شوفوا الشوق حكايتو معاي ..

يا دقائق مبطئةً .. يا ثوان وساعات ..
يا دهر من لوعة وإحتضار ..
أسرعوا المســــــــير ..
وخلوا جناحاً من الريح ..
يطوي جناحيه في عتبات الوطن ..
إننا نتمزق شوقاً لعينيه ..

محمد المكي إبراهيم

شوفوا الشوق حكايتو معاي ..

الرائع دوماً أبوعركي البخيت

أصحاب القلوب الرهيفة يمتنعون ..

معتصم الرجل الشفيف .. تحياتي
مالك والشوق يا رجل وأيه حكايته معاك؟؟؟؟
رغم أني من أصحاب القلوب الرهيفة ولكنني لم أمتنع من شدة إشفاقي عليك وقلت يمكن ود دفع الله وقع في المحظور وتكدرت لياليها وأكتوت أضلعه من نيران تتقد وتتأجج من داء أسمه ... الحب؟؟
يا ترى الامر كذلك؟؟؟؟؟؟؟؟؟؟؟؟؟؟

الحبيب وليد

ياخي فاقدنك وين إنت ..
ما تجيب لينا الهوى الحكاية ما إلا خواطر زول مشتاق ..
يعني الواحد ما يجرس الناس معاهو ..

يديك العافية ..

معتصم قبل شوية كنت برد عليك بهناك واقول ليك انه الوسواس القهري تبعي مصر انك قاصدني أنا شخصيا !!
وزيادة تآمر جايب أبوعركي كمان ..

لكن مافينا حيل نمتنع ونعلنها ليك هنا دا

Quote: إننا نتمزق شوقاً لعينيه

عجبك !!

الاخ معتصم

تحية طيبة


الشوق والشتات صاحبان لا يفترقان ابدا


وطبعا ابو عركى آخر تألق كعادته دايما

الغنية حلوة شديييييد وفى محلها.شكرا



خالص الود

معتصم

تحايا مقيمة

Quote: شوفوا الشوق حكايتو معاي ..

أنا غايتو حكايتو معاى طويلة و متلوم معاى بالحيل ..
أما بصوت العركي فدة شي تاني ما بقدر أفصلو
أرقد عافية

أستاذنا أبوجهينة

نشتاقك وإنت معانا ..
خليك مستمتع بكل هذا الشوق عشان تاني ما يتلوم معاك ..
وأرخي الصوت على الآخر عشان الواحد يسمع بي مزاج ..

تسلم

الأخت أميمة

صدقت فيما قلتٍ ..
إنه الشوق ..
وهناك الشتات ..
يجتمعان ..
فهل لنا أن نصل لشاطي الحلم ؟..
وهل يعود لنا الوطن ؟..

وإلى أن يتم هذا نستمتع مع الرائع دوماً عركي ..

عميق ودي ..

الملكي الغالية

نحن قلنا نعوق بس ما نكتل لينا زول ..
يبقى علينا بكاء وشوق ..

أها عاجبني ونص محشي بكل هذه الأشواق ..

يا سلام علي الزووق
تحياتي وشوقي ....

ياااااااااااااااااااه

الزول الجميل تولوس هنا ..
أنا والله كان عارف الأغنية دي بتجيبك ..
كان نزلتها من زمااااااااااان ..
ياخي وينك وين أراضيك ..
أها مشتاقين من هنا ..

لغاية ربوع كسلا الحبيبة ..

ياسلااااااااااااااااااااااام
عليك يامعتصم ياذوق

مابراك يا معتصم (ياولاء)

Quote: أصحاب القلوب الرهيفة يمتنعون ..

والله حاولت يامعتصم لكن ماقدرت كلو كلو اشوف ابو عركى ومااخش ابكى وانوح !!


وآآآآآآآآآآه من الغربة يامعتصم !!

نحن قبيل شن قلنا ..
ما قلنا الشوق دا بيكتلنا ..

الغالية نادية
أبوعركي دا لا يقاوم وكمان بالعود ..
ترانيم وأشواق وشجون ..

رد الله غربة الجميع ..
والوطن ..

ودي

الجميل عمر مهدي

يعني جابك الشوق ؟ ..
روق روق بالله ..
والله تاني إلا نتحاسب ..
ونعمل ليك مجلس محاكمة مع العصابة ..
طبعاً ديل قراراتهم صعبة شديد وتنفذيها واجب ..
أها شن قولك ؟ ..

دا كلو عشان بنشتاق ليك ..

