Post: #1
Title: اليوم سودانا فوق والقمة فوق (هل من توقعات؟؟؟؟؟ )
Author: بلدى يا حبوب
Date: 03-19-2005, 06:44 AM
Parent: #0
ابدا البوست واقول
فوق فوق سودانا فوق والقمة فوق
نبدأ من السودان ومن قلعته الرياضية امدرمان التى رضع من ثديهاالموج الازرق والشياطين الحمر والكل يعلم ان الهلال والمريخ اخوة فى الرضاعة ولكن تلك الندية ماهى محدقات لوجبة شعبية ولكنها تنتفى طالما كان اللقاء قومى بأذن الله واتفائل كغيرى بالعبور اليوم فالشياطين الحمر قادرون على اصطياد نسور يوسكاف المدغشقرى برغم الهزيمة الكبيرة التى كانت بأسباب .أمل ان يكون الجهاز الفنى قد عمل على تجاوزها وكذالك الاعبون قدازالوا شبح الهزيمة من اعينهم ويعدودا الى النجيل الاخضر ليسطروا اسم السودان على الميدان ويضيفوا انتصارا اخر للمريخ السودان . فمباارة مريخ السودان يمكن القول ان شوطها الاول يحدد لمن العبور فمطلوب من الشياطين الحمر دك اعشاش النسور يوسكاف واجبارها على التراجع لتحتمى بالشباك وتكون الفرص مواتيه لاكثر من هدف وكل الامل ان يتنهى الشوط الاولى من المباراة لتغنى المساطب الشعبية وكل اركان الاستاد (فوق فوق سودنا فوق )
وفى شمال افريقاوعند تونس الخضراء تكون لنامحطة اخرى لا تقل اهمية عن ملحمة امدرمان فبرغم انتصار هلال السودان الا ان المهمة ما زالت شاقه والامل كبير فى عبور الموج الازرق لفريق الترجى العنيد فمطلوب منه الدخول الى المباراة بكل اعصاب هادئه والعمل على امتصاص هجمات الترجى خلال الشوط الاول ولعب مباراة مفتوحة ولا ننسى فى معيته هدفين
------
توقعاتى لمريخ السودان الانتصار 3/صفر
توقعاتى لهلال السودان الانتصار 2/1
وانتم ماذا تتوقعون؟؟؟؟؟؟؟؟؟؟؟؟؟؟
تحياتى
|
Post: #2
Title: Re: اليوم سودانا فوق والقمة فوق (هل من توقعات؟؟؟؟؟ )
Author: معتز تروتسكى
Date: 03-19-2005, 06:58 AM
Parent: #1
خالص التحايا..
بلدى يا حبوب
بس عشان
لكن لو عشان قُمه دى ..
يارب يتغلبو ميه..
مابهمنى كتير..
اما بخصوص نتائج المباره ..
ليس بالتفصيل..
اتوقع فوز المريخ وتاهله..
والهلال حيتغلب بس
مايجونا بى فضيحه ..
وربك يتسر
|
Post: #3
Title: Re: اليوم سودانا فوق والقمة فوق (هل من توقعات؟؟؟؟؟ )
Author: بلدى يا حبوب
Date: 03-19-2005, 08:34 AM
Parent: #1
الاخ/ معتز
تعرف ده المطلوب ربك يستر
تحياتى
|
Post: #4
Title: Re: اليوم سودانا فوق والقمة فوق (هل من توقعات؟؟؟؟؟ )
Author: بلدى يا حبوب
Date: 03-19-2005, 08:39 AM
Parent: #1
قالت المواقع الاكترونية الرياضية عن لقاء امدرمان وتونس
Quote: 19 مارس 2005:
كتب: مهند عمر
هل يكررها الترجي...ام يفعلها الهلال هذه المرة...
يشهد ملعب الأولمبي برادس فى تونس اليوم لقاء الاياب فى دورى ابطال افريقيا بين فريقى الترجى التونسى والهلال السودانى.
الترجى اكمل استعداداته للقاء الهلال منذ عودته من الخرطوم ولعب مباراتين فى الدورى التونسى حققا من خلالهما انتصارين وسيرمى بكل تاكيد بكافة اوراقه الرابحة لهذة الموقعة الصعبة و يحتاج الترجي لثلاثة اهداف للتاهل للدور الثانى وهى بكل تاكيد مهمة صعبة ولكنها ليست بمستحيلة على فريق مثل الترجى التونسى صاحب الالقاب الكبيرة وكانت اخر مرة خرج فيها الفريق التونسى من الدور الاول عام 1992 .
فى المقابل فأن الهلال السودانى سيحاول عدم تفويت هذة الفرصة الكبيرة التى اتيحت له بالتاهل للمرحلة الثانية خاصة انه استطاع ان يحقق نتيجة ايجابية فى لقاء الذهاب مما جعل فرصته كبيرة فى التاهل والتقدم فى هذة البطولة ولذلك سافر الفريق مبكرا من يوم الاحد الماضى واقام معسكر فى برج سديرية لهذا اللقاء الكبير وسيحاول مدربه التونسى سفيان الحيدوسى ان يضع كل خبراته فى هذا اللقاء المهم والكبير .
