Post: #1 Title: أوضتنا يا بنات Author: zola123 Date: 03-08-2005, 06:27 AM Parent: #0
زماااااااااان كان عندنا أوضة في البورد ده أعضاءها بنات مع الكثير من المتلصصين عبر الشبابيك وتحت الأسرة وفوق السطوح كان فكرة الاخت العزيزة بت القبايل( القديمة) اللي والله ما عارفة مشت وين وخلت البورد ليه. بالبلدي كدة.غرفتكم أهي , وأعملوا فيها الدايرينوا, وليسامحنا باكري والباندودث لاكن مشاركات الجنس اللطيف في هذا المنتدى أصبحت قليلة جدا. واختفت الكثير من النجوم اللواتي ملأن سماء هذا المكان فرحا وبهجة. عايزين العضوات الجدد يتعرفوا على بعض, ونوريهم كنا بنعمل شنو في غرفتنا زمان. عايزة اتنين شاطرات يساعدوني ننفض التراب ده ونهوي الأوضة مريم بنت الحسين, بت الأحفاد جيبوا العدة وحصلوني.
قبل ما أنسى نادية عثمان بلوزتك في صورة اللقاء مع وزير الخارجية رهيبة ما عرفت أكتب ليكي وين.
Post: #2 Title: Re: أوضتنا يا بنات Author: خدر Date: 03-08-2005, 06:30 AM Parent: #1
زوله انا ما خدر انا زوجتو ممكن اشارك معاكم ؟؟
Post: #3 Title: Re: أوضتنا يا بنات Author: zola123 Date: 03-08-2005, 06:32 AM Parent: #1
ملاحظة: مافي زول يجي يقول لينا جدية ومواضيع هادفة, الجدية تطير, والفرح أجمل هدف نسعى له. ويوم المرأة العالمي حنحتفل بيه على طريقتنا
Post: #4 Title: Re: أوضتنا يا بنات Author: zola123 Date: 03-08-2005, 06:34 AM Parent: #1
خضر ود أمي كلمة السر شنو؟ عشان أعرفك خضر ولا بارعة لاكن ما فاجأتوني, قلت مداخلتين تلاتة وحيجوا الرجال طيران يطلبوا يشتركوا في البوست
Post: #5 Title: Re: أوضتنا يا بنات Author: zola123 Date: 03-08-2005, 06:34 AM Parent: #1
خضر ود أمي كلمة السر شنو؟ عشان أعرفك خضر ولا بارعة لاكن ما فاجأتوني, قلت مداخلتين تلاتة وحيجوا الرجال طيران يطلبوا يشتركوا في البوست
Post: #6 Title: Re: أوضتنا يا بنات Author: خدر Date: 03-08-2005, 06:46 AM Parent: #5
كلمه السر
بلوزه ناديه في حوار وزير الخارجيه
اتفقنا ؟؟
Post: #7 Title: Re: أوضتنا يا بنات Author: Omayma Alfargony Date: 03-08-2005, 07:57 AM Parent: #6
Hi Zola123
Sorry alkeyboard English bas
Can I join
I will submit my papers later
Post: #8 Title: Re: أوضتنا يا بنات Author: ايهاب Date: 03-08-2005, 08:39 AM Parent: #7
يا حليل زماااااااااااااان يا نوسه قول للزمان ارجع يا زمان عارفه الفكره دي بدت كيف انا كنتا اون لاين فتحتا بوست لي اي زول يجي اون لاين ان شاء الله يسلم الناس كانو بسيطين (من بساطه ما من قله العدد يعني) اها ناس تجي وناس تمش الجابت لقيمات والسوت الشاي والجاب الكوتشينه كا نو حلوين وجميلين و بسيطين اها قام اخونا ود الجيلي الله يطراهو بالخير اينما كان شاف اللمه الحلوه دي قام عمل فكره عامود البورد ولانو دايما البتلمو في الحله حول العامودالشباب عاده نشاءت فكره اوضه البنات كيتا فينا وفي البدايه لم تستطع المنافسه حيث كان التواجد الاكثر حول العامود من الجنسين ثم بدا الوضع يتوازن ثم كثر الشمار وبداو زي ما قلتي يتسللون ويتلصصون ويتاوقوون حتى انني اذكر ان ابو حراز قبض عليه متلبسا بشماره تحت السرير loOoOooooooooOoOOoOoOolz قول للزمان ارجع يا زمان كل التحايا
Post: #9 Title: Re: أوضتنا يا بنات Author: غادة عبدالعزيز خالد Date: 03-08-2005, 08:46 AM Parent: #8
Quote: عايزة اتنين شاطرات يساعدوني ننفض التراب ده ونهوي الأوضة
اها.. خلصتي نضافة ولا لسة.??.
عليك الله كدي خلينا في يوم المراة دة نرتاح شوية.. انتي زاتو لازم تعملي حسابك عشان عيونك و كدة
Post: #16 Title: Re: أوضتنا يا بنات Author: zola123 Date: 03-08-2005, 09:24 AM Parent: #9
غادة لاكن احنا كنا عايزين نفتتح الأوضة في اليوم العظيم ده, انتي بس شدي همتك معانا شوية وعلى المغرب بكون الشغل خلص وننعمل الشاي اللي هوا.
Post: #15 Title: Re: أوضتنا يا بنات Author: zola123 Date: 03-08-2005, 09:23 AM Parent: #8
ايهاب والله ماشاء الله طلعت موسوعة وفعلا ده الحصل تتذكر لمن الاولاد غيروا موقعهم وقعدوا في سطوح أوضتنا وقال شنو رسلوا لينا الشاي والعشا فوق وقمنا شاكلناهم. ود الجيلي الفترة ديك غير اسمه لل AlBOSS) ) ومن ديك وما شفناه في البورد. كانت مريم الكارب وسوما كل يوم بعد الشاي المظبط يدونا قصيدة. أيام حلوة فعلا , لا ظلاميين ولا خنفشاريين ولا عنصريين ولا الكلام الفاضي بتاع اليومين ديل. لاكن ايه رأيك بدل ما نتحسر على الايام دي نحاول نرجعها؟
Post: #14 Title: Re: أوضتنا يا بنات Author: zola123 Date: 03-08-2005, 09:10 AM Parent: #7
أميمة الفرجوني اسمك بالمناسبة موسيقي جدا يا بت أمي تعالي من غير ورق بس معليش حتفضلي واقفة شوية لمن ننضف ليكي محلة
Post: #13 Title: Re: أوضتنا يا بنات Author: zola123 Date: 03-08-2005, 09:09 AM Parent: #6
خضر انا حاسة كدة انك داير تستكردني
Post: #10 Title: Re: أوضتنا يا بنات Author: السفير Date: 03-08-2005, 09:00 AM Parent: #1
جدعه يا زوله 123 يا حليل الزمن القديم وليت الزمان يعود الى الوراء الى زمن الايام الحلوه
Post: #17 Title: Re: أوضتنا يا بنات Author: zola123 Date: 03-08-2005, 09:26 AM Parent: #10
السفير الحلوة
Quote: وليت الزمان يعود الى الوراء الى زمن الايام الحلوه
اليسمعك حسي يقول البت دي عمرها عشرين سنة, وانت 10 سنين ما تميتي!!! وين ماما ما كلمتيها اننا فتحنا الأوضة عشان تجي ليه, منتظرنكم بعد المغرب
Post: #11 Title: Re: أوضتنا يا بنات Author: Agab Date: 03-08-2005, 09:04 AM Parent: #1
Post: #18 Title: Re: أوضتنا يا بنات Author: zola123 Date: 03-08-2005, 09:46 AM Parent: #11
عجب المدام عرفناها لسة في السودان, ما حتقدر تغشنا وبعدين عيني عليكم باردة , قلنا أوضتنا يا بنات, اتملت لينا أولاد
Post: #12 Title: Re: أوضتنا يا بنات Author: بلدى يا حبوب Date: 03-08-2005, 09:08 AM Parent: #1
وله 123
اوضتكم ده بس دايرن نعرف وين محلها لو فى داخلية لا بد من وجود راجل يحرس الباب الخارجى ولو فى بيت ما تنسى باب الحوش بعد مرات بكون واحد بدخل الجميع فكرة سديدة وبترجع المنبر الحر الى ايام حوش بكرى تحياتى
Post: #19 Title: Re: أوضتنا يا بنات Author: zola123 Date: 03-08-2005, 09:48 AM Parent: #12
بلدي يا حبوب
Quote: اوضتكم ده بس دايرن نعرف وين محلها لو فى داخلية لا بد من وجود راجل يحرس الباب الخارجى ولو فى بيت ما تنسى باب الحوش بعد مرات بكون واحد بدخل الجميع
انت ما توقل بصريح العبارة داير ليك طريقة تدخلك الأوضة؟ انتوا ما عملتوا أوضة عزابة بهناك؟ ولا عجبتكم الطراوة الفي محلتنا ?
Post: #20 Title: Re: أوضتنا يا بنات Author: ايهاب Date: 03-08-2005, 09:51 AM Parent: #12
عمر اللي فات ما بيرجع يا زوله الا في الاحلام بعدين بالله ما تلخبتي لي خنفشاريتي مع الحاجات الفوق دي حيث ان الخنفشاريه حاله انبعاريه ناتجه عن العولمه في غياب المضمون ويبدو انني قد غبت عن العالم الخنفشاري فتره كافيه لتمحور وانبثاق معاني جديده ادت بها لان تكتب جنب الى جنب مع الظلاميه واشياء اخرى بعد ان نشاءت وليده الزهج وعدم الموضوع تضامنا مع الطمام الناتج من بعض المنظراتيه في ذلك الحين مصحوبه برياح ضهبيه متوسطه الانبعاج فبدات بنجره ثم نجرتين تم اتى الكتير من النجارين والنجارات ونجرو نجر صاح واصبحت مدرسه ذات صيت وهنا وجب ان اوضح انني غير مسوؤل عن ذلك فقد كان اخر عهدي بها ابان الحرب التانيه ضد الحداسه وذلك في بوست بيان ومنعم والارشيف على ما اقول شهيد
Post: #21 Title: Re: أوضتنا يا بنات Author: lana mahdi Date: 03-08-2005, 09:55 AM Parent: #1
إحم الوليدات ديل بسوو هنا شنو يا زولة؟؟ الرقابة ضابطة؟؟؟؟؟؟؟؟؟؟؟؟
Post: #22 Title: Re: أوضتنا يا بنات Author: Agab Date: 03-08-2005, 11:36 AM Parent: #1
Quote: انتوا ما عملتوا أوضة عزابة بهناك؟ ولا عجبتكم الطراوة الفي محلتنا ?
ايهاب الخنفشاري مع اني ما افهمة اي حاجة من القلته, لاكن الظاهر عليه كلام مهم قلت ليكو امسك لينا الاولاد ديل بالله عشان بشتنوا الحتة فوق ما هي مبشتنة والا كل زول منكم يجيب جردل موية ويجي يمسح الأرض معانا؟ كدة حتطفشوا أكيد
لنا مهدي مرحب يا حبيبة, الاولاد ديل انا لقيت طريقة تطفشهم خلاص
عجب صعوط؟ يع يع يع خليك قبلك كان كدة بالمناسبة في سؤال محيرني من زمان, البتاع دع ده بالطاء ولا الدال, مرات باسمعها صعود؟؟؟؟
Post: #23 Title: Re: أوضتنا يا بنات Author: مريم بنت الحسين Date: 03-08-2005, 12:06 PM Parent: #1
Quote: عايزة اتنين شاطرات يساعدوني ننفض التراب ده ونهوي الأوضة مريم بنت الحسين, بت الأحفاد جيبوا العدة وحصلوني.
