ساقاضي نادي الهلال واطالب بدخل مباراة الترجي

اول الكلام
حجراتنا مضاءة طوال الوقت
لأننا نصدّق بأن الضوء يحرّض الملائكة
و يرعب الخفافيش
تلك العالقة في سقوفٍ
ابتدعناها
الكلام لـ بثينة العيسيى ـ حيث لا شيء يحدث


قررت انا شيري بت ام شيري ان ارفع دعوة في نادي الهلال ورئيسه ، اشمعنا انا لع ، ماهو كل الذين توفرت لديهم قليل من (الحداقة) وشويتين من (الجرأة) فعلوا ذلك .
(أُم ) يصطدم طفلها بسياج حديقة عامة في امريكا ترفع دعوة في الولاية كلها وتكسب الملايين ، واول امس قرأت ان محامي عماني قدم دعوة في البت الشقيه ماريا ، كونها تمارس رقصا (خليع) يصور المؤسسة التربوية على انها مكان لممارسة الدعارة ، اذ بدت في الفيديو الكليب المعني انها تطارد الاستاذ ، والاستاذ حبيبها ، عامل (اضان جلد) . فكان لابد ان تتحرش به ، وكونها (امورة) وزيادة على ذلك حليبة وعينها قوية ، كان لابد ان تفعل كل شيء ، وعلى الذين يملكون خيالا واسعا ان يتوقفوا عن محاولة التخييل لانهم مهما فعلوا لن ينجحوا في الانتهاء الى ما انتهت اليه (ماريا ) ، فهي تملك فيديوهين كلبين ، والكلبين هما الاغنيتين المصورتين وليسا منثي الكلب الحيوان .
وقلبي مع القاضي الذي سيحكم في هذه القضيه ، كونه سيضطر الى مشاهدة كل اعمال ماريا ، لانني اخشي عليه ان لا يستطيع ان يكمل معاينة هذه الفتاة التي لا يتعدي عمرها الثمانية عشر ربيعا .
فهي (عريانة) الى حد انها (غطست) في حوض بانيو مليان لابو عينو لبن ..
ياحسرتي على اهل دارفور يموتون وماريا تستحمي باللبن بالبسكويت ، والمخرج (الصايع) يدافع عن فكرته انه غير مسئول عن الذين يبذلون جهدا خرافيا ليصلوا بخيالهم الى تفاصيل فتاة (تتدسي) وراء (حليب صافي) .
ماعلينا ، فهي في النهاية (فتاة) مراهقة تبحث عن الشهرة في زمن التعرى والتصحر الذي يشمل كل شيء .. يعني بقت عليها هي ، ما كل شيء باظ واللي كان كان ، فانت كمشاهد مسكين لا يملك من الاسلحة غير ريموت كنترول وامراة تسمي زوجة تعد عليك عدد (التكات) التي تفعلها بالريموت وحتى اذا نفذ صبرها على (بصبيصك) ، فكل تفعله اما ان تتدخل (منقنة) نقة شديدة لتؤثر في قرار مشاهدتك للقنوات المتعرية كأن تختار لك مثلا قناةالمشكاة او الجزيرة الرياضية وستقول لك بعين قوية مالها (القناة السودانية) ماهونديل البنوت حلوات وجميلات اتفرج ياسلام وانت لا عايز بس تشوف لي الحلبيات (الصعلوقات) ديل؟ او انها تذهب مباشرة الى بيت اهلها كأن تكون (الحرمة) تلك اي جنسية اخرى غير سودانية .


