بورداب الامارات.....مفاجأة أخرى!!

Post: #1
Title: بورداب الامارات.....مفاجأة أخرى!!
Author: zola123
Date: 03-08-2005, 01:56 PM
Parent: #0

شهر مارس هذا العام أكثر من مميز
تحمل الينا نسائمه أحلى رفقة وأجمل أصدقاء احببناهم وتعلقنا بهم في هذا المكان.
أكثر من بوردابي يشرفون دولة الامارات بزيرتهم في خلال هذا الشهر.
وحقيقة ما قدرت اكتم الشمار أكتر من كدة, وعشان احفزكم لتحضير استقبال يليق بالضيوف الرائعين ولمزيد من التنظيم بعد لقاءنا الحلم ببكري سيد الحوش الكبير.
وأهي 3 شهور مرت وأكيد مشتاقين للمة تانية.
الضيوف حتى الآن:
- الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين
بعد ما تستوعبوا الحاصل وتفوقوا من المفاجأة جاياكم بمزيد من التنسيق والمتابعة.
الناس ديل جاييين في توقيتات مختلفة من شهر مارس ولازم نعمل جهدنا اننا نخليهم كلهم يتلاقوا في وقت واحد. ودعوة مفتوحة لكل زوار الامارات اذا كان في الامكان يضبطوا معانا مواعيدهم لنقل مع منتصف شهر مارس لتكتمل فرحتنا.

تحياتي وحبي
zola123

Post: #2
Title: Re: بورداب الامارات.....مفاجأة أخرى!!
Author: عشة بت فاطنة
Date: 03-08-2005, 02:50 PM
Parent: #1

Quote: الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين

بس اقدرن/رو ، ما تعتبن مسقط ، كان أنتن ولا استاذ الموصلي .
وتراني دي قجيت شركي

Post: #3
Title: Re: بورداب الامارات.....مفاجأة أخرى!!
Author: lana mahdi
Date: 03-08-2005, 02:55 PM
Parent: #1

زولا الحبيبة الغالية
طبعا دى الدغالة العملت ليكي وجع عيون[وجه ضاحك]
دة خبر يتسكت عليهو؟؟
بس فى زول خامس نسيتيهو
أها؟؟

Post: #4
Title: Re: بورداب الامارات.....مفاجأة أخرى!!
Author: لؤى
Date: 03-08-2005, 03:04 PM
Parent: #3

Quote:
بس فى زول خامس نسيتيهو
وإنتي عرفتي كيف يالنا ؟؟ [وجوه غامزة كتييييييرة]

Post: #5
Title: Re: بورداب الامارات.....مفاجأة أخرى!!
Author: Rawia
Date: 03-08-2005, 05:55 PM
Parent: #4

رجا جيبى لينا معاك اماره تكون محندقه كدا وعلى (الاد)

عاوزنها لونها لبنى فاتح سماوى

اظهرى

Post: #10
Title: Re: بورداب الامارات.....مفاجأة أخرى!!
Author: zola123
Date: 03-09-2005, 03:21 AM
Parent: #5

لؤي
بتكون شمت الشمار في أوضتنا
( وجه ضاحك ممرق لسانة ببره)

راوية
لني سماوي دي الا كان الفجيرةو قالوا شواطئها ساحرة
تصدقي مع اني لي في الامارات 25 سنة لاكن ما زرت الا 3 امارات من 7 , الرابعة دي مريت بيها ساي ما محسوبة.
الامارات دي دعاية, بعد عجمان ما تمرقي بتلقي نفسك في الكلاكلة

Post: #20
Title: Re: بورداب الامارات.....مفاجأة أخرى!!
Author: Omayma Alfargony
Date: 03-09-2005, 06:39 AM
Parent: #5

رجا جيبى لينا معاك اماره تكون محندقه كدا وعلى (الاد)

يا رجاء وأنا كمان لكن يكون لونا تركوازي فااااااااااتح

Post: #11
Title: Re: بورداب الامارات.....مفاجأة أخرى!!
Author: Dr.Mohammed Ali Elmusharaf
Date: 03-09-2005, 03:22 AM
Parent: #4

الاخت لنا
عرفتي كيف انو انا جاي ... غريبه!!! انا كنت داسي الجيه دي.
اتمني لكم وزواركم الاماجد قضاء وقت جميل
مودتي للجميع

Post: #27
Title: Re: بورداب الامارات.....مفاجأة أخرى!!
Author: lana mahdi
Date: 03-09-2005, 01:29 PM

Quote: الاخت لنا
عرفتي كيف انو انا جاي ... غريبه!!! انا كنت داسي الجيه دي.

كدة بقو 6 يا دكتور محمد
اللهم زد و بارك

Post: #26
Title: Re: بورداب الامارات.....مفاجأة أخرى!!
Author: lana mahdi
Date: 03-09-2005, 01:28 PM
Parent: #4

Quote: Quote:
بس فى زول خامس نسيتيهو

وإنتي عرفتي كيف يالنا ؟؟ [وجوه غامزة كتييييييرة]

هو كلمك برضو يا لؤى؟؟؟

Post: #64
Title: Re: بورداب الامارات.....مفاجأة أخرى!!
Author: بنت الاحفاد 2001
Date: 03-13-2005, 00:35 AM
Parent: #4

ازيك يا زولا

الاخبار ما عندك

لو ما شالتهم الامارات تشيلهم جوة العين

لؤي كيف اخبارك

الظاهر كدة جيتك لينا بقت كذبة ابريل

Post: #9
Title: Re: بورداب الامارات.....مفاجأة أخرى!!
Author: zola123
Date: 03-09-2005, 03:18 AM
Parent: #3

عشة بت فاطمة
الموصلي في جولة خليجية كبرى حيبدأها بالبحرين وأظنه بكون على وصول سي.
وأكيد حيمر بمسقط, أما الباقيين ديل فما أضمنهم اتصرفي معاهم بطريقتك

لنا مهدي
تعرفي قلبي ما طاوعني ادس الخبر أكتر من كدة وقلت أكلم الناس تحضر نفسها
الخامس ده شمهروش مش؟ لاكن اعتقد انه مسافر بكرة وكان مصر انه ما يكلم زول ما عارفة ليه.
كان عندك زول تاني كلمينا وليكي الحلاوة

