Post: #1
Title: الموج أغرق بورداب الرياض ..
Author: عمر الفاروق شيخ الدين
Date: 02-18-2005, 11:58 PM
Parent: #0
قالها الشاعر :
عاكسوا " الموج " ..وعاندو ظروفكم
يمكن يصادف مرة أشوفكم ..
لكننا بورداب الرياض لم نعاكس الموج ولكن إنجرفنا مع تياره الذي رمي بنا في سواحل الفكاهة وكانت روعة اللقاء..
واحدة من أجمل ليالي الرياض لم تفارق فيها البسمة شفاهنا الا عند تلك اللحظة التي صافح فيها الجميع صديق الموج وأسرته مودعين ..
نفس الملامح والشبه ..المناظر هي زاتا والصور نفس المشاهد ..
نعم كانت نفس الاستراحة " الراية " ..نعم كان نفس الموعد " الجمعة عقب الصلاة " ..نعم كان كل بورداب الرياض حضوراً كما العهد بهم .. نعم كان اللقاء من أجل عيد وكان عيد اخر ..
نعم صديق الموج هو عيد اخر سيحتفل به بورداب الرياض في كل عام ..
زرع البسمة في وجوه الاطفال ..اشاع القبطة في ارواح الكبار ..تمايل معه الشيب والشباب الكل كان فرحاً لوجوده ..والكل ابت نفسه الا ان يشاركه ..إذن فهو عيد ..وعيد باي حال عاد !!!!
كان مهرجان شعبي ...
الشكر لكم كل الحضور علي هذا اليوم الجميل ... الشكر لكم بورداب الرياض اللذين كلما مر يوم نافسوا هامات الجبال ولامسوا السماء ...
لنا عودة مع كل الحضور تفصيلاً ..
ولن يبخل علينا االرائع معتصم بالبوم الصور ..
ولن يبخل علينا الرائع تمبس بالفيديو..
والجميع سيستمع الي الرائع عمار السنوسي عندما ولي المساء ..
وخالص التحايا لك وليد 399 فقد كنت الجندي المجهول ...
|
Post: #2
Title: Re: الموج أغرق بورداب الرياض ..
Author: ابو جهينة
Date: 02-19-2005, 00:50 AM
Parent: #1
عمر الفاروق
تحياتي ...
سنقوم بإيراد كل أقاصيص الموج هنا بالتفصيل الممل .. ما عدا قصة الشعيرية و الراكز الله   
|
Post: #3
Title: Re: الموج أغرق بورداب الرياض ..
Author: زول ساكت
Date: 02-19-2005, 01:30 AM
Parent: #2
الاخ عمر الفاروق
وبقية الاقمار
منعتنا ظروف قاهره من ان نسعد بلقياكم
اكيد اللقاء كان اجمل من ما ستحكون
ولكنا في انتظار الحكي والصور
|
Post: #5
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-19-2005, 01:48 AM
Parent: #3
زول ساكت :
يا راجل في زول بيجي من السودان تعبان ؟؟؟؟؟
اللهم الا اذا قاصد تعب الجيب
كنت معنا حضوراً يا زول والخال ود قاسم يبرقنا باعتزارك والجايات اكتر من الرايحات ..
|
Post: #6
Title: Re: الموج أغرق بورداب الرياض ..
Author: mahmed alhassan
Date: 02-19-2005, 02:11 AM
Parent: #3
الاخ/ عمر افاروق
تحياتي
كم كان بودي أن احضر وأهنا بلقائكم وأنسكم ولكن حالت ظروف دون ذلك 0
صديق الموج أهلا للتكريم فهو من صناع الفرح وسط موج الاحزان 0وله حضور فاعل ومساهمات مقدرة في مناشط العمل العام بالرياض 0
تحياتي لللاخ/ حمزاوي وشكرا لخصوصية الدعوة والجايات أكثر من الرايحات كمايقولون 0
|
Post: #7
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-19-2005, 02:25 AM
Parent: #6
أخونا محمد الحسن :
لا يزال الشعب السوداني يعلق غيابه علي شماعة الظروف ..