والله إنت الذوق يا أستاذنا ..

يا من علمتمونا معنى أن نشتاق ..
وزرعتم فينا شتلات الفرح ..
وعزفنا على وتر أنغامكم الجميلة ..
لحناً شجياً ..

لك من الشوق ما لا مساحة له ..
ولك من الود أخلصه ..

الحبيب معتصم ...
وانا الآن أعتصم بحروفك الموزونة في صُرة القلب أعتصم بها من حرقة الشوق ولسعات الفراق ... (مورط مورط معاي كان ده شغلك اليومين ديل في البورد ...) عركي؟؟ ومحمد المكي؟؟ ... ما التقى هذا الثنائي المجنون إلا هكذا على عتبات وجع مدوي وآهات تذّوب ...

مرقتنا من المتاوقة وخليتنا نعمل sing in وندخل ... صدقني لو ما الزيكم ديل كان المتاوقة ذاتها راحت في الرجلين ... مع(ت)صم ... (ت)مبس ...(ت)نقو ... سر التاء المشتركة بينكم التلاتة شنو؟ تكون (تأليم) من تصدير الألم ولا (تفريح) من بعثرة الفرح؟؟

البحر ما اشتقتوا ليهو ؟؟

حليل الجندرية راحت وراحت معاها لينكات الحفظ ...

خالص ودي
نادر

مهلاً يا صحاب الجرح ..
والعشق المبعثر ..
إني أفترش الزمان روايةً ..
أحجي بها بعض الذين وددتهم ..
كي يعلموا ..
بأن العشق جزء من تضاريس الحياة ..
لكنه رغم التفاصيل الجميلة ..
واللقاءات التي تجتاح أسوار المدينة ..
قد لا يكون هو الختام ..

الكلمات لصديقي الشاعر يوسف حمدالنيل ..

صديقي الجميل نادر
إنه الشوق يا صاحبي ..
ولسعاته المحرقة ..
والحنين للبحر وإلى تلك الوجوه التي تشدك إليها ..
ستجدنا هناك عند منتصف القلب ..
نفترش تلك الأماني ..
حيث كتبنا من قبل بأن لا نفترق ..
شكراً جميلاُ فقد جعلت نبضات قلبي تزداد وتزداد ..

نــــادر ؟؟
والله معتصم دفع الله عــزال جدا ... عرف يجيبك من ياتو شـــوق ..


شوق العيد عفيناهو ليك .. لكن في عركي ده ما بنتهاون ليك ..
وينك يا نادر ؟؟؟



معتصم .. شوقك كيف ؟؟


يا نادر انا بنزل الكود للحفظ ..
Save@Pc
بس ساعدنا بي صوتك .. والله ليك وحشه

أأأأأأأأأأأأأأأأأأأاه يا تمبس ما بتوصف ..

شفتو غلاب كيف ؟
أنا هسي ماسك رأسي ..

العزيز معتصم

صباحك ود

جينا نشوف حكاية الشوق

الغنيوة ابت تتسمع

محبتي

الغالية عالية

صباحك طلة الياسمين ..

Quote: الغنيوة ابت تتسمع

يمكن تكون غرقت في بحر الشوق ..

محبتي وودي ..

جمبل يا معتصم دفع الله
الفنان ابوعركي البخيت فنان لي زمان لم ياتي بعد

مشتاق ليك شوق
الموجه وكت تتشابى
للضفه ..وشوق مركب
مع المغرب بتاخد في
الجروف وقفه..وشوق
اطيار صباحية تنوح بي
شوقه معترفه .....

ويظل التواصل عبر طفل المعرفة

رائــــع

بعد ما شفنا حكاية الشوق معاك...

Quote: بعد ما شفنا حكاية الشوق معاك...

اها لقيتو كيف ؟
طبعا لانك أظنك تابعت الأحداث عن قرب

لقيتو متقريف وخرمان كمان ..

شفتي الشوق بيعمل شنو يالملكي ؟ ..

عبدالرازق كم أنت رائع يا صديقي ..

لك محبتي وودي ..

وأنا على وعد المنى ..
وطفل المعرفة ..
حيث اللقاء ..
والشــــوق ..
لا ضفة له ولا حدود ..

صديقي الجميل وحيد ..

أشتاقك بحجم إنفعالاتي ..
شكراً لأنك هنا ..

تزدحم المفردات

وتسابق الذكريات..

ركاب العبرات

والصفحات المترامية

بين فوج الآهات

تنتظرني جيوش الفجر

في كل حين يعتل الحزن هضابي.

