Post: #1
Title: test
Author: يازولyazoalيازول
Date: 02-22-2005, 01:48 AM
Parent: #0
لما يركبوا المكرفون تلقى الجماعة يقولوا :
تيست تيست تيست
واحد واحد واحد
شغال يا عبدالرحمن؟؟؟؟؟
ويجى شافع يمسك المرفون ويقول
وووووووووووووووووو
وواحد تانى يقول
سيداتى سادتى
والشفع الصغار ينبسطوا لما يسمعوا صوتهم
على كل البوست ده تيست يا جماعة ، ما تزعلوا
|
Post: #2
Title: Re: test
Author: lana mahdi
Date: 02-22-2005, 02:06 AM
Parent: #1
مزاجك رايق باين الليلة يا حبيب
الله يديمها روقة
تيست تيست
|
Post: #3
Title: Re: test
Author: abuguta
Date: 02-22-2005, 02:11 AM
Parent: #2
هشام
حصل حضرت كيزان ركبو مكرفون
طبعا ما بتكون لانه مافى حفلات
ها ها ها ها ها ها
الله اكبر الله اكبر الله اكبر
وولو كانو حزب امه بقلولوا
الله اكبر القديمة
الله اكبر القديمة
الله اكبر القديمة
ولقدام
|
Post: #5
Title: Re: test
Author: يازولyazoalيازول
Date: 02-22-2005, 02:21 AM
Parent: #3
الحبيبه لنا
والله العظيم يعجبنى نضالك ومحبتك لحزب الأمة والمبادىء الراسخة والأصيلة ومتابع كل مساجلاتك فى الشبكة ومع كودى وآخرين ، بس عليك الله ما تقومى نفسك شديد كده ، لأنو المسائل مفهومة والما عايز يفهم خليهو فى حالو من باب (انك لن تهدى من احببت) فى ناس كده ضالة بطبعها ، خليهم للزمن يمكن ربنا يهديهم
الشفيف ابقوته
حقو أى تيست بتاع مكرفون يعملو البشير ،
تهليل
تكبير
|
Post: #4
Title: Re: test
Author: lana mahdi
Date: 02-22-2005, 02:14 AM
Parent: #1
Quote: وولو كانو حزب امه بقلولوا
الله اكبر القديمة
الله اكبر القديمة
الله اكبر القديمة |
الله الله
الليلة اليوم العالمي للامزجة الرايقة
اللهم ادمها نعمة
|
Post: #6
Title: Re: test
Author: abuguta
Date: 02-22-2005, 02:23 AM
Parent: #4
Quote: درمان عبدالله ود الزين وهو يلهج:
حبيبي جميل
جمال فتان
جمال تظهر سماتو الحلوة ميزات جوهر الانسان
جمال زى بقعة ام درمان
جمال فى طابعو سوداني
جمال فى شكلو انسانى
جمال ما فيهو دور تالت ولا تانى
جمال فى بيت من الجالوص
وفوق للشعبة رابط سعف منسوج من حبال و بروش
ووسط الحوش
تنوم العزة تتوسد لحاف بالعاديات مفروش
حبيبي جميل
جمال فتان
جمال رايع
جمال فى قبة او جامع
جمال فى طابية بتدافع
جمال فى طاقة بتقبل على الشارع
وقفة بتقفل الطاقة
وزحام فى شارع الصاغة
وضيف فى خلوة او دهليز
وزول نايم تحت لالوبة او جميز
جمال ما بحسو غير زولن لعب شدَت ووسط الميس
حبيبي جميل
جمال بطران
جمال شبعان
جمال زى بقعة امدرمان
وامدرمان
بيشوفا الرامد المرضان:
بلد بيموت
وعز بيفوت
وواحدة عجوزة راجية الموت
وامدرمان
بعين الشاعر الانسان
وعين البعرف امدرمان:
سلام وامان
تخش بحمار
تسوي حصان
تنوم بردان
تقوم دفيان
واسمعو كيف بقول عبدالله ود الزين
وليد الاوليا الصالحين
وليد الشهدا و الشاهدين
واسمعو كيف بقول فى ام در
وليد البر
انا امدرمان سليلة السيل
ولد ولدونى بالتهليل
انا امدرمان..
