ايه قصة عطبـــرة مع الربـــــــع

كنت مسافر من الخرطوم الى بورتسودان عن طريق السكك حديد بمعية زوجتى واطفالى وكالعادة
يحدث عطب ما للقاطرة بعد الجيلى وانتظرنا حتى جيئ بقاطرة اخرى من بحرى وكان القرض من رحلتى بالسكك حديد هو اننى لم ارى عطبرة وكنت اتمنى رؤيتها ولو عن طريق المرور ولان خال ابى من سكان الدامر وفى طفولتى دائم يحكى لى ابن خال ابى عن الدامر وعطبرة وجمالهما فلذلك كنت اتمنى رؤيتهما فكانت هذه الرحلة ولكن للاسف جئنا مر بنا القطار بهذه المناطق وقد غطى الليل كل شى وايضا كنت اشاهد لوحة لام على فى احدى الاكشاك فى مدينة بورتسودان ولكن هى الاخرى لم اتمكن من مشاهدتها كما ينبغى ولكننى شاهدت النيل من احدى النوافذ وتحركت مسرعا للاخرى لكى يكتمل عندى المشهد فشاهدت الجبل فقلت فى نفسى نعم لم يخطا ذلك الفنان الذى نقل لنا لوحة ام على ولكن عطبرة والدامر لم اتمكن من رؤيتهما.
ولكن حصلت لى قصة عجيبة فى عطبرة حيث نزلت مع اطفالى لنشترى وجبة ساخنة ووجدت بوفية عطبرة امامه ازدهام وبعد معاناة وصلت للكاونتر وطلبت ابنتى بان اشترى لها(باسطة)
فسالت البائع كم الباسطة لو سمحت قال لى الربع بكذا فى الحقيقة كانت على ملابس بجاوية
وعليها كل الاتربة التى اثارها القطار فقلت فى نفسى هذا الرجل يحتقرنى انا لم اساله
عن الربع كان عليه ان يقول الكيلو بكذا فشددت معه اللهجة وتطور الكلام الى مشاداة
وتشابك وصراخ اطفالى تعالى وكاد ان يفتك بى لولا تدخل الاجاويد وتهدءة الموقف وقال
لى رجل مسن يابنى هو قال ليك الربع بكدا وكان انت داير كيلو قوليه داير اربع ربع
مودى نفس فى مشاكل مالك وبعدين الراجل دا لكل الناس بقول الربع بكدا.
المهم انتهت المشكلة بسلام وعند عودتى لبورتسودان حكيت القصة لصديق لى من عطبر فضحك
باعلى صوته وقال لى انت راجل معقد وعطبرة كلها تبيع بالربع والربع هو الاساس .
وعشان كدا بسال ايه حكاية الربع مع عطبرة.

هاشم الله يديك العافيه والله ضحكت ضحك شديد, تذكرت عمي في سوق امدرمان لابس لبس الرواعيه سال عن تمن توب الراجل قال ليهو ده ما ليكم عمي اشتري التوب وعملو صرار لي الغنم

هاشم نوريت

تحية طيبة

مشكلة عطبرة مع الربع ام مشكلة السودان كلو !

هاك دى

قال ليك واحد كان مغترب من زمن الـطرادة كانت بتعمل حاجة

رجع البلد بعد، اهه مشى الدكان و مد لى بتاع الدكان خمسية جنيه،

و قال ليهو عليك الله ادينا (جبنة بيضاء)، بتاع الدكان مشى (غمز)

السكينة فى صفيحةالجبنة و (مدها) للراجل، الراجل (لحس) السكينة

و قال : اممم كويسة ، يله اوزن، بتاع الدكان قال ليهو، يا بن العم

اوزن شنو، ما كده خلاص !!

تخريمة

سمحت لى الظروف مرة بزيارة عطبرة، فلو كان الحنان مدينة فهو عطبرة.