ليت تلك الظروف التي عاكستك في عدم الحضور بالأمس أن تخدمك لحضور ما هو قادم ..
وزي ما بيقولوا :
التقيل ورا ...
مرحب بيك ابوحميد ...
|
Post: #4
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-19-2005, 01:46 AM
Parent: #2
| Quote: سنقوم بإيراد كل أقاصيص الموج هنا بالتفصيل الممل .. ما عدا قصة الشعيرية و الراكز الله |
أستاذ ابو جهينة :
ياخ دع كل الاقاصيص جانباً ما عدا قصة الشعيرية في ربوع شندي
|
Post: #8
Title: Re: الموج أغرق بورداب الرياض ..
Author: اساسي
Date: 02-19-2005, 02:35 AM
Parent: #4
كم كنت اتمني ان احضر اللقاء ولكن حالت ظروفي اني مافي الرياض وكدا
والله انتو سودانين ساكت
تتشاكلوا للينا هنا وتطلعوا يدنينكم تتطاقش في صينية كبسة واحدة
واخرتها تحتو قرض مع بعض
|
Post: #9
Title: Re: الموج أغرق بورداب الرياض ..
Author: عمران حسن صالح
Date: 02-19-2005, 02:43 AM
Parent: #4
البكاء ( من البكائيات ) حق الشايقية دون منازع ...
كان بكاء (بدموعو) ... وكان بكاء (جرسة) ... وكان بكاء (شلهتة) ... وكان بكاء (ريده) ...
والبفارق بلدنا يتم إعطاءه (إنذار أول ) بأن المحنة في قلبه ستبدأ في (التضاؤل ) ومن ثم الخفوت ...
عشان الضحك .. والفرح .. مزروع (جنب) البرسيم .. واللوبي(بأنواعه) الشبَ في قلب الجروف ..
وشاعرنا شقوري يردد ...
وين تلقى الفرحة وتتهنَى؟؟؟
في داراً (ضيقي) ومافي بــــراح !!!!!!!
من ناســــــاً من عين العطشــــــــــــــان ...
تخطف ومضات البرق الــــــــلاَح....
لكننا (قدينا) عين السماء فرحاً بهذا (الصدِيق ود الموج) ... هذا (البرق) الذي لاح في سماء "رياض الخير " (والعهدة على الراوى السيد / عبد المنعم عبد العال) .......
بالأمس ذهب الظمأ وقتلنا العطش ...
بالأمس قتلنا الملل والرتابـــة....
بالأمس ...........
وللحديث (بواقي ) حتماً بعون الله ستأتي
|
|
Post: #10
Title: Re: الموج أغرق بورداب الرياض ..
Author: ودقاسم
Date: 02-19-2005, 02:48 AM
Parent: #1
الموج الأزرق في عينيك يجرجرني نحو الأعمق
ليالي الرياض محلوة ببوردابها ، وبأصدقائهم ،،
|
Post: #11
Title: Re: الموج أغرق بورداب الرياض ..
Author: عمر محمد عبد القادر
Date: 02-19-2005, 03:05 AM
Parent: #10
اخي الفاروق .. يتواصل تألق الاخوة بورداب الرياض .. في اروع احتفالية باخو الاخوان
صديق الموج ...
وتجدوني اتوسد كوم من الحسرة لمعرفتي المتأخرة بالعزيز صديق طيلة فترة تواجدي بالرياض
لم التقيه الا بالامس فكان لقاء عاطرا مضت فيه الساعات كأنها الثواني ...
بورداب الرياض انشاء الله يوم شكركم ما يجي ...
الشكر عبركم للاخ الفاضل عبد المنعم عبد العال وللاخ ابوزيد وكل الاخوة المغنواتية
والعازفين ولكل الحضور رجالا ونساء واطفال....