انا غايته علي الشاي والقهوة... وليك علي يازولة، cheesecack من النوع البزيد الوزن 80% على الوزن الأصلي.. ماهي أصلها خربانه خربانه
يا زوله ده كلام ده في اليوم العالمي للمرأة عاوزين نعمل خطب عصماء و مظاهرات و مسيرات تزلزل أركان الدنيا و كلام مثقفين كده من النوع الدراب تقولي لي أوضة و كنس و طبيخ هي الحاجات دي ورانا ورانا حتى في اليوم ده عشان حسه يجوا الرجال يخلفوا رجلينهم و يقولوا عاوزين الأكل و الشاي
لا ما دايرين أنا قايتو معلنه الليله التمرد هو قولي لي الليلة بس
عاوزه أجي و أشارك في كل البوستات المكتوبة بخصوص اليوم ده بس الحاله صعبه و اللخمه حاصله
ندى أمين يازولة وماله نتكلم عن يوم المرأة واحنا بنغسل في العدة, يعني لازم نتلبس ونتقيف ونكورك. ولو مصرة نديكي اجازة الليلة لاكن بكرة من الصباح تكوني عندنا. وما تكوركي شديد في المظاهرات عشان صوتك ما يتعب, محتاجنه بكرة
مريومة الحلوة بسحروا جضومك يا بت أمي, اسمعي نصيحة مجربة علقى على الشاي والتشيس كيك دي رسلي واحد من الاولاد يجيبوا ليكي حاجاتا من الدكان بدل ما هم زاحمين لينا الحتة ساي. أنا حاتفرج على الكيكة ساي عشان ما باحب الكيك وما تسأليني ليه
لنا مهدي النفيض ده لاكن ما اتلومتوا فيه معاي...والعدة دي خليها شوية الننضف المحلة. شيلي ليكي كمامة واتوكلي على الله, كح كح و نفضي السجاجيد برة
مسؤولة من الخير يا لنا , الناس القلتي متشاكلين واتصالحوا قصتهم شنو أنا جني وجن الشمار الناقص وأسالي رجاء وراوية بوروكي. راوية جات تاوقت وجرت لمن لقت الموضوع فيه شغل نضافة
ست البنات ما بتقصري أصلك عليك الله امسكي راوية دي عمليها حاجة تنفعها في الحياة أنا خايافها المرة الجاية تجينا بالبتاع ده البسفوها الاولاد عشان قعدتها طولت هناك. والله مشتاقين ( ضومة) صح كدة؟
Post: #36 Title: Re: أوضتنا يا بنات Author: نادية عثمان Date: 03-08-2005, 01:09 PM Parent: #1
الله يازولة
والله الاوضة بقت نضيييييييييييفة وسمحة
اها انا جبت ليكم بخور تيمان ..عشان انتى بالذات يازولة عاملة عيونك السمحات ديل ماشاء الله مايقوم زول من عزابة الحوش ديل البيتاوقو ديل يسحرك تناى ماعندنا روح لى عمليات بالله!!
نادية الحلوة تعرفي أنا يخيل لي الزول العملتي معاه اللقاء ده بيعاين ليك بعمق وبيفكر الزولة القيافة دي جابت بلوزتها من وين, عشان يجيب واحدة زيها للمودام. طبعا عليكي أحلى نحن في البيت أولاد وانا البت براي يا نادية, يعني حكاية نلبس من بعض دي باسمع بيها ساي. وبيني وبينك طبعي شين لو اشتريت حاجة ولقيت واحدة لابساها باحرد اللبسة. ويخيل لي لو كان عندي أخت كانت حتتعب معاي شديد. تسلمي على العرض الكريم والبركة في صباح استلمت البلوزة.
Quote: مايقوم زول من عزابة الحوش ديل البيتاوقو ديل يسحرك تناى ماعندنا روح لى عمليات بالله!!
أاااااايي كلميهم انا ما ناقصة
Post: #38 Title: صينية بوني و التشيز كيك حق مريوم Author: lana mahdi Date: 03-08-2005, 01:16 PM Parent: #1
فى الطريق كلو تمام
Post: #39 Title: Re: أوضتنا يا بنات Author: ست البنات Date: 03-08-2005, 01:20 PM Parent: #1
لنا الحبيبة سلام ,
عارفة يا لنا , الليلة أول زولة نحتفل بيها منو ؟
عبير الشجاعة العلمت الناس الثبات !!!
أنا جايبة ليها معاى وسام !
وشايفاكن متملصات من الخدمة ! تعالن نقسم الخدمة ,
كل تلاتة يسون حاجة , عندنا قش الأوضة , غسيل العدة , ولازم نخبز لينا كعك ومنين !
ست البنات ولنا مهدي انتوا كلامكم مالوا قلب فلكلوري كدة ما كنتوا كويسين ؟ شوية بس راعوا ظروفنا أنا وبت الأحفاد انا الكمونية ما باقرب منها لاكن اي حاجة تانية ما عندكم مشكلة فتة قيافة باللحمة كيف معاكم؟ بس بشرط راوية ما تاكل منها لو ما نضفت معانا
ذولتنا ده كلام ده تخلينا ننضف الاوضه ونغسل العده فى يوم المرأه العالمى والرجال قاعدين??? وينو شعارات حقوق المرأه ولا ده كلام ساى, انا اعترض اعترض اعترض
بصراحه انا عندى حساسيه ضد التراب وما بقدر اغسل لانو القلفز بتاعى راح وكمان الملايات مابعرف افرشها كويس تانى شنو???
لنا وست البنات ديل بتكلمو فينا ولا شنو وما عايزيننا نفهم بقولو فى شنو انتو ماعارفين انو ماظريفه الواحد يتكلم بلغه تانيه مع شخص فى وجود اشخاص تانيين, بصراحه انتو ما احترمتونا وانا زعلانه عشان كده سحبت صينيه البشميل
ناديه العسوله
تحياتى يا حبيبه
قلتى لى بتعملى صينييه بشميل احسن من بنت الاحفاد? كان غيرك اشطر يا حبيبه صينيتى ده مافى زول بعملها احسن منى فما تدخلى نفسك فى منافسه حتخسرى فيها لانو الناس كلها حتاكل صينيتى وتخليكى تاكلى صينيتك براكى
بشوفكم بعدين بأزن الله
وفى امان الله
لا اله الا الله
Post: #53 Title: Re: أوضتنا يا بنات Author: نادية عثمان Date: 03-08-2005, 02:24 PM Parent: #47
بت الاحفاد الحبيبة
Quote: قلتى لى بتعملى صينييه بشميل احسن من بنت الاحفاد? كان غيرك اشطر يا حبيبه صينيتى ده مافى زول بعملها احسن منى فما تدخلى نفسك فى منافسه حتخسرى فيها لانو الناس كلها حتاكل صينيتى وتخليكى تاكلى صينيتك براكى
عليك الله ماتحرجينى مابعرف اعمل غيرها الباشميل دى !!
معانى المفردات الشبشة:العنكبوت المراهق فى عمر ال12 الكربة:العنكبوت المصاب بأزمة منتصف العمر الودك:دهن الخروف الكركار:كريم شعر على الطريقة السودانية"هير فود تراثي"يصنع اما من الودك و احد الزيوت"ويفضل السمسم او الزيتون" او من شمع العسل و ذلك بتسييح الودك او الشمع فى حمام مائي و اضافة الزيت على البارد و القرنفل او قشر البرتقال المسحون الكمونية:"أكلة تصنع من "عفش بطن الخروف" و هى عبارة عن دمعة و بها عفش البطن"ال ح تقول ياااااااااى تطلع برة" القعونجة:الضفدعة العشميق:ليف النخل الموجود فى "سفح"النخلة أها شنو تانى؟؟
Post: #50 Title: Re: أوضتنا يا بنات Author: مريم بنت الحسين Date: 03-08-2005, 02:04 PM Parent: #1
أجي يا بنات أمي.. امشي ألف شعري أجي ألقاكن كتبتن ده كله..؟
عاد يا بت الأحفاد الروجيم طرشق،.. وحاتك اتعشيت بي كسره بملاح نعيميه، ما تدي الجنبك... وحريقه في الرشاقة.. ده يومنا العالمي
زولة السكره.. ما عندك شمار طازه تديني منّه حبّه، ويا ريت يكون أخضضضضضضضضضضضر..
يا نادية.. انا بحب البخور الحلو، بخور التيمان ما بنانباه .. لكن البخور الحلو، ظريف شديد.. عاد كان شفتي انا كل يوم المغربيه أقوم اولع لي بخور في اوضتي، أي نصيبه بتطلع ريحه انا بحبها... حسي عندي من بخور العرب ديل ... أمي طبعا عندها اعتقاد انه انا (مشكنبه) بسبب موضوع البخور ده، بس نسوي شنو، قاعده أخرم ليهو
Post: #57 Title: Re: أوضتنا يا بنات Author: Dr. Moiz Bakhiet Date: 03-08-2005, 02:48 PM Parent: #56
Rawia
Quote: غايتو جنس حاله
قاعد على الهبشه
كيف ما أقعد على الهبشة إذا كان ده توقيعك يا راوية:
Quote: يا وجها علم شكل البدر معاني الفجر وأشرق سحراً ثم أضاء يا امرأة تقتل فينا الخوف وتطلع همساًً كالإيحاء من أي مكان من أي زمان أي خريف أي شتاء قد جئت ربيعاً غمر الصيف وحول وجه الدنيا فصلاً آخر حين أفاء
Post: #68 Title: Re: أوضتنا يا بنات Author: zola123 Date: 03-09-2005, 03:02 AM Parent: #55
ملكة سبأ الدلوكة والغاني عليكي انتي وبعدين في المسا انا دايراكي تعلميني حاجة تانية باوريك بعدين
د.معز دي بالغت فيها والله أنا قصدي جدية مش جدية المدام وبعدين جدية دي كان جات بنرسلها ليك البحرين مع الحالة دي
Post: #67 Title: Re: أوضتنا يا بنات Author: zola123 Date: 03-09-2005, 02:58 AM Parent: #50
لنا الدكشينري حقك ناقص ترجمي الجمل كلها على بعضها
مريومة جضوم
Quote: يا نادية.. انا بحب البخور الحلو، بخور التيمان ما بنانباه .. لكن البخور الحلو، ظريف شديد.. عاد كان شفتي انا كل يوم المغربيه أقوم اولع لي بخور في اوضتي، أي نصيبه بتطلع ريحه انا بحبها... حسي عندي من بخور العرب ديل ... أمي طبعا عندها اعتقاد انه انا (مشكنبه) بسبب موضوع البخور ده، بس نسوي شنو، قاعده أخرم ليهو
أول امس ولعته 3 صباحاً
حالتك ياختي أخير منها العرس قال بخور قال
Post: #59 Title: Re: أوضتنا يا بنات Author: Raja Date: 03-08-2005, 03:17 PM Parent: #1
زولا واحد اتنين تلاتة..
ســــــــــــــــلام..
انا غايتو ما دايرة أوضة.. دايرة فيلا ..
