ماذا الذي جرى في (القعدة) التي قطمت الوسط

اول الحكي
جاد الغيث اذ الغيث همى
يازمان الوصل بالاندلس
لم يكن وصلك الا حلما
في الكرى اوخلسة المختلس
الكلام لـ : الوزير ابو عبد الله الخطيب



من الذي اسر اليكم ان الهلال هزمه فريق الترجي التونسي ، هذه اشاعة مقرضة لا تقل عن (فقاعة) فوز المريخ فنيا على فريق تساوي قوته برشلونه الاسباني ، رغم ان الحقيقة تقول ان المريخ تغلب على فريق من (كياشته) كان يمكن لفريق حلة حمد الذي يعلب في دوري السنترليق ان يهزمه قبل غياب الشمس ، رغم انني لا اعرف ماذا تعني هذه السنترليق ، هل هي (مولودا) للليغا يسمي المركز ام ان الاسبان هم من (شفوها) مننا .. هذا ما قالته لي ام مازن وهي هلالابية موت ، رغم انني بدأت اشك كثيرا في هلاليتها السكينية تلك التي كانت تخوطننا بها ، فهي لمجرد ان رحلت الى بيت زوجها بدأت تمسك العصا من النص ،كون زوجها مريخيا ، وهي هلالاية ولانها لا تريد ان تخسر حقوق الامتياز التي منحها لها زوجها ، فهي بدأت تهادن شوية شوية وفي مرات كثيرة تنافقه ، وعرفت منها انها لم تشاهد مباراة الهلال مع الترجي لكنها عوضا عن ذلك كانت تتابع معه على الموبايل مباراة المريخ مع الفريق الصفيحي الذي بدأنا به الكلام ، وهي تعرف سلفا مثلما تعرف نصف شغالتنا السيرلانكية ، ان الكورة في السودان مجرد موضوع يملا به الوقت لا اكثر ولا اقل .
فلا هيثم مصطفى اول امس كان (سيدها) ولا شيتين ولا كمال حامض كان يعرف شيئا عن التقديم ولا حتى يفهم في الكورة .. فالافضل لصلاح ادريس ان يبطل الكورة ويشترك في نادي (القعدات) الفنية ، ويترك الكورة في حالها ، اصلا ماهياش ناااااااصة بهدلة . . جاتنا نيلة في حظنا الهباب مافيش لاعب واحد في السودان يكون في مستوي زين الدين زيدان .
وهذه المحمدة الوحيدة للخواجات انهم ، لا يهتمون بنا ولا حتى يعرفون اين يقع السودان ، والا لكنا اليوم مفضوحين بجرايدهم .. فتجد في الفاينشتال تايم وبالبنط العريض هيثم طمبل فك كجوره في سنار .. فاورق جبره ياخذ معه (الفكي) الى استاد ودمني ... رونالدو يطلب من خطيبته ان تسافر الى سنار لتفك دنبوشهما .. الهلال يلعب عصرا في سنتياجو برنابو ، وصلاح ادريس يقول ان ستونا مجروس ستغني للازرق .. جمال والي يسافر سرا مع العجب الى سرقسطة لاحضار (فكي) المريخ قبل مباراته مع ليفربول .
عندما يكون اخوتي واولاد خالتي متواجدين نشاهد ما يشاهدون ونتفاعل بالذي يتحدثون به ، حتى انه في لحظات يخيل الي انني هلالابية اكثر من الهلال نفسه ، ومع انني لا اعرف ، كيف يقول المشجعين على انفسهم يعشقون الفريق الفلاني لدرجة الموت ، فانا لا اكذب في هذه الحتة ولن انافق حد ، انا احب الحياة ولن اموت في دبابيب فريق لا يحس بي ان كنت احبه او حتى اكره وبالله فكونا من هذه المبالغات ..
نقبل كنوع من المبالغات ان نقول ان المريخ هو الذي صعد الى دور الستة عشر مثل ما صعد شيليسي ومع الفارق الكوني الكبير الذي يفصل مابين فريق تحححححححت لدرجة انه حتى بني وطنه لا يتفقون حوله ، فلم يجد غير الاصفر والاحمر ليلبسه حتى يظهر .
وفريق فوووووووووق لدرجة ان العالم كله يعرفه فلم يجد غير الازرق والابيض شعارا له .. ذلك وحده الفرق الكبير بين الفرق التي حينما تكبو تكون شاخصة رغم كبوتها وانكسارها .. الم تروا الفريق الملكي ريال مدريد .


