Post: #1
Title: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: sheba
Date: 03-15-2005, 02:41 AM
Parent: #0
المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
ملعب المريخ وارضيته المخضرة المستوية وعربة الاسعاف الكهربائية تتجول بهدوء
طالب المريخ بنقل مباراته الافريقية الى ملعب الهلال بدلا من استاد المريخ العالمى " الرد كاستل " وذكرت ادارة المريخ ان الملعب والنجيل العالمي وأرضية الملعب الرائعة المستوية ستساعد الفريق المدغشقرى على اداء مباراة كبيرة
ويريد المريخ نقل المباراة الى ملعب الهلال المشهور بالحفر والمطبات اضافة الى رداءة نوعية النجيل مع وجود كمية من الطفيليات والضريسة والاشواك التى تنمو فى ملعب الهلال خصوصا قرب الكورنر .. كما لوجود التراب الكثيف حول الملعب
الذى يصنع غبار وكتاحة كبيرة مع كل رياح ..اضافة الى روائح الشطة والكسبرة والبهارات التى تاتى من سوق العيش والدكاكين الملحقة بالاستاد .. مع ضعف الاضاءة واحتراق الابراج فجاة
كل هذه العوامل ستققل من كفاءة الفريق الزائر وستكون عونا للمريخ من اجل تحقيق النصر
|
Post: #2
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: سامى عبد الوهاب مكى
Date: 03-15-2005, 02:47 AM
Parent: #1
انا اُثنى واقرا رسايلك ياشيبا!
|
Post: #3
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: sheba
Date: 03-15-2005, 02:53 AM
Parent: #1
شكرا العزيز سامى ومعذرة لعدم اطلاعى على الماسنجر
ساحاول الاتصال او اعطاءك رقم الجوال خاصتى
واتمنى ان يكون بيننا كل الود والمحبة وهى كذلك
بس دايرك ما تزعل من اخونا ستمونى لانو مريض وليس على المريض حرج ..
ودايرك كمان تدعو ليهو فى كل صلاة ربنا يفك ضيقتو وكربتو النفسية ويبعد عنو مزمل ابوالقاسم
ويجعل الهلال كمان يتخطى الترجى ويصل لى نهائى الكاس ويجى راجع بيهو جويا قادر يا كريم
خالد شيبا الشهير بالذيل رقم واحد
|
Post: #4
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: سامى عبد الوهاب مكى
Date: 03-15-2005, 02:59 AM
Parent: #3
| Quote: ويجعل الهلال كمان يتخطى الترجى ويصل لى نهائى الكاس ويجى راجع بيهو جويا قادر يا كريم |
ابييييت ابييييت إلا دى قالوا ما محتاجين والفكى قال ليهم منتصرين شن بدورو بى دعاوينا!!!!
|
Post: #5
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: عمر الفاروق شيخ الدين
Date: 03-15-2005, 03:07 AM
Parent: #1
يا شيبا :
السبب الرئيسي كمان عشان المريخ ما متعود يلعب في النجيل الأصطناعي الجميل والميادين المستوية والخضراء ..
غايتو النجيلة الشفناها في مدغشقر دي خضرااااااااااااااااء والله يخلي لينا راكوبة جايب لقطة ..
أها قمتوا إتغلبتوا 3 (تلااااااااااااااااااااتة ) في ميدان زي ده !!!
أحسن تلعبو في الحفر عشان ياهو مستواكم ومستجدين نعمة زي الواحد الكل يوم بياكل فول وفجأة كده يهجموهو بالدجاج ..
طبعا ما عايز أقول ليك الكبدة لأانو إنتو ماشاء الله عليكم كلللللل يوم بتاكلوها وكبدة فاسدة كمان ..
إستاد الهلال به أول مقصورة ..
إستاد الهلال أول إستاد لبس حلة زاهية ..
أستاد الهلال الأستاد الوحيد الذي إستقبل العمالقة ..
أستاد الهلال أقيم في نهائي بطولة أفريقيا ..
عرفت المريخ عايز يلعب هناك ليه ؟؟؟؟
|
Post: #9
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: Rakoba
Date: 03-15-2005, 06:27 AM
Parent: #5
أخونا عمر،
Quote: إستاد الهلال أول إستاد لبس حلة زاهية ..
|
وأول من خلعها!!!
| Quote: أستاد الهلال أقيم في نهائي بطولة أفريقيا .. |
وخسرها وجال بالكأس الخصم كل أرجاء الملعب و(شتت)!!
|
Post: #6
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: sheba
Date: 03-15-2005, 04:37 AM
Parent: #1
عرفت
اول مرة اشوف ناس جابو تراب حمرة وكبوها حول الملعب وقالو دة مضمار " عجايب"
اول مرة اشوف برج بتاع كشافات النار تولع فيهو ودى ما اول مرة وكورة الزمالك ما بعيدة
اول مرة اشوف ميدان كورة قايمة فيهو الضريسة والحسكنيت
اول مرة اشوف استاد كراسيهو حديد تقعد ولمن الكورة تنتهى تقنع من جلابيتك ولا البنطلون
بتذكر الولد الشافع اكرم الصلوى اليمنى فضل شهرين يقحقح ويعطس ..هتش هتش .. كح كح..
