Post: #1
Title: ايها الاوغاد !
Author: محمد حامد جمعه
Date: 03-09-2005, 05:54 AM
Parent: #0
حسنا ... طبعا جيتو .... جرى ............ لكن شنو يا جماعة (دبل سورى ) ...البوست دا لا فيهو شتيمة لزول ولا تنظيم ولا جماعة ..كلكم سمحين وحلوين وصاح وماشيين عديل .. وانا غلطان ... اى غلطان ... وسافى التراب .... وراقد سلطة فى غيابت جب الفراغ وعدم الموضوع ... من قولة تيت اصلا الجابنى شنو ... الناس دى فيها البقى معقد ان قلت ليهو السلام عليكم ساى ينط ليك فى حلقك ... ما عليكم السلام...! ويكتب فيك قصيدة ويطلع فيك شجب وادانة وتنديد ... وواحد يلم فيك التحيكم فاشل وزول تالت عندو فوبيا بتاعة خمش وربط من ناس الامن وما ناس امن يلم فيك يطلعك (لواء ) ويجى واحد زيو عندو غضروف من الوقوف فى اركان النقاش يتفسح فيك ويعمل فيها (جيفارا ) .. والما يشترى يتفرج ... بس يا( محمد حامد) تكتب ولا ترسم ليك شولة تلقى الناس مرقت يا كضاب ... يا فعلتك يا تركتك ... اثبت ... افصح وابن ... لو كتبو عن شاعر ما تعلق ... تعلق ليهو ياخ هو انت زول ولا بتحس ولا عندك مشاعر أنت ما آلة ومخلوق مصنوع من حديد خردة زى الجنب السكة ومرمية جنب شارع الغابة ديك ... انت زول ... لانو لو ما بقيت شيوعى ولا ديمقراطى ولا بعثى ولا وطنى انت قطع شك ما زول .. بقيت شنو يعنى قول انصار سنة .. ظلامى ... متصوف ساى ... ظلامى برضو ... كوز ... ويبيو ... ظلامى دوت كوم .. ! .. اى تعرفو شنو انتو يا كيزان عن البلد وشعرها وناسها وتعرفو شنو عن السودان والامو ... واحزانو ... ما بتعرفو تحبو ولا عندكم قلوب .. انتو بشر ياخ ... الشعر والحب والشعور وبؤرة الشعور دا دى ما خاصية حمراء يا تكون مناضل ومقيم بره وكم مره كدا مسكوك بقيت خلاص ابو نضال زاتو .. غير كدا ... محرم عليك ... الكيزان انتو بشر .. ما بشر .. انتو ..ولا حاجة ولا شى ... الناس البره دى كلها طردتوهم انتو .. اى ... الشغال سياسة والشغال بيع موية والشغال والما شغال كلهم طردوتهم انتو اى ... والمرق شارد عشان كفوة شخصية .. انتو السبب .. والطلقوها عشان اى سبب اجتماعى انتو السبب ... يا كيزان ... يا طير ... تعرفو شنو .. ما عارفين التكتح ... جبتو للناس الجلا واى زول سودانى يموت كتلتوه انتو ... البيموت بملاريا كتلتوه انتو .. والبيموت فى حادث كتلتوه انتو ... اى ... دينى وايمانى يا حفصة ... الكيزان ديل بتاعين بروفات ... اى ضربو البلد كلها عملوها شقق وعمارات وشركات وجابو شركات الاستثمار دى كلها من جماعتهم البره خاصة (كيزان الصين ) القصار وصفر ديلك ... جو عشان هم كيزان لكن نسخة اسيوية مكودة بشيوعية ماو تسى تونج .. دا ما اصلو كوز لكن متخفى عشان كدا شركاتو جات وشركات عيالو جات الخرطوم والفرنسيين والامريكان والارجنينين وكل الناس الشغالة فى البترول ديل (كيزان خواجات ) تصدقى مشروع البترول