ود الباوقة
|
Post: #12
Title: Re: الموج أغرق بورداب الرياض ..
Author: A.Razek Althalib
Date: 02-19-2005, 03:25 AM
Parent: #11
الموج .. يغرق في الموج الإنسانية وحب بورداب الرياض.
ورابطة الصالحية..
وكانت ...
لحظات..
فوداع..
ولقاء عبر هذا الفضاء العنبكوتي.
الموج.. موج...
هدوء وصخب...
تمرد... وجد.
الموج.. دمت صديق للبورد..
الموج.. إينما حللت... فهنيئاً للبورداب بك...
في الخرطوم... أم الرياض..
فأنت موج من الإبداع...
خالص الأمنيات...
|
Post: #14
Title: Re: الموج أغرق بورداب الرياض ..
Author: Habib_bldo
Date: 02-19-2005, 03:36 AM
Parent: #12
حقيقة سنفتقدك يا موج وسنفتقد قفشاتك في الصالحية وفي منتديات الرياض ولكن الأمل في التواصل عبر منبر سودانييز اونلاين
الشكر لكل الذين أسهموا في إنجاح اللقاء بتلك الروعة والبهجة خاصة الجنود المجهولون
تمبس ، شتات، معتصم، وليد+ وليد، وكل الحضور
|
Post: #13
Title: Re: الموج أغرق بورداب الرياض ..
Author: محمد حامد جمعه
Date: 02-19-2005, 03:27 AM
Parent: #11
الاخوة المغنواتية
والعازفين
يا عمر .......... بالغتو ........طيب انا عاملين لى احتفال عبارة عن (تحقيق ) وتحرى ليه وين الجماعة (الطرب ) ... عموما الفيكم اتعرفت وكمان لافين بى فى شوارع الرياض الزى سلم ثعبان دى ........
عموما تحايانا للجميع ... والحى بيلاقى كان فى رياضكم ولا رياضنا
|
Post: #15
Title: Re: الموج أغرق بورداب الرياض ..
Author: إسماعيل وراق
Date: 02-19-2005, 04:01 AM
Parent: #13
كانت ليلة
ما أجملها
طرب ورقص
صخب وحكي
مودة وألفة
إنهم بورداب الرياض
أينما كان الجمال كانوا
وهل للجمال متكأ غير ظلالهم
التحية لصديق الموج الرجل الرائع
التحية لكل مطربي الرياض وعلى رأسهم:
الأستاذ الكبير ذكي عبد الكريم
المبدع عمار السنوسي
الأستاذ مرزوق
الأستاذ أسعد
الأستاذ أنس المناقل
الأستاذ وليد
الأستاذ ياسر المهدية
الأستاذ الطاهر
الأستاذ عز الدين آدم
والتحية كذلك لجنودنا المجهولين خلف الكواليس
لنا عودة
|
Post: #29
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-20-2005, 00:13 AM
Parent: #11
ود الباوقة :
منذ " الوهلة " الأولي احسست بروعتك ..وتأكدت الان ..
ليك التحية وانت حضور دوماً واسرتك الكريمة وبلغ تحياتي للعروسة وهلة وقول ليها جييك عريس تمام
|
Post: #16
Title: Re: الموج أغرق بورداب الرياض ..
Author: حمزاوي
Date: 02-19-2005, 04:11 AM
Parent: #1
ابو علوه حاجة حلوة
في الليلة ديك . . بس انا ما بعرف ارسم الديك (دجاج ضكر)
المهمة متروكة لاخينا مصدق
. . .
بهجة ومسرة
صديقي محمد الحسن
لك الحق أن تصادق صديق الموج
أنا من كثرت ما ضحكت امبارح بالليل جاني وجع بطن
وقرب يجيني شلل اطفال
والله فاتتك ليلة ما تعوض قياساً لليالي الغربة
. . .
صديق الموج اخوي
قربك يجنن بعدك يحير
. . .