Post: #69 Title: Re: أوضتنا يا بنات Author: zola123 Date: 03-09-2005, 03:03 AM Parent: #59
راوية بطلي مشاغلة في الأولاد وأمشي شوفي ناس عشة بعملوا في شنو
رجاء الحبيبة البيت كله تبعك لاكن الاوضة دي عشان نقفلها بالمفتاح ونتونس على راحتنا
يا بنات انا ما حضرت الاوضة الفاتت ولكن اشاركم في الاوضة دي بس اوعكاكم من النضافة والغسيل وبخاصة غسيل العدة
ويا نادية بصراحة البلوزة رهيبة
Post: #62 Title: Re: أوضتنا يا بنات Author: نادية عثمان Date: 03-08-2005, 04:46 PM Parent: #60
مريم بتى بت الحسين الغالية
Quote: يا نادية.. انا بحب البخور الحلو، بخور التيمان ما بنانباه .. لكن البخور الحلو، ظريف شديد.. عاد كان شفتي انا كل يوم المغربيه أقوم اولع لي بخور في اوضتي، أي نصيبه بتطلع ريحه انا بحبها... حسي عندي من بخور العرب ديل ... أمي طبعا عندها اعتقاد انه انا (مشكنبه) بسبب موضوع البخور ده، بس نسوي شنو، قاعده أخرم ليهو
أول امس ولعته 3 صباحاً
جيبي لينا بخور حلو عليك الله
والله حلفتينى بى ربنا الغالى .. حاضر بجيب ليك البخور الحلو
لكن ولعيهو بهناك فى الاوضة التانية اوضة البنات خلى فيها بخور التيمان بس عشان هنا فى انسات وماصاح تبقى ريحتهم كبريت خسوسا وانو فى عزابة هنا بيجو يتاوقوا ويمشوا!!
Post: #70 Title: Re: أوضتنا يا بنات Author: zola123 Date: 03-09-2005, 03:08 AM Parent: #62
سهام موسى الاوضة تنور وحنعتبرك ضيفة, يا مريم الشاي وين ؟
نادية الحلوة
Quote: الصراحة ياجماعة انا بعرف هنا انو فى آنسات صغيرونات ولسة مادخلن دنيا لكن بصراحة دايرة اعرف المتزوجة فيكن تورينا والمخطوبة ترفع ايدها.. بس عشان نزيد العرفة ونعمّق المحبة ونكون عارفين عن بعض اى حاجة سمح؟
اها طبعا اللا كده ولاكده قطع شك تكون مجكسة دى تقول لى فى اضانى كان مادايرة الشمارات تتعرف!!
تعالي النقول ليكي في اضانك
أنا لا مخطوبة ووالله العظيم والله العظيم ما مجكسة وبت الأحفاد دي بتكون زي حالتي, لاكن ناس فلانة وفلانة ديلاك باجيب ليك خبرهم أصبري, شايفاها كل دقيقة موبايلها يرن وتطلع تتككلم بره الأوضة, لاكن على مين؟
وكلمتها قالت لي لازم تشارك وماتتلصص أمشي بالباب عديل
إنشاء الله تجر ليك مقشاشةفي الأوضة دي
وطبعا حفلة الزواج يوم 24/3 في الشارقة وحضورك ضروري
Post: #66 Title: Re: أوضتنا يا بنات Author: أحمد الشايقي Date: 03-08-2005, 10:31 PM Parent: #1
د. زولة 123
لما كنا في الجامعة كان في غرفة للبنات ضمن مكاتب الكلية
كان معظم ونسة الشباب بالداخلية حب استطلاع قاتل لمحاولة معرفة وتخمين الاحاديث الانفرادية بغرفة البنات
الأوضة ما بتنفع بدون أقفال وحراس وضوابط
والا ناس (نحن) ديل حنعملها ليكم ســــــووووووق.
نصيحة كدا شوفوا ليكم (باســورد) من بكري
تحياتي
Post: #72 Title: Re: أوضتنا يا بنات Author: zola123 Date: 03-09-2005, 03:15 AM Parent: #66
فريد العريس الامارات تنور اكيد بوصولها وانشاء الله اقدر أقابلها بنفسي وأبارك ليها. لاكن بنعذرك اذا لم تتمكن من الحضور
أحمد الشايقي الباسوورد صعبة والأوضة الفاتت برضة اتملت أولاد نحن حنتونس ونكمل عادي لمن تفتروا براكم لاكن نحن ما بنفتر وبعدين أي كلمة تسمعا هنا في بير, كويس؟
Post: #74 Title: Re: أوضتنا يا بنات Author: bint_alahfad Date: 03-09-2005, 03:54 AM Parent: #72
Quote: عليك الله ماتحرجينى مابعرف اعمل غيرها الباشميل دى !!
لكن اعفينى من المفروكه لانو شغلها كثير وعايزه قطيع بصل وصراحه صراحه انا جنى وجن البصل, اليوم البقطع فيه بصل ده بكون دراما, تلقى الدموع عشره عشره وانا بفتح فى الشبابيك كلها وبكون مغمضه عينى وانا ببكى مرات السكينه تقـطع يدى ومرات البصلةبيكون فى الواطه لانى بقطع فيه وانامغمضه ده غير ريحت البصل الما بتطلع لا بصابون ولا ريحه فعليكى الله شوفى لى حاجه تانيه ما فيها قطيع بصل...ودمتى
ملكه سبا الحبيبه
كان بودى امشط ليكى شعرك لكنى ما بعرف, الفو ليـكى ينفع???
مريومه الحبيبه
الرجيم ده ما تنسيو انتى نسيتى انو نحنا لس على البر?? ولسه ما شفنا دنيا??? السمنه جاياكى جاياكى فما تستعجلى فيهامن حسى, وما تفكرى تانى تاكلى حاجه على العشاء تو كيب فيت...لايك مى
ابقى على كلام زوله ده عشره, انا وزوله لا مخطوبات لا مرتبطات ولا متزوجات فاعملو حسابكن فى الكلام, لو جيتو تتكلمو عن حاجه خاصه بالنسوان فكلمونا نطلع بره عشان ما تعلمونا قله الادب
يلا اخليكم جسى انا ماشه الكوافيره, اشمعنى مريومه وناديه ولا قالو ليكم الظلاميات ما بمشو الكوافير
فى امان الله
لا اله الا الله
Post: #73 Title: Re: أوضتنا يا بنات Author: مريم بنت الحسين Date: 03-09-2005, 03:34 AM Parent: #1
Quote: وحنعتبرك ضيفة, يا مريم الشاي وين ؟
انتي يا زولة123 محننه؟ ما تقومي تكبي الشاي، ماشايفاني ألايق في الويكه دي دايره ألحقها الغدا... هدا التيرمس قدامك...
Quote: حالتك ياختي أخير منها العرس قال بخور قال
هههههههههههههههههههههههههههههههههههههههههههههههههههههه يا زولة.. بالغتي... ليه يا يمه، مالها حالتي.. في زول يكره الريحه السمحه...
يا نادية
Quote: لكن ولعيهو بهناك فى الاوضة التانية اوضة البنات خلى فيها بخور التيمان بس عشان هنا فى انسات وماصاح تبقى ريحتهم كبريت خسوسا وانو فى عزابة هنا بيجو يتاوقوا ويمشوا!!
وشن الفايده؟ انا ما زاااااتي تبع البنات ديل.. تعرفي، انا كنت فاكره الحاجه(مامتي) مخترعه قصة انه ريحة البخور ما تلصق دي من عندها، أتاريها عُُرف.. لما اجي مارقه .. كان وقفت على يديني ما بتخليني ابخر الاوضه.. يوم فتحت البخور بعفوية كده وانا مارقه.. جات الأوضه شالته مني، وما ادتني ولا كلمة.. لكن ادتني نظره (ليزرية)...
Quote: أنا لا مخطوبة ووالله العظيم والله العظيم ما مجكسة وبت الأحفاد دي بتكون زي حالتي, لاكن ناس فلانة وفلانة ديلاك باجيب ليك خبرهم أصبري, شايفاها كل دقيقة موبايلها يرن وتطلع تتككلم بره الأوضة, لاكن على مين؟
كلميني كلميني... ديل منو؟ ياخ انا موش قبيييييييييل قلت ليك عايزه شمار أخضر؟ اصبري لي عاد.. كان عرفته شي ولا بكلمك
بنت الحسين
Post: #76 Title: Re: أوضتنا يا بنات Author: تاج السر حسن Date: 03-09-2005, 05:10 AM Parent: #73
يازوله وراك وراك فى كل مره ممقلبننا فاكرها أوضه (حريم) ، لقيتها ليك أتملت رجال وبى (صاعوطهم) كمان !!! عشان كده أنا بجى داخل (توش) وطوالى على التلفزيون اشغل كورة واخلف رجلى ، بلا مسلسلات بى كلام نسوان فارغ!!
تخريمه :- تعرفى يازوله فى كل بيت بيت بتلقى أوضة (بنات) الا معى فقد كانت لى أوضة رجال، عشان البيت كله كانوا مالينو بنات وماسكين الأوض كلها ومدينى أوضه واحده !!! ما أجملهن وأعظمهن وما أروع (حنينهن) ، وأهدهن جميعا بمناسبة يوم المرأة أغلى التحايا والأمانى السندسيه.
Post: #77 Title: Re: أوضتنا يا بنات Author: zola123 Date: 03-09-2005, 05:24 AM Parent: #73
بت الاحفاد
Quote: ابقى على كلام زوله ده عشره, انا وزوله لا مخطوبات لا مجكسات ولا متزوجات فاعملو حسابكن فى الكلام, لو جيتو تتكلمو عن حاجه خاصه بالنسوان فكلمونا نطلع بره عشان ما تعلمونا قله الادب
أيي بالله كلميهم ما وريتنا حتعملي تسريحة شنو, تعرفي نفسي مرة أعرف الموزنبليه البقولوها في الافلام المصرية دي شنو؟ حاجة كدة زي الشينيون؟
مريم جضوم يا بت جري الفستان ده لتحت شوية والله صورتك دي ذكرتني أيام جميلة, لمن كنت في الروضة الكلام ده يا عمري 4 يا 5 سنين. كانت مريول المدرسة طول فستانك ده ولونه بمبي وكاروهات وكنت باشيل شنطة على ظهري من ورا بنية. وكل ما اجي ارفعها على ضهري تشبك في طرف الفستان ويترفع معاها, وأخوي الكبير يشاكلني كل ما يشوفني جاية من الروضة يكورك: البت دي طوالي فستانا ........ وأنا اقوم أبكي ما فاهمة الحاصل شنو.
الشمار باجيك بيه بعدين عندي دوام حسي
Post: #75 Title: Re: أوضتنا يا بنات Author: أحمد الشايقي Date: 03-09-2005, 05:05 AM Parent: #1
د. زولة 123
Quote: انتي يا زولة123 محننه؟ ما تقومي تكبي الشاي، ماشايفاني ألايق في الويكه دي دايره ألحقها الغدا... هدا التيرمس قدامك... .
زي كلام بنت الحسين دا معناه أوضتكم دي أوضة حبوبات ومش مودرن.
الكلام دا شكلوا كدا عايزين تطفشــوا الشباب من الاوضــة
تحياتي
Post: #78 Title: Re: أوضتنا يا بنات Author: مريم بنت الحسين Date: 03-09-2005, 05:29 AM Parent: #75
Quote: زي كلام بنت الحسين دا معناه أوضتكم دي أوضة حبوبات ومش مودرن.