دا .. اكبر وهمة .. اى اخير لينا زمن الصفوف والسهر الصباحى والنزين (تك ) لمن جوه الناس السجم ديل كيف كيف ما عارف طلعو (150) ألف برميل في اليوم وتانى دردقوها لغاية ( 220) ألف برميل في اليوم ويمكن تتضاعف ... اى الكيزان شغالين بالرتينزات .. ناس كواديك وعندهم سفلى عاملين عقد جضمو بيهو شغل البترول لغاية ما عملو مركز لتجميع النفط فى حقل هجليج بولاية الوحدة ومطو خط أنبوب الصادر من هناك لغاية شواطئ البحر الأحمر بطول (1600) كيلو متر لميناء بشائر الذي أعد خصيصاً لتصدير النفط الخام البيجبرو الناس كسر رقبة انهم يسهتلكو منو محليا (60 ) ألف برميل في اليوم ويصدر الباقي (160 ألف برميل). .. اولاد اللذين ياكلونا الشوية ويصدرو الكتير !!!! وكمان بعد ما دخلونا وين ووين عاوزين يدخلونا (الاوبك ) ومنظمة التجارة العالمية ... ليه يعملو كدا ... بالغو والله .. ما يخلونا فى سجمنا ورمادنا ويخلو بترولنا دا فى بطن الارض .. يمرقوه ... الله يمرق روحهم .. ما شيفرون دى زمان جات ولغاية ما مرقت ما طلعت لينا (نص رطل ) الشلاقة للحكومة دى شنو .. ما تخليه مغطغط ومدفون ما كان فى عمق الارض دى من سنة 1974 (أثناء حكم جعفر النميرى) و شفرون قدت ليها ( 90 ) بئراً في مساحة واسعة من الجنوب كانت ثلاثين منها منتجة وواعدة وبعد دا شتت .. اتخارجت .. لمن جون قرنق ختاهو قرض مع نميرى ... الكيزان ديل مالهم ومالنا ما كان يخلوه مدفون ونشترى بحقنا بترول (فرش ) وسمح وعديل من بره وندفع فاتورة استيراد الطاقة والمحروقات أكثر من ثلث عائداتنا من الصادر (300-350 مليون دولار). ......... اى يا محمد حامد الجابك شنو .. طيب وكت مصر تجى المنبر عشان تبقى زول كان تشوف ليك كضبة كدا تجى خاش بيها يعنى تقول انك مثلا (الزير سالم ) ولو سالوك ساكن وين قول (كل اجزائه لنا وطن ) .. ولو سالوك انتو منو قول ليهم انا عبد الله القوج ... عارفين القوج ... يا جماعة دا زول بقارى اشعث اغبر ذو طمرين لمو فيهو مناضلين وثوار فى حتة كدا بين نيالا والضعين قرضو اسرتو .. ولد حميدان (النار البتاكل الزاد ) وولدو ( الرشيد ) العريس الكان منتظر عروسو فى (الدرت ) الجاى ... القوج ... دا كتلو اسرتو وسرقو مالو – دعما للثورة – وساقوه حصانو وشالو منو الفرار والطبيقة والشلكاية ام عود – دى اسلحة بيضاء بالمناسبة – ومرق هو بالله وكرامة البليلة و(اكلها لباد ) وما لقى ليهو بيها زول يفتح بوست ولا جهة تنزل ليهو اعلان وسكت ... يقول شنو ... يعنى ويعمل شنو ... ورفع وكيلو لله ... ما شالوها الثوار ... دى نعمة حقو يشكر الله عليها .. ويبوس ايدو وش وضهر .. لانو السرقوها ديمقراطيين وثوار وما ظلاميين عشان كدا حلال عليهم .. وولدو ما شهيد ولا حاجة ليه يبقى شهيد ما الشهيد دا الا زول يتناش طلقة فى الاهلية ولا يقع ميت من طولو من سوء التغذية لانو الماسك التنظيم فى