وهل انتهى الحديث عن أمدر؟؟
أمسك بيد خيالك وأعبر النيل الى الشاطىء الغربي حيث امدر،وتجول ملياً فى كل شارع و كل بيت ،فهنالك لكل شارع بوح و لكل بيت قصة تقبع فى ركن منه لتحكي -برغم عاديات الزمن- حكاية مدينة تليدة لم تمل الخلود و لم تعرف الانكسار |
دا المزاج الرايق يالنا وانا بقراء فى الكلام دا عيونى دمعت
على الرغم من اانى محبا ساكت لامدرمان لكن كانى بتذكر ولدت فى تلك الحوارى
اسى انا بفكر اسكن ام درمان ...لكن اخير امشى احجز فى الشيخ الصديق
ما باقى لى بلقى لى فجة معاكم
هشام ود شيخ الدين دا بقيب وبجيب معاه صفاى ناعم للمزاج
ولقدام
|
Post: #8
Title: Re: test
Author: يازولyazoalيازول
Date: 02-22-2005, 02:43 AM
Parent: #6
أحب ابقوته وامدرمان
لنا المهدى وبناتنا زمان
وريحة الدلكة والدخان
وقبة سيدى شامخة كمان
بتدى امل بتدى امان
وتفضل رمز لى امدرمان
بلد ناسى البيفيضو حنان
وتفضل ديمة فى بالى
تعادل روضتين وجنان
|
Post: #7
Title: Re: test
Author: THE RAIN
Date: 02-22-2005, 02:38 AM
Parent: #1
نشتاق ليك وإنت معانا
يا ملاذ أفكارناالهيمانه
ويا شبع أرواحنا الجعانه
ويا فرح روسينا ال --- نه
ويا سيد الجلسة الفنانه
ويا ملك الضحكة الرنانه
ونانا يا نانا
أقوم هسه يا هشام أجر ليك النانات دى لحدى ما تصل الأستانه
والله العظيم شوق بى مية جنيه
ولو كان الدرب الطويل ده رجلا لخنقته وفطسته
تعرف زى المشوار الطويل الواحد يا هشام إلا يكفه عشرة كفات كده
جيت والله كم مرة مارى بقصادكم بس المواعيد دائما ما بتكون مناسبة وطوالى بمشى أزور جماعتنا فى الحى القديم
وانشاء المولى نتلاقى فى الأفراح يا مفرح
|
Post: #9
Title: Re: test
Author: يازولyazoalيازول
Date: 02-22-2005, 02:50 AM
Parent: #7
أبوذر الجميل
ليك وحشة يا راجل ، يا رمز الطيبة والأصالة ، والبسمة الفنانه
ياخ انت وين بالله؟؟؟ خليك هنا معانا
تعرف يا ابوذر ، انت زى المرايا ، بنستشف منك صوت الكمانه
فتشت ليك كتير وعرفت انك مشيت السودانا
أحى أن منك ، يا حليل زمن غنانا
والله العظيم الليلة ، الروح فرحانا
|
Post: #10
Title: Re: test
Author: abuguta
Date: 02-22-2005, 02:54 AM
Parent: #7
المطر جاك ياطيبان
وقاعد معاى فى الديوان
ولنا تكفى فى الضيفان
ويعقوب اخونا ياولهان
|
Post: #11
Title: Re: test
Author: يازولyazoalيازول
Date: 02-22-2005, 03:24 AM
Parent: #10
ابقوته يا شبه الحرير
جانا المطر وافر غزير
لا شك معاهو الخير كتير
وان شا الله بكره تكون وزير
|
Post: #12
Title: Re: test
Author: يازولyazoalيازول
Date: 02-23-2005, 00:08 AM
Parent: #11
وتيست تيست تيست
علينا جااااااااااااااااى
|
Post: #13
Title: Re: test
Author: عبداللطيف خليل محمد على
Date: 02-23-2005, 00:36 AM
Parent: #1
تيستاتك لكن ما متعة ..
و الله اسبوعين ما ضحكت من جواي إلا هسسسسسسسسسة .. بعد التست دا ..
يديك العافية يا زول ..
فوقين ..
|
Post: #14
Title: Re: test
Author: يازولyazoalيازول
Date: 02-23-2005, 00:52 AM
Parent: #13
شكرا كتير عبد اللطيف
باين عليك زولن ظريف
صاحب قليب طيب رهيف
ويا بخت من صاحب شفيف
|
Post: #15
Title: Re: test
Author: خدر
Date: 02-23-2005, 01:01 AM
Parent: #13
هشام
1
عندنا صاحبنا زمان بتاع ساوند
كان بقول
تيست تيست
واحد اتنين (_) الشين
ضع مكان الاقواس اي اسم يعجبك
انا اقترح تضع اساسي
2
مره كنا بنغني .. لاحظت ان احد الحضور كان حافظ
كل الاغنيات .. انفردت ليك بيهو ( شمشره مني ساااكت )
و ســألتو
_الاخ مُطرب
_ابدا والله .. ليه !!
_بس انا لاحظت انك حافظ كل الغنا الفي الدنيا
_( رد بكل جديه) ابدا والله بس انا كنت شغال في السودان بتاع ساوند
|
Post: #16
Title: Re: test
Author: يازولyazoalيازول
Date: 02-23-2005, 01:15 AM
Parent: #15
يا خدورى بالغت
وهاك القصيده دى:
(تنفع اغنية تلحنها لى صاحبك بتاع الساوند دا)
فارقت دربى المآسى
يوم خدر زار ناس أساسى
أصلو حال الغربة قاسى
وكل كوز جمب زيرو راسى
|
Post: #17
Title: Re: test
Author: خدر
Date: 02-23-2005, 01:20 AM
Parent: #16
| Quote: وكل كوز جمب زيرو راسى |
|
Post: #18
Title: Re: test
Author: يازولyazoalيازول
Date: 02-23-2005, 01:32 AM
Parent: #17
كوز كوز ما مشكله
الكلام على الأخلاق
|
Post: #19
Title: Re: test
Author: صديق الموج
Date: 02-23-2005, 03:16 AM
Parent: #1
هشام تراك ما كبرت عقلك حاضر
وبقيت فى الشعر تفتى وتحاضر
اطلب ونحن بنقول ليك حاضر
تسلم يا الشفيف اخو تماضر
وتيسسسسسسسسسسسسسسسسسسست
|
Post: #20
Title: Re: test
Author: يازولyazoalيازول
Date: 02-23-2005, 04:00 AM
Parent: #19
حباب صديق حباب الموج
بندخل شعب وانت اللوج
وتفضل ديمة راس الفوج
عشان الحب بيودى التوج
|
Post: #21
Title: Re: test
Author: يازولyazoalيازول
Date: 02-24-2005, 00:16 AM
وتيست تيست تيست
علينا جاااااااى
|
Post: #22
Title: Re: test
Author: محمد الامين احمد
Date: 02-24-2005, 04:05 AM
Parent: #1
آلو آلو
تست تست
على يا على ، 1 2 3 على يا على
|
Post: #23
Title: Re: test
Author: يازولyazoalيازول
Date: 02-24-2005, 04:14 AM
Parent: #22
|
|