عليك الله يرضيك يا أحمد.. البنات ديل شايفهن حاقرات بي كيف.. زولة تقاعده تطق حنك وترحب بي الزوار وتقول لي قومي جيبي الشاي.. وبت الأحفاد تتحنكش.. ما دايره تقطع البصل ودايراني برضه اعمل ليهم الشاي وماشه الكوافير..
بعدين تعال هنا.. انت بتعمل في شنو بي جاي؟
Post: #83 Title: Re: أوضتنا يا بنات Author: Omayma Alfargony Date: 03-09-2005, 06:12 AM Parent: #75
العزيزات
ست البنات
مريم بت الحسين
تماضر
لنا المهدى
ندى أمين
رجاء العباسى
بنت الاحفاد
غاده عبدالعزيز
سهام موسى
ملكة سبأ
راوية أنا طبعا جاياكى برا
نادية عثمان مشيت ليك ركن الدوبيت ما لقيتك _غايتو انا كمان عينى حتطلع على البلوزه
انشاءالله ما اكون نسيت زول
كل سنة وانتن كلكن وجميع نساء السودان سالمات امنات غانمات وسائرات نحو مستقبل افضل أشددن من السواعد واتشمرن فما زال الدرب عند ابتداءته_
كحكحكحكحكح
محتاجه اطلع بره من كمية الغبار الشوفتو
كده يا دكتوره:Zola123 اقيف المدة دى كلها وسط التراب
غايتو انا ماشه اقيف مع راويه برا فى الهواء وبعداك بمشى المظاهرات مع ندى و لنا
اها وبجيكم لما كلوا يجهز أنا لسه ضيفه
يا راوية.....
يا رااااااية.....
Post: #79 Title: Re: أوضتنا يا بنات Author: أحمد الشايقي Date: 03-09-2005, 05:40 AM Parent: #1
Quote: بعدين تعال هنا.. انت بتعمل في شنو بي جاي؟ .
امممم
انا؟؟
جيــت أشــرب شــاي
تحياتي
Post: #80 Title: احمد الشايقي؟؟ Author: lana mahdi Date: 03-09-2005, 05:49 AM Parent: #79
Quote: Quote: بعدين تعال هنا.. انت بتعمل في شنو بي جاي؟ .
امممم
انا؟؟
جيــت أشــرب شــاي
بالله؟؟ قول كلام غير دة نحنا صاحبات الاوضة لى حسة ما شربنا شلاى الصباح ووجع الراس ماشي يعمينا دة كلو من الملكة قالت شاى الصباح عليها لى حسة ما صحت امشي اشربو فى اوضتكم بي غادي وجيب معاك التيرموس
Post: #81 Title: Re: احمد الشايقي؟؟ Author: hala alahmadi Date: 03-09-2005, 06:08 AM Parent: #80
Post: #84 Title: Re: احمد الشايقي؟؟ Author: hala alahmadi Date: 03-09-2005, 06:16 AM Parent: #81
تاج السر انا طول عمري أوضتي براي من دون شريك, ما تعمل لينا فيها....... وبعدين كورة مافي وعديل كدة مممممنووووعة نسكت ليكم تجونا بالكتسينة
أميمة فرجوني الشاي كيف عجبك؟ بس كلميني عشان أعرف شغلي مع مريومة دي معليش سامحينا على الغبار عشان الأوضة كانت مقفولة ليها مدة
هالة الأحمدي يا زول انت لسة مع ناس يوم المراة؟ كرت روعة طبعا لاكن البت دي بتعمل في شنو؟ بتصلي ولا بتلعب يوجا؟ انتي بتعرفي تطبخي؟ عشان نعرف نحولك على ياتو قسم في الأوضة بعد ما يوم المرأة ده يخلص.
Post: #82 Title: Re: أوضتنا يا بنات Author: مريم بنت الحسين Date: 03-09-2005, 06:09 AM Parent: #1
انتو متكلين على الملكة...
استعنا على الشقى بالله... (كوبح)... وحاتك يا لنا اظبط ليكم حلاة شاي بالقرفة والهباهان..
بس حضّروا القرقوش
Post: #85 Title: Re: أوضتنا يا بنات Author: nagla abshar Date: 03-09-2005, 06:19 AM Parent: #1
Quote: عايزين العضوات الجدد يتعرفوا على بعض, ونوريهم كنا بنعمل شنو في غرفتنا زمان. عايزة اتنين شاطرات يساعدوني ننفض التراب ده ونهوي الأوضة
ZOla 123 kefk
sorri alkybord english ma gadra agol alfe nafsi bs akeed fhmteni
Post: #87 Title: Re: أوضتنا يا بنات Author: Rawia Date: 03-09-2005, 07:01 AM Parent: #85
Quote: أنا لا مخطوبة ووالله العظيم والله العظيم ما مجكسة
غايتو جنس حاله
حسه الحليفه دي كلها لزومها اميمه الفرجوني يا عسل ماجايه اريزونا
عاوزين نلاقيك
انا بالمناسبه بعرف ود عمك
ولا هو بيبقى ليك شنو
المهم الزول قريبك شديد
Post: #89 Title: Re: أوضتنا يا بنات Author: Rawia Date: 03-09-2005, 07:05 AM Parent: #85
معز ياغالي
EMUزميل معانا في البورد, كله زوق واحترام
دخلت ليهو بوست عيدت عليهو عيد الحب
رد علي بالكلام الجميل دا
انا عجبني ختيته توقيع
وربنا يديم المعروف
Quote: الأخت راوية تحية وحب إليك بحجم الأمريكتين ها قد نسيت الكسر والكالسيوم ها قد جمعت الحرف جنب الحرف والحرفين وسقطت تحت سنابك الكلمة ما أجمل الكلمة ولكني لا انطقها حتى لا يلوكها غيري
يا وجها علم شكل البدر معاني الفجر وأشرق سحراً ثم أضاء يا من تقتل فينا الخوف وتطلع همساًً كالإيحاء من أي مكان من أي زمان أي خريف أي شتاء قد جئت ربيعاً غمر الصيف وحول وجه الدنيا فصلاً آخر حيف أفاء
أنت لا نهديك الورد ولكن للحب نهديك وستظل غرفتك مأجوة للأبد
انتى الاعسل والله, ارتباطات نحن ما دايرن عرس طوالى, الظلاميين ديل عندهن شويه حساسيه مع الارتباطات بعدين انا مقتنعه انو معظم العلاقات ما بتستمر فمافى داعى ليها ولا رايك شنو? مافى مانع انو اجكس راجلى بعد العرس عشان البكا يكون عندو طعم خاص
زولتنا الحبيبه
بعد ما استشورتا شعرى رجعتو لوراء لانى لابسه الحجاب وكده كده ما حيظهر لكن بينى وبينك طلع رهيب والحنه نفعت معاهو حاوريكم الخلطه بتاعتها بعدين انشاء الله وبينى وبينك والكلام ده فى سرك كانت عاجبانى نفسى وبرقص من قبيل....اتمنى الا اسمع تعليق من الرجال فى هذا الامر!!!!!!!!!!
عارفه لو كانت الغرفه ده مغلقه بالمفتاح والرجال مابتطلعو عليهاكناهيصنا زى ما نحن عايزين , لكن ما مشكله يوم نتقابل برانا ويكون عندنامفتاح غرفتنا عشان نهيص زى ما نحن عايزين
مريومه
معليش الليله ما ساعدتك لكن بجى بكره بساعدك بأزن الله لانو حسه عندى مزاكره
الحبيبه اميمه
سلامات وادخلى برجلك اليمين لحدى ما نقوم بواجب الضيافه
يا بنات عليكم الله اطردو لينا الرجال ديل لانو بقيدونا شديد وما بخلونا ناخد راحتنا
وفى امان الله
لا اله الا الله
Post: #101 Title: Re: أوضتنا يا بنات Author: Sana Khalid Date: 03-09-2005, 08:23 PM Parent: #1
زولة وباقي البنات..استنوني عليكم الله ما تقفلوا باب الأوضة..أنا هسع بجي..بفتش لي في جركانة ندقها دلوكة, الرسول ما فيكن واحدة بتعرف تعلم رقيص عروس؟ هيي..خلوا لي حبة شاي ولقيمات...
Post: #108 Title: Re: أوضتنا يا بنات Author: zola123 Date: 03-10-2005, 07:33 AM Parent: #101
بت الأحفاد راعية الترفيه الشرعي في الغرفة اها ما وريتينا ستايلك في الرقيص اديني فرصة أكمل الفي يديني وألبس وأحصلك , يحلك مني الله الليلة يا بت أمي مافي زول محاسبنا ولم حاسبونا برضو ما تشتغلي بيهم, أعملي العايزاه وافرحي وانبسطي عللللللللىىى مزاجك حتى لو الوا بت الأحفاد دي جنت لاكن بيني وبينك أنا حاساكي بت ستايل وقيافة ورقاصة تشارطي؟ بس حتقولي لي المشارطة حرام.
