يا بكرى: عفيت منك.. سكت النايحين واخلف الكية

الناس البكايين والشكايين والجضاضين
دكتورنا منقوشى فى الكلية قال لينا:
ياحرافا أتت للذبح طائعة** ما لمديتنا حد ولاعود



الناس البكو والانفصلو كلهم بصموا بالعشرة وكانوا بفتكروا أنهم لاهم لاحبايبن
ما بتعنيهم القوانين دى لأنهم لايخطئون و مؤدبين والقانون دا للمخطئ وقليل الأدب
شان كدا بصموا عشان القانون حايتضرر منو تية وعطية وزعيط ومعيط ونطاط الحيط وهم لامن ديل و ديلك
هسع إن سألناكم بتبكوا مالكم؟ والله عفيت منو بكرى مروادو حاااااار وأحى مابتنفع. لكن يابكرى أخلف الكى شان الكى النى بعور وبحرق.
الكلام مابخص زول معين وما بخص الما بصموا
باقيلكم الكتبتو دا أيام هوجة القوانين ما شفتوهو؟
أيام بالروح بالدم نفديك يا......
أيام نؤيدكم ونشد من أزركم يا....
أيام نبصم بالعشرة يا.....
كدى لوعندكم زمن أقروا البوستات دى تانى :

http://إقتراح لبكرى أبو بكر بخصوص اللائحة هل من مثنى?

فى البوست دا سجيمان رد على بس عشان حن على


http://إنقلاب جديد وموسيقى عسكرية و بيانات تأييد

أسسسسسس واحد يقول أحى مافى .... مرة واحدة إتحملوا مسئولية خياركم..إختشوا

Quote: أسسسسسس واحد يقول أى مافى .... مرة واحدة إتملوا مسئولية خياركم..إختشوا

أنا حا أقول أي
أي والله كلامك صاح
يا هو حالنا كسودانيين، العاطفة تغلبنا، حتى لما ناخد قرارات مصيريه
وما بنعاين لقرارتنا بكرة بكون شكلها كيف

ملاحظة:
يا بلة اللنك بتاعت البوستات البتجيبا كلها فيها خطأ، ما بتفتح البوست المعني!!!!

]

الأخ محمد السر

لك تحياتى

العبارة التى علقت عليها كان بها بعض الأخطاء المطبعية وهاك العبارة بعد التعديل:

Quote: أسسسسسس واحد يقول أحى مافى .... مرة واحدة إتحملوا مسئولية خياركم..إختشوا

بالنسبة لللنكات حاولت أعالجا لكن دون جدوى يظخر الغلط فى أنا, بعيد عنك مولود خارج كوكب التكنولوجيا.

هذا كان إقتراح لبكرى بتاريخ2/17/2005


http:// إقتراح لبكرى أبو بكر بخصوص اللائحة هل من مثنى?

Quote: الأخ بكرى السلام عليكم ورحمة الله وبركاته أكيد أن لك من مشاغل الدنيا ما يجعل متابعة هذا المنبر و ما ينشر به جحيما لا يطاق. وقد بذلت جهد مضنى لإرساء قواعده و تثبيتها بمساعدة بعض الكرماء الأفاضل من أعضاء هذا الصرح. واللائحة الأخيرة هى تكملة لتلك المسيرة من البناء ولن تكن الخطوة الأخيرة فى طريق التطوير والإصلاح. لا شك أن كثير من الأعضاء إن لم يكن جميعهم قد وافقوا على هذه اللائحة , وما أعلمه عنك أنك من الذين يضعون وزنا للرأى الآخر لذا أخالك تهتم لماذا وافق من وافق و لماذا إختلف من إختلف مع تلك اللائحة . عليه أتمنى أن تبرز هذه الروح الديمقراطية لكل الناس بالآتى: 1- تغيير أى عبارة باللائحة بصيغة إذا رأت الإدارة أو إذا تبين للإدارة بصيغية إذا ثبت للإدارة. 2- أن لا تخذ أى إجراء مالم تأتك شكوى عبر الإميل من عضو ضد عضو آخر.ويمكن لأى عضو أن يرفع شكوى إذا تضرر شخصيا أو رأى أن هنالك عضو يخل باللائحة.وهذا سوف يرفع عنك عناء المراقبة الدائمة للمنبر. 3- عند إستلامك للشكوى أقترح إحالتها لثلاثة أشخاص تعلمهم أنت فقط ولا يعلمون هم نفسهم بعضهم البعض. على أن يحقق كل منهم فى الشكوى بطريقته لإثباتها أو نفيها . و فى حال إثبات وقوع الضرر يحدد المادة التى أنتهكت و يضع حكمه و يرسله لك مدعوم بالأدلة. عندها تقارن بين الأحكام الثلاثة وتأخذ ما تراه أقرب للصواب وترسل منه نسخة للعضو المدعى و العضو المتهم مع إعطاء كل منهم مهلة ثلاثة أيام للرد و الدفاع بعدها يمكنك الوصول لقرار نهائى بحق المتهم أو بحق المدعى إن كانت دعواه كيدية. ينشر القرار النهائى بالمنبر على أن يطبق بعد ثمانى وأربعين ساعة بعد أن يقرأه الأعضاء بما فيهم المعنى أو المعنيون. من الثلاثة حكام يمكن أن يكون أحدهم من خارج المنبر و لكن من القراء المواظبين لما ينشر بالمنبر. لايكون بين الحكام من تهاتر أو أساء أو كتب موضوعا عنصريا أو أساء لجماعة أو دين كما لا يكون بينهم من يمتلك منبر سايبرى آخر. ولك ولكل الأعضاء فائق إحترامى