الاستاذ عبدالعال والاستاذ ابوزيد
الصالحية
يشار اليكم بالبنان
فهنيئاًللصالحية بكم وهنيئاً لنا بالصالحية
|
Post: #17
Title: Re: الموج أغرق بورداب الرياض ..
Author: ahmed haneen
Date: 02-19-2005, 04:46 AM
Parent: #1
يا شباب الله
حكاية الموج مع السفر والوداع كتيرة
وحكاية التغرب من ميناء الي اخري اكثر
ولكن يبقي صديق هو الأقرب الي قلوبنا
حتي لو طالت المسافات وابعده عنا الزمن اللعين
كانت
البهجة والدمعة امس
كان عرضة احمد
ورقيص اخلاص
وضهيب حيدر
وكانت اللوحة اروع
وسوف تكون ابدع واجمل في كاميرات تمبس
ومعتصم ،،
وبنجيكم بعد الصور
كنا في انتظار سجيمان
وجهزنا الشراب الكارب حسب طلبو
لكنه اخلف الوعد والجماعة ما قصرو
|
Post: #18
Title: Re: الموج أغرق بورداب الرياض ..
Author: خالد أحمد عمر
Date: 02-19-2005, 06:34 AM
Parent: #17
الاخ / عمـر
تحياتي
صديق الموج سربل تلك الجمعة بالفرح
وزينها إبداعا مع أبنائه بالرقصات المبتكرة الجميلة
كان فاكهة ذلك اليوم
هو المحتفى به لكنه أحتفى بالجميع
عشمنا في لقاء آخر قبل أن يغادر هذا الهرم
وتحياتي لك ولأسرتك يا ود الموج
|
Post: #19
Title: Re: الموج أغرق بورداب الرياض ..
Author: شتات
Date: 02-19-2005, 07:52 AM
Parent: #18
وهل أتاك حديث الموج؟
هل رأيت البحر يمشى بين الورى؟
وهل رأيت المدى للسحاب يسعى ؟
ما كذبوك ..
الأنقياء ..
الذين جاءوك من شرقٍ ومن غربٍ .. من برٍ ومن بحرٍ ..
الذين امتطوا حبال الهاتف وتسلَّقوا لك الأقمار ..
الذين عشقوا موجك الأزرق .. ورموك بالحب والوفاء ..
الذين أهدوك خيوط الفجر ..
ألبسوك ثوب الأصيل ..
وقلَّدوك نجمة المساء ..
ما نافقوك ..
الذين هزّوا إليك جريد النخل ..
جاءوك بأصالة التبلدي والأبنوس وتاريخ الخيول ..
الذين غنٌّوك مهيرة وعزة والخليل ..
الذين أهدوك ثوب "ترهاقا" .. وسيف بعانخي
الذين جاءوك بعلي وعبدالفضيل الماظ ..
بالمهدي ودقنة وعكاظ ..
أحبوك يا سليل الفراديس والنيل ...
أحبوك ..
لأنهم عرفوك ..
عرفوك لكنهم أخفقوا أن يصفوك ..
أيها الملك الصدّيق ..
ما كذبوك ..
تقافزوا حولك ..
كحبات المطر على صفحة البحر ..
وعلى مِهاد القلب تقافز "الموج" والدمع وأوجاع السفر ..
وذكرى جراحٍ وأفراحٍ وقلاعٍ دمَّرها المغول ..
وقبل أن ترحل .. قل لطفلة الرحيل ..
خذي الأنامل والمناديل ..
وامسحي الدمع .. ضمِّدي الجرح
فربما نلتقي يوماً على شمسٍ أو أصيل ..
وإن لم نلتقِ فسنكتب على ورق الوصول
أننا ذات موجٍ التقينا ..
وأننا من موجك ارتوينا ..
وأننا من جمرك اكتوينا ..
فهنيئاً لنا ما علينا ..
ودمت بحراً ..
أيها الجميل ..