الجماعة بيشيل القروش وبيصرفها فى القعدات وكادر الحزب ما القى حق البوش .. لكن عيال القوج ديل ما شهداء ... ديل دمغات تحرير .. بس .. اها يا محمد كان تقول انك (القوج ) اقلو اسم ( ظريف ) وحلو .. ويااااااااااااااااى ... تراث خلاص والله يا ميدو ! وتخش البورد وتمسك كمنجة كبيرة بتاعة هتاف .. زى خريجى كليات الهتاف الوطنى ديك ... وتخش ليك كورس نفاق دولى .. وتتعلم الفلقصة والفلفسة الناس دقشت على الجندر تمشى تنكت ليك كم ورقة من (قوقل ) وتجى تتجدع .. مشو على التفسير المادى للتاريخ .. تقع موقع الحوار المتمدن .. وتلطش ليك كم رمية كدا .. لمو فى زول كفتوه ولا وقعت عليهو مصيبة فى الخرطوم تقوم طوالى تربط نصك وتلم شتم ولطم فى ناس الحكومة .. عشان تجيك التبريكات ... وشكرا ... بوركت ... ومسيرة حتى النصر ... وسنصلى فى القدس والرصاص لن يثنينا .. اى .. وتبقى زول بتاع مشاعر مرهفة كدا وتحفظ ليك كم قصيدة من محجوب شريف ولا اى زول تانى وتجى هاك يا حكم وامثال ... هم يكتبو ويقعدو مفلسين وانت قاعد تقشر بشعرهم .. .. ايها الاوغاد ... بالمناسبة دى ما شتمة لكن تعبير (ريدة ) ... انا ان الله مد فى العمر بجيكم راجع ...
|
Post: #2
Title: Re: ايها الاوغاد !
Author: saif massad ali
Date: 03-09-2005, 06:02 AM
Parent: #1
يا اخوي ما عندكم وظائف شاغرة باقي ببحث لي في وظيفة كدا يا سعادة اللواء
|
Post: #3
Title: Re: ايها الاوغاد !
Author: المسافر
Date: 03-09-2005, 06:08 AM
Parent: #1
البامسيكة
دحين ضقت عذاب الكي
بنفكك كان قلت أخ وأحيي
آآ ود نايل
كان سمعن بنات الحي
يقولن جرسو واحدا أضينة وني
آآآ البامسيكة
براك شفت الكتاف
بنجيب لك الشبرية
وبنشيلك زفاف
فوق حرة ما مكرية
آآآ ود نايل
كتالكم غدر
وكتال الرجال صقرية
اماتكم خدم
من الجبال مشرية
|
Post: #4
Title: Re: ايها الاوغاد !
Author: محمد حامد جمعه
Date: 03-09-2005, 06:22 AM
Parent: #3
المسافر : اليك بعثت ابكار المعانى يليها سائق عجل وحادى جوائز عن ذنابى القوم حيرى هوادى للجمام وللهوادى
|
Post: #7
Title: Re: ايها الاوغاد !
Author: المسافر
Date: 03-09-2005, 07:32 AM
Parent: #4
أبوي يالحاج نادوك العجم مانجيل ضوك ما فتر في دارك اتبنت ضانقيل مولود فوق نطع وكان فرشو النطع مابميل وضيفان الركاب حباب امرهم كتير وقليل
|
Post: #5
Title: Re: ايها الاوغاد !
Author: معتز تروتسكى
Date: 03-09-2005, 07:22 AM
Parent: #1
خالص التحايا.. محمد جمعه..
عموما داير اقول ليك شى ... شفت الظلم ده صعب كيف لمن وقع ليك .. لكن برضو لانى انسان بحس بالظلم...
فى النهاية...زى ماقلت ايها الاوغاد ... بالمناسبة دى ما شتمة لكن تعبير (ريدة )
بقول ليك سب الدين برضو مرات تعبير عن ريده... لكن عشان ما نسب ليك الدين نقول.. محمد حامد جمعه الفجيعه...
|
Post: #6
Title: Re: ايها الاوغاد !