دقيقة بس هسع بجي
ساعود لاهترش

وسع يا بطل وصلت شيري العسل

اذن فانت غير معني بان تشيل سيفك وتحارب كل الاخطاء او تتحملها ، مثل ما تحمل الشعب السوداني اخطاء كل الزعماء ابتداء من مين موش عارفة ومرورا بالميرغني والصادق ، وانتهاء بالترابي .
يالهوتي ، كل الكلام دا وانا لم أكل بعد ماكنت قد بدأت به ، اين هي نصف شغالتنا السيرلانكية ؟
كنت ساستعين بها كشاهدة على المعاناة التي عانيتها وانا اشاهد مبارة الهلال والترجي . حتى اذا ما وقفت امام القاضي لا خبره عن عيوني التي راحت ، بسبب (ظلامية) الاستاد (وظلامية) الاستديو وحره ، انشاء الله ينفقعوا بالحر ، في حد يلبس (فول سيوت) بدلة كاملة في شهر مارس في السودان ، يعني عايزين يوروا الناس انو عندهم بدل وانهم لا يقلوا عن الاخضر بلريش وطارق دياب ، طيب ديل ناس (مرطبين) في اسبانيا لو ان احدهما مشي (بكرعينوا) من مدريد حتى الطرف الاخر من برشلونه ورغم انني لم اذهب الى برشلونه لكني اتصور كيف تبعد المسافة فهي حتما لن يكون جوها سخنا وحتى وان كانت نار الله الموقد لن تكون مثل استاد الهلال في امدرمان وان كانت كذلك فهي لن تكون مليانه غبار وعدمانة النجيله والسفلته .
وحتى الان لا اعرف هل حقيقة ان كان الحكم مقتنع انه كان يحكم في المباراة ام انه (مكجر) اذ ان الكجور في مثل هذه المواقف الرياضية مطلوبة حتى انني سمعت مرة وانا في حافله ان مدرب اليوفينتوس( كجر) ( رونالدو) . كما انني اشفقت على لاعبي الترجي وهم يهرولون في جهة والكرة في جهة وقلت ان هذه الهزيمة التي تلقوها بسبب انهم كانوا طوال الوقت يترصدون ورقات وقوارير موية متراصة على طرف المعلب وداخل المعلب على اعتقاد منهم انها كورة . لذلك انهزموا .
وانا اصبت بعمي ليلي . لذلك سادتي قررت من دربي دي انا ارفع دعوة في صلاح ادريس ، موش هو رئيس ودفع من اجل ان يكون رئيسا فلوس متلتلة ادي كده هو . يعني بقت على شوية ملاييني دي التي سيحكم لي بها حتما القاضي حينما تشهد نصف شغالتنا السيرلانكية انني لا املك الا شي من مقومات جمال المراة غيرها . قد تقول انني كنت عمشه ، لكن المحامي اوصاني بان لا اتركها تشهد بذلك .
عندي سؤال : من منكم متاكد ان الهلال هزم الترجي باثنين . ربما ان الذي لعب مع الهلال هو شمبات ولا حلة حمد من يدري ، اذ انه لم يكن هناك وطوال تسعين دقيقة غير اشباح سوداء تتحرك ومذيع يطهق عديل كده .

اخر الحكي
اعرفها
تلك الحكايا
التي تؤثث بها
مرايا
تفخخها بالتسبيج
لملكات عسلك

شيري ربما في غير ذات الوقت

سلام مربع

نصر

سلمت ياسيدي للترحيب الجميل
وسلمت اكثر للطله البهية

العزيزة شيري،

Quote: وحتى الان لا اعرف هل حقيقة ان كان الحكم مقتنع انه كان يحكم في المباراة ام انه (مكجر) اذ ان الكجور في مثل هذه المواقف الرياضية مطلوبة حتى انني سمعت مرة وانا في حافله ان مدرب اليوفينتوس( كجر) ( رونالدو) . كما انني اشفقت على لاعبي الترجي وهم يهرولون في جهة والكرة في جهة وقلت ان هذه الهزيمة التي تلقوها بسبب انهم كانوا طوال الوقت يترصدون ورقات وقوارير موية متراصة على طرف المعلب وداخل المعلب على اعتقاد منهم انها كورة . لذلك انهزموا .

أنا زاتي قلت كده

راكوبة
سلام مربع

يا راكوبه ، يا اخوي ، الحكاية اكبر من كده ..
بالله شوف الزول دا بتاع الكجور محلوا وين . .اصلي عندي مشروع (عظيم) اذا نجح
ح اقاسمك من (ريعه)..

بالجد بالجد ياشيري كلامك دا مقتبس وافكارك دي مسروقة من آلاف أدمغة كل من له عينان وشاهد الكورة ديك في الليلة ديك..كلامك لسان حال الناس. ولكن ياختي ستخسرين القضية لأننا شعب ما تلفزيوني..بس التونسيين لا وعشان كدا كان المفروض بفنائلهم السمحة المزدانة باللونين السمحين أن يطالبوا عشان عيونك وعيونا أن تكون المباراة في استاد النور..المريخ

الشيخ بناديها
سلام مربع يتوسد اطايب نكهتك

كنت قد وحشتني لحد انني قررت ان اسال عنك طوب الارض
ومع ذلك .. كنت مطمئنة الى حد بعيد انك بالف خير
يزدان بك ياسيدي الفرح ويتالق الحرف