Post: #6
Title: Re: بورداب الامارات.....مفاجأة أخرى!!
Author: الزنجي
Date: 03-09-2005, 00:03 AM
Parent: #1

يا مرحبا يا مرحبا الساعه
اقرب تفضل لك فى سويد القلب مرباعا

حبابكم مليوووووووووووون ضيوفنا وفى انتظار جيتكم

وتسلمي دكتوره زولا 123 .... وفى انتظار اخطارنا بمواعيد وصولهم

Post: #7
Title: Re: بورداب الامارات.....مفاجأة أخرى!!
Author: المسافر
Date: 03-09-2005, 02:56 AM
Parent: #6

حباباتهم
تشرفنا حماماتهم
تظللنا غماماتهم
وفي إماراتنا تبين أماراتهم

والشوق يبين

Post: #8
Title: Re: بورداب الامارات.....مفاجأة أخرى!!
Author: sympatico
Date: 03-09-2005, 03:14 AM
Parent: #7

Quote: - الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين

وصف الفرحة بالكلمات محال يتقال

اهلا بهم
ما اسعدنا بهم

شكرا زولة

Post: #13
Title: Re: بورداب الامارات.....مفاجأة أخرى!!
Author: zola123
Date: 03-09-2005, 03:23 AM
Parent: #7

الزنجي
عارفاكم ما بتقصروا
ترقبوا مزيد من التفاصيل والتنسيقات
المرة دي اللقاء في أبوظبي

Post: #14
Title: Re: بورداب الامارات.....مفاجأة أخرى!!
Author: zola123
Date: 03-09-2005, 03:24 AM
Parent: #7

الزنجي
عارفاكم ما بتقصروا
ترقبوا مزيد من التفاصيل والتنسيقات
المرة دي اللقاء في أبوظبي

المسافر
حضر بطاقات الأسماء
وبرضو فكر معانا في حتة قيافة في أبوظبي تحتضن اللقاء

Post: #28
Title: Re: بورداب الامارات.....مفاجأة أخرى!!
Author: lana mahdi
Date: 03-09-2005, 01:31 PM
Parent: #6

Quote: يا مرحبا يا مرحبا الساعه

بوردابى امارات اصيل يا زنجي
بس الشباب ما ح يكونو فهمو التحية دى
هم بالمناسبة بيقولو "الساعة" ولا "الساع"؟؟

Post: #12
Title: زولا
Author: mohmmed said ahmed
Date: 03-09-2005, 03:22 AM
Parent: #1

ابشري يازولا
الخروف جاهز

Post: #33
Title: Re: زولا
Author: سجيمان
Date: 03-09-2005, 03:52 PM
Parent: #12

Quote: ابشري يازولا
الخروف جاهز

هيــــــع.....!

Post: #15
Title: Re: بورداب الامارات.....مفاجأة أخرى!!
Author: لؤى
Date: 03-09-2005, 03:42 AM
Parent: #1

Quote:
لؤي
بتكون شمت الشمار في أوضتنا
( وجه ضاحك ممرق لسانة ببره)
وانتن في أوضتكن عرفتن كيف ؟؟؟
(( تلاتة وشوش منطّطين عيونهم ))

Post: #16
Title: Re: بورداب الامارات.....مفاجأة أخرى!!
Author: Shalabi
Date: 03-09-2005, 03:44 AM
Parent: #1

الغالية zoola 123
تحية وود كمية،،
الــــــــف مرحبـا و حباب الضيفان ،،،
Quote: الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين

حبابكــم عشــره ،،
وحــــأضرييييين ،،

Post: #18
Title: Re: بورداب الامارات.....مفاجأة أخرى!!
Author: Yahia Abd El Kareem
Date: 03-09-2005, 04:06 AM
Parent: #16

الأخت زولا....تشرفت بالانضمام لهذا البورد قريبا جدا ..وأرجو قبول عضويتى فى بورداب الامارات مع هذه الصدفة الجميلة لاستقبال الكوكبة المشار اليها و التعرف على بقية البورداب...
الظاهر حاسة الشم عند النواعم أقوى...للتنسيق يرجى المهاتفة علىالتقال ( 050-8130850 )..سوف لن أسامح نفسى أو من يفوت على هذه السانحة..فأنا زول اجتماعى حتى الثمالة وعندى اضافة المعارف الانسانية هى الكنوز لا الذهب ولا الماس....

Post: #17
Title: مارس
Author: من الله
Date: 03-09-2005, 03:49 AM
Parent: #1

خبر جميل يا زوله والدور ده لازم تكون اللمه بابوظبى

Post: #19
Title: Re: بورداب الامارات.....مفاجأة أخرى!!
Author: مريم بنت الحسين
Date: 03-09-2005, 05:09 AM
Parent: #1

...
والله يا زولة طلعتي خطره عديل كده.. انا فعلا جايه دبي كم يوم كده.. احتمال قبلها أغشى عمتي عشه.. (ده كلام خوف) .. لا لا جد ماشه مسقط غالبا الاسبوع البعد الجاي..

مشتاقييييييييين ليكم كلكم...

اوعى نتعقب مع استاذ الموصلي..

بنت الحسين

Post: #21
Title: Re: بورداب الامارات.....مفاجأة أخرى!!
Author: sari_alail
Date: 03-09-2005, 06:52 AM
Parent: #1

Dear Zola 123,,,,
slam shaddedd
i will be in UAE on april untill june ,,so what u will do 4 me
salam shadeeed lee bordab UAE

Post: #22
Title: Re: بورداب الامارات.....مفاجأة أخرى!!
Author: Raja
Date: 03-09-2005, 10:52 AM
Parent: #1

زولا واحد اتنين تلاتة يا عسل..

تحية ومحبة ليك ولكل بورداب الأمارات..

طبعا انا منتظرة بس اعرف موعد الجولة الجاية للمفاوضات التجمع والنظام.. وهسع سمعت انها يوم 12.. وتحت تحت عرفت انه ما يوم 12.. شفتي الحالة دي..
لكن قبل نهاية الشهر بإذن المولى بكون معاكم..

عشة يا غالية..

لو قلتي لي السلطنة جيتها ساهلة من هناك مافي شئ حيوقفني وحاة غلاوتك..

راوية واميمة..

ما قلتو لي الأمارة تكون توتال ولا حرير ..

مريوما..

ما تمشي قبل ما أمشي..