Author: Agab
Date: 03-09-2005, 07:23 AM
Parent: #1
Quote: متصوف ساى ... ظلامى برضو |
نحن ما ظلاميين سياسة و ظلام لي ظلام أخير ظلام في الله
Quote: وزول تالت عندو فوبيا بتاعة خمش وربط من ناس الامن وما ناس امن يلم فيك يطلعك (لواء ) |
إنت قلتها فوبـيــــــــــــــــــــــــا وفي ناس كتـــــــــــــــــــــــــــار زي ما قلت في بوست سابق كف في سبيل القضية ما أخذوه لانو حسهم الأمنى عالــــــــــــــــــــي و هنا مستلمين كل قضيةQuote: اى ضربو البلد كلها عملوها شقق وعمارات وشركات |
ما تعملها ظاهرة كمان يا محمد يا أخوى في دي ما عندك أي نضم فناسكم يا سيدى كان شعبي كان وطني لفخــــــــــــــوا لفخ الجن والجنبو
الشاهد فى الأمر يا محمد يا أخوي الكلام الفوق ده إنتو السبب فيه إذا كنت بتتكلم عن الكيزان اما إذا كنت بتتكلم عن روحك فالله أعلم بما فعلت
لكن أليس الساكت عن الحق شيطان أخرس Think about it
كل الود وليدالعجب
|
Post: #8
Title: Re: ايها الاوغاد !
Author: فجراوى
Date: 03-09-2005, 08:06 AM
Parent: #1
ياسعادتك
الى الخلف (فى حالتك يعنى المستنقع)
در
|
Post: #9
Title: Re: ايها الاوغاد !
Author: محمد حامد جمعه
Date: 03-09-2005, 08:25 AM
Parent: #8
اهلا بالشباب حبايبى الحلوين (اهلا جونى ) ... سلام يا (المسافر ) ويطيب معناك ... وقالو سمح الكلام من خشم سيدو .. والنضمى والنم عندك وباقى لى عندك عقاب فى ناس (البطانة ) لكن ما عارف تكون وارد شكرية ولا بطاحين ولا جعلية (زعلانيين ) .. وعاوز ... اقول دوبى ... وكتر ... ويا ريت القى لى (همباتى ) فى المنبر اقلو نسمع كلام نجيض وشعر ... حلو ... تروتسكى ... يا ود ... يا شقى ... ... ايها الوغد ... يا فجيعتى ... شكرا على المرور .. وانا برضو يا (قمر العشا ) عندى بوستات بس ربك يفك قيد ... قلمنا ولسانا ... ومشاغل الدنيا تجبرنى اخالف وعدى واتلوم ... بس والله فجراوى : عزيزى ... ليت لى فسحة للاستدارة ولكن ان فعلت ذلك ولو بعد حين فثق انها للامام مارش .. والحذية مية مية والنفوس رضية ولرضوان الله اكبر واما السائل عن (اللفخ واللفح ) ... فلا مقالة سوى ان (الله ) حسيب الجميع وليحصلوا هم وغيرهم ما ارادوا فاخرها (كوم تراب ) وكفن دبلان ... وماتم يحتشد فيه المعزون لبحث اخر تطورات الوضع السياسى الراهن وجدل الهلال والمريخ و(المرحوم مالو ) فيما يكون الجانب الاخر (حساب ولد ) وجزاء (قطع اخضر ) ... والنفس لزومة والمتعة قد اكتملت ... ولا (ضحوية ) بين المسعى والمنتهى لكنه قرار الله وحمه الذى لا ينقض .. وخلاص
|
Post: #17
Title: Re: ايها الاوغاد !
Author: Mohamed A. Salih
Date: 03-09-2005, 09:51 AM
Parent: #9
Quote: ويا ريت القى لى (همباتى ) فى المنبر اقلو نسمع كلام نجيض وشعر ... حلو ... |
انا همباتي وهاك مني ده:
ديل خلو الوطن ينزف جريح وعليل نهبو البلد ووقعو في الخصوم تنكيل بي اسم الجهاد خلو الامهات في عويل سواتهم لا شفنا في القرآن ولا الانجيل
|
Post: #10
Title: Re: ايها الاوغاد !
Author: Elawad Eltayeb
Date: 03-09-2005, 08:29 AM
Parent: #8
Quote: .. وتبقى زول بتاع مشاعر مرهفة كدا وتحفظ ليك كم قصيدة من محجوب شريف ولا اى زول تانى وتجى هاك يا حكم وامثال ... هم يكتبو ويقعدو مفلسين وانت قاعد تقشر بشعرهم .. .. |
والله يا الكيزان إنتو أمركم صعب ...