من ريحة الكسبرة والشطة يا حبة عينى لمن يجى التمرين
لحدى ما جاهو التهاب رئوى .. بس الله مرقو... لو ما جات امو حصلتو من الشطة كان زمانو حصل امات طه
|
Post: #7
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: عمر الفاروق شيخ الدين
Date: 03-15-2005, 05:19 AM
Parent: #6
الغريبة الحاجات القلت إنت أول مرة تشوفا دي ..أنا دي تاني مرة أسمع بيها !!!!
لأني أول مرة أشوف حسكنيت كان في إستاد المريخ ..
أول مرة أشوف ناس بتقضي حاجتها بين الشوطين ( تبول وتبرز) في داخل الأستاد في إستاد المريخ .. (داخل المساطب الشعبية وخلفها ) نسيت ؟؟؟؟
أول مرة أشوف لي ضفادع بتلعب جوة الملعب الحفرة كانت في إستاد المريخ ..
أول مرة يجيني وجع رقبة تلاتة يوم ماشي مدنغر كانت بعد كورة حضرتها في إستاد المريخ ..
موضوع الشطة والعيش ده ما حارقكم حرق وكايسييييييييييييين ليهو وما فضل ليكم إلا تفتحو ليكم محلات أورنيش ومحلات صيانة ركشات عديييييييييل كده ..
وبعد التجديدات دي:
أول مرة أشوف لي لاعب من خط التماس تووووووووووووووووووشك للبلاط (مش المضمار)..
وأول مرة أشوف لي مقصورة عايزة تقع قبل تقيف زي الناس ...
الأول كتييييييييييييييييييييييييييييييييييير
|
Post: #8
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: Hussein Mallasi
Date: 03-15-2005, 06:09 AM
Parent: #7
| Quote: من ريحة الكسبرة والشطة |
في دي عندو حق و الله يا تاج السر.
|
Post: #10
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: سامى عبد الوهاب مكى
Date: 03-15-2005, 06:28 AM
Parent: #1
يسرنا ويشرفنا ان ندعو الجميع لحفل تاسيس جمعيه ذيول ودابو القاسم الصحفى الرقم!!!
صاحب القضايا الخطيره وراصد قرارات الاتحاد الفطيره
الدعوه عااااااااااااااااامه
|
Post: #11
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: Rakoba
Date: 03-15-2005, 06:36 AM
Parent: #10
تخريمة:-
ومن مقال الأستاذ عبده قابل اليومي عن لقاء اليوم
|
Post: #12
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: ود المايقوما
Date: 03-15-2005, 07:50 AM
Parent: #1
العزيز : شيبا
لك التحية
وين الناس القيافة
من غيرنا يعطي لهذا الشعب معنى ان يعيش وينتصر
ــــــــــــــــــــــــــــــ
لقيتك ... والرزاز مدخل
|
Post: #13
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: awadnasa
Date: 03-15-2005, 08:40 AM
Parent: #1
سمعت انو ناس المريخ في مدغشقر طالبوا قبل مباراتهم الاولي بمدغشقر طالبوا بان يتمرنوا في نقس الملعب الذي ستجري عليه المياراة وتم لهم ما ارادوا وكانت خطتم تكسير وتفجيخ الملعب حتي يصبح كملعب الهلال ولكن رغم ذلك ادوهم 3 والان قالوا الفريق المدغشقري قرر يتمرن بملعلب الهلال عشان يبقوا 6
|
Post: #14
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: Agab
Date: 03-15-2005, 08:49 AM
Parent: #1
| Quote: أستاد الهلال أقيم في نهائي بطولة أفريقيا |
و حصل شنو 
والله يا شيبا يا أخوي
ده سبب واهي و طريقة جبانة للفوز
يعني إنت تبني حاجة راقية زي دي و تمشي تلعب في الميدان داك
ياها ذاتا
حد يشعر بالسعادة
يمشي يختار البعاد
عارف أول ناس عملوها في السودان الرشاشة لمن لعبو الترجي الساعة 2 ولا 3 ما عارف
عارفين الافارقة بيعملوا كدة لكن البباري الجداد
بيودي التـــــــــــــــــــــــــــــــــــــــج
|
Post: #15
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: عمر الفاروق شيخ الدين
Date: 03-15-2005, 09:12 AM
Parent: #14
ما حصل أي شي الكورة إنتهت صفر - صفر وكل الناس جات تتجارا عشان تسلم علي ناس عيسي حياتو والضيوف الكبارااااااااااااات لمن عايزين يكسروا ليناالمقصورة ..