iw'l be back

في سنتياغو برنابو
الهلال يلاقي سرقسطة في الاسبوع العاشر لليغا


ومع ذلك ، قررت ان اخوض (معارضة) ضد مايسمي رئيس نادي الهلال ، الذي دفع كل فلوسه من اجل ان يبقى رئيسا ومع ذلك ترك اللاعبين ووجه كل اهتماماته للفنانين .. اتمني لو تصله هذه التساؤلات وهذه الاعتراضات التي سابدا بها .. طالما انهم طالبوني ان ابطل كلام في السياسة ، فليس عندي هنالك من شيء افرغ فيه هذه الطاقات الهترشية ، فويل للرياضين مني ..
اشمعنا يعني حمد الريح وكمال ترباس ..؟؟ موش حمادة بت او المعرجن حسام ود علوية .؟؟
اولا :
مثلا هما ليسا مشهورين في قامة مايكل جاكسون او حتى شعبان عبد الرحيم لتقول ان الرجل عبقري قصد من فعلته تلك ان تشنغل تونس كلها باخذ الاوتوغرافات من الفنانين العبقرين ، فيصفي لفتية الازرق ان يفعلوا بالترجي العجب ..
ولا هم مثلا في عبقريتهم الرياضية في مستوي كارلوس البرتو بيريرا ، فنقول ان الرجل (اداري) محنك اراد ان يستفيد من خبرة الرجلين الكروية فيكون الويل كله والثبور للترجي ..
الم تجد في بلد المليون فنان وفنان الا ذينك العجوزين .. طيب ، ياخي ، كان تكمل الناقصة وتاخذ معاك ستونا مجروس اهي ، تجيد مهنة غير الغناء وهي (الميك اب) بطريقة مستحدثة من كلية الفنون الجميلة التي تخرجت منها ، متين ماعارفه ؟؟
فكان بامكانها ان تحنن (قلوب) التوانسة علينا شوية ، وكان خلتهم خلو النتيجة اربعة ، اهو شويةاحسن من خمسة ..
او كانت بدلا من ذلك برسم الحناء لـ ترباس او ترك الفنان (حمادة ) بت يربها شوية ، بدلا من الجو المأساوي الذي سيكون فيه اللاعبين .
والذي يغيظني اكثر ويدفعني بقوة نحو المطالبة باستقاله صلاح ادريس ليس لانه يلبس البدلة ويخنق نفسها بكرفتها في عز الحر ، لكن هو الشمر الذي وصلني انه اقام للاعبين يوم الخميس (ربة) تحدثت عنها كل تونس ، ولم يترك مغنيا ولا حتى رقاصة لم يعزمها ولا ادري ماذا استعان اللاعبين والناس على هذه الاغراءات حتى ييبقوا (رؤسهم) مصحصة وليست غائبة .
ما الذي يفهمه ترباس او حتى حمد الريح في التربية البدنية او حتى في (الكمبلت ) ليطير بهما (صلاح قروش) في طائرة خاصة كمجلس استشاري عالي المستوي ؟
الهلال ياسادة هزمه صلاح ادريس واستهتاره بالقيم الرياضية والاصول الادراية .ساعة ان اخذ معه ترباس وحمد الريح .

اخر الحكي
اباجورة الزاوية
كانت تتحدث
الى الحائط
فاحتجت طاولتها
ان الامر لايعدو
عن كونه
عدم تساوي الفرص
شيري بعد ان شاهدت مباارة المريخ

وااآ شريري .. شيري وشوقنا اشتبكوا
سلام (مخمس)
من فم الهزيمه المر


احزن لكل هلالابي قد ابتلاه الله بهلاليته
وارجوه صادقاً أن يزيل عنه هلاليته ويعافيه

سلاح اضريص
مقلب وشربه الهلال
وسيلفظه الاهله قريبا
في ثورة وعي تفرضها الواقعية

لكن يا شريري الخمسه كتيييييره وحااااره
وكان ما مصدقه اسألي "طاج الصر" لمن اتلقي

hopfull
سلام مربع

ياسيدي ولا يهمنا
نحن اسيادها
كرة القدم غالب ومغلوب

اليوم مغلوبين
وبكره غالبين

واتخيل لي انتو اكتر ناس عارفين
حتة (غالبين) دي
وما اتخيل لي بعيد عنكم

شيري بنت ام شيري

الهلالابية موت


عجبتني الحته دي


رغم ان الحقيقة تقول ان المريخ تغلب على فريق من (كياشته) كان يمكن لفريق حلة حمد الذي يعلب في دوري السنترليق ان يهزمه قبل غياب الشمس