حتى الشعر والمشاعر المرهفة عندكم تمثيل...
ولا صحي... بعد الواحد يمثل بي سبحتو وبي دقنو و(الله أكبر) تاني فضل شنو؟
المهم، منو القال ليك أن الشعراء لمن بكتبو الشعر بكونو عايزين مقابل مادي؟؟؟
آه، ولا يمكن ديل شعراء الإنقاذ!
|
Post: #11
Title: Re: ايها الاوغاد !
Author: محمد حامد جمعه
Date: 03-09-2005, 08:40 AM
Parent: #10
والله يا الكيزان إنتو أمركم صعب سعب خالس والله !
|
Post: #14
Title: Re: ايها الاوغاد !
Author: المسافر
Date: 03-09-2005, 09:39 AM
Parent: #11
Quote: وارد شكرية ولا بطاحين ولا جعلية |
الشكرية ساعة الفزعة ما بتلامو والبطاحين الناقص بعرفو تمامو والجعلي الأصيل سابق فعالوا كلامو أنا ود الدوكري الخبرو يبق قدامو
|
Post: #12
Title: Re: ايها الاوغاد !
Author: WadAker
Date: 03-09-2005, 09:17 AM
Parent: #1
جرد مبدع ياكمندان...
|
Post: #13
Title: Re: ايها الاوغاد !
Author: ست البنات
Date: 03-09-2005, 09:31 AM
Parent: #1
لمو فى زول كفتوه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كلب من كلاب أمن الأنقلابيين يدنس وجه الفاضلة عبير خيرى بكفوف من يده النجسة !!!!
ست البنات .
|
Post: #15
Title: Re: ايها الاوغاد !
Author: محمد حامد جمعه
Date: 03-09-2005, 09:47 AM
Parent: #13
WadAker السلام الرفيع .....................سلاااااااااااااااااااااام سلاح !
ست البنات : الغريبة انك بتقولى على لزج ................ وببحت النقار .... يعنى بدخل يدى فى الحفر !
|
Post: #16
Title: Re: ايها الاوغاد !
Author: ست البنات
Date: 03-09-2005, 09:51 AM
Parent: #1
يا محمد جمعة اللزج ،
لمو فى زول كفتوه !
هو الكفيت عندكم ساهل !دا الأسلام الحق حرمه !!
والزول اللمو فوقو دا ما عندو حق فى البلد الكفتوهو عشان بيدافع عنها بالفكر والرأى ?
لكن انت بتكون كفتتا كم زول \ه لحدى هسع ?
وبعدين انت ما أعلنت تضامنك مع الزول الكفتوه دا !قلبتها مطاعنات وتلميحات ليه ?
والا دى كانت دموع تماسيح وتمثيل !
والا الجماهة هرشوك فى التضامن دا وطلبوا منك لهجة تانية ?
وبعدين انت الجابرك على البيحصل ليك فى البورد دا شنو ?
يا زول ما تلملم عددك !
ما عندك أرضية مشتركة مع أى زول ، ووجودك نشاز زى نشاز الأنقلابيين ديل !
وبالله ما تجيب لينا الملاريا وحرق الدم بمواضيعك الزى الأحاجى دى ! وكل ما تجى تكحلها بتعميها !
ست البنات .
|
Post: #18
Title: Re: ايها الاوغاد !
Author: محمد حامد جمعه
Date: 03-09-2005, 10:02 AM
Parent: #16
يا محمد جمعة اللزج ايوا نعم يا ست البنات ... والله - ولا اخليها بدون حليفة هسة تقولى دا قسم باطل - انا شاكر ومقدر لدخولك ومتابعتك ... ويا ستنا ... انا مافى زول هرشنى لانى فى المنبر بشخصى وكيفى وقرارى براى عشان ما تشرقى وتغربى وتقولى ناس الجبهة جابوك ورسلوك ... يا حليل الجبهة ... دقست واتلحست ... بس انتو ناس مخلوعة ساى وما عاوزين تختو الرحمن فى قلبكم وتشوفو ... عوجة رقبتكم قبال عوجتنا ... الظاهرة وما ناكرنها .. قلت لى عبير وما عبير (غير العذاب الوان ) ... يا ستى (ود ضيف الله ياسف لما حدث ) .... لكن كثرتى (الكافات ) وكفتوه وكفتوها وكفتونا ... والله راسى لفه ... وبقيت اشوف طشاش ... فى زول تانى كفتوه بعد عبير .... لا كان كدا والله بمرق معاكم مظاهرة وسجن سجن غرامة غرامة !