تعرف يا هاشم عطبرة بالذات ما عندها أي شغلة بالموازين، وخاصة الباسطة لو ما بالقطعة بتكون بالهين وحسب ما يعجب صاحب المحل بالرطل أو الكيلو أو الهين

حتى في الدكاكين بتلقى صاحب الدكان مخترع ليه موازين من عندو والزبون رضيان

في محطة عطبرة أصحاب محل البوفيه هم أولاد عثمان عبد السيد ومعروف انهم أخلاقهم سلبة تدخل وتمرق وتخرب على كيفك ما حد يقول ليك بتعمل في شنو

لكن دعنا نفكر معك إذا كان أغلب المسافرين بالقطار في الوقت الراهن بعد تطور المواصلات وسرعتها أخذت رجال الأعمال والأسر وظل العمل أو المرتبطين بالمحطات من العمال والمستفيدين من تذاكر السفر المخفضة من يسافرون بالقطار، وأغلبهم يسافرون لوحدهم، وفي الغالب لا يستهلكون أكثر من الربع

كنت تواصل مذكراتك عن ظلط والحديقة والدجاية وزهتيب ومسمار وسوتريب ودورديب وهيا
وأن تسمعنا نغماً من أنغام مقد..
آووو هاشيميتي حالوك تبابو إندي
آيي آووا آوه آيو آهوا آيا
مقد تعرفي؟

شكرا الاخوان
سيف
محمد
المسافر

وصلنا مدينة هيا فى الصباح وكنت مشتاق لاحتساء فنجان جبنة وقد كان فى
الجانب الاخر قطار ركاب قادم من بورتسودان مما زاد وجدى والمهم ذهبت
بعيدا عن قضبان السكك حديد وجلست بمعية زوجتى وابناءى فى رمال هيا
وطلبت من بائع الشاى والجنبة يسكت يكب وبينما ان استمتع بجبنة هيا
كان هنالك رجل مسترخى على الرمال وببراءة ذهبت اليه طفلتى الصغيرة
وتحدثت معه فكانت سبب فى مبادلة الحديث معه وعرفت منه بانه من ركاب
قطر عطبرة ويبدو انه ينتمى الى قبيلة الشايقية وتاكدت من ذلك منه
بعد ذلك المهم قال لى كم ستستغرق الرحلة من وقت لمدينة عطبرة فلت
له ياعمنا القطر بتاع عطبرة ما مشى ليه ساعة فقال (على كمان الله)
ونان الواقف دا شنو قلت ياعم دا قطر ماشى بورتسودان وشن اسو طيب
تمشى لناظر المحطة وتبلغوا عشان عفشك وياعم انت عارف رقم العربية
الراكب فيها قال وكان عندى فلاحة زى دى اليخلينى احرس قطر بورتسودان
شنو.
وذهب مسرحا الى المحطة الحصل فى جبيت فلم تانى.
رايك شنو ياالمسافر.

في هيا
محطة السكة حديد حديث
ومقاهي اللواري شكل
وسوق هيا قصة
والجمارك في هيا قلعة

في المحطة كن حذراً

وفي المقاهي إن كنت لا تعرف لغة التخاطب أفضل لك السكوت

وفي السوق تقرأ التاريخ وترجع بالزمان مع باقراب

من أخطر محطات السكة الحديد بالجملة هي هيا، فربما تؤخذ على حين غرة
وأفضل أن تلوذ بميز عمال المحطة أن أظلمت البسيطة حولك ولا تنتظر قطر البضاعة..