ومع ذلك ..
ورغم قناعتي ان الهلال غلب الترجي لان الهلالاب اخدوهم في خوانه
وضلموا الاستاد .. ولمن يشموا في تونس ناس الهلال ح يشوفوا شوف
ومع ذلك ايضا ..
المريخ لا يشبه الهلال ولا قدرو رغم استاد النور بتاعكم
هاهاهاهاهاها ..
الم تسمع ياسيدي في استادكم نحـــن اسيــادكم
هاهاهااهاااههاها
سلمت ياسيدي للطله البهية

شيرى فاكهة البورد الصيفيه ، التى تأتى الينا من حيث لا نحتسب.
أول مرة أدنو من عالمك (المسطوول) ، (بالعرض) - مزيكه- هلالنا يهز الأرض.
وجدت اسم الهلال ومن حبى ليهو جيت داخل توووش بى قدومى لمن قربت أقع، وماكان عندى مانع أحول ليك الدخل كله على شرط أنك تفسمى معاى (مش الحكايه) خيال ، لا أكثر؟؟ وبقولو ألأ غنياء
أقتسموا هلال مريخ ؟؟

يا بت أخوى بوصفى (الجزار) (أرمه) صاحب الساطور الأزرق بأنصحك تبعدى من (كارنا) ده ، فهو مرض أكثر من الحب الصادق أو الفجر الكاذب.
وبكره تظهر ليك (صحافيه) لونها أحمر وشايله ليها ساطور مسنود بى (طبله) وتفتشى (للبحلك) ما تلقيوهو.
رائعه) و(بس)...

تاج السر
سلام مربع

ايها الهلالابي الجميل

لا ادري متي وبدات احس انني اعشق الهلال ، هل لان مشاهداتي الكتيرة للهلال
وهو منتصر على طول الخط ام ان الفرق التانية هي
التي سجمانة ورمدانه ولا اعرف حقيقة حتى الان
ان كان الهلال يلعب براهو هوالمريخ وشوية فرق تعبانه كده ام ان المريخ هو الذي
اصلا سجمان ورمدان ،
لانني لم يحدث ان شاهدت مباراة للهلال الا وكان هو الغالب
والانسان في طبعه دائما يمشي وراء المنتصر .. الا مع امريكا
فانا لا اشجع اسرائيل كونها تكره العرب ومن قال انني عرب ؟
ماهو كل العرب رغم انها ضدها الا انهم (هرلوا) للتطبيع معها
اشمعنا نحن الماعرب ديل نكره اسرائيل
ومع ذلك اكره اللون الاحمر خاصة عندما يلبسه (الرجال)
فهو سمج وكئيب ومتواطئ مع الاحباط
والالعن من كل ذلك فهو لا يعمل (ماتشنغ) مع الواننا الخدرا
في السودان ..
يعني واحد لونو اخدددددر لابس ليهو فانيله صفرااااااا بالاحمر
لذلك على الدوام ينتصر الازرق على الاحمر
والازرق هو الهلال والاحمر هو المريخ
ولم يحدث ان شاهدت طوال عمري كله ان المريخ انتصر على الهلال
لذلك انا اشجع الهلال واكره اللون الاحمر
عندي اختراع ..
لماذا لا يسمي دوري السودان
بدوري الهلال وكاس الهلال واتحاد الهلال الرياضيين
والمريخ مامشلكة عشان هم مايزعلوا
نديهم اتحاد الملاكمة المريخي
او دوري المغلوبين المريخي

ياتاج السر

عايز اسالك

انت صلاح الدين احمد ادريس دا

خانق نفسوا بالبدله والكرفته دي في نص الحر دا
قال نفسو رئيس نادي ريال مدريد ؟

والشيء المحيرني انو كمال حامض ..
اتغالث مع الكباتن وقفل المكيف
في الاستديو . وتحول الجماعة الى فسيخ

عشان تانوا يختقوا بالبدل في عز الحر دا

لله درك ؟ فى كمال حامد ده بالتحديد اوفقك القول؟؟
وكمان نظارة الكابتن امين زكى؟؟
انور
وان عدتم عدنا؟

انور الفنان

بالله يا استاذ انور
لمن كانو بعزوموكم في الاستديو
برضو كنتو بتعانوا الحر دا ؟؟

ولا المشكلة في كمال حامض موش في الاستديو

قوية برشه

Quote: عندي اختراع .. لماذا لا يسمي دوري السودان بدوري الهلال وكاس الهلال واتحاد الهلال الرياضيين والمريخ مامشلكة عشان هم مايزعلوا نديهم اتحاد الملاكمة المريخي او دوري المغلوبين المريخي

خلاص مباراة العودة، الكهرباء حتقطع في الخليج كلو، عشان الهلال إذا اتغلب يبقى ما منك

راكوبة
سلام مربع

شكلك كده ياراكوبة ..
مافرحان لينا ..