وبي ضربتين جزاء مشترينهم

وبي ضربة جزاء غير محسوبه

عباس

سلام مربع


بالله عليك (لم) الهلالاب كلهم وتعالوا

شجعوني بالله ، بس اوعكم تفكوني عكس الهواء براي
في وش (الصهيانة) الحمر ديل

ديل ، ديل ، ديل
عساهم بستة اقوان من جزيرةالفيل
امين يارب العالمين
وثمانية من (هلال) السودان العظيم

قول امييييين

Quote: ديل ، ديل ، ديل عساهم بستة اقوان من جزيرةالفيل

شيرى

أنا قلت الزوله مغلوبه على أمرها بالخمسه و خميسه
معليش نخليها تفكها عن نفسها شويه
لكن هابشه جزيرة الفيل و مقلله من شانها مالك ؟
غايتو كان عشان القافيه مع ( ديل ) معليش ،
لكن كان لى سببا تانى .... ما عافى ليك ،

صادق الأمنيات للهلال بتجاوز الطعم المر .

سلام مربع

مصدق مصطفى

وحات (نضري) عشان القافية ، والله انا ذاتي
ماعارفه انو جزيرة الفيل بتلعب كورة ,,
الا سمعت (الاشرار) في يتنا
يتداولون حديثا مفاده ان جزيرة الفيل
فريق يعلب في السودان ، ولعب كمان من المريخ

سلمت ياسيدي
اها كده عافيت لي .؟؟
ولا لسع

ازيك يا شيري
معليش لهزيمة الهلال المذلة
واضح انك هلالابية جدا ( ما موت)
بعدين جنس كورتنا دي اخير منها السياسة
و الا اقول ليك اخير منها الغناء الهابط
اضطراريا علي قفانا ليل و.... ليل
ما اتذكرتي ارباب مع حمادة بت
تفتكري الغناها اجمل منو ؟

عصام
سلام مربع

انا معاااك ، ان (كورتكم) محلية

بس المشكلة اننا حتى في (الادارة) اللي كل الدنيا
دي عندهم العملية الاادارية عملية عملية ونظم
متكاملة
الا عندنا
اللي عندو قروش بس هو المفروض يدير

دا كلو عشان ، يصاحب الفنانين
ويغوي اللاعبين بعصيان المهارة البدنية

الاخت الغالية شيري
فيني شوق وخرمة جبنة
مشاتقين

والله يا شيرى فرحتى بعودتك لا تعادلها الا فرحتى بتاهل المريخ

وبعدين زيدى اعتذارك لى مصدق ده باقى هو كان قون جزيرة

الفيل فى الستينات..تسلمى،،

شيري سلام

جيناك يا ابشراء

جيناك انا وتاج السر

وسيف كلي

وليد ود العمده

واحمد الريح

علي اسماعيل

وكل الهلالاب الحلوين هنا

It was a nightmare and I hoped that Hilal qualified, but this is the reality and we must admit that THERE IS NO FOOTBALL BASES AT THE SUDAN THERE IS NO FOOTBALL BASES AT THE SUDAN

العزيزة شيري :

خرمجة أولي:
إلتقينا في حب الهلال العظيم والعظمة لله ..نحب الهلال بطريقتنا الخاصة ونكتب عن الهلال بطريقتنا الخاصة ...

شترة :

السبب الرئيسي في هزيمة الهلال هو الأخ تاج السر حسن ..
تعرفي أنا مع كبير إيماني والحمد لله ..لكن في مرات كتيرة تلقيني مقتنع بالتفاؤل والتشاؤم..
لمن الهلال يكون لاعب ما بقرا جريدة اليوم داك ...بلبس لبسة يا زرقاء يا بيضاء بيكون عندي أكل معين وونسة معينة ...
ما بحب زول يتكلم عن المباراة بي ثقة ويكج الهلال ..قدر ما حاولت ما أدخل سودانيز أون لاين عشان كنت خايف إنو تاج السر يكون كاتب مواضيع عن فوز الهلال المضمون وفعلاً أول ما دخلت الموقع ولقيت مواضيع تاج السر دي عرفت الهلال نجض نجاض شدييييييييييييد ...
السبب التاني معلق المباراة (المزيع الكج) الأسمو نزار عجيب ده !!!!!!!!
والله من قعد يقول مبروك للهلال وتونس لبست حلة زرقاء والترجي نجض عرفت إنو الزول ده مريخابي والنوع البيكون عايز ينجه الهلال ....