واللواري التي تتجه شمالا تقع في الكمين بعد هيا عند خناق الجبل
وهي في حذر حتا تجتاز خور حمار وأوجرين

زرت هيا في عام 1978
تكررت زياراتي لها في عام 1988
وجدت بعض الأصدقاء هناك ، منهم فضل السيد، والمرحوم أحمد الحسن النو

في سوق هيا، الجزارة وسوق العجوة، كان هناك شيخ طاعن في السن مطعون بالهزال يدخل في سكرات الموت تمثيلا وآخر يحمل الماء ورأسه بين يديه في أكثر مناظر الموت رهبة ، ومن خلال التجمع تمتد اليد بنشل الجيوب الغريبة ثم بعد هنيهة كل شي ينقشع، يتكرر ذلك المنظر عدة مرات في السوق على مدى السنوات.. ومما لا شك فيه خال هذه السنوات يكون قد لاقى الموت الحق..

أما شرابك الماء النقي البارد من محطة الأنابيب فهو العجب العجاب

الا هما هوك سكناب تدي

اخي هاشم نوريت الظاهر كلامك دا بدري شوية لانو اخر بتاع باسطة في تم جلده 40 سوط
من قبل ناس النظام العام لانو قاعد ينادي على الزبائن ( ما بالسمنة وكدا ياخ ) وبعدين
بعد الجلد سكت عن الصياح وعند سؤاله عن عدم ترديد ما بالسمنة وكدا كان يردد .....
ما جلدونا وكدا ياخ ... سبحان الله ...


ود الباوقة

الاخ عمر
دبايوا

Quote: ما جلدونا وكدا ياخ

الظاهر اخد علقة تمام ياسيد الناس ديل ايدهم طالت كل الغلابة
وان شاء الله نشوف يوم جلدهم .

عطبرة هي المدينة الوحيدة في السودان التي تعاملت مع البجة حسب تراثهم وقيمهم في الوقت الذي يطارد البجاوي في بورتسودان إذا كان يحمل شوتال أو سيف،
في عطبرة وجد البجاويين حرفة صناعة الأحذية المميزة من الجلد وتصليحها، بل إحتكروا هذه الحرفة وسمحت لهم العمل في هذه المهنة بدون دفع أجرة تذكرة العرض في السوق وسمحت لهم بعرض المشغولات الوطنية من السكاكين بجفيرها والشوتالات والسيوف ..
أكثر من ذلك إقامة حي كامل شرق مدارس الخدمات لكافة القومية البجاوية يقيمون فيه لمدة من الزمن يبنون فيه مخادعهم ولا يزاحمهم جنس أو يعتدي عليهم مسئول أو يطاردهم بلدوزر..وأصبحوا جزء من النسيج العطبراوي الفريد..
وإن طردوا من ذلك المكان فليس في وقت كان المجتمع العطبراوي ملك إيديه وإن تغيرت الظروف فليس من حلم كان في أنفسهم أن يزغ ظهر المجن.

الاخ/ هاشم نوريت

الله يديك الصحة البوست ظريف وخفيف لكن بينى وبينك الربع ده لسه فى والله لحق السكة حديد
تحياتى

الاخ العزيز هاشم توريت
لاول مرة اكتشف ان الوهابيين قادرين علي الاضحاك
والاضحاك الشديد......القصة وملابساتها طريفة.

يا اخي دي مدينة عمالية بمعني الكلمة الناس
يا دوب بتشتري بالربع...الراجل اراد بك خيرا

الاخوان
المسافر
يابلدى ياحبوب
عمر على
سلامات
اشكرم على المشاركة وطبعا السفر تحصل فيه اشياء كثيرة ودى قصة واحدة
من احداث كثيرة وبعدها سمعت قصة عن جزار من عطبرة رحل وسكن فى حى اسمه
الخليج فى بورتسودان ويسكنة تجار بورتسودان وطبعا يشتروا الحلمة اوزن
الخروف دا وادينى نصف الخروف وزولنا دا شغال ومبسوط ويوم جاه واحد
وقال ليه ادينا ربع وقام الجزار ناطى فى الزول فين يابلدينا جيت متين
من عطبرة.

قلنا نرفع البوست دا يمكن هاشم نوريت
يملك المزيد من الطرائف ليرويها