معقولة لي هسع الثلاثة ما بردن

راكوبة ياخوي

انت المزعلك موش الكلام بتاعي دا

مزعلااااااك (برشة) الاحمر في مدغشقر
بالتلاثة ...
سالفة(الاحمر) اللي (مشي) بفرحتو
وجاي راجع بحسرتو

وياحسرتي عليك يا جمال الوالي

Quote: معقولة لي هسع الثلاثة ما بردن

والله ياشيري التلاتة دي مافي شي بببردا خالص!!!

اقول ليك حاجة
ياراكوبة
مافي شي (كاجيكم) غير
عادل ابو جريشه دا

نفسي اعرف الزول دا شنو في المريخ
؟؟معقول ماعندو بيت ..
بالله كل ماتشوف المريخ تلاقيهو جمبو

عليك الله ما ببقر من (الرؤساء) في الاندية
التانية ..
خليهو يشوف صلاح ادريس عامل بدلتو الخانق بيها
روحي دي .
ولا ريئس ريال مدريد .. بالله الكاميرا
متابعاهو اكتر من رونالدو ذاتو

ديل الرؤسا ولا بلاش
تقول لي
عادل ابو قريشه

بالعكس ياشيري، أبوجريشة ده لمن يبعد من المريخ النتائج بتتراجع كتير هو مريخي حتى النخاع ولمن يتأهل للرئاسة حيلبس البدلة البتخنق

شيري بنت ام شيري


لانني لم يحدث ان شاهدت مباراة للهلال الا وكان هو الغالب


خصمتك بالنبي اكان ما حضرتي كل كور الهلال


وانا بجيب ليك الكجور انشاء الله من مايرنو بس احضري انتي

عباس
مبروك الانتصار، وعقبال التأهل،
وين لابد لا حس ولاخبر، ما بتظهر إلا مع الكورة ولا شنو
تحياتي..

شيرى (الرشاشه)
تقصدى (ريال مدريد) ولا (ريال ما دريت) ؟؟ طبعا ده لقب أخوانا الأعداء ، وفى حاله ذى دى نكون نحنا (برشلونه) وفاتو خلونا وتانى ما جونا وكان مغالطنا أسأل ناس (سومطره) القامو (غلبونا)!!!
تعرفى يا شيرى لو ماكنتى (رشاشه) كنتى ح تنتظرى زمن طويل عشان تشوفى المريخ منتصر على الهلال، وده كلام قالو خبير كروى (مريخابى) أكثر من (الطماطم)!!!

وذى ماقال ليك عباس حقو تحضرى أى مباراة للهلال، مش لوحدك وأنما معك الأخ/ ياسر المنا، الكاتب المريخابى (الراقى)، لأنه ما حصل كتب أو أتخيل أنه المريخ يغلب الهلال الا وكانت النتيجه معكوسه، مرة كتب (اضربوهم) فرديت عليه وقلت (أطربوهم وبعدين أغلبوهم، لكن ما تضربوهم)، وقد كان!!!

بالأمس كان معى قبل بداية المباراة بدقائق قليله فتفاءلت خيرا وتحاورنا عن مشاركة المرأة بفاعليه واضحه فى مجال كرة القدم وتحدثنا عن المطالبه بتخصيص مقاعد (للمتفرجات) عشان اللاعبين يسمو مستواهم الكروى وخلقهم - طبعا عارفه الرجل السودانى ضعيف أمام المرأة وبيحترمها أكثر من أى رجل فى العالم- (ودى حقيقه).