سناء خالد الدلوكة قالت نادية بتجيبها قبييييل عشان حافظة كمية من أغاني البنات الليلة السهرة للصباح أقشري وحصلينا
ست البنات الرححححححححححححمة باحاول أتابع في الكتبتيه من الصباح ما قدرت لمن جاني صداع احنا ما قلنا ليكي بالراحة علينا ؟
طبعا انا الليله فرحانه جدا عشان اعز صديقاتى جات من السفر اليوم, بجد وحشتنى موت ولما سافرت حسيت انى فقدت يدى اليمنى التى لا استطيع العيش بدونها
الحبيبه زوله
كيف اوريكى استايلى فى الرقيص وفى عيون اخرى بتقرا فى البوست ده, بقوليكى فى اضانك, بس ما بعرف ارقص سودانى بس بعرف التانى وفقر ات اوت لانى ما بقدر اصرح اكتر من كده
بصراحه انا ماخايفه يقولو على شنو بس ما بقدر اخد راحتى وفى اولاد فى نفس المكان, عندى حساسيه من مسأله الاختلاط ده لدرجه مرات فى الاسانسير لو جو اولاد يركبو معاى بسيب الاسانسير وبنزل بالسلم, برضو فى الترين ولا فى البص بفضل اقيف طوال الرحله ولا اقعد فى كرسى جنبو راجل, عارفه الجامعه مخصصه غرفه كمبيوتر لطلاب الماستر فى ال IT Consultancy والغرفه ده بمفتاحها ومخصصه فقط لنا, المهم يوم طلبت المفتاح من الرسبشن قالو لى فى اردى زول فى الغرفه فمشيت لقيت واحد قاعد فيها فأتحرجت ادخل وهو موجود وانا كان عندى حاجات مهمه جدا عايزه اعملها, فطرقت الباب قام الزول قال لى الباب فاتح, قمت سألتو قلت ليهو ممكن اعرف انك حتخلص متين من الغرفه, قام قال لى ليه? قلت ليهو لانى عايزه استخدم الكمبيوتر قال لى طيب المشكله شنو ما تستخدميهو, قلت ليهو لا انا بنتظر لحدى ما تخلص وحأكون فى الغرفه المجاوره اول ما تخلص ادينى المفتاح, قال لى طيب البمنعك شنو تستخدميها حسى, الرجل كان بلحيه وصراحه ما كنت متأكده انو مسلم ولا سيخى, قمت قلت ليهو انت مسلم??? قال لى ايوه الحمدلله, قلت ليهو طيب ما عارف انو الخلوه بين رجل وامرأه حرام??? قام الزول اتحرج وقال لى انا اسف وانتى عندك حق وابدى استعداده للطلوع من الغرفه وتركها لى , لكنى رفضت وطلبت منه فقط ان يخبرنى عندما ينتهى من الغرفه
الحكايه انتهت على كده لحدى الاسبوع المقبل رأيته فى الكلاس بتاعنا وانا لم اره من قبل, لقانى مع صديقتى وجاء حكى لها ماحدث, طبعا آى واز سو ايمبرسد, لكن قال لصديقتى انه احترمنى جدا لموقفى زلك
معليش للمقدمه ده بس انا فعلا ما بقدراخد راحتى فى مكان فيه اولاد لزلك انا من اشداعداء الاختلاط
Quote: لقانى مع صديقتى وجاء حكى لها ماحدث, طبعا آى واز سو ايمبرسد, لكن قال لصديقتى انه احترمنى جدا لموقفى زلك
أها وبعدين؟ بس ما تقولي لي بعد ده جه يخطبك
انتوا مالكم بتقطعوا الشمارات في النص كدة, عشان عارفيني باتحتف؟
حمد الله على سلامة صحبتك يا عسل والله يخليها ليكي أسمعي انت بس خليكي معاي للأخر وحتطلعي من البوست آخر استنارة. قال قال ظلامية قال, ياخي دي زولة عسل , بس تخلي ناس عمر خالد ديل دي هظار عشان ما تشاكليني
نسيت أسألك فنانك المفضل منو( الغير سوداني) شعان نجهز الشرايط لي بعدين
بت الاحفاد عليييييييييييييييييييييك الله كملي لي الشمار
وبعدين تعالي انتي مش قلتي بتعرفي ترقصي؟ حسي المديح بيرقصوا فيه؟ كيفن بترقصي وما بتسمعي غنا أنتي عارفاني عويرة لاكن ما شديد كدة
والله يا سكرة كان كدة النكلمك, البنات ديب جايات بدلاليكن وأي زول جوة الأوضة حيرقص شوفي ليكي طريقة
Post: #109 Title: Re: أوضتنا يا بنات Author: zola123 Date: 03-10-2005, 07:39 AM Parent: #101
محمد السر باب التقديم مغلق في الفترة الراهنة لكثرة الطلبات راجعنا بعد اسبوع
مريومة بت الحسين تعالي لي في المسنجر سلامة ركبينك بكونوا سحروهم ليكي, أنا مش قلتي ليكي شدي الفستان لتحت شوية؟ أها خمي وصري !!
أحمد الشايقي ياييي أنت بتفهم الحاجات المكعوجة البتقولها ست البنات؟ تخريمة: في زمتك في فاكهة بتتكد؟ أنا فالكهة البعرفها بتتعمل عصير ولاتتاكل مباشرة وتذوب قبل ما تصل جوفك من طراوتها . يعني حتى الفاكهة في السودان غريبة
Post: #102 Title: Re: أوضتنا يا بنات Author: ست البنات Date: 03-09-2005, 09:49 PM Parent: #1
ليه نسوى الجركانة دلوكة ? نادية ما تكلمة لينا ستونا تسلفنا واحدة من دلاليكا دى !
ويا نادية بوصيك لو ناس الأمن نادوك لمن تمشى السودان ، أوعك تمشيى ليهون بالبلوزة دى ! انتى ما سمعتى بالغيويشاية الحصل ليها شنو ?
ويا بنوت جيبن الطش داك اقورضنلى هيدمى دا !
ولا تكملن الكداد شى خلنلى شيوييى منو !
ولا تحريقن القنقر ، لا تتورديللو النار شى سويننها شيويى بس قدرو !
Post: #103 Title: Re: أوضتنا يا بنات Author: محمد السر Date: 03-09-2005, 10:34 PM Parent: #1
شريكي براي لقيت لي سبب نادية قالت:
Quote: اقول ليك شفتى الرف التالت فى دولاب اوضتنا ؟
ايوة ده!!
شايفة التوب الاخضر ؟
تحتو طوالى بتلقيها !!
التالت من فوق يا نادية صاح؟ ديشااااااااااااك!!! ياخ دا عالي شديد الـ Resume بتاعتي: اللقب: أبو طويـــــــــــــــــــــــــــــــــــــــــــــلة الطول: 186 فما فوق العنوان: جمب باب الأوضة معلومات أخرى: available at any time
Post: #104 Title: Re: أوضتنا يا بنات Author: مريم بنت الحسين Date: 03-09-2005, 11:32 PM Parent: #1
Quote: ويا بنوت جيبن الطش داك اقورضنلى هيدمى دا !
ولا تكملن الكداد شى خلنلى شيوييى منو !
ولا تحريقن القنقر ، لا تتورديللو النار شى سويننها شيويى بس قدرو !
انا محتاجه subtitles... الفقرة دي كلها ما نقشته فيها حاجه...
يا زولة كدي النسألك، دايراك في استشارة طبية.. وريني انت بتطببي شنو بالضبط عشان أحدد موقفي... والله ياخيتي.. انا قبل ثمانية شهور، تنيت رجلي، نازلة جارية ورا أخوي في السلّم (ما حنخش في تفاصيل السكّه).. اها تنيتها ليك.. وفي الحته بتاعت الركبة، ومن يومها يا بت امي ركبتي ما ضاقت عافية.. عملوا لي صور أشعه، لقوها نضيفه، قالوا لي شيتن في العضلات... اها.. يقوم يمر شهر شهرين، تبقى تمااام ونصيييحه.. أقوم أتشوبر وألبس الكعب العالي، وامشي الGym.. وحاتك اجي تاني يوم تقوم تتورم.. وحالتها بقت قاسية... دحين شوفي لي حل، انا بسبب القصة دي وزني زاد برضه.. غايته كان ما عرفتي تدكتري لي دي (خلي الجز التاني بتاع التهديد بعدين) .. هو قولي لي شحّاد ويتأمّر ....
بنت الحسين
Post: #105 Title: Re: أوضتنا يا بنات Author: أحمد الشايقي Date: 03-10-2005, 04:15 AM Parent: #1
بنت الحسين
هذه الترجمـة خدمة تقدم في مقابل السماح بالتواجـد والحوامة حول الأوضــــة
Quote: ويا بنوت جيبن الطش داك اقورضنلى هيدمى دا !
ولا تكملن الكداد شى خلنلى شيوييى منو !
قرض الهيدم = غسـل قطعة الملابس
الكداد = (فاكهــة) تؤكل بالكــد - مثل الدوم.
Quote:
ولا تحريقن القنقر ، لا تتورديللو النار شى سويننها شيويى بس قدرو !
القنقـر = قندول عيش الريف - الذرة الشامية ويحتاج لنار هادئة لتحميصـه أو حتى (هبود) ساخن وإلا احترق بسرعة.
دي كوريكــة تحتاج مكالمــة لي (لنــدن) , بالغت مش كدا؟
Quote:
واملن الجرارى من هسع فيحال المى يبرد لاعوقبان !
الجراري = قلل الماء والأزيار الصغيرة تملأ باكراً لتبرد الماء (أحسن من أي كولــر)
أظن بعد دا أنا ما قصرت , على الأقل خلوني هنا مترجم لي أخيتنا ست البنات
تحياتي
Post: #106 Title: Re: أوضتنا يا بنات Author: hala alahmadi Date: 03-10-2005, 06:10 AM Parent: #105
Quote: هالة الأحمدي يا زول انت لسة مع ناس يوم المراة؟ كرت روعة طبعا لاكن البت دي بتعمل في شنو؟ بتصلي ولا بتلعب يوجا؟ انتي بتعرفي تطبخي؟ عشان نعرف نحولك على ياتو قسم في الأوضة بعد ما يوم المرأة ده يخلص.
عـارفه يا ايناس انا كل مره بتاوق فى البوست و اشوف غسيل العده و النضافه خلصوا و لأ لأ قلته اسها البنات ديل يدبسونى فى واحده من المهام اياها، عشــان كده الزوغه احســن اسه باين عليكم بيقيتوا على الغنا..امشى اكمل المظاهرات و اجى بس اوع الحفله تنتهى
Post: #107 Title: Re: أوضتنا يا بنات Author: mamkouna Date: 03-10-2005, 06:32 AM Parent: #1
كدي يا خوانا زحوا لي.....دي حالة دي يا بنات أمي ؟؟؟؟؟؟
دايرة أخش لي كم يوم..الرجال البتتدافس قدام الباب....ما مدياني فرصة.... الليلة قلت اخش بالشباك.....لقيت سجيمان و البروف و قرض معلقين في الشباك و يتاوقوا.. ...
لمن شافوني خجلوا.....سجيمان قال طالع يغير قش المكيف....البروف قال داير يطمئن على عيون زولة (( ما حدد ياتو زولة فيهن )).....قرض قال جاي يظبط الساوتد-سيستم..... بعد تعب....زحوا لي ....دخلت....
عليكم الله يا بنات ناولوا حبوبتكم كباية موية..... واحدة فيكن تفرش لي العنقريب جنب الباب...
جنب الشباك....خطر...
Post: #110 Title: Re: أوضتنا يا بنات Author: zola123 Date: 03-10-2005, 07:45 AM Parent: #107
هالة الأحمدي بتعرفي تقطعي السلطة طيب؟ عليك الله ما تحرجيني وتقولي لأ يا جماعة الجندريات ديل صحي ما بعرفوا يطبخوا؟ مادام سألتي عن الحفلة تبقى زولتنا تمام بس المظاهرات دي خليها عشان تقدري ترقصي بعدين وما تقولي لينا تعبانة
ممكونة يا مية مرحب والاوضة نورت الأولاد ديل بقوا أمر واقع, ما شفتي كمان شغلنا واحد مترجم؟ لاكن سجيمان ده متدسي وين ما شفته, تصليحه تصليح السواد بس صوت عالى ومافيش هوا بارد. تخريمة: لو قلتي لي قش المكيف قبل كم شهر كدة كنت حاقول ليكي: هو المكيف بختو ليه قش؟
Post: #111 Title: Re: أوضتنا يا بنات Author: نادية عثمان Date: 03-10-2005, 08:36 AM Parent: #110
احمد الشايقى ..المترجم
Quote: الكداد = (فاكهــة) تؤكل بالكــد - مثل الدوم.
ياكضاااااااااااااااااااب
الكداد خضار وبعملوهو ملاح وبالقراصة كمان !!
بالغت لكن وطلعت شايقى ود بنادر حنكوووووووووووش خالص!!
ست البنات
ستونة قالت ماعندها مانع تجى بالدلوكة علا تدفعو ليها حق بوكسى عدة الفنانين
وماتخافى على من ناس الامن لو عايزين البلوزة بخلى صباح تقلعها ليهم وتلبس اللبسة البرتقالية الجبتيها لى هدية ديك متزكراها ؟
بت الاحفاد العسل
يازولة والله عندى امنية عليك الله تحققيها لى .. دايرة اشوف ليك صورة بالحجاب وواحدة من غيرو ..ماهنا فى الايميل طبعا!!