تخريمة :
أول يوم الليلة أتكلم في الموضوع ده منذ ذلك اليوم الأغبر لا لسبب سوي التناول الحلو للموضوع وطرح الفكرة بي صورة بتشبه ناس الهلال الحلوين ..
تعرفي أنا من الدقيقة 75 نزلت من الشقة وحايم في الرياض بي كرعيني شارع شارع أتزاوغ بي هنا وامرق بي هناك وغلبني أتم الكورة قلت أجي أتفاجأ بي النتيجة لأني كنت حاااااااااااااسي إنو في كج جاي ....

بجيك تااااااااااااني...

شيري باين عليك بقيتي
هلاريخيه
عموما انا عندي اعتقاد جازم بتطور الكره

واي حاجه في ظل الحريه وهاك التحليل

وصلل مستوي الكرة السودانية الذروة في سنوات مابعد اكتوبر

وجاء انقلاب نميري ليقطف ثمرة هذا التطور بفوز السودان بكاس افريقيا
سنة1970
ثم تدهورت بفعل قراراته العشوائيه والرياضة الجماهيرية
جاءت الانتفاضة فانتفضت الكره وتطورت وبدأت في العودة الطوعية للمستوي
المعروف عنها وبدأت الفرق في التقدم الي كاس افريقيا وكاس الكؤوس
جاء انقلاب الانقاذ
فقطف تلك الثمار بوصول الهلال لنهائيات كاس افريقيا وحصول
المريخ علي كأس الكؤوس كحدث غير مسبوق سودانيا

يوسف عثمان محمد بلال
لاعب فريق العزيمه برابطة غرب والنجوم
بالمقرن والنيران بالسجانة والهجرة
برابطة الديوم ثم الطليعة بليق
الخرطوم وملاكم سابق بنادي النيل الرياضي
الفنان الان الشهير بيوسف الموصلي

خبره ياشيري مش كده

Quote: (صلاح قروش)

حلوة جدا دي ، حالتك دي قالوا ليك بطلي كلام في السياسية ، والراء دي مقصودة أم خطأ مطبعي ؟ وكمان عجبتني شديد

Quote: iw'l be back

قمة الهترشة ( شغل جن في جن ) ، يديك العافية يا ستي وكية ليهم ما تبطلي كلام في السياسة مع اني ما عارف مين هم .

مش قلت ليك بجي تاني ؟:

صلاح إدريس علاقتو بي الهلال زي علاقتي بي الطب !!! وعلاقتو بي الكورة زي علاقتي بي اللغة الهروغلوفية !!!!!!!
الراجل ده كمل قروشو في القعدات مع الفنانين إشتري لي الملحن ده بيت ويأجر للشاعر ده شقة مفروشة ويدي الفنان ده أغنية ملحنة ومعاها كم مليون !!!!!
أول مرة أشوف لي ملحن يديك اللحن معاهو قروش!!! يعني دي عاملة زي الدعوة البتقول ليك :
( الله يعرس ليك مرا بي أولادا...)

الراجل ده ما لقا إلا يسوق حمد الريح :
حمام الوادي .. القمري قوقن قوقن قوقن ...القمري فوق نخل الفريق ..طير الرهو ..والمشكلة بعد ده كلللللللللو تلقيهو بيغني وبيدق في سدرو ....
الله يرحم أبو داوود لمن قال ليهو والله يا حمد حفلتك البتغني فيها دي والله أجيب لي (نبلة) أفرتق ليك العرس ده كلو ..شنو كلها طير !!!!!!

كمال ترباس :
جاي يفتش الماضي !!!!! يمشي لي صلاح إدريس بي كرعينو ويجي بعدين يغالط نفسو بي إصرار ويقول إمكن هو الما جا !!!!
الغريبة حسين شندي ما ظاهر في الصورة !!!!!!!!!!!!!!!!!!!!!!!

يا حليلك يا الزعيم ..يا حليلك يا الطيب عبد الله !!! عمر البشير يقول ما تلعبو الكورة بالنهار إنت تقول ليهو الهلال ده ما حقك بنلعب في أيييييييييي وقت ...
هيثم مصطفي يتدلع ويقول مابيجي التمرين إلا يدفعوا ليهو قروش الجامعة تقول ليهو يا ولد يا شافع إنت الهلال ده هو الكبرك ..الهلال ده لعب فيهو قاقرين وجكسا عاجبك عاجبك ما عاجبك أسة بسلمك جواب شطبك !!!!!!!!

تااااااااااااااااااااني بجيك راجع عشان تفاصيل الكورة ...

أخونا عمر

Quote: نزار عجيب كج، كمال حامد كج وجاسوس للمريخ، كفاية ناس قسم خامس (خالد) وياسر سادس (عائس) ديل ما كج!!

