Post: #1
Title: داك فصلوه ** ليه فصلوه يا بكري?!
Author: Mohamed A. Salih
Date: 03-13-2005, 03:17 PM
Parent: #0
داك فصلوه
ليه فصلوه يا بكري?
ديك فصلوها
ليه فصلوها ي بكري?
داكا فلان ومادي لسان
داك لماز وداك غماز وداك طعان
داك جمهوري وديك كيزان
داك فلاتي داك نوباوي وديك عربان
داك فصلوه
ليه فصلوه يا بكري?
ديك فصلوها
ليه فصلوها ي بكري?
ناس معروفه بي كيمانه
وناس بي ناس تكون شمتانه
ناس معروفه بي ايمانه
وناس بالضمه عادمه ديانه
داك فصلوه
ليه فصلوه يا بكري?
ديك فصلوها
ليه فصلوها ي بكري?
داكا زويل وعامل فيها مالك الكون
وداكا فلان خات لي روحو كم نيشان
داكا فلان وليد علان وليد فرسان
وداك بي غادي واقع في غزل نسوان
داك فصلوه
ليه فصلوه يا بكري?
ديك فصلوها
ليه فصلوها ي بكري?
داك الحلبي وداكا كعب
وواحد تاني واقع سب
داك بي غادي ليهو ضنب
وواحد تاني مالو شنب
داك فصلوه
ليه فصلوه يا بكري?
ديك فصلوها
ليه فصلوها ي بكري?
نحن حضاره نحن عواره
نحن الفي عداوه صداره
نحن الفي كبر زي قاره
نحن الفي صغر زي فاره
داك فصلوه
ليه فصلوه يا بكري?
ديك فصلوها
ليه فصلوها ي بكري?
|
Post: #2
Title: Re: داك فصلوه ** ليه فصلوه يا بكري?!
Author: ابو جهينة
Date: 03-13-2005, 11:12 PM
عزيزي محمد
تحية و مودة
Quote: نحن حضاره نحن عواره
نحن الفي عداوه صداره
نحن الفي كبر زي قاره
نحن الفي صغر زي فاره |
دة كلام فلسفي جدير بأن نقف عنده طويلا طويلا ..
تسلم
|
|