ونعود يا عمر الفاروق إن شاء الله ..
صلاح / شتات
|
Post: #20
Title: Re: الموج أغرق بورداب الرياض ..
Author: tmbis
Date: 02-19-2005, 10:12 AM
Parent: #19
يــامووج
امس انا كنت خايف يسحروك
بس اقول ليك كلام سر ؟؟
بعد الشفناهو امس ده..
بعدما تمشي السودان عمر الجزلي كان قال ليك تعال نسجل ليك حلقة خاصة .. طوالي اعمل مجنون
|
Post: #21
Title: Re: الموج أغرق بورداب الرياض ..
Author: Raja
Date: 02-19-2005, 10:21 AM
Parent: #20
تحية حلوووة للموج العزيز وكل أسرته..
وكل المنى ان يهنأ في أي مكان يحل به..
وأنتم السابقون..
التحية لبورداب الرياض.. الكانو زمان حاسبيننا منهم.. الحصل شنو ما عارف..؟؟!!!
وجه حزين..
|
Post: #22
Title: Re: الموج أغرق بورداب الرياض ..
Author: tmbis
Date: 02-19-2005, 10:38 AM
Parent: #21
يا رجــاء .. وجه مبتسم
| Quote: الكانو زمان حاسبيننا منهم |
الله يسامحك بس .. ياخ امس اليوم كلو في سيرتك .. فت شديد
كـــدي هاك الحاجه دي علشان ندخلك جو الحفلة بتاعت امس ..
تابلوهات راقصة من الموج ( واخلاص وحيدر صديق الموج ..) علي انغام الاستاذ زكي عبد الكريم
|
Post: #23
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-19-2005, 10:53 AM
Parent: #21
أساسي الأساسي:
والله بورداب الرياض ديل يلموا في الضلامي يخلو ريحة طير طير ويولعوهوا بالرجالة ..
ياخ ديل جيتهم صايم ليلة عاشوراء قالوا لي ياخ ما مشكلة صومو يوم 20
عموما كدي انت تعال هنا وشوف بنعمل ليك شنو ؟؟؟ والله بهجة وهجيج لمن تحتار ويحتار معاك عمر علي
عمران :
رخيت ليك اضاني وانت شغال بتدندن برائعة ود اللمين :
يوم الجمعة ما تسرع تخفف لي نار وجدي !!!
انت يوم الجمعة في شنو ؟؟؟
ود قاسم :
ايها الخال المستنير دوماً حضوراً وحديثاً بك دوماً تكتمل الدائرة وتزداد البهجة ..في انتظار الشعيرية ...
عبد الرازق:
ايها الظلامي الذي داعبت انامله الة الاورج فخلتك تعزف لفرقة الصحوة ...
يبدو ان الصداع حرمنا من هجيجك لك التحية ..
حبيب بلدو:
وحبيبنا كمان ليك تحاية بالشوالات وفي الانتظار علي قناة ابوظبي
محمد حامد :
سيادة العميد ياخ انت عملتها ظاااااااااااهرة معانا ونزلت من الطيارة ونسيتنا ..
شغل العمداء ده خليهو شوية واشتغل معانا وكيل عريف .. المرة الجاية بنجيب ليك زهريمان ...
إسماعيل وراق :
يكفي انك جئت وفي يدك الاخري مطبق بالفنان عمار السنوسي ويكفي انه كان لك الفضل بان استمع (انا خاصة ) لاغنية ولي المساء فوليت معها وجهي عن كل الحضور واكتفيت بالغناء ..
حمزاوي:
المرة دي مكنتك خفت وما هججت شدييد الظاهر عليك كبرت يا حاج ..
اوعا يكون وهن العظم واشتعل الراس شيبا..
احمد حنين :
في انتظار بوستك الذي تعودنا عليه بعد كل حفل لبورداب..اها المرة دي انت وين ؟؟؟بس اوعك تقول لي في ابوجا !!!!!