**
تجلت كل معاني الروعة

حين عانقت سماء مشاعرنا

بهذا الرائع(عركي)...

رائع انت يا معتصم في بوحك..ومشاركاتك المميزة..

تملك القدره على الابحار بنا الى عالمك

الى آهااتك

الى احاسيسك

سلمت يدا كتبت...ومشاعرا حكت...وبوحا صادقا بكل معاني الجمال...وفناناً تغنى وأبدع

**خارج النص: الببكي دا الا يجعر..!!؟

وفي رعاية الله دمت ،،،

فوووووووووووووووووووووق


عشانك يامعتصم

و


الشوووووووووووووووووووق


ووالله ابو عركى يستاهل حبنا جدا!!

الدمـــــوع بالشــوق تكـــــــــب من يـــوم رحلنـــا

آه منــك يا ظــروف عـاد كيف زعلنــــــا

نــــامل أن ترسي أشواقك علــــي مرافئ أمانيك اخي معتصم 0

الحبيب محمد الحسن

دع عنك الأحزان وأفرد جناح الشوق للأهل والأوطان ..
حتماً عائدون يا صديقي ..

لك الشوق وكل الأماني الطيبة ...

الغالية نادية

ها أنت وكل هذا الحضور البهي ..
تشكلان لوحة رائعة كروعة أبوعركي ..
وأشواقه وموسيقاه الجميلة ..

لك الود والشوووووووق ..

ياااااااااااه يا قريبي ..
جعلتني أغوص في كلماتك وأبحر في معانيها ..
ليتني أستطيع أن أزيد نبضات الشوق لتحملني إليك ..
وتعديني إلى حيث كنا هناك ومن نحب ..
الوطن الصغير والكبير ..
أتذكر تلك الأيام وتلك الليالي ..
هل تحدث عنا الغائبين كيف نعود إلى مخابيئنا ..
وإلى سكناتنا ..
أظننا سنفعل مهما تباعدت المسافات ..

أيمن لك ودي والشوق الدفين ..

جنس حكاية هى لكين يا معتصم

تعرف كل يوم أقول أجى هنا وأخاف عديل كده

عركى ده يا معتصم أنا ما بسمعه إلا بعد ما أقرأ كل ألأوراد وأهيئ الدواخل كويس

يقوم يحصل لينا شى كمان

اها الليلة اتوكلت على الله وقلت موت موت حياة حياة

وإنت والشوق يا معتصم

أول ناس حأبلغ عنهم واشتكيهم يوم القيامة

لو كان الشوق رجلا لقتلته
وبعد ما أقتله
تانى اقتله كمان

أُعدُ لكِ الأشواقَ بحراً
من فضةِ النهار
من ضحكة الأصيلِ
من عسجدِ الأماسى
ومن إغفاءة الغسقْ

فصباحكِ
وردُ الفصولِ
وأجملُ ما فى الأمانى من ألقْ

ومساءكِ
حين تزغردُ اللحظاتُ
تعلنُ افتتاح كرنفالك الطَروب
يجيئُ
فى عرسِ نجمةٍ خجولةٍ
تطلُ من على نوافذِ الغروب
لتلثمُ الشفقْ

وفجركِ
يحبو على الشرفاتِ سحراً
نشيداً يوقظ الأزهارَ
كلما إضاءَ وانطلقْ

يعني نحن نشتكيك لي منو يا المطر أخوي ؟..
نشتاق ليك ونقطع ليك كل الأميال حب ..
ها أنت وحروفك تستدرجني لترحل بي بعيداً إلى عوالم وأمنيات ..
ها أنت والشوق تفعلان فيّ فعل السحر ..
ها أنت دوماً تهطل فينا وقوس قزح يظللنا بكل هذا الحب ..
ها أنت تطوق كل الأمكنة وتحيلها لجدران سميكة من الحب ..
ها أنت تثير شجوني وإنفعالاتي وتسحبني بمغنطيس كلماتك وأشواقك ..

لك ما تتمنى ومن الحب ما لا نهاية له ..

يعني يا أبوذر أخوي نحن نموت ولا نفوت ..
ما ياهو جنس كلامكم دا البيودر كلو كلو ..
وكمان عايزين تشتكونا لمحكمة الشوق الدولية ..
يقوموا يمسكوني وأنا زول الله ساي لا بي لا على ..