أما موضوع تاسيس أندية كرة قدم نسائيه فلسه بدرى عليكم، لمن ناس الأنقاذ ديل (يذوبو) من الخجل، أو تعملو ذى (الكويتيات) تلبسو أزرق وتشيلو أعلام وتقيفو قدام .. تعظيم سلام لى (كابتن) شيرى أول أمرأة تنال لقب (رشاشه) بجداره.
تخريمه:-
واحد مريخابى حر وزوجتو هلالابيه رشاشه ، رجع من آخر مباراة الهلال غالب المريخ مع الرأفه بى قونين ، دخل غضبان قالت ليه :-
وى وى غلبناكم.
قال ليها:-
وى وى طلقناكم.

شيري زي ما قال تاج السر مبروك عليك الهلال

راكوبه ولدنا انشاء الله ربنا يوعدكم

وقاعد انا لكن حاله من الزهج والدبرسه

شيرى الله اخلى ليك مرارتك؟؟
فقعتى مرارتى؟
المشكله كمال حامض؟؟ او كما قال؟
خالد عز الدين؟
ليك كثيف الود

Quote: يعني واحد لونو اخدددددر لابس ليهو فانيله صفرااااااا بالاحمر

رهيبة يا شيري..رهيــــــبة ...شفتي مشاكل الألوان دي كيف..يعني لو ما الضلمة أمبارح كنت شفتي ناس الترجي قاشرين(لو عايز تظهر..البس أصفر)..قلنا ليهم انتو ألبسوا .. ونحن نغلب..دي علي وزن (انتو أبنوا استادكم..و نحن نغلبكم فيهو) ..

Quote: مش لوحدك وأنما معك الأخ/ ياسر المنا، الكاتب المريخابى

يا عزيزي تاج السر..بالله الزول دة لسة بكتب..دة مش بتاع (الهام شاهين تعيش قصة حب ملتهبة مع شاب سوداني) ..الموضوع الزماااااان بتاع (المهندسين)و أخونا مين كدة (الب..) و (م) و الجماعة الطردوهم من الشقة بسبب الموضوع دة ..
أظرف حاجة انو الهام شاهين جات شايلة الجريدة و قالت ليهم (ايه الهباب دة) و بعد داك الرماد كال حماد..قال ايه..(سبق صحفي)..
أها..قال اضربوا منو ان شاء الله..البرنس ولا طمبل ولا الحيطة (داريوكان)..قول ليهو غلبوكم الأقزام بتاعين مدغشقر و بقيتوا علي ناس مدثر كاريكا..ليهم الله..

sign

سلام مربع

نصف شغالتنا السيرلانكية ، قالت ليك انت كده
لانها جد متاثرة من ليلة امس بما حدث
وهي متاضمنة معي

كان من الممكن ان تشجع المريخ الا ان اللون الما ماتشنغ
مع لون السودانيين ، كرهتي بالله واحد
عشان كده هي هلاللابية موووت

يسالني الله انا بحب الهلال شديد

شيرى و المتداخلين

انتو الظاهر حظكم هباب
أنا شفت المباراة كلها و من اولها هنا فى ابوظبى
وكانت اوضح من الشمس و مافى الظلام البتقولو عليهو ده
و كنت شايف فنايل الترجى الأحمر بى اصفر بوضوح و أقول: أضرب اللون
وفعلا انضرب اللون
لكن برضو انا خايف من مباراة تونس
كونو حارسنا ضعيف جدا فى الكرات المعكوسة.
و كونوهجومنا اضاع الكثير من الفرص الساهلة اللى كانت كفيلة بدفن الترجى فى تراب العرضة شمال لاحقا لأخيه جار الهلال المدفون ليهو سنين هناك.

هشام المجمر
سلام مربع

عارف ياهشام لي الهلال غلب
الترجي ؟؟
لانو الترجي كان لابس احمر
وزي ما قلت الاحمر في السودان
عندو عقدة الازرق
موش لو بقى الترجي لو فالنيسيا ذاتو
يعلب قدام الازرق يغلبو ليك
هاهاهاهاه

سيــف كلي

سلام مربع
يا قمر السما
ياهلالي يا مبسوط
انشاء الله دائما مبسوط
لكن بيني وبين لو هيثم طمبل
دا كان جاب القووون موش كان
كمل الحلو ..

