يوما مفتوحا ناجـحا لأبنـاء دارفـور وســودانيى فلاديلفيــا

لقــاء ناجـح لأبنـاء دارفـور وســودانيى فلاديلفيــا أمس
كان لقـاء ناجحـا بكل المقاييس.. ولا غـرو فى ذلك، فإن الجاليـة الســودانيـة فى هـذه المدينـة العـريقــة، عرفت بالنشــاط الوطنى المنسـق والمنظـم، ونكران الذات.
كان حديث المتحدثين، من الســودانيين وضيوفهـم الأمريكـان والأفـارقـة، يصب فى كشف ما يجرى فى غربنـا الحبيب، وتعريـة نظـام الحركـة الإســلاميـة الفاشى.
سـوف أوافيكــم بتفصيل أكثـر، مـع تسجيل فيديـو قريبـا إن شـاء الله.

http://sudan.org

الأخ أبو الريش:
عندما جاء محمد حامد الي السعودية كان هم الجميع هو لماذا كان يتناول وجبة العشاء في الفنادق وماذا أكل ونحن الان نتسائل ماذا أكل الأخوة الدارفوريون في أمريكا بلد الحريات ؟؟؟ هل تناولوا ملاح الكول كما يفعل المغلوب علي أمرهم ؟؟؟ هل ضرب الاخوة الامريكان ملاح المرس وعصيدة الدخن حتي يري الخواجات كيف أن أهل دارفور مهمشين ؟؟؟ أم ان الدعوة كانت بها "الدونات " والايسكريم والكاتشب والمايونيز ؟؟؟
ليتك أخ ابو الريش تحكي لنا قليلاً عن معاناة أبناء دارفور في امريكا وان تحضر لنا بالفيديو ماذا اكل هؤلاء اللذين يمسكون علي جمر القضية وكم اتمني أن يكون في الصور محمد سليمان وهو (مغمز يدينو لحدي كوعو في ملاح أمتكشو " ....

ســلام يا عمـر الفاروق،
كل الطعـام فى القاعـة كان عصيـدة وملاح كول، وسندوتشــات فول وسلطـة أســود، طبيـخ أخوات دارفـور فى المدينـة.. هـذا ما كان متوفـرا.. الشئ الوحيـد الما دارفورى كان الببسى الذى هـو أرخص من الماء هنا بالمناسبـة.. علبـة الببسى بـ 10 سنت فى الدكاكين الكبيـرة، وزجاجـة الماء التى فى حجمهـا ليست أقل من 50 سنت.
بعدين أنصحك ما تأكل مايونيز وكاتشــوب ودونت كتيـر لأن هـذه كلهـا سمــوم.. جنك فـووود. الدعايـة الأمريكيـة للمايونيـز والكاتشـوب التى أقنعـوا بهـا الأعـراب، لا أحـد يستمـع إليهـا هنا إلا من لم يجـد سبيلا لطعام صحى مثل العصيـدة والكسـرة، أو الخضـروات الأمريكيـة بدون مخصبات.. (خليك واعى غـذائيـا).
نقطــة تانيـة مهمـة جـدا؟ من هـو محمـد حامـد هــذا ؟ أغلب ظنى أنك تقصــد محمـد حامـد جمعـة الذى حضـر مؤتمـر الإرهابيين فى الحجاز.. فإذا كان هـذا ما تقصـد، فأرجـو أن توضـح لى متى ســألتك عن أكلـه أو أين نزل؟ وماذا يهمنى من ذلك فى المقام الأول. هل سـألتك أو سـألك أحـد بالنيابـة عنى؟ أرجـو أن تجيب على هـذا الســؤال.

مرحب وعليكم السلام الأخ ابو الريش :
ابدأ ليك من حيث انتهيت ..
اولا لم أق لك صراحة يا ابو الريش أنك قلت هكذا موضوع للاخ محمد حامد ولكن قلت الجميع وهنا أقصد جميع المتداخلين اللذين تداخلوا في بوست اخر هو فحوي الموضوع ..
واذا كنت أقصدك انت كنت ستجدني مباشرة أقول لك ( يا ابو الريش الم تقل كذا وكذا )..

