حاوين زى ديل يزورونى

قديما قال الشاعر :
ما اطيب اللقيا بلا ميعاد
ولكننى اقول ان للقاء طعما خاصا عندما يكون بموعد لانك تكون فى اشد حالات الشوق لمقابلة عزيزك الذى اذا وشوش صوت الريح فى الباب تظنه وصل هذا كان حالى انا واسرتى الصغيره امسية الجمعه فى انتظار اعزاء طال شوقنا للقاهم واسرتى الصغيره هى دكتور السراج والاء السفير كما يعرفها البورداب كنا نعد الساعات للقاء حبايبنا لقد كان لى عظيم الشرف ان يزورنى احبائى ابوساندرا واسرته الكريمه بدء برشيده وانتهاء بدينا ومرورا بساندرا وماهيتاب والتومات الحلوا ت والمهندس وود اخته الصغير وبالمناسبه اصبح كيف من الالتهاب يا عثمان 0 فاضلابى الظريف جدا وبالمناسبه فاضلابى كان معاى فى لمطبخ انقروا كان بيسوى فى شنوو0 عبير خيرى الرزينه زادت بيتنا القا وتألقا وانت يا الملكه عينى بارده واشراقه شرفتينا اما انت يا ناجى اكتفيت بالسفير ودينا ومبروكات عليك اوع يكون فازوا عليك اشكركم شكرا لا حدود له على هذه الزياره الجميله وبالعوده والسلامه ابو ساندرا رد الله غربتك بالمناسبه ابو ساندرا ده موهبه ما اكتشفتوها اوريكم التفاصيل البوست القادم 0 ماهيتاب العسل كان لها دورا كبيرا فى تجهيز السفره وعفوا تعبناك بالمشاوير 0 يا فاضلابى انا ما سمعت حاجه طالباك قصيده

اما رشيدة ابوساندرا بالجد ليهو حق مش يتكسر يتدشدش عديل ربنا يخليها ليك 0المهندس كطبعه هادى ودود ربنا يديه العافيه عموما كانت امسيه خالده عندى وعند الدكتور السراج والسفير ولم نخلص بعد من اعادة الشريط عنها ويا عبير وليد ما اخوى لكنه صديق للدكتور جمع بينهماالنغم والكلام الجميل كما لا يفوتنى ان اشكر اصدقاء الاسره الاستاذ بابكر والاستاذ كمال والابن زاهر الرزاهر الحوار القرب يغلب سيدو طبعا هو قال حوار دكتور السراج 0 وبقية البورداب الاعتذروا قبلت اعتذارهم نتلاقى مره اخرى والباقين ربنا يديهم العافيه وشكرا لكم جميعا اعزائى

اصالة عن نفسى ونيابة عن دكتور السراج والسفير
ام الاء

ربنا يعمر ديارك


ويتقبل حجتك


ويديك طول العمر وراحة البال


وتحياتي الي الاء وابو الاء

الاخ العزيز عبدالله بابكر

تسلم وشكرا ليك والكل بيسلم عليك
ام الاء

والله يا مولانا الواحد من حلاوة اليوم رجع من عندكم والسكري إرتفعت نسبته في الدم وفي القلب لمعدلات غير مسبوقة ، وراجع ليك