|
Post: #19
Title: Re: ايها الاوغاد !
Author: abdalla BABIKER
Date: 03-09-2005, 10:09 AM
Parent: #1
الاخ محمد حامد انت اذكى زول مرة على في المنبر الحر ده من ما اشترك انا فيهو
سلام
|
Post: #20
Title: Re: ايها الاوغاد !
Author: ست البنات
Date: 03-09-2005, 10:11 AM
Parent: #1
والبيمشى معاك فى مظاهرة منو عشان تكتب فيه تقرير ???
وبعد ما ترجع من مظاهرتك الأولى واليتيمة فى حياتك ، بالمرة وكت جبت سيرة المبدع محجوب شريف ، شوف لينا اللفخ الغويشاية اتعرف !!!ورجعها ولا لسة ?
ست البنات .
|
Post: #22
Title: Re: ايها الاوغاد !
Author: محمد حامد جمعه
Date: 03-09-2005, 10:18 AM
Parent: #20
والبيمشى معاك فى مظاهرة منو عشان تكتب فيه تقرير ??? ست البنات .. خلاص بمشى معاكم انا .. ما تمشو معاى ... انتو الكبار ... والله خايف يكون ناسك هم البيكتبوه وناسى بيقروه بس كش ملك !
ود شندى وباقى الناس ... والهمباتة طه ووددكين وطه بجيكم وبعمل ليكم مداخلة فروقات
|
Post: #21
Title: Re: ايها الاوغاد !
Author: فجراوى
Date: 03-09-2005, 10:14 AM
Parent: #1
Quote: كلب من كلاب أمن الأنقلابيين يدنس وجه الفاضلة عبير خيرى بكفوف من يده النجسة !!!!
|
يالله عليك ياست البنات
الله ينصرك..وعبير... والحريه..
وسعادته يسعى والوفد المرافق لتشويه هذه الحقيقه الساطعه والالتفاف حولها
الحقيقه ما بتندس
يندس
غريب الوجه
واليد
واللسان
|
Post: #23
Title: Re: ايها الاوغاد !
Author: محمد حامد جمعه
Date: 03-09-2005, 10:25 AM
Parent: #21
الأنقلابيين فجراوى ............. قول بسم الله .............يا راجل انتو ما فضل ليكم عشان تحكمو الا تجندو الكشافة والمرشدات ... كن مستعدا
|
Post: #24
Title: Re: ايها الاوغاد !
Author: ست البنات
Date: 03-09-2005, 10:35 AM
Parent: #1
لماذا بترت الموضوع وأغفلت سؤال الغيويشاية ????
توضيح للزج :
أنا ناسى الوطن كله !
وبيناضل ضد الظلام فى الضوء !
ولمان يطلع فى مظاهرة ، بيكون هو المستهدف من قبل ناسك !
ست البنات .
|
Post: #25
Title: Re: ايها الاوغاد !
Author: محمد حامد جمعه
Date: 03-09-2005, 10:41 AM
Parent: #24
ستنا شوفى (ابو خديجة ) .... بتعرفيهو ولا لا ..
|
Post: #26
Title: Re: ايها الاوغاد !
Author: خدر
Date: 03-09-2005, 10:51 AM
Parent: #24
ستهن شنو قصه الغويشايه دي
اوع يكونالعميد جمعه يدو خفيفه كمان ؟؟
|
Post: #27
Title: Re: ايها الاوغاد !
