Post: #1
Title: رفع القيود الهجريـة عـن السـودانيين مزدوجـى الجـنســية بالخارج
Author: Mouiz Hashim
Date: 02-25-2005, 11:02 PM
بسم الله الرحمن الرحيم
خـبر ســـار
أعـلنت وزارة الداخـلية السـودانيةأنهـا سـتبدأ إعتبارا من يوم السـبت 19/2/2005 مفى منح الأجانب من إصـول سـودانية ((السـودانيون حـاملو الجوازات الأجنبية )) بطاقة هجرية تعفيهم من القيود الهجرية لدخول البلاد من تأشـيرة دخول ، وإقامة ،وحـركة ، وتسـجيل . ويعلملون معاملة السـودانيين .البطاقة تمنح ميزة لهذه الشريحة برسوم قدرها100 يورو ( مائة يورو) أو ما يعـادلها بالعملات الأخرى . وهيّ مؤمنة وتقرأ آليـاُ. وأوضح اللواء بشـير أحـمد بشـير مدير الإدارة العامة للجوازات أن هذه البطاقة تمنح ميزة لهذه الشريحة بدخول السودان دون مراجعة السـفارات والقنصليات السـودانية بالخارج
هذا وفقا لرسالة تلقيتها اليوم من صديق
والله اعلم
|
Post: #2
Title: Re: رفع القيود الهجريـة عـن السـودانيين مزدوجـى الجـنســية بالخارج
Author: sign
Date: 02-25-2005, 11:13 PM
Parent: #1
الأخ معز هاشم..
تحية طيبة..
بما اننا محكومين بي تجار..المسألة يصعب تقبلها..يعني السفارة بتاخد في التاشيرة نفس المبلغ تقريبا.. و مدة التأشيرة شهر واحد فقط..عشان تمشي و تلف و تدفع في (الأجانب)..
بطاقتهم الجديدة دي..مدتها كم بالضبط!!
بيني و بينك..الناس ديل ما بفكوها كدة..اذا الأجنبي بدفع دولار..الأجنبي السوداني حيدفع عشرة..
شكرا علي المعلومة..
|
Post: #3
Title: Re: رفع القيود الهجريـة عـن السـودانيين مزدوجـى الجـنســية بالخارج
Author: nazar hussien
Date: 02-25-2005, 11:43 PM
Parent: #2
هو جواز السفر ببقي الزول اجنبي....؟ والله السودانيين ديل لو اخدو
جوازات الدنيا والعالمين في النهاية بتلقاهم سودانيين...كان دخلوهم
بي بطاقة ...كان بي جواز
|
Post: #5
Title: Re: رفع القيود الهجريـة عـن السـودانيين مزدوجـى الجـنســية بالخارج
Author: Mouiz Hashim
Date: 02-26-2005, 09:53 AM
Parent: #3
الاخ نزار
كلامك صحيح
السودانيين في النهاية بتلقاهم سودانيين
|
Post: #4
Title: Re: رفع القيود الهجريـة عـن السـودانيين مزدوجـى الجـنســية بالخارج
Author: Mouiz Hashim
Date: 02-26-2005, 09:50 AM
Parent: #2
الأخ خالد.......
| Quote: بطاقتهم الجديدة دي..مدتها كم بالضبط!! |
والله دي ما عارفها ياريت لو زول سمع الخبر و عارف يفيدنا
|
|