لكن ما تقول لي لبسة الكيزان عندك ..
خالد احمد عمر :
الرجل الذي ارتبط لي بالحفلات ..يازول انت علوب بيبقا ليك شنو ؟ ...
شتات :
دوما في المقدمة بكتاباتك الرائعة التي احببتها كما احبت هنية ديك الارجنتين وكما احب الانجليز هناية ديك ...
رائع انت ياخ ...
تمبس :
المصوراتي الذي سيحصل علي جائزة اوسكار في تصوير تلك اللقطة الشهيرة لي واحد اخونا وهو متجرررررررس في اغنية كده ...
رجاء العباسي:
اول من زكاني واول من عرفت ولي الفخر في ذلك ...
انتزرت كثيراً سداد فواتير الايجار ولكن يبدو ان غيابك قدر راكم علي المبلغ لذا يجب ان يكون الدفع علي اقساط ..
لم تنفصلي يوماً عن بورداب الرياض وعندما جئنا اليهم كتسجيلات جديدة كان اول ما اخبرونا به ان هنالك من هم بورداب رياض ولا يسكنون في الرياض فكانت رجاء العباسي اول ما سمعت ...
|
Post: #37
Title: Re: الموج أغرق بورداب الرياض ..
Author: معتصم دفع الله
Date: 02-20-2005, 04:09 AM
Parent: #21
| Quote: التحية لبورداب الرياض.. الكانو زمان حاسبيننا منهم.. الحصل شنو ما عارف..؟؟!!! |
ودي تيجي يا رجاء ..
سألنا منك وكمان معاها وصية زعلة ما وصلتك ؟ ..
سلامات كتاااااااااااااااااااار ..
وشوق آآآآآآآآآآدي كده هو ..
|
Post: #45
Title: Re: الموج أغرق بورداب الرياض ..
Author: walid taha
Date: 02-21-2005, 03:47 AM
Parent: #19
Quote: ما كذبوك ..
تقافزوا حولك ..
كحبات المطر على صفحة البحر .. |
العزيز شتات..
من سحر جمال تعبيرك ..من سنا حرفك الازرق النحيل أسطو عليها..
لأزيح الستار عن طقوس الوداع لذلك "الموج" المتلاطم إلفةالذاهب الى وطن المحنة
وهنا نحمل إبتسامات الحزين لفراق رجل أصيل ...
فلتسعد آمنة كل حبات المطر الهاطلة على خضم "الموج"..
ولتدم صلاح،،
الرياض بدايات صيف 2005م
|
Post: #24
Title: Re: الموج أغرق بورداب الرياض ..
Author: waleedi399
Date: 02-19-2005, 11:11 AM
Parent: #1
صديق الموج ..
والتابلوهات الراقصة والرائعة مع فلذات اكباده زادت من روعة اللقاء ..
صديق عارف الليلة السبت .. جيت هسسسسسسسسسع داخل داير اتكلم لقيت الجماعة لقطو الكلام الجميل الداير اقولو كلو ما خلو لي حاجة وخصوصاً شتات دا "بلعني كلامي" أها قلت احسن اسكت وانا من امس احفظ فيها .. الا امشي الليلة اساهر امشي اشوف لي كلمات غيرها .. ما اجي القى زول زاد عليها .. اوكي شباب، كفاية الاستاذ عبد المنعم عبد العال رئيس الرابطة الرياضية بالصالحية ما خلى لينا حاجة نقولها لصديق انتو تجـو تتموا لي الباقي
التحية لصديق الموج في يوم تكريمه من اهله .. التحية لبوداب الرياض جميعاً .. التحية لجميع البورداب الذين كانوا معنا من خارج الرياض والمملكة عبر الهاتف وعلى رأسهم الاخ بدري بوردابي الشرقية والرياض دائماً ما يكون حضوراً بيننا الا أن هذه المرة لظروف علاج والده متعه الله بثوب الصحة والعافية منعته من الحضور .. والجايات اكثر من الرايحات يا بدري
..