بورداب الأمارات:
لنا
الزنجي
المسافر
سيمباتيكو
محمد سيداحمد
سموأل شلبي
يحيي عبدالكريم
من الله
وساري الليل..

أتطلع بشوق لرؤياكم ايها الأهل الذين يربطني بهم دم الود والأحترام..

Post: #23
Title: Re: بورداب الامارات.....مفاجأة أخرى!!
Author: Raja
Date: 03-09-2005, 10:54 AM
Parent: #1

رسالة شكر خاصة لكل بورداب الأمارات الذين أرسلو لي عبر المسينجر يرحبون بزيارتي..

لهم جميعا الود والتقدير..

Post: #24
Title: Re: بورداب الامارات.....مفاجأة أخرى!!
Author: Raja
Date: 03-09-2005, 11:05 AM
Parent: #23

Quote:
- الموسيقار يوسف الموصلي
- صاحبة القلم الرشيق سارة حمزة
- الباشمهندسة مريم بنت الحسين

الضيوف الرائعين..

أتمنى بحق ان التقي بكم جميعا على أرض الأمارات، وفي صحبة بوردابها الجميلين..

Post: #25
Title: Re: بورداب الامارات.....مفاجأة أخرى!!
Author: abdalla BABIKER
Date: 03-09-2005, 11:32 AM
Parent: #1

مليون مرحب بالضيوف الكرام

بارض الامارات

تخريمة

رجاء اخيرا في الامارات يا للسعد

Post: #29
Title: Re: بورداب الامارات.....مفاجأة أخرى!!
Author: zola123
Date: 03-09-2005, 01:40 PM
Parent: #1

بورداب الامارات الحلوين وضيوف البوست الحلوين برضو
كيف مع المفاجأة استوعبتوا ولا لسة؟؟
ازيدكم من الشعر بيت في اتنين بورداب اكس اكس لارج برضو جايين الشهر ده ولو قلت ليكم اساميهم في ناس ممكن يغمى عليها.
فخلوها بالتقسيط.
سبب البوست الأساسي هو تنسيق المواعيد
يا رجاء لازم تحددي مواعيد مسبقة حاااولي , وما تعتمدي على مريم بت الحسين حتجي يومين تلاتة بس مهمة رسمية ولو استكردتنا وما ضربت زي جيتها السابقة أنا باحذرها من وعلي الشدييييييييييد من حسي؟
سارة حمزة بتكون في طريقها حسي وهي قاعدة 10 ايام فقط
الموصلي سيبدأ كما ذكر بالبحرين ودي فركة كعب للامارات يا ريت برضو لو بقرا البوست ده يورينا مواعيد
والاتنين التانيين قالوا لي ما أكلم زول لحد ما يتأكد حضورهم
اللقاء في أبوظبي بشبه اجماع منذ لقاءنا السابق
يعني 1 حددوا المواعيد
2 المكان؟
تحياتي وحبي

Post: #30
Title: Re: بورداب الامارات.....مفاجأة أخرى!!
Author: julia shawqi hamza
Date: 03-09-2005, 02:04 PM
Parent: #1

يا جماعة لو ممكن تقبلونا معاكم.. انا لي سنتين في البلد دي (اعني الامارات) ابحث عن هذه الصحبة.. افتقد ابناء بلدي بشدة .. لو ممكن تتصلو بي..
مستشفي الامارات ..بالجميرا( جوليا شوقي)..ارجو الا تفوتني الايام الجميلة الجاية..

Post: #31
Title: Re: بورداب الامارات.....مفاجأة أخرى!!
Author: عاطف عمر
Date: 03-09-2005, 03:15 PM
Parent: #1

Quote:
الضيوف حتى الآن:
- الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين

نحن في حلم ولا في علم

العزيزة د. إيناس

تحية وإحترام

مفاجآتك دائماً ( تتور) النفس غبطة .

مرحباً بالأحباب الذين عرفناهم في هذا المنبر فأضحوا لنا إخوان و أخوات نشتاق لهم و نسعد بهم. و نتكدر إن غابوا عنا .

في إنتظار الترتيبات .

الشكر مجدداً

Post: #32
Title: Re: بورداب الامارات.....مفاجأة أخرى!!
Author: ودالعباسية
Date: 03-09-2005, 03:45 PM
Parent: #31

الدكتورة الزولة123

تحياتى

نتمنى ليكم لحظات جميلة مع ضيوفكم ...

خلى بت الحسين دي تعزم لينا الناس ديل بى جاي علشان نعمل معاهم الواجب

Post: #34
Title: Re: بورداب الامارات.....مفاجأة أخرى!!
Author: Tumadir
Date: 03-09-2005, 04:25 PM
Parent: #32

والله محظوظين البتمشو دول عربية ...كان نفسى امشى قطر ولا مسقط..

جيبوا لينا معاكم كراسى جابر...

وكتب مسرح..

Post: #35
Title: Re: بورداب الامارات.....مفاجأة أخرى!!
Author: تاج السر حسن
Date: 03-09-2005, 10:58 PM
Parent: #34

نرحب بالقادمين والقادمات ونرجو من مجلس التنسيق المحترم بقيادة زوله تأكيد ذلك الحضور قبل 48 ساعه حتى لا نروح (شماره فى مرقه)، لا أعرف معنى هذا المثل!!!

تخريمه:-
أول مره أعرف لؤى (أعسر) حدى يراهن؟؟

Post: #36
Title: Re: بورداب الامارات.....مفاجأة أخرى!!
Author: abdalla BABIKER
Date: 03-09-2005, 11:11 PM
Parent: #1

Quote: يا جماعة لو ممكن تقبلونا معاكم.. انا لي سنتين في البلد دي (اعني الامارات) ابحث عن هذه الصحبة.. افتقد ابناء بلدي بشدة .. لو ممكن تتصلو بي من الساعة (9-5) على /043496666 مستشفي الامارات ..بالجميرا( جوليا شوقي)..ارجو الا تفوتني الايام الجميلة الجاية..