بصراحه مافهمت ولا كلمه فى الكلام القلتيهو, والبركه فى المترجمين بعد ترجمتهم يا دوب فهمت ربع الكلام, الا ترجمتهم ده زاتها عايزه ليها مترجم
ناديه الحبيبه
امنيتك على العين والراس, رسلى لى ايملك الما معروف للهكر واوعدينى انو صورى مايشوفها راجل, وتلقيها طوالى عندك بأزن الله, حسه عندى صوره بالحجاب برسلها ليكى وبتصور من غير حجاب وبرسلها ليكى برضو, وتسلمى ياغاليه بالمناسبه المكرونه بالبشميل بتاعتك طلعت رهيبه واجمل من حقتى, اعمليها لينا طوالى, ok?
اميمه الحبيبه
مرحب بيكى وحبابك عشره
الصوره ماتغلى عليكى وحسه طبعا ما عندى صوره من غير حجاب فبتصور وارسلها ليكى انشاء الله وبرضو بشدد انو مافى راجل يشوفها يا حبيبه بالاخص لانها من غير حجاب وبرضو رسلى لى ايملك وطلبك على العين والراس
دا شنو الغبار دا البيت دا مافيه ناس ولا شنو..جابنى الطريق ساى اتزكرت ايام الشات وراكوبتنا ياحليل زمان وسنين زمان... اخير الواحد يطلع قبل ماتجرحنا حلة مصدية..شكلكم سلطة دكوة مابتعرفو تسوها
انا بطلت اغانى لى اربعه سنوات تقريبا الحمدلله, لو اغاننيكم ده بالدلوكه فقط ومن غير موسيقى فما عندى مانع احضرها وكمان ماعندى اعتراض على الرقص بس لما نكون برانا, وبتك ده انا بعرف ارقص احسن منها, بس دسيها جوه انت نسيتى انو معانارجال فى الغرفه ولا شنو?
وفى امان الله
لا اله الا الله
Post: #124 Title: Re: أوضتنا يا بنات Author: نادية عثمان Date: 03-10-2005, 04:13 PM Parent: #123
يلا هاكم ده ايميلى والهنا دى صورتى وحديثة من كمان يبقى انتو شفتونى يلا انا دايرة اشوفكم عشان ماصاح نبقى اخوات وكان شفنا بعض فى الشارع مانتعارف موش كده؟!!!!!
اها ده ايميلى ودايرة القى صوركم كلها سمح يابت الاحفاد واهم حاجة المن غير حجاب عشان نشوف الجمال على بعضو واطمئنى اختك ماممكن توريها لى راجل ابدا نحنا بنات اصول ومابنعمل كده ياغالية ..
زولة رديت ليك على الميل وهاك ده ايميلى ويسترنا ربى من الهكر ياااااااااارب
Post: #125 Title: Re: أوضتنا يا بنات Author: ست البنات Date: 03-11-2005, 07:52 AM Parent: #1
يا حيليلك يا أحمد الشايقى الطلعت حنكوش !
أكنك ماك عارف الكداد يا شينو ؟؟؟
الكداد هو التمليكة ، وهو ملاح أو طبيخ بلغة أهل البندر ، يصنع من نبتة طفيلية تنبت فى الخريف ، ويؤكل بما يسمى الكسرة المستخدمة فى انحاء وسط وشمال السودان فى المنطقة المتدة من مناطق الجعليين ووسط السودان ( الخرطوم العاصمة وضواحيها خاصة أم ضوا بان حيث يكثر الحواريون ! وحتى منطقة الجزيرة كلها , وجزء من النيل الأبيض !
أما الجرارى ، فهى جمع ، ومفردها جر ، وهو الزير عند قبائل الشايقية !
----
ياى يا الشايقى ما بتعرف تعمل أوردر للكداد ؟ تلقاهو فى كى اف سى !
مع الأسماش بوتيتو !
ولو ما اخترتو ممكن تختار بدلو سالات !
أنا أكلتو فى الشانزيليزيه زمان ، لكن أحسن كداد أكلتو كان فى فرانكفورت ! الكسرة حقتو كانت ما حامضة شديد زى بتاعة الشانزيليزيه ! وكان معاهو شطة دكوة ! ياىىى تجنن !
وعندهم جرارى مليانة سفن آب ! وجر مليان كريم شانتيه ممكن تختو فى القراصة المخمرة المعمولة بالبلح !
والشواك والسكاكيين حقاتم من السعف !
ولما الناس تدخل التواليت بتقفلو بالكوشار !
حاجة اكسلانت خالص !
وفى الآخر المضيفات فى الطيارة ونحن راجعين من الرحلة قسموا لينا تمباك ! وكان آنبيليفابل ! وكل واحد من المسافرين أدوهو علبة لبن بودرة فاضية ومليانة تراب عشان يتف السفة فيها ! وانا كنت مصرة ياخدوا لى صورة وانا شايلة العلبة المليانة تراب وانا بتف فى السفة فيها ! وطلعت حاجة تهبل ! صورة حلوة خالص !
وأنا هسع ماشية سينما القنديلة والهرودى فى ساقية الكروماب , عشان أشوف فيلم العنبلوك والعبور والدفيقة !
قالوا فيلم جميل أحسن من فيلم الجوروم والترمس الزمان داك !
باى .....
ست البنات .
Post: #126 Title: Re: أوضتنا يا بنات Author: بلدى يا حبوب Date: 03-11-2005, 09:56 AM Parent: #1
زولة
انت عارفه انو ناس بيت العذابة مهددين بجديع العفش فى الشارع وانا عارف ده مابرضيكم وكمان نحنا جيران انا عارف صرفة الصندوق الجاية ده بتاعتك ما تسلفينا ليها
بنت الاحفاد
Quote: معليش للمقدمه ده بس انا فعلا ما بقدراخد راحتى فى مكان فيه اولاد لزلك انا من اشداعداء الاختلاط
بيت العذابة حرم خلاطة مافيه تحياتى
Post: #127 Title: Re: أوضتنا يا بنات Author: نادية عثمان Date: 03-11-2005, 07:32 PM Parent: #126
وووووووووووووووووووووب على ياايناس لكن!!!
مبااااااااااااااااااااااااالغة عديل كده!!!!!!!!
هووووووى انا دنقلاوية عينى بااااااااااردة عشان لو كحيتى ساى ماتقولى دى عين نادية الحارة !!
ياسلام عليك ياجميلة بالحيل يابت الناس الكرام
والله اسعد زولة انا بشوفتك ياست الناس وربنا يحفظك ويكتب لينا اللقاء فيس تو فيس عديل كده..!!
Post: #128 Title: Re: أوضتنا يا بنات Author: أحمد الشايقي Date: 03-12-2005, 00:02 AM Parent: #1
أختنا ست البنات
ياخي انا جبت 9 من عشرة في الترجمة قصـرت ؟؟ يعني عشان غلطـة واحـدة ِتخجلونا كدا ياخي أعملوا لينا sublementary exam
Quote: يا حيليلك يا أحمد الشايقى الطلعت حنكوش !
أكنك ماك عارف الكداد يا شينو ؟؟؟
الكداد هو التمليكة ، وهو ملاح أو طبيخ بلغة أهل البندر ، يصنع من نبتة طفيلية تنبت فى الخريف ، ويؤكل بما يسمى الكسرة المستخدمة فى انحاء وسط وشمال السودان
ياى يا الشايقى ما بتعرف تعمل أوردر للكداد ؟ تلقاهو فى كى اف سى !
مع الأسماش بوتيتو !
ولو ما اخترتو ممكن تختار بدلو سالات !
شكرا للتوضيــح وأهــو فرصــة للتعلــم,
Quote:
ولما الناس تدخل التواليت بتقفلو بالكوشار ! .
والله بصراحة الكوشار دا انا حتى الان ما بعرفــوا, بركاتك يا ست الكل.
الايام دي شغالين ورش عمل في شيراتـون وراجعت البوفيه حقهـم لقيت فيه كل الاصناف اللي ذكرتيها دي ووجعتني الكبـة اللبنانية الخاتيها هناك شنو انا ما عارف بالله مش احسن منهاالقراصة المخمرة بالتمـر بصراحـة انا ذقتها من حبوبتنا بالشمالية وحقيقة هي ألــذ من بوفيهــم دا كلــوا يعني بصراحة وجباتنا بتستاهل أكتر من (الكبــة)
تحياتي
Post: #129 Title: Re: أوضتنا يا بنات Author: مريم بنت الحسين Date: 03-12-2005, 00:57 AM Parent: #1
عاد يا يمه أغيب يوم اجي ألقى الأوضه جايطه كدي... بعدين دي ما بقت أوضت بنات دي.. طرحتي ويني يا بنات سريع .. الرجال ملو الحته... كدي يا أحمد الشايقي قوم كدي.. يعني عشان انا ما بفهم كلام الشوايقه تغشني بي ترجمتك ... نادية عثمان.. لقيتك خبره والله، خلاص تاني بجيك عشان خاطر الترجمه..
صحي يا نادية يا خيتي.. انا جيت أرسل ليك صورتي ما لقيت عنوانك.. اديني ليهو في المسنجر.. حأرسل ليك حاجه لزيزه (سر بيني وبين زولة)... عشان تشوفي بت الحسين عن حق وحقيقه.. ...
زولة، اشمعنا نادية يعني.. رسلي لي انا كمان ..
بت الأحفاد يا سكرة.. والله انا بريده من جوه قلبي~.. والله عفوية لدرجة الابداع.. وبريئة اكثر من براءة اطفال الزمن ده.. ونقية وصافية.. صحي ظلامية، لكن ألز ظلاميه أشوفها في حياتي.. عايني، الحنك ده كله عشان ترسلي صورتك.. (شوفي المسنجر بتاعك فيه عنواني)...
د.سيجيمان، شكرا على جهد تصليح المكيف، لكن صدقني، زي (همبريب) المغربية، مافي...
جاياكن...النطفي النار على الكنافة دي...
بنت الحسين
Post: #130 Title: Re: أوضتنا يا بنات Author: lana mahdi Date: 03-12-2005, 01:00 AM Parent: #1
ما بعتبا الاوضة دى تانى من وجع الراس المن اول امبارح من عدم شاي الصباح
Post: #131 Title: Re: أوضتنا يا بنات Author: zola123 Date: 03-12-2005, 11:06 AM Parent: #130
بلدي يا حبوب
Quote: انت عارفه انو ناس بيت العذابة مهددين بجديع العفش فى الشارع وانا عارف ده مابرضيكم وكمان نحنا جيران انا عارف صرفة الصندوق الجاية ده بتاعتك ما تسلفينا ليها
حسي متين عرفتو صرفتي الشهر ده, اصلوا مافي حاجة بتتخبى الزمن ده؟ لاكن انا كنت دايرة أجيب طقم جلوس جديد للأوضة ونغير الستاير القدمن ديل. ويعدين نادية كلمتني انكم مستهبلين واحتمال كبير تكونوا عايزين القروش ليحاجة تانية
نادية عثمان انتس الحلوة, والله رفعتي لي معنوياتي بكلامك ده, يعني اعتبر نفسي حلوة؟ لووول الله يجبر بيخاطرك انشاء الله ونتقلاقا قريييييييييب
أحمد الشايقي معليش تعيش وتاخد غيرها
مريم بنت الحسين رسلي لي الايميل بتاعك في المسنجر ضاع مني وما تنسي ترسلي لي نادية الفيديو بتاع لقاءكم في الدوحة الصوت والصورة, شفتي أنا فتانة كيف؟
لنا مهدي كيف لاكن الكلام ده. بتحبي الشاي بالنعناع؟ أنا حاعمل لينا سيرمس مظبط مخصوووووص, احنا أوضتنا ليها طعم بدونك لاكن
Post: #132 Title: Re: أوضتنا يا بنات Author: نادية عثمان Date: 03-12-2005, 01:07 PM Parent: #131
حلوة ساى يازولة ؟
والله رهيييييييييييييييييبة وانتى عارفة انك رهييييييييييييبة يادكتورة ياسمحة ياشرررط
هو صحى قالوا اى دكتورة سودانية لازم تكون سمممممممممحة كده ؟
انتى تخصصك شنو ؟
مريومة
رسلى لى الفيديو عشان اشوفك صوت وصورة قوووووووووووووووووووووووام ..