و كانت مباراة الإياب قد انتهت فى السودان بهدفين لصفر (2/0) لبطل السودان .
يذكر ان نادى الترجى كان قد اقال مدربه السويسرى كلود اندري فور عودة الفريق من السودان وعين بدلا منه مساعداه التونسيان العربي الزواوى و لطفي جبارة
www.kooora.com
|
Quote: مارس 2005:
كتب: مهند عمر
--------------------------------------------------------------------------------
فى مباراة صعبة وتحتاج لجهد كبير يدخل مريخ السودان فى مواجهة صعبة فى اياب الدور الاول من كاس الكونفدرالية ( كاس الاتحاد) عندما بستضيف على ملعبه فى ام درمان فريق يوسكاف فوت المدغشقرى فى لقاء الاياب وكان لقاء الذهاب انتهى بفوز فريق الجزيرة المدغشقرية بثلاثة اهداف مقابل هدف .
المريخ مطالب على ارضه باحراز هدفين للتاهل للدور الثانى ان اراد ومنذ عودة الفريق من مدغشقر لعب الفريق مباراتين فى الدورى السودانى انتصر فيهما بنتيجة كبيرة مما اعطى الثقة للجماهير التى تتمنى ان يحقق فريقها الصعب ويتاهل للمرحلة الثانية , المدرب الكرواتى السيد برانكو توتساك اعد خطة هجومية كاسحة من صافرة البداية بغية احراز هدف مبكر يعطى الثقة للفريق واقام الفريق تدريبه الختامى فى استاده يوم الخميس وسط حضور جماهيرى كبير كلهم امل فى تحقيق التاهل .
فى المقابل فقد وصل فريق يوسكاف يوم الاربعاء للسودان وهو يحلم بمواصلة تقدمه للتاهل لدور ال16 وسيقام تدريبه الختامى اليوم فى استاد المريخ .
www.kooora.com[/QUOTE]
|
Post: #5
Title: Re: اليوم سودانا فوق والقمة فوق (هل من توقعات؟؟؟؟؟ )
Author: Agab
Date: 03-19-2005, 11:43 PM
Parent: #1
الأخ معتز
إنت فكـــــــــــــــــــــي ولا شنو 
Quote: ليس بالتفصيل..
اتوقع فوز المريخ وتاهله.. |
أنا قلت حاجة
Quote: والهلال حيتغلب بس
مايجونا بى فضيحه .. |
|
Post: #6
Title: Re: اليوم سودانا فوق والقمة فوق (هل من توقعات؟؟؟؟؟ )
Author: بلدى يا حبوب
Date: 03-20-2005, 05:10 AM
Parent: #1
عجب
مبروك فوز مريخ السودان مع الاميات له بمواصلة المشوار القومى
وعلى فكرة نتيجة مباراة المريخ اوقعت انتصار المريخ بالبوست اعلاه 3/صفر
Quote: توقعاتى لمريخ السودان الانتصار 3/صفر
توقعاتى لهلال السودان الانتصار 2/1 |
تحياتى
|
Post: #7
Title: Re: اليوم سودانا فوق والقمة فوق (هل من توقعات؟؟؟؟؟ )
Author: معتز تروتسكى
Date: 03-20-2005, 08:42 AM
Parent: #6
خالص التحايا..
بلدى ياحبوب..
ماتجى نفتح لينا محل ونكسب من الطرش ديل 
الحبيب عجبنا..
Quote: الأخ معتز
إنت فكـــــــــــــــــــــي ولا شنو |
تصدق!!!!
بس ما ادونى قروشى مجرد بياض فقط..
ما مشكله يافرده المطر بجى والسواق بقول ما راجعين..
كراع البقر جيابه..
|
Post: #8
Title: Re: اليوم سودانا فوق والقمة فوق (هل من توقعات؟؟؟؟؟ )
Author: بلدى يا حبوب
Date: 03-20-2005, 08:47 AM
Parent: #1
الاخ/ معتز
| Quote: ماتجى نفتح لينا محل ونكسب من الطرش ديل |
والله فكرة بس الا فى اوضة البنات وناس زوله
تحياتى
|
Post: #9
Title: Re: اليوم سودانا فوق والقمة فوق (هل من توقعات؟؟؟؟؟ )
Author: محمد الامين احمد
Date: 03-20-2005, 09:28 AM
Parent: #1
بلدى يا حبوب
اشكرك على هذا البوست الجميل...
و الجايات اكتر من الرياحات ...
و ايد على ايد ،نجدع بعيد
تحياتى
|
Post: #10
Title: Re: اليوم سودانا فوق والقمة فوق (هل من توقعات؟؟؟؟؟ )
Author: بلدى يا حبوب
Date: 03-20-2005, 10:22 AM
Parent: #1
الاخ / محمد الامين
شكرا على المرور
فالخوف كل الخوف ان يقول
اكلنا يوم أكل الثور الابيض
تحياتى
|
|
|