عباس

سلام مربع

ياسيدي لو علي المريخ
مامشكلة لو حضرت ضربة زاوية
واحدة لصالح الهلال
اتخيل لي االماتش ح ينتهي
على فوزالهلال علىالمريخ
على قولة خوي المريخاب
ديل ما محتاجين غير فنايلنا بس
والخلعة بتدخل في قلوبهم
يعني فانيلة رقم ثمانية راقدة في النجيلة
المريخ كلو ح يجروا على المرمي يحرسوه
وبعد ده ح يطلعو مهزمومين

اما مسالة الترجي دي حاجة تانية
ياخوي ما نكضب علينا ..
الناس ديل مابنقدر عليهم ..
والله لو صلاح ادريس اشتري وزارة الرياضة التونسية
ذاتها ومعاهو الترجي ، ماح نغلبهم

احبطتكم صااااااح ؟؟

Quote: لا ادري متي وبدات احس انني اعشق الهلال ، هل لان مشاهداتي الكتيرة للهلال وهو منتصر على طول الخط ام ..

بل لأنك فال الهلال ..
ولون الفرح
وطعم المفردات المحتشدة بآلاف المعانى ( الغتيتة) ..

معتصم الطاهر

سلام مربع

سلمت ياسيدي للكلام الزين الذي لا يشبهني
سلمت ياسيدي للطله التي على الدوام
تزين بها تاج راسي المزعمط دا
مبروك فوز الهلال العظيم

يا شيرى
هدفين
ذى
اللبن الصافى

العزيزة شيري
سلام مربع ..
طبعاً أمس نام أكثر من 25 مليون سوداني وبين جوانحهم الفرح ..
والزعلانين أصلاً زعلانين من طبعهم .. بس الذي تعجبه الأشياء الجميلة .. يكون رشاشة ويغني معنا للهلال:
هذه الدنيا عيون أنت فيها البصر
هذه الدنيا كتاب أنت فيها الفكر
هذه الدنيا سماء ... أنت فيها القمر ...

بتنا شيري..
مقالك جميل..وقصة لو ماعجبك قرطع الشاي وشتت دي أوسكار.
المهم..مانطول عليك..الهلال فريق راستا, والله رغم أني لا أهتم كل الوقت بالكره,
لكنني فرحت والله.
أفريقيا يا شيري شايله قلبي تميمه.الوكت كلو أفريقيا.
الشكولاته الصافيه,الطين الوحشي الوديع,لون أبونا آدم.

محمد بهنس
سلام مربع

والله ياخوي افريقيا عزيزة علينا كلنا
وربنا يقويك على الشدائد

والف مبروك تاني للهلال الجميل

سلمت ياسيدي للطله

موسيقارنا الفنان

حمزة سليمان

اين انت ..
نشتاق غناك الجميل
العذب
سلمت ياسيدي للطله البهية

مبروك عليك فوز الهلال

وصلت حاملة زهور الكلام عطر النقاء

الموسيقار
يوسف الموصلي

وانت وابداعات الفنية
رحيق الزهور نفسها

سلمت ياسيدي للطله الجميله


بلدي ياحبوب

الكلام دا على مسئوليتك يا بلدي ياحبوب
يعني شاورت ناس الهلال انو يوافقوا يدوني نصف دخل
مباراة الهلال والترجي عشان اتعالج بيهو ؟؟

لانو لو انا لحقت ورفعت الدعوة ، ماح ارضي باقل
من 250 مليون جنيه..
انشاء الله صلاح ادريس يبيع كل املاكو ..
معقول لو صلاح ادريس اداني مبلغ التعويض دا ح يفلس
ياربي عندو كم صلاح ادريس

شيرى
يا ناس يا عسل اكليل الزهور وصل
سلام مثنى وثلاث ورباع وخماسى طبعا خماسى ده لزوم ما ينط واحد من الجماعه اياهم ويطلع فتوة فى المنبر الحر .

وكمان منى ليك نصيب الجماعة بتاعين الابواب والتى لم تذكر عند اذاعة دخل المباراة
اما عن البدل فالمسئولية تقع على مصور التلفزيون الذى يوصى لكى يوجه الكمرات بس انا المحيرنى فى صور اعضاء المنبر مافى بدل ليه يعنى علشان المنبر الحر مسخن ؟؟؟؟
تحياتى

الغالية شيري

بيقولوا لو عاوز تظهر ألبس أحـــــــــــــــــــمر أو أصفـــــــــــــــــر

مبروك عليك وكل الرشاشة و الرشاشيات الفوز

ذكرتني كلية الهندسة والله لانو المهندسات كانوا خبراء في الكورة علي الأقل في الجامعة

المشكلة يا ستي بعد أسبوعين كلنا حنكون في الهوا سوا ونقعد نتحسر مع تاج السر و عباس تانـــــــــــــــي

إنو نحن لمن جيبنا الكاسات ونحن لمن غلبناكم ووووووووو...................