Post: #133 Title: Re: أوضتنا يا بنات Author: مريم بنت الحسين Date: 03-12-2005, 02:23 PM Parent: #1
وانا بقول نفس الكلام ده... ما شاء الله تبارك الخلاق يا يمه، ربنا يغطيك ويحفظك من العين.. أسمعي، من دربك دك ولعي ليك لبان بخور.. انا غايته ما بسحر وناديه اخيتي كمان، لكن يختي الناس الحوليك كتار.. ما شايفه العزابه ديل بي جاي العميان شايل المكسّر...
فتيته على الملأ الخبر بتاع الفيديو.. عاد يا يمه يديك مُرداك، قولي آمين...
نادية.. اديني العنوان بتاعك عشان ارسله ليك.. وما عندي ليك اي ضمانات، قولي يا النبي نوح، وافتحي الملف.. من قال نوح ربنا ينجيه من السم والسلاح... (كيف معاك، موش تربية حبوبات)
Post: #135 Title: Re: أوضتنا يا بنات Author: نادية عثمان Date: 03-12-2005, 07:48 PM Parent: #133
مريومة حبيبتى العسل
والله فى ناس اونى شمارك وقالوا لى عليك سمحة لمن تشرقى زاتو
وفى روايات اخرى سمحة لمن غلط !!
اسمعى عليك الله اكتبى العنوان قوام ماناقصة مشاكل انا ووالله لو ماكاتلنى الشمار عشان اشوفك مابخت ايميلى ..
ياحقارة ماتختى ايميلك انتى !!
المهم كلو يهون عشان اشوفك صوت وصورة يالسمحة ست ابوك
يلا اها
Post: #136 Title: Re: أوضتنا يا بنات Author: مريم بنت الحسين Date: 03-12-2005, 10:45 PM Parent: #1
يلا يا ندوية امسحي العنوان، وافتحي بريدك..
ونصيحه لوجه الله.. ما تصدقي الاشاعات، الناس ديل بتكلموا ساي.. سمحه لما غلط دي أفهميها صاح
مع حبي بنت الحسين
Post: #137 Title: Re: أوضتنا يا بنات Author: بنت الاحفاد 2001 Date: 03-13-2005, 00:26 AM Parent: #136
اهلين بجميع البنات
كيف يا زولا الظاهر علي جيت متأخرة كالعادة
لقيتكم نضفتو وفرشتو وبخرتو الاوضة كمان
بس انتو الاولاد ديل مغزوزين هنا لي شنو
يعني الوحدة ما تاخد راحتها في اوضتها
كمان والله دي عوجة عديل
بجي تاني
Post: #140 Title: Re: أوضتنا يا بنات Author: نادية عثمان Date: 03-13-2005, 04:37 PM Parent: #136
مريومة بت عم الحسين
Quote: ونصيحه لوجه الله.. ما تصدقي الاشاعات، الناس ديل بتكلموا ساي.. سمحه لما غلط دي أفهميها صاح
الصلاة على النبى
وعينى تلاجة بس !!
النبى كان تورينى السبب شنو فى انك ماتختى سماحة صورك دى هنا ؟
اشاعة شنو والله الناس الكلمونى عنك قصرو فى نقل الروعة دى !!
ربنا يصونك
اقايتو ياايناس لحدى هسة شفتك انتى ومريم وماشاء الله تكسروا بلد موش حتة منبر قدر ده !!!
Post: #138 Title: Re: أوضتنا يا بنات Author: بلدى يا حبوب Date: 03-13-2005, 05:40 AM Parent: #1
مريم بت الحسين
بهدى ليك ابيات الشاعر محجوب شريف من قصيدة مريم ومى
نبض الشعب أجمل من من بريق الماس واجمل من حليب السترة ما حبيت مشارب كأس عش القمرية بين اغصان أشرف من موائد ناس وأقرب للوطن من ناس وخير جانى ما عم البلد وساس أذن فلتقرع الاجراس مريم حضرى الكراس أميره ومى تعالن جاى نغنى لاخر المشوار نغنى لاخر الانفاس ---- وبعدين يا مريم ما تنسى حتى الشاعر مدنى النخلى ماقصر فى قصيدة مريم بت محمود
المهم لو داير تعرفى القصيدة اعمل لينا صينية بسبوسة ورسليها مع اخو نادية العامل ذى لصقة جونسون الامريكية واسألى زولة ده ما تخصصها
زولة
الجنز موجود وكمان ببيع نضارات علشان تدسى بيهم عيونك من العذابة السحاريين ديل
بنت الاحفاد 2001 السلام سنة والرجالة مالهم قلته حرم انا امبارح سمعت شمار نادية لوريهان وبقول (ضل راجل ولا ضل حيطه )
ريهان
انت انا داير اسألك خريجة كمبيوتر مان
تحياتى للجميع
Post: #139 Title: Re: أوضتنا يا بنات Author: ريهان الريح الشاذلي Date: 03-13-2005, 08:49 AM Parent: #138
زولة خليت غنا المشوكشين عشانك خلاص سمعينا حاجة من طرف الشنطة...... بلدي يا حبوب ازيك .........وانا خريجة جامعة السودان
Quote: اقايتو ياايناس لحدى هسة شفتك انتى ومريم وماشاء الله تكسروا بلد موش حتة منبر قدر ده !!!
جيت أشحد سكر و سمعت الكلام ده أحسن تدسوا من ناس بيتنا العزابة عشان حيعملوا ليكم الدرب ساساقة
بنت الأحفاد مارقين ما تنطني
Post: #143 Title: Re: أوضتنا يا بنات Author: بنت الاحفاد 2001 Date: 03-13-2005, 10:11 PM Parent: #141
ازيك يا عجب
دة كلو ما اطنطن
حسي عملتة شنو مرقتة من الأوضة
ومشيت وقفتة في الشباك
ده يقولو عليهو شنو
Post: #142 Title: Re: أوضتنا يا بنات Author: أحمد الشايقي Date: 03-13-2005, 10:02 PM Parent: #1
كل الناس بتصاحب
الصحفيــــة
نادية عثمــان
عشــان عندها الأخبــار
المصـــورة.
Post: #144 Title: Re: أوضتنا يا بنات Author: zola123 Date: 03-14-2005, 11:14 AM Parent: #142
مريومة ونادية واللله خجلتوني بعدين المشكلة اني أقوم أصدق والله يحلكم بعد ده يا حلوييييييييييييين
تارا الحبيبة طلة ساي ما بتنفع, وين دايرة تشردي من شغل الأوضة
بت الأحفاد 2001 لا مـتأخرة ولا حاجة, عشان تلحقي الحفلة يا بنات ما سامعة حاجة لسة؟؟!!
Post: #145 Title: Re: أوضتنا يا بنات Author: zola123 Date: 03-14-2005, 11:19 AM Parent: #142
بلدي يا حبوب ما باحب الجينز والنضارات الشمسية عندي كتير شوف ليك حجة تانية بعدين بالمناسبة راعوا حق الجيرة البنات اشتكوا من الدوشة البتعملوها انتوا فاتحين نجارة في أوضتكم؟
ريهان أي حاجة منك حلوة يا ستي
عجب واللا حيرتونا, بعدين تعال النسألك انت مش اعتزلت العزوبية؟ ولا دي حلاوة الرح؟ يا زول الجماعة ديل بيغتسوا حجرك اخير أرحل منهم
أحمد الشايقي والله تصاحبوها تجيبوا ليها هدايا تستهبلوا عليها نادية حبيبتنا وبياتنا اتفااااااااق اسمع ناس أوضتكم بينادوك, ما فضل الا نفرش ليك مرتبة تحت الشباك
Post: #146 Title: Re: أوضتنا يا بنات Author: Agab Date: 03-14-2005, 11:48 AM Parent: #1
Quote: ازيك يا عجب دة كلو ما اطنطن حسي عملتة شنو مرقتة من الأوضة ومشيت وقفتة في الشباك ده يقولو عليهو شنو
بنت الأحفاد ما بصلح في المكيف الخربو سجيمان
Quote: عجب واللا حيرتونا, بعدين تعال النسألك انت مش اعتزلت العزوبية؟ ولا دي حلاوة الرح؟ يا زول الجماعة ديل بيغتسوا حجرك اخير أرحل منهم
الإيجار كده رخيص وقاعد مع حبايبي لغاية العرس
Post: #147 Title: Re: أوضتنا يا بنات Author: مريم بنت الحسين Date: 03-14-2005, 12:43 PM Parent: #1
ندوية العسل..
Quote: النبى كان تورينى السبب شنو فى انك ماتختى سماحة صورك دى هنا ؟
حسي الله بسألك انزل صورتي جنب صورتك دي؟ عاد ما الفضيحة والسترة متباريات يختي.. يقولوا علي شنو يا يمه.. بكف ليك العين عديل كده.. لكن، نزلتها كم مره قبل كده، بتشجيع من الخال ود قاسم.. بس شلتها عشان قالوا الزول كان الله بلاه يستتر..
Quote: وبعدين يا مريم ما تنسى حتى الشاعر مدنى النخلى ماقصر فى قصيدة مريم بت محمود
المهم لو داير تعرفى القصيدة اعمل لينا صينية بسبوسة ورسليها مع اخو نادية العامل ذى لصقة جونسون الامريكية واسألى زولة ده ما تخصصها
يا بلدي يا حبوب... عمو مدني النخلي عندي رقمه، بضرب ليهو عديل أصلي متلومه معاه متوقع مني اتصال.. وبسأله برااااي.. لكن عشان ما تقول بخيله، بسبوسه وبسيمه وصحن مهلبيه على الطريق... لقيمات كمان رأيك شنو؟ شكرا على الكلمات الجميلة
أحمد الشايقي وAgab... والله ضحكتوني LoOoOoOoOoOoL
ريهان حبابك يمه.. كده تعالي لي بي جاي النتونس...
بنت الاحفاد فرع الامارت.. ازيك، وعاش من شافك... ويييييييييييييييين كده؟ سمعتي ولا جابو ليك؟ (دي استخدمتها صاح ولا شترتها؟)
بنت الحسين
Post: #150 Title: Re: أوضتنا يا بنات Author: بنت الاحفاد 2001 Date: 03-14-2005, 10:34 PM Parent: #147
هي ما تقولوا مضهب يا بلدي يا حبوب رسلنا أجيب الحاجات دي من مريم
Quote: بسبوسه وبسيمه وصحن مهلبيه على الطريق
مريم بنت الحسين القراية ما عندك ولا دي ما إنتي
Quote: سمعتي ولا جابو ليك؟ (دي استخدمتها صاح ولا شترتها؟)
والله عذبتيها عذاب
Post: #149 Title: Re: أوضتنا يا بنات Author: أحمد الشايقي Date: 03-14-2005, 10:29 PM Parent: #1
د زولة 123
Quote: أحمد الشايقي والله تصاحبوها تجيبوا ليها هدايا تستهبلوا عليها نادية حبيبتنا وبياتنا اتفااااااااق اسمع ناس أوضتكم بينادوك, ما فضل الا نفرش ليك مرتبة تحت الشباك
أولا بت عثمان دي صاحبـة قديمة, إنتي ما شفتي ركن الدوبيت بهنـاك, دا يطرشق أي اتفاق (يروح شمار في مرقــة).
