
وقد ساعد قصاصو أثر من سكان المنطقة فريق البعثة في البحث عن الدكتور مايكل حيث عثروا بعد ثلاثة أيام من البحث المضني على بقايا زميلهم الذي التهمته زوجته الجديدة «كوجبة شهية» كما أشار إليه الدكتور تايلر وكانت تلك الزوجة البدائية تلتهم ما تبقى من ذراع الدكتور مايكل، وأضاف قائلاً: إن رأس زميله المقطوع كان على الأرض بجانب تلك المرأة التي نظرت إليهم ودماء زميلهم الراحل تسيل أسفل ذقنها، الأمر الذي أدخل الروع في قلوبهم . وأحاطت بعلماء الانثروبولوجيا ومرشديهم، مجموعة من نساء قبيلة (دجاباس) اللواتي هددن باستعمال الرماح والحراب، غير أنه تمت تهدئتهن في نهاية الأمر بتقديم هدايا مكونة من أدوات مطبخ من الألمونيوم والملابس والعقود الملونة.
وبدأت المجموعات في التواصل عبر لغة الإشارة واللغة البرتغالية، حينما تم كشف النقاب عن تلك العادات الزوجية الغريبة المثيرة.
يقول الدكتور تايلر: لقد سمعنا عن أساطير تحكي عن نساء قبيلة أمازونية يقدمن على قتل أزواجهن بعد الزواج، غير إننا لم نصدق ذلك معتقدين بأنه يمثل خدعة للترويع نشرها أوائل المستكشفون البرتغاليون والاسبان، غير أن الأمر اصبح واقعاً ملموساً كما شاهدناه بأعيننا وراح ضحيته الدكتور مايكل.
وأمضى فريق العمل الذي يشرف عليه الدكتور تايلر، ويضم ستة من الرجال، 17 يوماً في المنطقة التي تسكن فهيا قبيلة (دجاباسي)، حيث تمكنوا من تفادي لقاء مصير زميلهم بتقديم الهدايا على نحو متكرر والعمل على خدمة نساء القبيلة.
يقول الدكتور تايلر انهم شاهدوا خلال وجودهم في تلك المنطقة وحتى هروبهم منها، أربعة احتفالات للزواج حيث كان العريس الوليمة التي التهمها المشاركون. وتحصل النساء على أزواجهن من خلال اختطافهم من القبائل المنافسة، إضافة إلى استخدام المراهقين أبناء زميلاتهن من نساء القبيلة.
ويزعم الدكتور تايلر أن نساء قبيلة (دجاباسي) لديهن القدرة على جذب حتى أكثر الرجال خوفاً على حياتهم، غير أن مثل هؤلاء الرجال يصبحون لقمة سائغة لهن بعد قضاء «ليلة العمر» في زواج ينتهي إلى كارثة.
|
Post: #2
Title: Re: نساء قبيلة( دجاباسى) يلتهمن ازواجهن ليلة الدخلة
Author: نصار
Date: 03-25-2005, 12:49 PM
Parent: #1
العزيز بشري
بتجيب المحن دي من وين يا اخوي؟
و بعدين النسوان ديل مستعجلات علي اكل العراسن مالن؟ كان يخلوا الحكاية دي بعد شهر العسل او بعد يضمنن انه ح يجي مولود جديد نتيجة للعرس عشان القبيلة ما تكمل،
|
Post: #7
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-25-2005, 01:43 PM
Parent: #2
ياخوى يانصار
كيفنك ومشتاقين
وبعدين العسل ما فى الوجبه الظريفه والشيه بى الشطة..بعد دك يقومو يعملو من الكرعين الشرموط للايام الجاية لغاية ما يلقو ليهم عريس جديد يحننوه
|
Post: #3
Title: Re: نساء قبيلة( دجاباسى) يلتهمن ازواجهن ليلة الدخلة
Author: نصار
Date: 03-25-2005, 12:51 PM
Parent: #1
العزيز بشري
بتجيب المحن دي من وين يا اخوي؟
و بعدين النسوان ديل مستعجلات علي اكل العراسن مالن؟ كان يخلوا الحكاية دي بعد شهر العسل او بعد يضمنن انه ح يجي مولود جديد نتيجة للعرس عشان القبيلة ما تكمل، وبعدين رجال السجم ديل المعرسليها شنو ما دام عارفين المصير الراجيهم.