لكن في ناس لعبوا مبارة نهائية في السودان والكورة ما إنتهت صفر صفر إنتهت 2- صفر لي فريق كللللو ناس سكرانين ( ياربي إسمو البيرة؟؟؟) وياريت كان القون جابوهو فيكم بالعدلة لالالالالالا بالشقلبة ...
Quote: حد يشعر بالسعادة
يمشي يختار البعاد |
سعادة شنو يا عمك !!!!!!!!!!!!!!!!!سعادة اللواء؟؟؟؟؟
المريخ إختار إستاد الهلال عشان هو إستاد إرتبط بالفوز ولا شئ غير الفوز والهلال في أخر مبارياتو الأفريقية كان بيفوز فيهو طواااااااااااااااااااااااااااااااااااااالي فشكلكم عايزين تتبركو وكده أصلو إنتو في إستادكم ده طوااااااااالي ملطشة ..
| Quote: عارف أول ناس عملوها في السودان الرشاشة لمن لعبو الترجي الساعة 2 ولا 3 |
مش قلت ليكم نحن أسياد البلد ؟؟؟ لعبنا الكورة بي مزاجنا وفي الوقت العايزنو مش الريس الطيب عبد الله قال كده ؟؟؟ يبقا يتنفذ ...
تخريمة :
أخبار الكبدة شنو ؟؟؟لسة في النار ولا تكون حرقت ...
|
Post: #16
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: Agab
Date: 03-15-2005, 09:30 AM
Parent: #1
| Quote: لكن في ناس لعبوا مبارة نهائية في السودان والكورة ما إنتهت صفر صفر إنتهت 2- صفر لي فريق كللللو ناس سكرانين ( ياربي إسمو البيرة؟؟؟) وياريت كان القون جابوهو فيكم بالعدلة لالالالالالا بالشقلبة ... |
إحتمال يكونوا ظلاميين
وغلب البيرة لا يجوز
| Quote: أخبار الكبدة شنو ؟؟؟لسة في النار ولا تكون حرقت ... |
دي كبدة إبل ختيتوها في النار ليــــــــــــــــــــــــــــه 
|
Post: #17
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: مريم بنت الحسين
Date: 03-15-2005, 09:57 AM
Parent: #1
شيبا إزيك.. انا غايته ما لي في الكوره.. ولا بحبها... لكن والله انا شايفه انه السبب ده لو انت جادي فيه.. ده بدين المريخ ما بشكّر.. شنو يعني، ما قادرين على الفريق قالوا يسوقوهم ملعب كعب.. هو ياتو يوم السودان ده كان فيه ملعب سمح.. والله كان المريخ كان الهلال الاتنين بنطبق عليهم الوصف الانت كتبته ده... غايته انا الله عشان انا ما بحب الكوره خلاني اشتغل في صميمها.. دخلت مع شغلي في استاد السد الرياضي هنا في قطر.. والله كان ما سميت .. وملصت الشراب والجزمه.. واتوضيت ومسحته كرعيك بكريم تابى تدخل.. عليك الله مريخ شنو الارضيته كنافه!ّ...
بمناسبة ده موقع شركتنا
www.dartfishme.com
واتمنى انه يكون كلامي خفيف عليكم.. 
بنت الحسين
|
Post: #18
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: برير اسماعيل يوسف
Date: 03-15-2005, 10:47 AM
Parent: #17
يا جماعة احسن ينقلوا المباراة لميدان عقرب عشان ينتصر مريخ السودان ... و يكتسب بذلك سمعة اللعب النظيف و الاخلاق الرياضية العالية... كما كسبها من قبل الهلاليون يوم ان لعبوا الجماعة في عز الظهر و الحراية المولعة نار ... ثم فقدوا الاثنين معا الاخلاق الرياضية الفاضلة و نتيجة المباراة مع ...الخصم الرياضي.... و ليس الجيش المحارب.
|
Post: #19
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: sheba
Date: 03-15-2005, 01:37 PM
Parent: #1
شكرا العزيز سامى واؤيد فكرة جمعية اذيال مزمل ابوالقاسم بسودانيز اون لاين والمنابر الاخرى
وبما انى اقدم " ضنب " فيكم ..وانا المدعو " شيبا " شخصيا افتخر كل الفخر باننى من وضع حجر الاساس لهذه الجميعة منذ امد بعيد
وكان لى شرف ان اكون الرئسي والعضو الوحيد
لحدى ما ربنا فتحها علينا والشركة كبرت وعملنا كم " ضنب " كدى عقبال الجميع
فى ملاحظة صغيرة وهى ان الجميع يذكر مباراة الهلال والموردة فى الدورى الماضى والتى اقيمت فى استاد المريخ الرائع ..