.
ســـنعود ..
|
Post: #25
Title: Re: الموج أغرق بورداب الرياض ..
Author: محمد حامد جمعه
Date: 02-19-2005, 12:16 PM
Parent: #24
يا عمر ........
صدقنى برجع الرياض ...........بس شوفو لى بديل للرز ...
|
Post: #26
Title: Re: الموج أغرق بورداب الرياض ..
Author: omarmahdi
Date: 02-19-2005, 01:23 PM
Parent: #25
لن نلتقي
نامي على جمرٍ
فعيني لم تزلْ تدمعْ
ما زالَ في القلبِ الأسيفِ صبابةٌ
ما زال يركعْ
هل في الفضاءِ مساحةٌ للهائمين؟
للراقدينَ على النصالِ
المنهكينَ اليائسينْ ؟
هذي النجومُ السابحاتُ كمثلنا
لن تلتقي..
كالهاربينَ من الشباكِ إلى الشراكْ
الخوفُ يطوي وجدَنا
واليأسُ يغزو حُلمَنا
ونلوذُ بالكهفِ الغريبْ
بقصيدتي
وخواطرٍ من حرفِكِ الملتاعِ تصرخْ
بورداب الرياض كنتم كما عودتمونا نجوما تتلالأ ..
وفي حضرة الموج غرقنا حتي الثماله ...
|
Post: #27
Title: Re: الموج أغرق بورداب الرياض ..
Author: Agab
Date: 02-19-2005, 01:28 PM
Parent: #1
كل الود بورداب الرياض وانتم تحتفلون بصديق الموج
ممكن ناخذ عضوية انتساب
ودالعجب
|
Post: #28
Title: Re: الموج أغرق بورداب الرياض ..
Author: معتصم دفع الله
Date: 02-19-2005, 05:41 PM
Parent: #27
بجيكم بي رواقة ..
عندي برقيات لي ناس كتاااااااااااار ..
الكلام ليكم يا المنططين عينيكم ..
|
Post: #30
Title: Re: الموج أغرق بورداب الرياض ..
Author: الصادق خليفة
Date: 02-20-2005, 00:18 AM
Parent: #1
الاخوة الاعزاء و الحبيب الموج
تحية طيبة
اولا و الله انى في اشد الاسف لعدم حضور تكريم شخص بقامة الاخ صديق الموج و لكن الظروف احياننا تكون اقوى منا و رغم اني حاولت المستحيل ولكن لم اتمكن ،وهذه اول مره اتخلف فيها عن الركب و اتمنى ان تكون الاخيرة .
خالص دعواتي للاخ صديق بحياة طيبة ولكم بورداب الرياض.
|
Post: #31
Title: Re: الموج أغرق بورداب الرياض ..
Author: walid taha
Date: 02-20-2005, 01:08 AM
Parent: #1
up
|
Post: #32
Title: Re: الموج أغرق بورداب الرياض ..
Author: samwal ebrahiem
Date: 02-20-2005, 01:45 AM
Parent: #31
الـصـنـديـد الـمـوج
انـشـاءالله ما أخـر وداع
السمؤل
|
Post: #33
Title: Re: الموج أغرق بورداب الرياض ..
Author: عمران حسن صالح
Date: 02-20-2005, 01:54 AM
Parent: #32
تمبس
معتصم دفع الله
ود الزين
نشفتوا ريقنا الله ينسف ( سي دياتكم)
وين الصـــــــور؟؟؟؟؟؟؟؟؟؟؟؟؟؟؟؟
في الإنتظــــــــــــــــار
حتي لو (Credit) يا تمبس
|
Post: #34
Title: Re: الموج أغرق بورداب الرياض ..
Author: معتصم دفع الله
Date: 02-20-2005, 03:01 AM
Parent: #33
يا عمران أخوي أضغط اللنك الفوق دا ..