--------------------------------------------------------------------------------

الاخت جوليا اولا مبروك انضمامك للمنبر

وشرف كبير انضمامك للمجموعه بورداب الامارات

Post: #37
Title: Re: بورداب الامارات.....مفاجأة أخرى!!
Author: بت القبايل
Date: 03-09-2005, 11:35 PM
Parent: #1

العزيزة الغالية
ست الناس زوله123
تحياتى لك الود

هلا ومرحبا البيت بيتهم وكلنا على استعداد

الخروف جاهز ماذى خروف محمد سيداحمد

مليـــــــــــون مرحبا الرجاء الاتصال

لك التحية والاحترام زوله

بت القبايل

Post: #38
Title: Re: بورداب الامارات.....مفاجأة أخرى!!
Author: مريم بنت الحسين
Date: 03-09-2005, 11:52 PM
Parent: #1

يا زولة، نعزم ليك في جديدك.. قولي آمين...واضعاك في اول اللسته، ضروري اقول ليك كفارة.. وبعد الشر عن عيونك...

رجاء العباسي، انا زي ما قالت ليك زولة، سريع سريع ... لكن لو حصل ولاقيتك، حتكون اجمل رحلة... ولو ما لاقيتك، ادينا طلّه في قطر... رغم اني حوّامه لكن بقعد ليك...

سارة حمزة... اتمنى فعلا اتعرف عليها.. والاقيها..

عمو الموصلي... تعال لينا بي جاي، ناس عمو فايز ما ببطلوا كلام عنّك..

بنت الحسين

Post: #39
Title: Re: بورداب الامارات.....مفاجأة أخرى!!
Author: أبنوسة
Date: 03-10-2005, 00:10 AM
Parent: #38

البجي الأمارات وما بيغشانا لا بينا لا بينو

العزيزة مريومة
أقعدي ليهم "خصيم طاعم"، (خصميهم بالنبي، وأبو شرا إن لزم الأمر)، إنهم يغشونا
وينوروا الدوحة ولو أيام....

العزيزة زولة ولنا
رسلت ليكم "نادوس"، ولا إشتغلتوا بيهو الشغلة. "نظام غيرة".

الجميلة تماضر

Quote: كان نفسى امشى قطر ولا مسقط

ونحن نفسنا نحقق ليك اللي في نفسك.

Post: #40
Title: Re: بورداب الامارات.....مفاجأة أخرى!!
Author: لؤى
Date: 03-10-2005, 00:58 AM
Parent: #1

عشّة
Quote:
بس اقدرن/رو ، ما تعتبن مسقط ، كان أنتن ولا استاذ الموصلي

لنا
Quote:
طبعا دى الدغالة العملت ليكي وجع عيون[وجه ضاحك]

زولة
Quote:
الامارات دي دعاية, بعد عجمان ما تمرقي بتلقي نفسك في الكلاكلة

تماضر
Quote:
جيبوا لينا معاكم كراسى جابر...

تاج السر
Quote:
ونرجو من مجلس التنسيق المحترم بقيادة زوله تأكيد ذلك الحضور قبل 48 ساعه حتى لا نروح (شماره فى مرقه)، لا أعرف معنى هذا المثل!!!

تاج السر تاني
Quote:
تخريمه:-
أول مره أعرف لؤى (أعسر) حدى يراهن؟؟
تاج السر انا لاأعسر لاأيمن ، زمااااان غايتو كنت ماأعسر ، لكن هسّه ماعارف ..

Post: #41
Title: Re: بورداب الامارات.....مفاجأة أخرى!!
Author: محمد ابراهيم قرض
Date: 03-10-2005, 01:48 AM
Parent: #1

زولا ..
أنا عايز أشارك معاكم و أستقبل
ضيوفكم و كمان ما عندي مانع أجهز
ليهم المكان و الأكل و البارد و الفواكه
و الموسيقي ... بس شوفي لي شغل معاكم
في الإمارات ... أي حاجة قريبة منكم

Post: #42
Title: Re: بورداب الامارات.....مفاجأة أخرى!!
Author: mahdy alamin
Date: 03-10-2005, 03:18 AM
Parent: #1

العزيزه : زوله 123

تحياتي لك

نرحب بالضيوف الكرام الأعزاء

Quote: الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين

وجاهزين للأحتفال بهم في اي مكان وزمان

مع محبتي
مهدي الأمين أحمد

Post: #43
Title: Re: بورداب الامارات.....مفاجأة أخرى!!
Author: سارة حمزة
Date: 03-10-2005, 03:55 AM
Parent: #42

الدكتورة العزيزة الشكر الجزيل ليك وعلي مفاجاتك الحلوة دايما
بورداب الامارات بجد خجلتوني ناس رايعين وانشاء الله الواحد يقابلكم كلكم
الاخوات رجاء ومريم انشاء الله الواحد يلاقيكم ويتهنا بمعرفتكم
الاستاذ العظيم الموصلي نتمني نقابلك بس زي ماعرفتا الوقت مختلف في تواجدنا هناك

دكتورتنا العزيزة انا كان مفروض اكون معاكم الان لكن الظروف

بس انشاء الله الاثنين نكون معاكم

Post: #44
Title: Re: بورداب الامارات.....مفاجأة أخرى!!
Author: zola123
Date: 03-10-2005, 08:07 AM
Parent: #43

أحلى بورداب
يا جماعة الأربعة الذكرتهم ليكم ديل شوفوا طريقة معاهم عشان نجيبهم في وقت واحد
انشاء الله نقفلهم في أوضة ونتحفظ عليهم معانا هنا
البورداب الجدد يا مية مرحب بيكم احتفظ بارقام الهاتف ومع اتضاح اخطوط البرنامج الرئيسية توقعوا مكالمة مني.
أول تأكيد:
سارة حمزة : متواجدة من 14 مارس لمدة عشرة أيام
يا مريم بت الحسين أرجو تختي لينا تواريخ تواجدك وما تقولي ما عارفة, انا ما حخليك المرة دي.
فضل الموصلي ورجاء في انتظار تأكيدهم برضو
والاتنين التانيين ما عايزين يقولوا انهم جايين لحد ما يتأكدوا

يا أبنوسة والله أنا ما سمعت بجية نادوس, كان سمعت كان فرشت ليه الأرض من المطار, معقول يجينا بوردابي من قطر العزيزة وما نستقبله؟
أنا والله باحبكم كدة لله فلله كللللللللكم