وبعد نهاية المباراة التى فاز فيها الهلال برباعية
قامت الجماهير التى اصابتها صدمة حضارية مما رات من جمال منظر الاستاد والمعلب بتحطسم كراسى الفايبر وكراسة المقصورة الفاخرة خراطيش الحمامات وسور الاستاد العلوى والزجاج
ونحن نعذرهم بالطبع
اصلو الكديسة لمن ما تلقى اللبن بتقول هو زاتو عفن
|
Post: #20
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: xspice13
Date: 03-15-2005, 03:42 PM
Parent: #19
يا جماعة ما تختشوا من الكلام دا
قال كتاحة وبهارات
: :
|
Post: #21
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: هشام المجمر
Date: 03-16-2005, 00:03 AM
Parent: #1
الأخ/ شيبا
مبروك غلب شمبات و جمال الأستاد
ولكن لدى سؤال لجميع الأخوة المريخاب
بعد قراءة التالى:
نقلا عن جريدة البيان الإماراتية الصادرة صباح اليوم
" الي ذلك تأكدت المعلومات التي اشار لها (البيان الرياضي) حول الاجتماعات السرية التي يقودها كبار المسؤولين في الحزب الحاكم (المؤتمر الوطني) بهدف تغيير مجلس ادارة نادي المريخ وارجاء عملية احلال وتبديل لمعظم اعضاء المجلس الحالي.
وقد تم الكشف عن ذلك من خلال الاجتماع الذي عقده رئيس النادي مع تنظيم النهضة بالنادي وهو التنظيم الموالي للحزب الحاكم وتسربت معلومات جديدة حول عقد اجتماع مهم لامانة الشباب والرياضة بالحزب الحاكم صباح اليوم بالخرطوم لمناقشة الترتيبات التي تمت لتشكيل المجلس واحتمالات ما يترتب على القرار ومناقشة تحديد الموعد المناسب للقرار."
هل أصبح المريخ العظيم تحت القبضة الكلية للحزب الحاكم؟
|
Post: #22
Title: Re: المريخ يطالب بنقل مباراته الافريقية امام بطل مدغشقر من استاده الى ملعب الهلال لاغرب سبب
Author: عمر الفاروق شيخ الدين
Date: 03-16-2005, 00:28 AM
المريخاب الفرحانين (بالقلعة ) الحمراء !!!!!!!!
موضوع الأضاءة والكشافات ده حقو تنسوهو شوية ول سبب بسييييييييييييط جداً وهو إني وخلال فترة إجازتي بالسودان كنت اليوم كلللللللللللللللللللللو حاييم مع الباش مهندس الرشيد صلاح ( كبير المهندسين) والمسئول مسؤولية مباشرة عن تركيب إضاءة الناديين وحضرت معاهو جزء كبييييير من الحاجات دي بحكم الصداقة وبالتالي انا عارف كلللل صغيرة وكبيرة في موضوع الإنارة ده وماف داعي نوريكم إضاءتكم جات من وين وبتتحرق بتين وهل هي مستعملة وزمها الأفتراضي إنتهي ولا لسة !!!!!!!
سؤال بسييييييييييييييييط يا مريخاب :
بعد صلحتو الإستاد هل هزمتو فيهو الهلال ولا لسة ؟؟؟؟؟؟؟؟؟؟؟؟؟؟؟؟؟؟؟؟
مش قلت ليكم مااا بتعرفوا تلعبوا في الإستادات القلتوا ( نجيل صناعي) !!!
إنتو صلحوهو ونحن نجي ندرشكم فيهو ..
زي ما قال ود الجبل ( إنتوا قولوها ونحن نركبها ) في عربية المارتيدس ( مرسيدس)...
بعديييييييييين مليوووووووووووووووووووووووون مرة قلنا ليكم الزعيم هي ماركة مسجلة للهلال فقط ...........
والعظمة لله هلالنا عظييييييييييييييييييييييييييييييم ..
و
وين وين وين تلقوا زي ده ..
هلال العظمة الفي السما ...
اخر الأخبار:
وزارة الصحة تضبط كميات من ( الكبدة ) الفاسدة في سوق ( الجزارة) في أبو ظبي ...
والغريب في الموضوع إنو في مورد سوداني يستودر هذه الكبدة ( الفاسدة) ويهربا الي داخل السودان ...
خوفي عليكم يا ابناء شعبي من تلك الوجبات الفاسدة ...
قلتوا لي شنو ؟؟؟أم فتفت .....
|
|