هذا كان رأيى فى اللائحة بتاريخ1/27/2005



http:// إنقلاب جديد وموسيقى عسكرية و بيانات تأييد

Quote: الأخوة الأعزاء و تلأخوات العزيزات السلام عليكم ورحمة الله وبركاته الإنضباط مطلوب و القانون و احترامه ضرورة لا يختلف عليها أثنان. ولكن لا بد من أن يأتى التشريع ناضجا بمعنى أن يستوفى حقه من الأقتراح و الإضافة و التعديل و المداولة دون ملل أو تسرع كى لا يأتى خبزا نيئا لا يستساغ أكله أو ممرضا لمن يأكله مجاملة أو خوفا. لذا كنت أتمنى أن يقترح الأخ بكرى مايراه و يفتح الباب للإقتراحات ثم يختار و يشاركه الأعضاء فى إختيار صحفيين و قانونيين وأعضاء ذوى خبرة و نزاهة لصياغة هذه المقترحات فى قانون يضبط النشر و لا يقيده. بعد ذلك ننزله للجمعية العمومية و التى يمثلها كل أعضاء البورد لعمل إستفتاء لإعتماده حتى ولو بالأغلبية البسيطة50%+1 . كما يكون للأعضاء الحق فى إختيار أشخاص أو شخص واحد بصفة دورية (كل عام مثلا) لتنفيذ هذا النظام, كما لثلثى الأعضاء حق سحب الثقة منه إن رأوا فيه عدم عدل. الأخ بكرى صاحب هذا الصرح وله كل الشكر فى تأسيسه وتسييره ولكن هذا لا يعطيه الحق لتسيير الأعضاء بهذا المنبر بصورة إنفرادية. المنبر و كل البورد كمؤسسة يمكن لبكرى بيعها و لكن هل فى إمكانيته بيع أعضاء و كتاب هذا المنبر? هذا الساحة يفترض أن تكون مدرسة للديمقراطية و حرية النشر, كما يفترض أن تكون المرآة الحقيقية للمجتمع السودانى بكل محاسنه و عيوبه. هذا المنبر يجب أن يكون ساحة لمرضى النفس و الضمير و المعقدين ليرموا ما يثقلهم هنا وهم مختبئين فى غرفة فى مكان ما على سطح الكرة الأرضية, كما أن يكون به أصحاب الضمير الصاحى و الفطرة السليمة و القلم العفيف النظيف للعلاج و إحياء تلك الضمائر الخربة , كما لا غنى عن القانون لوزن الإمور. هذا البورد و الفضاء الإسفيرى هو خير مكان لإكتشاف علل الشخصية السودانية ومن ثم علاجها, حيث أن أهم مرحلة فى علاج المريض هى إعترافه أو بالأحرى كشفه لأعراض مرضه. أخيرا أرى أن هذا القانون والنظام مهم و لكنه ناقص و جاء بانقلاب و إن كان رئيس المجلس العسكرى و أعضاؤه هم صاحب الساحة نفسه. كما أرى كثير من الأعضاء بصموا على ذلك بالموافقة فى لحظة يأس أو بحسن نية و هكذا تأتى الإنقلابات وتؤيد ثم تستمر ستة عشر عاما . فالإنقلاب هو الإنقلاب والدكتاتورية هى الدكتاتورية إن كانت على الأرض أو على النت أو فى الوجدان. فكل من وافق على الإجراء بصورته الحالية و يدعى أنه مثقف و ديمقراطى فليراجع نفسه منذ هذه اللحظة. أخيرا كل دكتاتورية لها مبرراتها و كل مؤيد لها يمكنه أن يبرر . ولكم تحياتى و على البورد السلام وللمبادئ الرحمة و المغفرة مع المفكرين و الشهداء وحسن أولئك رفيقا.