Author: محمد حامد جمعه
Date: 03-09-2005, 11:51 AM
Parent: #26
خدر .............. يا مولانا ........... ايدنا خفيفة ...............! كلامك صح ........... بس عند الفزع .. بالمناسبة ودى فى مصطلح البورد تخريمة : كيف هولندا هذا الصباح ... زى (غريقة ) فى الخريف ... وطبعا انت زول مهتم بالتراث الكلام بتاع غريقة دا وهى منطقة فى دار المسيرية تجاه المجلد والتبون الكلام دا كان بابو نمر جله الكبير لمن مشى لندن مع اعيان السودان عشان يهنو الملكة - معليش للدارجى يا مولانا وتكسير قواعد اللغة وحركات الامالة والهمزات - بانتصار الانجليز .. اها قالو يا (ابو خضره ) الناس سالو زعيم المسيرية بعد ما رجع البلد لندن كيف فقال ... زى غريقة فى الخريف
|
Post: #28
Title: Re: ايها الاوغاد !
Author: Balla Musa
Date: 03-09-2005, 02:47 PM
Parent: #27
Quote: الاخ محمد حامد انت اذكى زول مرة على في المنبر الحر ده من ما اشترك انا فيهو |
عبد الله بابكر مين يشهد للعروس?
تعرف ياعبد الله لما زنققك عادل على فى بوست شندى ياناس شندى, إتذكرت عباس عبد الله فضل السيد أستاذنا الجبهجى , لاقيتو فى الدامر وبسلم عليهو كأستاذ وبديت أعرفو بى نفسى قلت ليها أنا بله من شندى قال لى ياناس شندى مطالبكن قولوها لينا اما رجع شندى قعدت أضحك وعرفت أنو (مولانا) مخلوع بالمنصب. وبالمناسبة لما نطيت لى فى موضوع الكرنكى قايلك شايلاك الجعلية أتاريك شايلاك الكوزنة. ااكرنكى برضو أخوهو درسنى إنجليزى فى شندى وكان كوز أكبر من الكرنكى البسئ لرسولنا.
|
Post: #29
Title: Re: ايها الاوغاد !
Author: محمد حسن العمدة
Date: 03-09-2005, 04:30 PM
Parent: #28
محمد حامد سلام
اتمنى ان تفرد بوستا عن سيكلوجية افراد الامن وتشبعهم بحب تعذيب الآخرين
وان تروى لنا انفعالاتك وانت تشاهد بعض من مناظر التعذيب بكدا تكون قدمت خدمة جليلة للمنبر
|
Post: #30
Title: Re: ايها الاوغاد !
Author: ست البنات
Date: 03-09-2005, 07:55 PM
Parent: #1
محمد جمعة اللزج ،
أبو خديجة دا منو ????????و خديجة منو ????????
وضح المعلومة دى عشان ما تلصق لى تهم بكل لزوجة !!
ست البنات .
|
Post: #35
Title: Re: ايها الاوغاد !
Author: معتز تروتسكى
Date: 03-10-2005, 00:32 AM
Parent: #30
خالص التحايا.. ستنا اختى الكبرى ست البنات... وحاتك انا متازم جدا للبحصل ده وبكون متازم اكتر لمن اشوفك هنا .. خليها زى ما قالوا بجى اليوم الكل زول بياخد حقوا من الناس ديل .. بس بجى بتين الله يعلم ... ده لو حضرناهو والواحد ما مات بالحسره ...
المهم ستنا ماتعكى وتعجنى مع ديل.... بقى ما منها فايده كان معارضه ولا حكومه السجم دى
اما لموضو ابو خديجه ده. ده مصطلح بقولوهو لى ناس البوليس.. بقولوا ليهم ابو خديجه ..
|
Post: #31
Title: Re: ايها الاوغاد !
Author: ست البنات
Date: 03-09-2005, 08:02 PM
Parent: #1
محمد جمعة اللزج ،
الأوغاد دى مدخل مؤذى وطريقة غير محترمة لمخاطبة ملايين محترمين فى بوست يفترض فيه تخير الألفاظ !!!
لذا يلزم سحبها والأعتذار عن ايرادها !!
والا انت بتنفس فى الناس !
مسكين ممكون وصابر وأسقط فى يدك !!!!