سجيمان( ما تجينا انت كمان), سيد أحمد( عند قولك أكيد), شلبي( اجدع شباب وأحسن ناس تنسق لقاءات) , يحى عبد الكريم( مرحب بيك والبلد تنور),
من الله( اكيد ابوظبي), ساري الليل( انت تعال بس) , عبد الله بابكر( ما بتقصر) , جوليا( يا مية مرحب بيكي), عاطف عمر(تستاهلوا كل جميل, تحياتي لمحمد),
ود الأباسية( سويتا ظاهرة لاكن, يعني ما تعزمنا؟) , تماضر ( اديني أمثلة عشان ما بافهم في المسرح لاكن اي حاجة تطلبيها من عيوني), تاج السر( قمت ؟),
بت القبايل( أكيييييييد), لؤي(خلي بالك أنا فتانة), محمد قرض( انت وين؟ ),
مهدي الأمين( ما بتقصر أكيد), سارة حمزة( قولي انشاء الله بس وكلكم حتتلاقوا), رجاء الحبيبة( انتظرك بفارغ الصبر)

Post: #45
Title: Re: بورداب الامارات.....مفاجأة أخرى!!
Author: محمد ابراهيم قرض
Date: 03-10-2005, 10:43 PM
Parent: #44

زولا ...
أنا في سلطنة عمان ..
أرسلوا لنا غقد العمل حتى
نتمكن مشاركتكم في إستقبال
ضيوف الإمارات .. و إن
لم (ولن) تفعلوا أنتم
الخسرانين

Post: #46
Title: Re: بورداب الامارات.....مفاجأة أخرى!!
Author: anwar abu gaidaa
Date: 03-10-2005, 11:18 PM
Parent: #45

الاحباب الكرام
من زولا ولى عند اخر مرحب
انا كمان جاى ارحب معاكم واستقيل
العزيز يوسف الموصلى والفقه الميمونه
بت الحسين ورجاء وود شمت والبقيه
وبكون معاكم مساء 28 مارس
وهمتكم ياناس الامارات عشان تعملو برنامج جد قيم
انور عبد الرحمن

Post: #50
Title: Re: بورداب الامارات.....مفاجأة أخرى!!
Author: Yahia Abd El Kareem
Date: 03-11-2005, 03:27 AM
Parent: #44

الدكتورة الفنانة زولا...أشكر لك الترحيب والبلد منورةبيك وبالبورداب الظرفاء ويشرفنى جدا أن ألحق بهذا القطار الجميل حتى ولو فى عربة الفرملة... وأنا جاهز ورهن الاشارة من لحظة الاستقبال وحتى ساعة الوداع....والشوق يغمرنا حتى النخاع للقاء الأحبة...

Post: #49
Title: Re: بورداب الامارات.....مفاجأة أخرى!!
Author: Elmosley
Date: 03-11-2005, 02:56 AM
Parent: #43

ان شاء الكريم ياساره التقي بكم انت وكل الاحبة

والمفاجاه انا عارفها يازوله (اقووووووووووووووووووووووول)

تسلمو كلكم

Post: #51
Title: Re: بورداب الامارات.....مفاجأة أخرى!!
Author: ودالعباسية
Date: 03-11-2005, 04:10 AM
Parent: #49

يا موسيقار المفاجاة انك تقوم تجيب معاك الحلويين ديل كلهم

وتعرجوا على الدوحة وتجيبوا معاكم زولة123 ( العزومة دي كيف )

ومعاكم ابو التـاء ( تماضر )

نحن فى انتظاركم ...

Post: #52
Title: Re: بورداب الامارات.....مفاجأة أخرى!!
Author: لؤى
Date: 03-11-2005, 06:09 AM
Parent: #49

Quote:
والمفاجاه انا عارفها يازوله (اقووووووووووووووووووووووول)

حالة صعبة !!!

Post: #47
Title: Re: بورداب الامارات.....مفاجأة أخرى!!
Author: لؤى
Date: 03-11-2005, 02:19 AM
Parent: #1

Quote:
لؤي(خلي بالك أنا فتانة),

تعرفي انا من أمبارح قريت ((فتّانة)) دي "فنّانة" ، قلت زولة دي كمان بقت تغنّي ولا شنو ؟؟ هسّه لحسن الحظ جيت داخل تاني ، لقيت النقطة الكانت حاتقلب الدنيا لو كانت مافي .. غايتو كان الله حايكون في عون المستمعات والمستمعين ..

جابت ليها كمان فتن ؟؟ ، أخير الغُنا .. الله يستر ..

Post: #48
Title: بورداب الامارت .............. مفاجاة اخرى.
Author: محمد كاره
Date: 03-11-2005, 02:49 AM
Parent: #1

حبببببببببببببببببببببببباكم مليووووووووووووووووووون

في انتظار الضيوف على احر من الجمر

وبعدين نتفق من هسع عشان ما نتشاكل بعدين

الضيوف محجوزين لعزومة عندى في البيت تانى يوم الحفلة العامة على شرف الزميلة النجيبة رجاء

وطبعا معاهم اصدقاهم البورداب

المدام في البيت بدات التحضيرات من هسع

دكتورة زولا يا عظيمة بالله ما تنسونا في التنسيق

Post: #53
Title: Re: بورداب الامارات.....مفاجأة أخرى!!
Author: Agab Alfaya
Date: 03-11-2005, 09:01 PM
Parent: #1

يا مليون مراحب بالضيوف الاعزاء :
- الموسيقار يوسف الموصلي
- الصحفية اللامعة رجاء العباسي
- صاحبة القلم الرشيق سارة حمزة
- الباشمهندسة مريم بنت الحسين

الامارات تنور بحضوركم ،

Post: #54
Title: Re: بورداب الامارات.....مفاجأة أخرى!!
Author: abas
Date: 03-11-2005, 09:28 PM
Parent: #1

مرحب بيهم

مرحب بيهن

مرحب بيكم كلكم في الامارات

وقولو المواعيد متين تلاقونا جاهزين واول الواصلين انشاء الله

الاستاذ الموصلي يا مرحبا

رجاريجو منورة يا شيخه

مريومه اهليييييييين

سارة تشرفينا

دكتورة ايناس

حمدا لله علي السلامه متاخرة لانك ابيتي تردي علي التلفون

Post: #55
Title: Re: بورداب الامارات.....مفاجأة أخرى!!
Author: Shalabi
Date: 03-12-2005, 02:39 AM
Parent: #1