تاني شئ, انا عندي هنا كرسي قماش وقاعد راجي ست البنات, كان ما جات وشلت حاجاتي من (قفتهـا) ماني منقول من هنــا (خليهـم ينادوا لي الصباح - شـن الفايدي منهــن)
مريم بنت الحسين
Quote: أحمد الشايقي وAgab... والله ضحكتوني LoOoOoOoOoOoL
كان كــدي , (هــادي قعــدة).
لــوووول , قالت أســـه لووووول دي يعني شــنو آآآآآآآسجيمان
الناس ديل حيرونا بالحيــل.
Post: #152 Title: Re: أوضتنا يا بنات Author: Sana Khalid Date: 03-15-2005, 00:05 AM Parent: #1
زولة وكل البنات....ازيكم يا حلوين..أوعى تكونوا كملتو الشاي و البسبوسة و التشيز كيك... أجي يا يمة...ولا اللقيمات ما خليتن فيها شي..!! أنا من قبيل كنت وين؟! ما كنت واقفة لي في بوست كله رجال (كثر خيركم يا النسوان لا جدعتن معاي لا جبتن الحجار) ...المهم.. الرجال شبكوني وزوز وزوز ما قدرت أنحل منهم بأخوي وأخوك..آخر حاجة كبيت الزوغة...و لحقت الكوافير قبل ما يقفل...أها قولن لي رايكم شنو؟ مش تسريحة جنان...؟ كدي زحوا لي شوية النقعد...بري يا يمة ما بقعد هنا تشيل فيني ريحة البصل و الكمونية...أنا بقعد بجاي جنب ندوية ماكن شامات ريحتا السمحة دي...انت يا نادية يوم المطافيء بتجي تفتح خراطيشا فيك...و حفرتك دي سيد العمارة شافا ولا لسة...؟ ما شاء الله يا نادية لكن رسمة حنتك ما سمحة لامن عويرة..أنا ما قلت ليك حنانتك دي وريني دربا ..والله أولاد ماما قايمين علي قومة....يا زولة أنا بجيب ليك الصبغة وانت قدر عرفتك سويها لي في قعدتنا دي...
ممكونة.. ازيك..والله واحشاني...عارفة اليوم داك لاقيت توموكو سلمت ليك عليها...إلا قالت زعلانة منك عشان عزمت الناس كلهم لطهور ولدك و فطيتيها ...أها أنا قلت ليها غايتو ممكونة دي أصلها ما بتتلوم مع الناس..إلا يكون المرسال غلط وما جاك.. ولا تكون ضربت ليك تلفون و ما لمت فيك...غايتو أخير تضربي ليها و ترضيها...
زولة ومريم وبنت الأحفاد و البنات (الماشافن دنيا) جبت ليكن معاي حاجة سمممحة بتنور الوش..مع انو انتو وجوهكم أكيد منورة, إلا دي نورتا برااااها..كدي أمرقو الرجال ديل من الأوضة النوريكن ياها...
Post: #153 Title: Re: أوضتنا يا بنات Author: مريم بنت الحسين Date: 03-15-2005, 02:25 AM Parent: #1
Quote: زولة ومريم وبنت الأحفاد و البنات (الماشافن دنيا) جبت ليكن معاي حاجة سمممحة بتنور الوش..مع انو انتو وجوهكم أكيد منورة, إلا دي نورتا برااااها..كدي أمرقو الرجال ديل من الأوضة النوريكن ياها
عاد يا سناء، وما ليك علي حليفه انا وشي ده غلبت فيهو حيله.. كدي تعالي لي النحكي ليك.. عاد يختي اشوف ليك البنات كللللللللللللهن مجيهات يا يمه ووشوشن زي القمرا... اقول ليهن بتسووا شنو، اتاريهن سايطات الدنيا والعالمين وما خالات كريم ما عاملاتن.. اها أنا قلت النسوي زيهن مالي يا يمه بتبشتن... قوووومي يا مريم يا الشليقة اتمسحي بالكريم.. وقووووم يا وشي يا معتّر الحال اتملي كلك حبوب.. وولع ناراً حمرا أبت تنطفي... وتاني قلت التوبه.. اصلي ما بخت لي مصيبة في وشي ده.. حسي بي لونه الطبيعي هو سمّح .. لكن بس يختي بغراااانه من ناس زولة ديل.. شيتك ده طبيعي؟ فواكه وحاجات زي دي؟ عشان انا الكيميائيات ما بتنفع معاي ....
بنت الأحفاد فرع الإمارات... ما بزيد في كلام الإخوة العزابة رداً على السؤال
بنت الأحفاد فرع بريطانيا.. ينفع نتغزل ونقول في خلقة ربنا، ولا بيني وبينك؟ وريني عشان اوصف ليك شعوري... ربنا يحفظك، ماشاء الله تبارك الخالق...
زولة دي فاتت وين يا اولاد امي.. زولة.. بجيكم الاسبوع الاخير من الشهر ده .. غالباً.. لكني حأحوم ما حأقعد في دبي زي المره الفاتت.. مفروض امشي ابوظبي ودبي والعين وعجمان (وعد الخدر..) .. عارفه عد الخدر دي وين؟ دي قرية طرف رفاعة... بالمناسبة انا عشت في الامارات من 1987 لحدي 1994... كنّا في العين... وزرته كل الامارات بما فيها الفجيرة.. مدينة ساحرة الجمال (الطبيعي) ... بنتلاقى.. انا حالفه ألاقيك...
بنت الحسين
Post: #154 Title: Re: أوضتنا يا بنات Author: Agab Date: 03-15-2005, 11:15 AM Parent: #1
Quote: بنت الأحفاد فرع الإمارات
Quote: بنت الأحفاد فرع بريطانيا
امــــــــــــــــــــــــــــــــــــــــك بيتشابهه جنس شبه
Quote: بنت الأحفاد فرع الإمارات... ما بزيد في كلام الإخوة العزابة رداً على السؤال
دايرين صور دايرين صور دايرين صور
Oops Did I say that loud
Quote: بنت الأحفاد فرع بريطانيا.. ينفع نتغزل ونقول في خلقة ربنا، ولا بيني وبينك؟ وريني عشان اوصف ليك شعوري... ربنا يحفظك، ماشاء الله تبارك الخالق...
ماشاء الله تبارك الخالق
Post: #155 Title: Re: أوضتنا يا بنات Author: lana mahdi Date: 03-15-2005, 11:39 AM Parent: #154
إنتو العزابة ديل يا بنات شوية يجو يفتشو صرفة الختة حقت زولا عشان يتدينو وشوية يقولو ميزهم قطع وشوية دايرين يصلحو المكيف الأبى يتصلح لى يوم الليلة الحكاية شنو؟؟ جيبن لى جبنة قهوة راسي ماشي يتكسر..وهزن المنقد شيلن جمرات ختنها فى المبخر و اكشحن فيهو حبة بخور تيمان
طبعا طلعتى عسل ماشاء الله عليكى وربنا يغتيكى, وجهك طفولى برئ وبجدلونك رهيييب فما تغيريهو بأى كريمات, ماشاء الله وتبارك الله عشان ما تقولى سحرناكى, وشكراللمجامله يا حبيبه, مع انو الصوره ما فى سماحتكن انتى وناديه وزوله بس انتى الاصريتى عليها وزنبك على جنبك
اتكلمى بس ما تقولى شينه شديد اوكى? دنا لسه على وجه زواج
Post: #159 Title: Re: أوضتنا يا بنات Author: نادية عثمان Date: 03-16-2005, 07:22 PM Parent: #156
بت الاحفاد الجمييييييييييييييييييييييييييييلة
يازولة والله ماعارفة اقول شنو !!
يابنات والله لو ماالاولاد البجو يتاوقوا ديل كنت وصفت ليكم سماحة البنية الحليووووووووة بت الاحفاد دى !!
لكن نسوى شنو الله غالب!!
ربنا يحفظك اقايتو ..
احمد الشايقى
بالمناسبة ركن الدوبيت ماشوفتو لى والله راح كلو كلو ؟!!
سناء العسل
سناء كان نفسى دى تكون اوضة مقفولة علينا بالجد عشان نحكى فيها على كيفنا !!
لنوية بت عم مهدى تسلمى وانشاء الله ماعدمناك ياراقية
زولة العسللللى
يابت الفى الصورة ديل عيونك ولاعدسات ماشاء الله عينى باااااااااااردة !!!!
Post: #160 Title: Re: أوضتنا يا بنات Author: mamkouna Date: 03-17-2005, 04:07 AM Parent: #1
Quote: ممكونة.. ازيك..والله واحشاني...عارفة اليوم داك لاقيت توموكو سلمت ليك عليها...إلا قالت زعلانة منك عشان عزمت الناس كلهم لطهور ولدك و فطيتيها ...أها أنا قلت ليها غايتو ممكونة دي أصلها ما بتتلوم مع الناس..إلا يكون المرسال غلط وما جاك.. ولا تكون ضربت ليك تلفون و ما لمت فيك...غايتو أخير تضربي ليها و ترضيها...
سنوية.... إزيك..الله يسلمك...الله يبارك فيك....الله يرضى عليك..... كيفنك يا بت أمي....و كيفنهم ناس نغازاكي.....و..طوكيو؟ نعل ما شاكيين..!! و الله مشتهياكي و متقريفة ليكي...لكن (الكي بورد) ليهو رافع... النبي قولي ل توموكو....لا بيني لا بينها...ما باكتني في أمي.....دايراني أعزمها طهور ولدي!!!!؟ و الله حكم....عاملة وشها الزي الرغيفة البايتة ده...
جيبي عنقريبك ده على جاي....الشباك جايب همبريب حبيبك... يا بنوت....ألحقونا قوام....بالشاي المنعنع...حبوباتكن قايمة عليهن هشاشة العظام....إنعل أبو العولمة زاتو...
Post: #161 Title: Re: أوضتنا يا بنات Author: lana mahdi Date: 03-17-2005, 08:58 AM Parent: #160
Post: #163 Title: Re: أوضتنا يا بنات Author: zola123 Date: 03-18-2005, 04:18 AM Parent: #162
البنات الحلوات والأولاد المقيمين في الغرفة مشتاقييييين اوضتنا دي غير الشاي والقهوة واللقيمات ما عملنا فيها شي حتى الغنى ما سمعنا حاجة لمن لنا مهدي جات تقول لينا دي ما أوضة جد جد.
يا بنات الامارات اتحدوا !! سارة حمزة بطرفنا هنا وعايزين نمشي ليها زيارة يا بت الاحفاد, لنا مهدي, بت القبايل, نهال كرار, انسانة, جوليا وبقية العقد الفريد اين انتن ؟؟؟؟!!!!!!!
Post: #164 Title: Re: أوضتنا يا بنات Author: مريم بنت الحسين Date: 03-18-2005, 08:07 AM Parent: #1
زولة.. حلااااته وليدك... التقول لي كده ظهر منافس لود إيهاب الطيب وود عمو تاج السر..