ست البنات .
|
Post: #32
Title: Re: ايها الاوغاد !
Author: saif massad ali
Date: 03-09-2005, 11:11 PM
Parent: #31
يا اخوي الناس دي كلها رديت ليها , ولكن لم ترد علي الحاصل شنو ,اهلنا الفور بقولو الحكم فروة فار كان شال جبهة اخوك ما بشيل جبهتك , عشان كدي ما عايز تشوف لي وظيفة
|
Post: #34
Title: Re: ايها الاوغاد !
Author: abuguta
Date: 03-10-2005, 00:10 AM
Parent: #32
سيف انت ما براك ياخوى لو داير الشغل....رايك شنو نفتح لينا مستوصف فى ابقوته لكن لازم تدرس لى دبلوم توليد وجراحة...عشان كل زولة بضنها موجعاها او زول بودوه المستشفى التركى على طول اما قيصرية او زائدة..نجض شغلتك وتعال وسيب محمد حامد دا زول قاسم حقو قبل ناس الحركة واسى بقزقز معانا ساى...هو زول كويس لكن مشكلتو مع ناس البورد انو هو مو عارف مشكلتو طبيعتها شو... ناس البورد ناس حوش واحد ياخوى..زملاء دراسة واقتراب..وماسىء واحزاب سياسية...انت ما حتلقى زول يقلك انا معاك...عارف ليه لان الاسم شين والشناهو... الفعل الكعب.. .وكفت المرة قلة حياء وادب.. ..لانها هى المنبت زى العشب... الكف بحت الكحل من الهدب.. وبعدها البحر بيهيح وبتغرق المركب... لازم هلب وين الهلب.. فى دنيا الكضب... مرة من المرات قلت لزميلى سودانى تقدمى راجيش دا بعمل كدا قال لى دا فعل كيزان قلت ليه ..الزول دا هندى قالى برضو كوز...لانها تشابهت الافعال انت ياسيف الكوز لما تنكسر ايدو...ببقى شنو؟؟؟؟؟ قلت لى المستوصف بوفر الزمن وبقلل التكلفة..وبحفظ الارواح من حوادث السيارات اصلو فى قالو فى واحد مهندس.خريج كلية غرددون .مشى الخليج وغشى المغتربين وشال تحويشة العمر منهم وحفر بيها حفر بعد ود الهبيل ..وانت ماشى على الجبل..سموه سندس...اها الحفر دى بقت ترمى البكاسى وكتلت اهلنا...شنو ليك الوظيفة مش احسن ليك من حقت الحكومة..توفير فى المال والارواح والزمن...وتساعد الزفاية فى دفن تلك الحفر المحفورة جورا وغشا..لانه الارض دى..حقت ناس مساكين وعلى قول لو فيها عمار ابوى الخواجات ماخلوها....ولو ما بنفع معاك المستوصف عندنا بلاد غرب كترة تنجح مزرعة دواجن...اها بس دايرين التصديق..نصفق مع بعض لجمعة...عشان يساعدنا فى استخراج الاعفاء....لزوج الاليات...وبعدين انا عارف سيارتك السنجك..ما بتخليها وراك ولقدام ياسيف...لو بقيت على الاقتراخ تلفونى ومعاك...وكمان تلفون محمد حامد برضو معاك ولقدام ابقوتة فى ساعة الدوام
|
Post: #33
Title: Re: ايها الاوغاد !
Author: abdalla BABIKER
Date: 03-09-2005, 11:34 PM
Parent: #1
الاخ العزيز بله موسى
انا قلت عن الاخ محمد جمعه انه اذكى شخص لانو قدر يجركم بكلمه الاوغاد
[QUOTE
انا بحب اتعرف على اي زول من شندي مهما كان مكانه
وانا ما كوز وما حصل انضميت لاي تنظيم بس سوداني بحب السودان وبحب شندي بحب مربع 14 في شندي |
وياريت اتعرف عليك اكثر مدام انت من شندي
رسلت ليك رساله على المسينجر فيها معلوماتي
ولك ودي واحترامي ولاي شخص من شندي
|