الاعـزاء الغاليين،،
أحلـى بورداب،،
تحية وشوق كمية،،
يا الف مرحب بكل من انضم الي منظومة بورداب الامارات..
أتمنى ان يكونوا اضافة حقيقية (لنشطاء) البورداب و دفعة مؤثرة للعمل الإجتماعي والثقافي ( إنشاء الله بس يكونوا عزابة) لان البورداب الذين ودعوا حياة العزوبية انطفأت جذوة نشاطهم وحيويتهم و (فارقونا فراق الطريفي لي جملوا) من يوم عرسهم ولايزالون(حبيسي) سحر القفص الذهبي(كمية) كسل و (تفنن) في الاعتذار عن الاجتماعات (الا بأذن المدامات) حتى اذا حصلوا على الموافقات المعتمدة من (المدام) يكون حضوره في الاجتماع حضور بالجسد دون العقل (يرقب الساعة بين الفينة والاخرى) و (و ترقب دائم لرنين الموبايل أو نغمة رسالة عتاب ) ولاشنو ياحبيبنا (الزنجي) و (أبو القنفد) و(ود المسيد) و أنا ذاتي (قرررررب) يوم (غيابي و أخد الأذن) .

عبد الله بابكر
Quote: الاخت جوليا اولا مبروك انضمامك للمنبر
وبعدين يا الاخت جوليا من دييييييك وتاني لانشوفك ولا نسمع عنك

مكتوب وين بوست (جوليا)دي يا عبد الله!! شكيتك على الله ..
ليك مدة ماباين،، عسى ماشر..
ولا ده نظام سيذكرني قومي اذا جد جدهم ..
مليون مرحب بكل ماهو جديد .. الم يقال ان( الجديد شديد)..
ودمتم،،

Post: #56
Title: Re: بورداب الامارات.....مفاجأة أخرى!!
Author: abdalla BABIKER
Date: 03-12-2005, 03:07 AM
Parent: #1

Quote: ليك مدة ماباين،، عسى ماشر..
ولا ده نظام سيذكرني قومي اذا جد جدهم ..

والله يا شلبي زي ما بتقول دايما الشغل كتيييييييييييييييير

Post: #57
Title: Re: بورداب الامارات.....مفاجأة أخرى!!
Author: abas
Date: 03-12-2005, 03:13 AM
Parent: #1

هلا يا شباب

الاخ عبدالله بابكر ارو الاتصال علي ضروري جدا

لانو عندي ليك وصيه من تمبس وتلفونك مشغول من الصباح

Post: #58
Title: Re: بورداب الامارات.....مفاجأة أخرى!!
Author: HAMZA SULIMAN
Date: 03-12-2005, 04:34 AM
Parent: #57

والله البوست دة فيه جنس مفاجات

ح اتصل بيك يا د.ايناس

Post: #59
Title: Re: بورداب الامارات.....مفاجأة أخرى!!
Author: abdalla BABIKER
Date: 03-12-2005, 04:43 AM
Parent: #1

حاضر يا عباس

وتحياتي ل تمبس

Post: #60
Title: Re: بورداب الامارات.....مفاجأة أخرى!!
Author: julia shawqi hamza
Date: 03-12-2005, 09:11 AM
Parent: #1

الأخوة البوردراب ..
شكر كتييير لكل من رحب بي وكل من اتصل بي .. اكتشفت انو عندي اهل كتيرين في البلد دي والبودر كان سبب في معرفتي بيهم وتواصلي معهم .. وانشاء الله اكون عند حسن ظن الجميع..
الأخ عبد الله شكرا جزيلا لترحيبك .. لكن ( من ديييييك لا شفناك لا سمعناك)!! انا ما فهمت انت قاصد شنو !!
ضيوفنا الأحباء واللله منتظرينكم على احر من الجمر ..

Post: #61
Title: Re: بورداب الامارات.....مفاجأة أخرى!!
Author: zola123
Date: 03-12-2005, 11:22 AM
Parent: #60

عبد الله بابكر هرشوه قام سحب أقواله
يا جوليا
عبد الله زول طيب ومسكييين ما تاخدي على كلامه بكون بهظر
كرحب بيكي وأكيد البورد نور, ولو عارفينك من بورداب الامارات ما كنت خليناكي قدر ده.

أنور ابو غيداء
الامارات تنور بحضورك ويا مية مرحب , بقيتوا 6 وتاني في اتنين احتياط

عم موصلي
راجع المسنجر
Quote: والمفاجاه انا عارفها يازوله (اقووووووووووووووووووووووول)

لأ لسسسسسسسسسسسسسسة
ود العباسية
أيوة كدة معقول

لؤي
Quote: تعرفي انا من أمبارح قريت ((فتّانة)) دي "فنّانة"

حسي الما بيشوف كويس منو؟
أديك عنوان الدكتور العمل عمليتي يركب ليك عيون جديدة؟

محمد كارة
ما بتقصر أكيد وانشاء الله نقدر ننسق كل الضيوف يجوا في أوقات متقاربة

عجب الفيا
أكيد حيكون لقاء جميل ومميز

Post: #62
Title: Re: بورداب الامارات.....مفاجأة أخرى!!
Author: zola123
Date: 03-12-2005, 11:22 AM
Parent: #61

عباس
والله ما عارفاك ضربت, انت عارف تلفوني بيرن في اليوم كم مرة؟ حتحن علي أكيد.
اعتبرها وصلت وربنا يديك العافية انشاء الله ما بتقصر أكيد.

