هـل كـانت ليـلى جمـيلة؟!..

....(ليلى العامرية) و(قيس بن الملوّح) قصة حُب توارثتها كتب الادب والشعر على مر العصور ،هذه القصة التى تُعد من اميز أعنف وأشهر قصص الحُب العُذرى فى الجاهلية والتى كانت مُثالاً للوفاء والعشق لحد الجنون ..

قد يتبادر الى اذهان الكثيرين ان ليلى كانت ذات جمال مُبهر وحُسن يفوق التصور وإلا فلماذا إذن جُن بها قيس واصابه ما اصبه من فرط تعلقه بها ؟..

جاء فى ديوان " مجنون ليلى " ان أباه الملوّح وإخوته عندما رأوه على هيئته من نحول واسوداد وجه وبلاءٌ عظيم اشفقوا عليه ،ناداه ابوه قائلاً له ان يطيب نفساً فان اباها وعد ان يزوجه بها..

كان اباه المُلّوح قد ضاق به من طاعته لهواه وعصيانه له وهيامه بليلى ،وكان المُلّوح لا يرى فى ليلى ذاك الجمال الذى يستحق جنون إبنه ..فقد ورد فى هذا الشأن انه قال له:
ليت شِعرى ،ما أراها ممن يوصف بالجمال والحُسن ، وقد بلغنى انها (فوهاء) ، قصيرة،جاحظة العينين ، (شهلة) ، (سمجة) ، فعد عن ذكرها ، ولك فى قومك من هو خير لك منها.

* فــوهــاء : اى واسعة الفم والعرب يكرهونه فى المرأة
* شــهــلة : اى يشوب سواد عينيها زُرقة ، وقول شهلة فى عينيه شُهلة : وهى العجوز
* سـمـجـة : اى قبيحة

فلما سمع قيس ذم والده لليلى وذكر معايبها أنشأ يقول:

يقولُ لِىَ الواشونَ ليلَى قَصِــــيرةٌ * فليتَ ذِراعاً عرضُ ليلى وطُولُها
وإن بعينها – لَعمرُك- شُــهـــلــةً * فقلت: كِرامُ الطيرِ شُهلٌ عيونُها
وجاحظةٌ فَوهَهاءُ لا بأسَ، إنـــها * مِنّى كيدى، بل كلُّ نفسٍ وسُولُها
فدَقّ صِلابُ الصّخرِ رأسَك سَمداً * فإنى إلى حين المماتِ خلِيلـــُها!


فهل مِّنا من كان لا يتصور ان ليلى آيةٌ فى الجمال وتستحق ذلك الكم من الجنون؟!!
إلينا بالجواب...

ودمتم،،،

كل قد يتخيل ليلاه وقيس وحده المجنون ..
الجمال يتفاوت في النسب ويختلف من شخص لآخر ..
وما أراه أنا جميلاُ يراه غيري عكس ذلك ..
وسوف نذكر ليلي حين يكون الجمال ..

شكراً جميلاُ يا صاحبي على هذا الموضوع الشيق ..

وأنا أقول الشهيد دا اليومين ديل مالو ؟

كل يغني على ليلاه وأنا أقول طالما الاسم ليلى قطعاً ستكون جميلة
وإن لم تكن كذلك فعلى الأقل ستكون جميلة في نظر كل قيس أحب ليلاه

الأخ وليد طه والأخوة المتداخلون
يقولون أن الجمال ليس له مقاييس معينة وإن كان هناك زي ما بقولو شناه ما برفعوا ليها الضو يعني الشين شين كان إستحم كل يوم والسمح سمح كان قام من النوم المهم في أمر قيس هذا أنه جن جنونه وحب بصدق وشايف ليلي دي أحلي وأشد وأجمل من هوي يا ليلي هوي والدليل منطقه التبريري في ذمها من قبل قومه

Quote: يقولُ لِىَ الواشونَ ليلَى قَصِــــيرةٌ * فليتَ ذِراعاً عرضُ ليلى وطُولُها وإن بعينها – لَعمرُك- شُــهـــلــةً * فقلت: كِرامُ الطيرِ شُهلٌ عيونُها وجاحظةٌ فَوهَهاءُ لا بأسَ، إنـــها * مِنّى كيدى، بل كلُّ نفسٍ وسُولُها فدَقّ صِلابُ الصّخرِ رأسَك سَمداً * فإنى إلى حين المماتِ خلِيلـــُها!

أها باين ليك البقنع السيد قيس شنو تاني ، بعدين لو كل جمال حا نقعد نقيس فيهو بالودعه والليل والصيد والبرتكان والرمان ، يعني باقي الجكس يكون بايركس ولا شنو

Quote: ليت شِعرى ،ما أراها ممن يوصف بالجمال والحُسن ، وقد بلغنى انها (فوهاء) ، قصيرة،جاحظة العينين ، (شهلة) ، (سمجة) ، فعد عن ذكرها ، ولك فى قومك من هو خير لك منها.

غايتو ابوهو شنّاااااف....طلعها ليهو بت قضيم عديل


لكن قيس براااااهو باقي لي كان شين

Quote: غايتو ابوهو شنّاااااف....طلعها ليهو بت قضيم عديل

ما بعيد يا دكتور يكون دايرها لروحو

ولا شنو؟

وليد قالوا الصقر كان وقع كتر البتابت عيب ما ترانااناوسجيمان
قاعدين مع ام الخيرات حقاتنا كم وعشرين سنة لا ملينا لاكلينا
غايتوا اولاد الزمن ده السترة تب ما فالكم.
بهظر يا سمح وداير اقول مبروك مع انى فشلت فى ان احضر مراسم تشجيعك
الى القفص الذهبى من داخل اروقة السفارة او القنصلية ..لاادرى
ياتا البعقدو فيها؟؟؟
وبعدين عمرنا ده كلو نغنى لى ليلاواتنا ما لكم دايرين تمرقوها
من نفسنا..تسلموا،،،

Quote: ما ترانااناوسجيمان قاعدين مع ام الخيرات حقاتنا كم وعشرين سنة لا ملينا لاكلينا

يا صديق انتو لحقتو العربية الآخيرة من القطر ..قطر الحب بتاع زمان
زى ما قالو زمن جوز الحمام تلاتة

ياخى ربنا يخليهم ليكم ديل خير وبركة،،

تسلم ياموج،،

وشكراً على التهنئة وعقبال الاولاد،،