|
Post: #5
Title: Re: نساء قبيلة( دجاباسى) يلتهمن ازواجهن ليلة الدخلة
Author: mohamed osman bakry
Date: 03-25-2005, 01:05 PM
Parent: #3
يالطيف
ديل نـســــوان ولا عقـارب
طـيـب الواحــد كان ماعرس
بـتـجـيـهـــو عـوجــــه?
|
Post: #9
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-25-2005, 01:48 PM
Parent: #5
تعرف يامحمد..مابتجيك عوجه بس بختوك فى صينية الحنه عشان يحلو بيك;D
|
Post: #4
Title: Re: نساء قبيلة( دجاباسى) يلتهمن ازواجهن ليلة الدخلة
Author: Elmosley
Date: 03-25-2005, 01:01 PM
Parent: #1
يعني لو الواحد داير ينتحر يمشي يعرس هناك يابشري؟؟؟
|
Post: #6
Title: Re: نساء قبيلة( دجاباسى) يلتهمن ازواجهن ليلة الدخلة
Author: Kostawi
Date: 03-25-2005, 01:32 PM
Parent: #4
سمعت إنو البشير ناوى يزور المنطقه دى على رأس وفد يضم كل أتباعه. و سمعنا تحت تحت إنو فى كلام داير عن عرس الكوره.
|
Post: #8
Title: Re: نساء قبيلة( دجاباسى) يلتهمن ازواجهن ليلة الدخلة
Author: نصار
Date: 03-25-2005, 01:44 PM
Parent: #6
العزيز كوستاوي
لو دا حصل بكون حل بايلوجي يرحم البيئة من مبيدات كيماوية لمحاربة الافات (الانسانية)
|
Post: #15
Title: Re: نساء قبيلة( دجاباسى) يلتهمن ازواجهن ليلة الدخلة
Author: Al-Shaygi
Date: 03-26-2005, 02:25 AM
Parent: #6
.
Quote:
سمعت إنو البشير ناوى يزور المنطقه دى على رأس وفد يضم كل أتباعه. و سمعنا تحت تحت إنو فى كلام داير عن عرس الكوره.
|
آميييييييييييين
وبالرفاه والبنيييييييين
...
|
Post: #18
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-27-2005, 09:16 AM
Parent: #6
انا خايف يمشى يعمل انقلاب هناك كمان ياكوستاوى..بعدين يبقى ريس بلدين..
|
Post: #11
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-25-2005, 02:20 PM
Parent: #4
العزيز يوسف..يعنى انتحار واكله وللا شنو?..
|
Post: #10
Title: Re: نساء قبيلة( دجاباسى) يلتهمن ازواجهن ليلة الدخلة
Author: Abdulgadir Dongos
Date: 03-25-2005, 01:56 PM
Parent: #1
شكرا أستاذ بشري علي المعلومة،
لا بد لنا من ترغيب أولائك النسوه للهجرة الي السودان ولهم ما أرادوا .
|
Post: #12
Title: Re: نساء قبيلة( دجاباسى) يلتهمن ازواجهن ليلة الدخلة
Author: Mohamed Elbashir
Date: 03-25-2005, 10:16 PM
تحيه للاخ بشري و الأخوه المتداخلون
| Quote: لا بد لنا من ترغيب أولائك النسوه للهجرة الي السودان |
عارف ياعبد القادر النسوان ديل شكلهم زمان هاجروا لينا و يادوب عرفت السر ليه حبوباتنا بحبوا ينادن الواحد ب "تعال يا عشاي" و يا عشا البايتات ... دحين خليكم تفاتيح و أتذكروا كلام بشري ده
تحياتي
محمد علي
|
Post: #19
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-28-2005, 06:12 AM
Parent: #12
عشا وبس..عشا وغدا وفطور ياودالبشير..