شلبي
المنسق النشيط
بكرة نشوف حتعمل شنو بعد الدام ما تجي

حمزة سليمان
مش حلوة بالله ولسة في اتنين تانيات

Post: #63
Title: Re: بورداب الامارات.....مفاجأة أخرى!!
Author: abdalla BABIKER
Date: 03-12-2005, 01:15 PM
Parent: #1

الدكتورة زولا 123

منتظرين التنسيق والتنظيم الجيد

وجاهزين لاي شي بس انت قولي ونحن ننفذ ربنا يديك العافية

Quote: عبد الله بابكر هرشوه قام سحب أقواله

انا ما تهرشت بس انا اختلطت على الاسماء وكنت قاصد شخص تاني

Quote:
يا جوليا
عبد الله زول طيب ومسكييين ما تاخدي على كلامه بكون بهظر

شكرا ليك يا زولا على الشهاده دي

ومرحب بالاخت جوليا وان شاء الله يطيب ليك المقام بينا

وبرداب الامارات احسن ناس اشوفهم من سنين

Post: #65
Title: Re: بورداب الامارات.....مفاجأة أخرى!!
Author: الزنجي
Date: 03-14-2005, 07:00 AM
Parent: #1

الغالى شلبي
نحن جاهزين وحاضرين بس لكن انتو نمتو

ولو شغلتنا الظروف تلك الايام ... لكن حانرجع ذى اول واكتر

بالمناسبة وين الجريفاوى دا برضو ( محبوس داخل القفص الذهبي ) ؟؟؟؟؟؟

دكتور زولا123 نحن حاضرين وجاهزين وفى انتظار اعلامنا بمواعيد حضور الضيوف

Post: #66
Title: Re: بورداب الامارات.....مفاجأة أخرى!!
Author: zola123
Date: 03-14-2005, 11:01 AM
Parent: #1

الزنجي
الى الان الموصلي وسارة حمزة أكدوا حضورهم
مريم شكلها عايزة تعمل خيانات وتخلي المواعيد مفتوحة حسب الظروف
ورجاء العباسي ما ردت لي خبر مع اصراري انه ما لازم نخلط الامور
انا قاصدة بالبوست ده تزنقوهم وتحنسوهم يجوا سوا عشان يتقابلوا ونقابلهم
اعتقد ان الموعد في العشرينات من هذا الشهر مناسب في ويك اند.
تحياتي

Post: #67
Title: Re: بورداب الامارات.....مفاجأة أخرى!!
Author: ensana
Date: 03-14-2005, 11:55 AM
Parent: #66

معاكم حسب الظروف

Post: #68
Title: Re: بورداب الامارات.....مفاجأة أخرى!!
Author: abdalla BABIKER
Date: 03-15-2005, 10:13 AM
Parent: #1

فوووووووووووق

Post: #69
Title: Re: بورداب الامارات.....مفاجأة أخرى!!
Author: julia shawqi hamza
Date: 03-15-2005, 01:08 PM
Parent: #1

يا مراحب يا جماعة .. اها مافي اي اخبار .. يا زووولة 123 شنو الحكاية انا منتظرة تلفونك يا جمييييل !!!

Post: #70
Title: Re: بورداب الامارات.....مفاجأة أخرى!!
Author: Shalabi
Date: 03-16-2005, 04:39 AM
Parent: #1

الأعزاء الغاليين،،،
أحـلى بـورداب،،
تحية وشوق كمية،،

رائعتنا ارقـى زولـة 123،،،
هــل مـن جـديد؟؟ اتمنى ان تطلعينا على التطورات وأرجـو ان تكون الامور (ماشية) كما اتفقنا ،، في الإنتظار...
الاخت جوليا،،
الـف مرحبا بك إضافة لمنظومة بورداب الامارات ومليون مليون هلا..
Quote: نوبية 100%

مـا اروع هذه الإضافة،،
ولك منى تحية نوبية خالصة،،

حين خط المجد في الارض دروبا...
عزم تهراقا وميلاد العروبة...
عربا نحن حملناها ونوبة....

Post: #71
Title: Re: بورداب الامارات.....مفاجأة أخرى!!
Author: zola123
Date: 03-16-2005, 04:54 AM
Parent: #70

شلبي ازيك
طبعا جابتك نوبية دي أنا عارفة وبالمرة تسال عن أخر التطورات مش؟
مبدئيا الحفلة
عدل الموعد للمزيد من التنسيق
واقترح أول ويك خميس من شهر ابريل

معظم الضيوف سيتواجدوا بحلول الاسبوع الاخير من شهر مارس.
المشكلة لقيت مكان كويس بس محجوز يوم 31 واليوم مساء حاتاكد
طبعا يفضل ويك اند ( خميس) تحديدا للناس الجايين من بره.
رجاء العباسي عايزة كمان تحنيسة لمن انتهي باكلمكم( طبعا حردانة)
لم اتلق تلفون حتى الآن من سارة حمزة حيث وعدت بمهاتفتي حالما تصل
وبطرفنا ايضا الاستاذ أنور أبو غيدا مع نهاية الشهر
الضيوف بقوا 6
تحياتي وسنوافيكم بنشرة أخبار أخرى في المساء

جوليا اكتبي لي تلفونك في المسنجر يا حبيبة
عشان ما عندي

زولة123

Post: #72
Title: Re: بورداب الامارات.....مفاجأة أخرى!!
Author: julia shawqi hamza
Date: 03-16-2005, 11:35 AM
Parent: #1

يا زولة يا جميلة, ويا( مشاغبة) .. راجعي الماسنجر ..

الأخ شلبى .. مسكاقرو
شكرا على ترحيبك واتمنى ان اكون عند حسن الظن..
ونحنا دايرين فاصل رطانة في الحفلة.. ولا شنو ??

Post: #73
Title: Re: بورداب الامارات.....مفاجأة أخرى!!
Author: zola123
Date: 03-16-2005, 11:43 AM
Parent: #72

جوليا
انتي العسل
بس انتي متأكدة الرقم ده صاح؟

Post: #74
Title: Re: بورداب الامارات.....مفاجأة أخرى!!
Author: ALGARADABI
Date: 03-17-2005, 01:43 AM
Parent: #1

الأخت زولا
تحياتى يا ظريفة
أنا ذاتى من بورداب الامارات وبحب الموصلى موت
و أكيد حا أجى.....تفعيلا لعمومية الدعوة
وتعالى تانى بالنضارة...من شر حاسد اذا حسد

Post: #75
Title: Re: بورداب الامارات.....مفاجأة أخرى!!
Author: تاج السر حسن
Date: 03-17-2005, 03:26 AM
Parent: #74

يا أخوانا المهم تأكيد المواعيد والمساهمات المطلوبه عشان نحضر نفسنا مما جميعه ، وقبل وقت كاف والا فلا تلومونا عن الغياب لو حدث لا سمح الله.

Post: #87
Title: Re: بورداب الامارات.....مفاجأة أخرى!!
Author: محمد كاره
Date: 03-29-2005, 08:46 AM
Parent: #75

الاعزاء بورداب الامارات ..