ماذكرته لي بخصوص ما قدم في هذا اليوم لن أكذبك فيه فربما هي عادات أهلنا السودانيين ولكن كل إشفاقي علي ( الخواجات ) المدعويين هل أكلوا العصيدة ؟؟؟

تخريمة :
شكراً لهذه المحاضرة الغذائية المجانية وشكراً للتثقيف الغذائي ..
مزحة أرجو أن تتقبلها : هل نتوقع كتاب الابلة نظيرة قريباً ؟؟؟

ناس محمد سليمان دفعوا تذاكر سفرهم و تمن أكلهم من عرق جبينهم
بيدفعوا أيجار بيوتهم و شققهم من كد عملهم
هنا مافي واسطة أو محسوبية أو مجاملة ليهم في كسب عيشهم.
زيك و زي محمد حامد جمعة أتخموا من ضهر المساكين و الجياع من الجنينة الي كسلا.
محمد حامد جمعة و صلاح قوش ربو جضومهم في بلد المجاعة تقتل ملايين.
يسافروا درجة أولي و ينزلوا في فنادق فخمة علي حساب الشعب المسكين.
و هم السبب الطردوا كل المواطنين الشرفاء من البلد مرة بالصالح العام و مرة لأنهم كتبوا أسم قبيلة غير مرغوبة في أستمارة طلب الوظيفة.
و عشان زيك البيداري الغلط بغلط أكبر ... عايزين نضع نهاية للهيمنة و الأكاذيب و الخداع . و المرة دي أن شاء الله حنوصلها معاكم للنهاية...

ابو الريش العزيز وكل ناس فيلي الكرام..

ألف مبروك لنجاح يوم التضامن العملتوه..

ولكم ولأهلنا هناك في دارفور كل التحايا.. والتأكيد بأننا لم ولن ننساهم..

ودي..

الأخت العزيـزة رجـاء،
مرحب بك وشكـرا على المرور
نحن كنـا ضيوف من ولايـة أخـرى.. والبرنامج قام بـه د. على دينـار وجمعيـة أبناء دارفـور وعمـوم الفلاديلفيـاب.

سلمونتي :
يازول قول بسم الله الهضربة ليك شنو ؟؟؟
أسة الجاب سيرة محمد سليمان ما دفع تزاكرو براهو منو ؟؟
اسة القال محمد سليمان ما ساكن في شقة حقتو منو ؟؟؟
يا سلمونتي انا كل الطلبتو من أبو الريش إنو يجيب لينا صورة ليك وانت بتاكل في ملاح امتكشو !! اها دي فيها حاجة ؟؟؟
الموضوع بسيييييييييييييييييط ما تجوط ساي ..عندك صورة زي دي ختها ما عندك خلاص قول ما عندي لكن ما تتجرس وتحكي معاناتك الشخصية وعدم وجود الواسطة في بلاد الخواجات البتخلي معظم الناس هناك تتمها مسدسات بنزين وتكاسي وورنيش طبعاً ده غير انو معظم الناس هناك في بلاد الخواجات بيقولوا ليك مشينا نتم تعلمينا والحمد لله عملنا ال PHD وفعلاً بيكون عمل ال PHD واللي هي Pizza Home Delivery ولا شنو يا سلمونتي ..
بعدين يا سلمونتي ما تشوت شمال وضفاري وتبهت الناس ساي الزيي الحمد لله وزي ما بيقولوا في لغة الشوارع في السودان ( بي حقو ) يعني نحمد الله لا بنتاجر بي قضية لا بننتمي لي حزب معين عشان نترزق منو لا بنتدهنس لي زول ..
تخريمة :
محمد حامد الشفناهو هنا ده والله زول معصعص وضعييييييييييف وجضيماتو داخلة لي جوة يعني الزول ده لسة جضومو ما قامت اما صلاح قوش فلم نتشرف برؤيته حتي نتأكد من موضوع جضومو ده ...
قلت لي شنو ؟؟ PHD...هاك البيتزا دي ..

"مزحة أرجو أن تتقبلها : هل نتوقع كتاب الابلة نظيرة قريباً ؟؟؟"


الأخ عمـر الفاروق،
هل ممكن أن تشـرح لنا معنى "الابلة نظيرة"
قبول المزحـة ليس مشكلـة، ولكن المشكلـة فهـم المزحـة.

كتاب الأبلة نظيرة يا ابو الريش كتاب بيقولوهو أخوانا المصريين وبينصحوا بيهو الناس العايزة تتعلم فن الطبخ والأغذية ولأني شايفك كتبت بي قوسين ( أن اتثقف غذائياً) وبعد شرحك لسموم الكاتشب والمايونيز طرحت عليك فركة عمل كتاب مختص في هذا الموضوع