|
Post: #13
Title: Re: نساء قبيلة( دجاباسى) يلتهمن ازواجهن ليلة الدخلة
Author: ودقاسم
Date: 03-26-2005, 00:00 AM
Parent: #1
بشرى
والله إنت بطّلت الشعر وبقيت بتاع محن ،،،
هسة يا بشرى لو النسوان السودانيات كانوا بيعملوا كده ما كنا نحن ارتحنا من كتير من البلاوي العشناها ؟! كان ممكن مثلا البشير تكون أكلتو مرتو قبل تلاتين سنة ...
|
Post: #16
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-26-2005, 09:35 AM
Parent: #13
تعرف ياود قاسم انا الليل كلو مانمت..اتخيلت نفسى عرست لى واحده زى دى وقعدت افكر فى التحلنى منها..بس جات الفكرة قلت اشترى ليها طقم حلل وشويه سكسك زى ما قالو الجماعه المشو يعملو البحث..اها الصباح بدرى قمت قلت ليها انا ماشى اصلى الصبح وانتى عليكى تقومى تفتحى الكراتين بتاعة العدة وترصيهن وتجربى السكسك الجبتو عشان فتح الخشم..بس المصيبه لمان مرقت لقيت ليك النسوان كلهن فى الجامع والامام د/امينه ودود..هسى المخارجه كيف..
|
Post: #14
Title: Re: نساء قبيلة( دجاباسى) يلتهمن ازواجهن ليلة الدخلة
Author: saadeldin abdelrahman
Date: 03-26-2005, 01:35 AM
Parent: #1
ده كلو هين
تحليتن بى شنو?
|
Post: #17
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-26-2005, 10:54 AM
Parent: #14
اهو ده المجننى ياسعد..لكين الظاهر بحلن بى المخ..واللا شنو ليك..
|
Post: #20
Title: Re: نساء قبيلة( دجاباسى) يلتهمن ازواجهن ليلة الدخلة
Author: غادة نصر
Date: 03-29-2005, 01:14 AM
Parent: #17
((وقد ساعد قصاصو أثر من سكان المنطقة فريق البعثة في البحث عن الدكتور مايكل حيث عثروا بعد ثلاثة أيام من البحث المضني على بقايا زميلهم الذي التهمته زوجته الجديدة «كوجبة شهية))
يعني نرجع نصدق الكلام البتقال عن انو في مجموعات بتأكل اللحوم البشرية ؟؟!!
استاذ بشري خفت عديييل كدة! اصلي من زمان بلاوز من الهنود الحمر !!!
اللهم غطي علي كل اخوانا الطاشين برة السودان
غادة
|
Post: #21
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-29-2005, 06:43 AM
Parent: #20
هسى البخاف منو ياغاده..انتى مابتجيكى عوجه لكين الجنس القالو خشن اهو بقى شمار فى مرقه..ووجبه شهيه كمان..
|
Post: #22
Title: Re: نساء قبيلة( دجاباسى) يلتهمن ازواجهن ليلة الدخلة
Author: garjah
Date: 03-29-2005, 09:04 AM
Parent: #21
عم بشرى
باقي ليك العريس ده فيهو شي بيقوم الليلة ديك غير شعرو
|
Post: #23
Title: Re: نساء قبيلة( دجاباسى) يلتهمن ازواجهن ليلة الدخلة
Author: bushra suleiman
Date: 03-30-2005, 08:07 AM
Parent: #22
شعر شنو ياقرجه..ما فى الاول بسلخو جلدو وبعدين يعملو من الراس نيفه..
|
|