علمت الان من الاخت رجاء انها ستصل انشاء الله الاحد المقبل

فقلت ابلغكم الخبر .... شية

Post: #76
Title: Re: بورداب الامارات.....مفاجأة أخرى!!
Author: الزنجي
Date: 03-18-2005, 10:45 PM
Parent: #1

اليوم 20 مارس ولم نعلم شي يا زولا

هل من جديد ؟؟؟؟؟؟؟؟؟؟؟؟؟؟؟؟

Post: #77
Title: Re: بورداب الامارات.....مفاجأة أخرى!!
Author: zola123
Date: 03-19-2005, 04:49 AM
Parent: #76

الزنجي
الاستاذ الموصلي مرتبط بحفل موسيقي تقرر اقامته يوم 31 مارس في البحين
و لون يصل الامارات الى بعد هذا التاريخ.
يجتمع البورداب يوم الخميس القادم 24 مارس بامارة الشارقة في الاحتفال بمناسبة زفاف فريد ود المسيد
وسوف نلتقي الاخت سارة حمزة هناك والحضور اللذين سيصلون بذالك الوقت.
وكما ترى فانه تعذر تنسيق مواعيد حضور الضيوف معا لنلتقي بهم مرة واحدة , وعشان خاطر عيونهم حتكون في جمعتين.

الاجتماع الثاني على الأغلب يوم 7 ابريل باذن الله في أبوظبي
تحياتي ولو في اي تغيير حاكلمكم
رجاء التنسيق مع مهدى الامين بخصوص يوم الخميس القادم.

Post: #78
Title: Re: بورداب الامارات.....مفاجأة أخرى!!
Author: mahdy alamin
Date: 03-19-2005, 12:29 PM
Parent: #1

الدكتوره العزيزه : زوله 123

تحياتي لك وان تقومين بهذا المجهود الجميل للم البزرداب مره أخرى والأحتفال بزائر عزيز قادم أو زائرين

سنكون هناك وجاهزين وأكثر من المره الماضيه

اما عن التجهيزات فكما وعدتك سننجزها غدا انشاء الله
ولنا لقاء

مع محبتي

مهدي الأمين

Post: #79
Title: Re: بورداب الامارات.....مفاجأة أخرى!!
Author: zola123
Date: 03-23-2005, 04:06 AM
Parent: #1

موعدنا مع الجمال والفن والألفة في يوم الخميس 7 ابريل
الساعة السابعة مساء في مدينة أبوظبي عروس الخليج

لتأكيد الحضور يرجى ارسال مسنجر داخلي لشخصي مع أرقام الهاتف للحضور من أبوظبي.
الأخ شلبي للحضور من دبي والشارقة والامارات الشمالية.
الأخ عباس للحضور من مدينة العين.

تحياتي
زولة123

Post: #80
Title: Re: بورداب الامارات.....مفاجأة أخرى!!
Author: abdalla BABIKER
Date: 03-23-2005, 07:28 AM
Parent: #1

Quote: موعدنا مع الجمال والفن والألفة في يوم الخميس 7 ابريل
الساعة السابعة مساء في مدينة أبوظبي عروس الخليج

علم

وجاري التنفييذ

Post: #81
Title: Re: بورداب الامارات.....مفاجأة أخرى!!
Author: ELSUNNI
Date: 03-23-2005, 08:34 AM
Parent: #80

الاخت زولا + بورداب الامارات

اشكرك على الدعوة وانا من بورداب السعودية - السودان

من المقيمين الجدد في دبي يعني بحتاج يوصفوا لي وما عاوز افوت الفرصة دي ياريت تدوني حق الانتساب الى ان تتفعل العضوية معكم الى 7 أبريل لكم كل التحايا

نواصل

Post: #82
Title: Re: بورداب الامارات.....مفاجأة أخرى!!
Author: zola123
Date: 03-23-2005, 11:01 AM
Parent: #1

يا جماعة زول يشوف شلبي ده
عمل حادث حركة والظاهر عليه كبير
كان يؤكد انه بخير على الهاتف وفقط اصحاب السيارات الاخرى مصابين
يا بورداب الامارات الشمالية اصلوه وطمنونا !!!
ألف سلامة انشاء الله

Post: #83
Title: Re: بورداب الامارات.....مفاجأة أخرى!!
Author: abdalla BABIKER
Date: 03-23-2005, 11:28 AM
Parent: #1

الاخت زولا

الاخ شلبي بخير

اسع بتكلم معاهو

الحمد لله بخير

بس العربية بتاعته انتهت

Post: #84
Title: Re: بورداب الامارات.....مفاجأة أخرى!!
Author: abdalla BABIKER
Date: 03-23-2005, 10:49 PM
Parent: #1

فوق حتى 7 ابريل

Post: #85
Title: Re: بورداب الامارات.....مفاجأة أخرى!!
Author: zola123
Date: 03-29-2005, 04:51 AM
Parent: #1

الخميس 7 ابريل بأبوظبي

Post: #86
Title: Re: بورداب الامارات.....مفاجأة أخرى!!
Author: abdalla BABIKER
Date: 03-29-2005, 07:57 AM
Parent: #1

فوق

يا دكتورة

بس التنسيق كيف

والمطلوب مننا شنو

وكيف النظام

Post: #88
Title: Re: بورداب الامارات.....مفاجأة أخرى!!
Author: zola123
Date: 03-31-2005, 11:51 AM
Parent: #1

يا جماعة أرفعوا البوست ده بالله

ايميلي عشان المسنجر طار
[email protected]

ويا ناس شلبي, مهدي وعباس ايميلاتكم برضو

Post: #89
Title: Re: بورداب الامارات.....مفاجأة أخرى!!
Author: abdalla BABIKER
Date: 04-01-2005, 02:53 PM
Parent: #1

فوق

فوق

فوق

Post: #90
Title: Re: بورداب الامارات.....مفاجأة أخرى!!
Author: mahdy alamin
Date: 04-01-2005, 04:38 PM
Parent: #1

فوق
فوق
فوق

[email protected]

Post: #91
Title: Re: بورداب الامارات.....مفاجأة أخرى!!
Author: abdalla BABIKER
Date: 04-02-2005, 08:22 AM
Parent: #1

07/04/2005

Post: #92
Title: Re: بورداب الامارات.....مفاجأة أخرى!!
Author: zola123
Date: 04-05-2005, 12:31 PM
Parent: #91

الخميس 7 ابريل بأبوظبي