الشاهد في الأمر كلو تاريخ


وإنشالله يكون حظنا كسودانيين في الدنيا أحسن من حظنا في الكورة و السياسة

ولا رأيك شنو يارشاشية

كل الود
ودالعجب

سلام مربع لصاحبة القلم الرائع شيرى

تعرفى يجلس فى قاعة التحرير وبالقرب منى صحفى مصرى وهو رجل رائع وزملكاوى لدرجة الهوس ....المهم بعد ما ابتسم لى وقدم التهنئة خاصة وانو المصارنة بيكرهو ناس المغرب العربى لانهم دايما بيقفو معاهم الف احمر وبيغلبوهم ومرات بيدقوهم..وبعد ما بادلته التحية والتهنئة باحسن منها وهو يعلم اننى طلقت الكرة السودانية واصبحت من محبى البرسه والحلويين الفنانين ولدنا ايتو وودعمنا رونالدينو...المهم الراجل صمت بره وقالى ياااااخ بس الاضاءه كانت تعبانا والكرة ماواضحه وبس تشوف الناس جارين فى اتجاه وتكتشف انو الكرة فى اتجاه اخر ويمكن يكون الحكم فى اتجاه رابع ..فى سرى قلته المصرى دى يعنى قاصد يبيخ لينا نصرنا الباهر فى زمن القهر والانهزام ..اهه قلت ليهو يااااخى الكرة وااااضحة والاضاءة باااااهرة واقيمت المباراة فى جو غاية الرورورورعة ,,,الراجل ابتسم كده وقال لى غريبة بس انا تلفزيونى جديد وشاشتو مسطحة وكمان بلازمه..!! اهه مع زى ده تانى فى كلام...؟

شيري

مبروك للهلال

لكن الصورة كانت واضحة فى القناة التونسية جدا جدا.. يكون المشكلة وين

فى تلفزيون السودان? ولا نحن بنشوف غلط ? مع انها نفس الكاميرات يعنى القناة

التونسية بتنقل بي كاميراتنا... عملية تحير والله



تخريمة....

ضربة الجزاء دي صاح ولا الكتاحة خلتنا ما نشوفة كويس!

Quote: ساقاضي نادي الهلال

يا جماعة أنا حا أقاضي شيري بت أم شيري دي ..
لأنها كثيرة الغياب وما عارفة إنو غيابها دا بترك فينا أثر شديد ..
ومافي أجاويد ولا تحانيس إلا المحكمة تحكم بعدم تغيبها مرة أخرى ..
وإستمراها في الكتابة الحلوة دي هنا ..
أها قولكم شنو ..

شيري سلاااااااااااااام شديد ..
لمن تنظر المحكمة في دعوتي دي ..

يامعتصم بوصفى عمدة (الرشاشات) فسوف أصدر حكما على (شيرى) ، فالأقربون أولى (يالحكم) ولو يأكلو نصو ... خصوصا فى الزمن الضائع للأنقاذ والله جنس نهب (عيييييييك) و أنا شاهد.
وسوف يكون ذلك الحكم مخففا رأفة بها لأدخالنا فى عالم كرة القدم وأخراجنا منه بمقال خفيف الدم عريض المنكبين ، وعليه توصلت المحكمه بناءا على ماتقدم به شاهد الأنهام الأول، بأثبات تهمة (غيابك طال) على المدعو/ شيرى.
ونحكم بالتالى:-
الكتابه ثلاثه مرات يوميا (بعد تناول الوجبات) دون الأستعانه (بمديرة) المنزل السيرى لانكبه!!! ودون أنقطاع مهما كانت الأسباب حتى لو كانت تلك الأسباب أنقطاع النور الذى لم يحدث قط من قبل بألأمارات، ومن المؤكد لن يحدث فى سودان السلام والنفط (المراقب) مثل هيثم مصطفى.

مجرد سؤال ليه كل ما اشوف فنيلة المريخ
بتذكر الاتحاد السوفيتي والشيوعية ؟

سلام مربع

عقاب

في دي انا معاااااك ، ح نقعد قعااااااااد ، ومن هسع خلي تاج السر يرجع للارشيف
ويذكر تفاصيل اخر مبارة لعبها المريخ مع الهلال ، والتي حتما مغلوب فيها
عشان ح تكون موضوع النقاش بين الطرفين

ود عكر

ياخي المصاروه دول قصة كمان غريبة معانا
. المشكلة هم ذاتهم كورتهم ذي تمثيلهم ، كلها دموع تماثيل
وحركات (ااارعة)ولعب على الدئئئئئون ..