بله


والرد بتاعي الحنيت فيهو عليك وينو؟

الأخ سجيمان

حبابك عشرة

Quote: بله والرد بتاعي الحنيت فيهو عليك وينو؟

إنه هنالك ينام فى هدوء

بلة
يا ريت ترسل لي إيميلك في أقرب فرصة على: [email protected]

الأخ محمد السر

تحيات بالكوم والميزان

تم عمل اللازم وشكرا

UP

د. Balla Musa
تحايا..

Quote: واخلف الكية

الكية... من المكوة حقت الفحم.. ولا كاوية اللحام...
ولا مكايدة..
ولا مكيدة..

الناس الفصلوهم ديل أنحن عايزنهم معانا..

مش قالو العوج رأي والعديل برضو رأي..

أنحن بعوجتهم دي عايزنهم...

أو تكره الناس...

يا عبد الرازق

الموضوع دا ماعن الناس الفصلوهن
الموضوع دا زى قصة عبود المسكوهو ناس حزب تلأمة الحكم وبكوا من جهاز أمنو
وزى الشيوعيين مسكوا نميرى الحكم وبكوا من عوسو
وزى ناس الشعبى مسكوا البشير وعلى عثمان الحكم وقالوا وااااااااااى منكم
الموضوع دا ياعبد الرازق للعقلية السودانية البمثلا ناس هنا فى البورد
لما كتبت البوستين الهنا ديل كانوا ببصموا بالعشرة وبقولوا بالدم.. بالروح نفديك يا.....
الموضوع دا عن مأساتنا المابنشوف المرواد الحامى علا يختو فى ضهرنا
أما إن جيت للجد الناس الفى البورد ديل السودان ماراجيهم
وكان راجيهم أكيد ليلو بطول

تسلم بلة

محمد السر

ليك شكرى اللامحدود

UP

ودالشيخ لم يشفع له حتى توسله ,وقد صار أنف وثلاث عيون بالمقلوب.

أعدلوا الأصل تنعدل الصورة

واعدلوا العصاية ينعدل ظلها

up up up up

Quote: عبود المسكوهو ناس حزب تلأمة الحكم وبكوا من جهاز أمنو

يحردن بنات جعل العزاز أكان نبكي.......هي ود موسى أرعى بقيدك

العجيل كيف حالك

كان معانا مساعد صيدلى فى الدامر إسمو ود العجيل قريبك?
قلت لى:

Quote: هي ود موسى أرعى بقيدك

أصدق تعبير.
الواحد يقيدوهو ويقولوا أرعى

ود موسى أزيك أنا يا الأخو طولت من البلد فلو ذكرت لي الإسم كامل يمكن أعرفه لك

......... كل الود وأرقد عافية



وبيني وبينك زولك البهناك داك عليق العرقوب عليه شوية

Quote: وبيني وبينك زولك البهناك داك عليق العرقوب عليه شوية

عاد بينى وبينك فى المنبر الزى المنقد دا بتنفع

ياخوى مسئول من الخير دحين عبد اللهخليل بكمو تبعكم
بقولوا الزول دا سلم الحكومة لى عبود
وبقولوا ع الله خليل أول من ضوق العساكر طعم السلطة ومنهاوعيييييك إندعروا

ياودموسى العساكر خشم بيوت .... العسكر السلمناه البلد علي قول أماتنا أريتم

عساكر السرور

ولولاهم الحلبي لعاب القرد كان طالع فوق رأسك ليومنا هذا وكان ظلته

ليك ولهذا يجب عليكم تقبيل إيدنا

ظاهر وباطن......إنت ياودموسى ناسي البلد دي بلدنا ونحن إسيادها.....أها في زول بفرط

في دار أبوه!!!!!

العجيل
صباحات بوش تغشاك

قلت لى:

Quote: ياودموسى العساكر خشم بيوت .... العسكر السلمناه البلد علي قول أماتنا أريتم عساكر السرور

طيب إيدام والهادى بشرى مالم عساكر السرور برضو

Quote: ولولاهم الحلبي لعاب القرد كان طالع فوق رأسك ليومنا هذا

يعنى هو مالعب فى حلفا ولسع بلعب?

Quote: ولهذا يجب عليكم تقبيل إيدنا ظاهر وباطن

نحنا بنقبل الباطن الظاهر شوف ليهو ناس تانين

Quote: إنت ياودموسى ناسي البلد دي بلدنا ونحن إسيادها.....أها في زول بفرط في دار أبوه!!!!!

والله عوجة مملكة وطارت منكم

UP

ولا زال النواح مستمر

أوسلى ضحية الباصمين النائحين