وأنا ..
أحكيك مطراً ورزاز ..
أحكيك لي ناساً عزاز ..
أحكيك ضفة وغيمة ..
أحكيك نجمة وناي ..
أحيك وتراً غناي ..
أحكيك برقاً شاشاي ..
وأجيك بي أشواقي ..
لا أملّ لا تتعب خطاي ..

لك الود ..

ليزداد إخضرار الحكايات كلها

كيما تطرح ثمرا
إلفة ومحبة

Quote: أصحاب القلوب الرهيفة يمتنعون ..

أبيييييينا
و جينا و إتحكرنا و سمعنا و قلوبنا زادت رهافة
معتصم سلام و بالله كتر لينا من الشوق و شجونه و حكاياه

الغالية ندى أمين
ما هو دا الشوق زاتو ..
أتحكري وأسمعي وزيد الشوق غناء ..
هناك الكثير من الشوق وما يخرج منه آهات فقط ..
كفاية يكون هناك وطن من الأشواق ..
وناس نشتاق لهم ..

لك ودي ..

Quote: أصحاب القلوب الرهيفة يمتنعون ..

هذه ما اخرنا فى ان نتقدم قيد انمله نحوك ..

ويااااااااااااااه

صديقى العزيز..

معتصم..

بقدر ما احمله لك من دفء المشاعر وتلك المزيكا من مزامير ابوعركى..
من نقول غير ..


الاتى:-
النواميس التى كانت تاتى رسولى فى خلق منه نبى 00تحتاج الان الى شى من الاتى لكى يستمر نبض اللاحتواء لما هو ابعد من المحسوسات التى نعيشها00 الاتى يتخلل اطراف النخاع الذى يبدا رتمه بالدخول الى موسوعة شوفوا الشوق حكايتو معاي كيف؟000

يا متغلغله جوا عروقنا ويا الحبك سرطان الدم..
يا مزيكا ياحبيبه..

ويامعتصم ياعركى..

ياصديقى كل التحايا النواضر00
خبزا ومرفى00

* وكت نحتاج بنرجع ليك
بندخل فى الحروف نلقاك
وفي نبض القصيد جواك


كيف الاشواق يا انيق الروح و من ثم لك التحايا التي تناسب الذي بيننا من حنين
معتصم..

Quote: انا ماشاقك جد مشتاقك فاقدو طعم الاندهاش ...نكر النهار ريحة الدعاش ... بكت المسامير الثبات...مدحو الدراويش المسيح انا لقيتك ممسح بالوجع .. وبلاك مغسل لي كفن ... عندك جراحات الدعءا.. عندك مكانات للرجوع الدعاء** جواك مخارج للزمن بتوضى بيك شان الله بس يسمع دعائ انا بيك صلاتي مع النجوم .. ومع الجوامع ..في الكنايس.. ارتل الطين اليباس يا الله هوي مايبس سوى حلقي المجرح بالدعاوي الخايبه والوعد القنوط ما ليا غير عينيك كفن حسابك انت لي عدد حبوب الرمله الماداسا النعال بجيك تاني اشهد ان لا قريب الا اياك ديدني وكريقي طريقي** انا جا انا جا قبيييييييييييييل وطلعتا من درب السراط عشان الون خطوتك .. والقاك اوتار في عيون الليل تدق ياااااااااااااااه لقد دخلت ظلالك ايها المشتول فينا عيوني ليك لك روحي ايها المشتول فيني حاضر وصلك ولا لسه رسلته ليك نفس الصوره الخاتيها دي الشقى المكتوب حروفك يا نداي عذرا لانقطاع التواصل صورتك محفوره في جواي حفر انها حمى الشوق انه التوق بعينه ثم ترحيل الغمام هاهاهاهااهاهااهاهااهاهاهاهااهاهاهااهاهاهاها تاكيه باب لغة الجروح يا الناسي طير واقعط هبط نحن الوراك ماجانا عشقك من فراغ ولا نحن حبيناك عبط براحه انت ولا الظروف يا قلبي يا دفا يا سقط لايوق انت ولا الحنين ابنوسه يا سمرا وغلط انا متطر اني امرق هسي يلا خلي بالك مني فيك

معتز شقيقي الأصغر ..
يا صديق الجرح والأحزان ..
ها أنت تكتبني شوقاً وعشقاً أبدياً ..
أتذكر ذلك حين سطر يراعك تلك الكلمات الرائعات ..
إنها من خلف الأحزان ..
ولكنه الفرح والشوق والحنين ..

شكراً لك وأنت تمنحنا كل هذا الجمال ..
وشكراً جميلاً لأنك هنا يا صديقي ..