ود العباسية

يا لهوتي ، ويافضيحتكم يا هلالاب
التوانسة شافوا الكورة واضحة في تلفزيونهم
معني كده عرفوا ان ضربة الجزاء ما صحيحة
شيلوا شيلتكم يا تاج السر معاهو في ملعب المزه
ولا ايه ماعارفه

راكوبة
ما لازم يفرق .. مدام الكورة في جهة والحكم واللعيبة في جهة
اتاريني كل ما اجي اتفرج اشوف ليك انقيدي جاري غباري لاوي
واللاعبين التوانسه مقبلين كده
هاهاهاها .. برضو غلبانهم يا صيهانة

معتصم دفع الله

براحة علي يا معتصم .. والله اختك بتسرق الوقت سرقة
مايقوم يسمعوا كلامك دا ناس السيرلانكية
سلمت ياسيدي للطله ..
سلمت اكثر لسؤالك عني ..

تاج السر
ياخوي خفف شوية حكمك علي
الصهاينة ديل ، ناس بتاعين مشاكل
يقوموا يعرفوا بهلاليتي الصارخة
يلبتوا لي في ذات مخابئ ويجيبوا اجلي
بيفروس ابن كلب
هاهاهاهاهاه ..
احبهم المريخاب ديل رغم انهم مابعرفوا يلعب كويس
وبلبسوا هدوم ما عاملة ماتشنيغ مع جو السودان

ود الشيــخ

عارف ليه ؟؟
لانو الشيوعية انتهت
وبالتالي امريخ انتهيى كفريق
خليهم يشجعوا الراسمالية واقتصاد السوق

Quote: عقاب

عجب
زي العجب حبيبي

ومعلوماتك عن الكورة واااااااوووووووووو

كل الود
ودالعجب

من غيرنا يعطى لهذا الشعب معنى ان يعيش وينتصر
انه الازرق الوهاج
شيرى الفنانة..شكرا لهذا الابداع والجمال

شيري بركه الشفناك طيبه
Rakoba:

Quote: خلاص مباراة العودة، الكهرباء حتقطع في الخليج كلو، عشان الهلال إذا اتغلب يبقى ما منك

هي تونس عدلوها وودوها الخليج لووووول
---

والله يا شيري خايف ليكم من الستة بتاعت مباراة الرد ذي ما حصل قبل سنتين
الهلال كان فاز 3-1 في الخرطوم و إنهزم 6-0 في تونس .. الله يستر

جيرانكم و مورداب أحبكم..

Quote: هي تونس عدلوها وودوها الخليج لووووول

أبومهند، أنا قاصد العزيزة شيري، الفأل الحسن على مباريات الهلال...

شيرى الرائعه
وصلتنى دعوه كريمه لشخصكم الرائع للنوقيع فى موقع الهلال والأنضمام الى بوتقة النساء الهلالابيات مقابل مبلغ 185 مليون جنيه ، يعنى مثل رونالدينو!!!
وهذا هو الموقع الذى سعى لكى تنضمى اليه أن سمح وقتك بذلك.
http://www.hilalalsudan.net/ForumLite

سلام مربع

عبد المنعم سيد احمد
سلمت ياسيدي للطله البهية
وسلمت اكثر لهذا الاطراء

ابومهند
طلتك افرحتنا ياسيدي
وربنا يخليك
Malamih
لا ياسيدي ما تخاف طالما معانا
الاسود الزرقاء ، ابدا ما ح نشيل هم
يغلبونا ، اه ، جائز ، بس ، يطلعونا
باخوي واخوك ..
اهو دا الموش ممكن
موش في سيدها ، سيدها ..

تاج السر
بس 185 مليون ..
نانسي عجرم اخدت 3 مليون دولار ...
ايي انا موش زي نانسي عجرم ، بس كمان برضو ما ممكن تساويني
بقيمة اغلي لاعب مريخي ..
انت المريخاب ديل ، ليه ماعندهم قروش
ايه رأيكم نديهم دخل مباراة الهلال الجاية في الدوري
عشان يدوا بيها حوافز للاعبين ..
هاهااهااها
امازحكم يا شكالين .. انا موش قدركم