تخريمة:
الهلال من مباراة الترجي بالخرطوم لم يلعب ولامباراة تنافسية واحدة، ولا حتى مباراة إعدادية، في المقابل أدى الترجي مبارتين تنافسيتين ، ومباراة إعدادية قوية لها وزنها، أي أن لاعبي الهلال كانوا بعيدين عن المباريات لأسبوعين كاملين!!!

المهم الفريق القومي الآن يواجه مباراة صعبة في ياوندي أمام أسود الكاميرون، الذين يخططون لفوز كبير، اللهم أنصر صقور الجديان، والإنتصار سيكون مهم جداً معنوياً وفنيا لترتيب السودان في القارة الإفريقية.

شيري الهلالابية،
بنجي راجعين..

من داخل طائرة الهلال...

راكوبة الكشفنا عيوبا ...

Quote: من داخل طائرة الهلال...

قبل وبعد ؟؟؟؟؟؟؟

عمرنا،،
بعد كانوا في الـ Cargo، بعد ما اكتشفوهم أنهم مريخاب، وأنو المعلق برضو مريخابي، الدنيا مالا بقت كلها حمراء

امين محمود
بعد تغير الاسم بقيت تغييياااااان يا وزوبا

صديق الموج
بالله ، يعني الراجل كان واقف حارس مرمي لجزيرة الفيل
وازيدو اعتذار (مربع) للمرة التانية عشان خاطرك وخاطره
ولا يهم ، واحلى ناس ، جزيرة الفيل

عباس
مرحبين بيكم يا هلالاب يا اسياد الوجعة
تشرفوا بلاد . موش بوست بس

احمد الفاضل
ياسيدي انا معاك والله ، السودان ، لو قلبتو حته حته
ما تطلع منو لاعب ، في مهارة اكيش لاعب اوروبي

عمر الفاروق شيخ الدين
هاهاهاه
بتخاف من الكج ولا شنو ؟؟
انا برضي بخاف من الكج ، واتخيل لمن اكون محتاج للوقت ، او متاخرة ، بخاف اعاين للساعة
مع انه انا المتاخرة ، وحتى ان لم انظر الى الساعة ستظل الساعة تجري وتجري

الاستاذ الموسيقار
لا فناني المفضل ، انا هلالابية بس ، موش ممكن اكون مريخية.. عشان فارق اللون وكده يعني
بس عايزه اعرف ، حقيقي كنت ملاكم
.... سلمت ياسيدي للطله البهية التي تشرفني دائما

ابو قصي

الناس قالوا لي بطلوا كلام في السياسة ، خليهم ، ربنا يهدينا ويهديهم ،
لا انا فعلا ، عنيت (قروش) ، الراء

راكوبة
بالله الشمار دا جبت من وين ..؟؟
يعني حكاية القعدة دي حقيقة ، وليست اشاعة

لووووووووووووووووووول 2 ياراكوبة
لكن ما جننتهم جن الجماعه ديل
والله كلام تاج السر ده هو الخلانا نقعد وننتظر { برشلونة } في ليله السبت الماضي .

هل ابوالهل ده بيستاهل ياخد دبلوم الصحه؟؟ صحة شنو هو انتو خليتو زوول ينعم بها في الليله دي ؟ مستشفيات العاصمة امتلات باصحاب الضغط والسكري في ذلك السماء .

ياهلالاب حدكم جوة البلد وبس وخلونا من حكاية الوصيف دي والله دايرين ولو كاس خشب انشاء الله.
فضحتونا الله يفضحكم دنيا وآخرة.
مين يحفظ زمام بلدنا غيرنا

وفووق فووق مريخنا فوووق.

Quote: هل ابوالهل ده بيستاهل ياخد دبلوم الصحه؟؟

أبو الهل يستاهل كل خير ..
أبو الهل محفور جوانا ...
يا زول إنت ما بتخاف

بتفق معاك في انو الكج جابو لينا الأخ تاج السر ..

Quote: فضحتونا الله يفضحكم دنيا وآخرة. مين يحفظ زمام بلدنا غيرنا

بلد مافيها الورل يقدل فيها الضب...

شيرى :
انا بتفرج يا سلاااااااااااااام

ومع ذلك ترك اللاعبين ووجه كل اهتماماته للفنانين

قلتى لى ساق حمد الريح وترباس
والاعبين عشان يعمل (لعبه)
يا شيرى
كلمينا (اللعبه) الجايه وين

حمزة يا سليمان :

Quote: (اللعبه) الجايه وين

في النادي القبطي ..لالالالا قصدي نادي التنس ...لالالالالالا أقصد نادي المريخ