كلو صوووووووووووووور ..
|
Post: #35
Title: Re: الموج أغرق بورداب الرياض ..
Author: معتصم دفع الله
Date: 02-20-2005, 03:15 AM
Parent: #34
الخال ودقاسم - وليد399 - صلاح شتات ..
ولحظات التكريم للأخ صديق الموج ..
|
Post: #36
Title: Re: الموج أغرق بورداب الرياض ..
Author: شتات
Date: 02-20-2005, 03:50 AM
Parent: #34
عمر الفاروق:
أنا كنت خايف تجيب كديس الميتافيزيقيا بتاع أساسي وتجيني
| Quote: كما احبت هنية ديك الارجنتين وكما احب الانجليز هناية ديك ... |
لكن أهو انت ماشي كويس باقي ليك شوية كده وتولِّـع ..
رجاء :
| Quote: التحية لبورداب الرياض.. الكانو زمان حاسبيننا منهم.. الحصل شنو ما عارف..؟؟!!! |
نحن البينا عامرة وزي ما كنا أول
حمزاوي :
Quote: أنا من كثرت ما ضحكت امبارح بالليل جاني وجع بطن
وقرب يجيني شلل اطفال؟ |
شلل أطفال وللا زهايمر .. لوووووووووووووول يا حمزاوي
تمبس :
البراءة الفي عيونك .. الرزانة الفي انفعالك .. الضجيج الفي سكونك ............ أسمع نحن مش أصحاب؟
بعدين معتصم قال ليك المباراة ودية وما في داعي للكروت الحمراء ..
عمران :
شفاف .. وشوفتك شفا .. وزعلك يشفّق
حبيب بلدو :
| Quote: الجنود المجهولون تمبس ، شتات، معتصم، وليد+ وليد، وكل الحضور |
لا والله المرة دي الشيلة كلها كان شايلا وليد 399 براهو ولا فضل لأي واحد تاني
وليد401-2 :
كنت وحدك هذه المرة .. وكنت شايل الحفل كلو على أكتافك .. إنشاء الله يوم شكرك ما يجي ..
|
Post: #39
Title: Re: الموج أغرق بورداب الرياض ..
Author: معتصم دفع الله
Date: 02-20-2005, 12:54 PM
Parent: #38
| Quote: أحمد حنين المقاتل الشفيف بلاي في زول بيركز ليهو لي ( عمة ) تترون تلاتة امتار ونص ؟؟ |
فك ما بفك ..
حرم تفك ..
أفو مقاتل وشفيف كمان ..
والله مقاتلين آخر زمن ..
قال عايز يتباطن وبي عمة كمان ..
شفت جنس الشفافية دي يا تامبا ..
Quote: شتـــــــــــــــــــــــات ..
خوة فرتق يازول انا قلت ليك من يوم الجمعه.. بعد أن تاتي وتقدم فروض الطاعه بعد داك بنشوف موضوعك شنو.. وانا بحول طلبك ده لي معتصم .. نشوفو بيقول شنو يا في اقتراح تاني ..
اكتب لي قصيدة |
تامــــــبا ..
الخـــــــــــــــــــلا بس ..
|
Post: #43
Title: Re: الموج أغرق بورداب الرياض ..
Author: waleedi399
Date: 02-21-2005, 01:31 AM
Parent: #36
Quote: لا والله المرة دي الشيلة كلها كان شايلا وليد 399 براهو ولا فضل لأي واحد تاني
وليد401-2 :
كنت وحدك هذه المرة .. وكنت شايل الحفل كلو على أكتافك .. إنشاء الله يوم شكرك ما يجي .. |
الشفيف شـــتات ..
اديك الف عافـية .. ووالشكر والتحية على هذه الرسالة الرقيقة ..
بس داير اقول ليك .. ابداً ما كنت براي يا الحبيب ولا عمري بكون في يوم براي ..
طالما انتو معاي .. يبقى لي قربكم زاد وسند .. ادام الله ما بيننا من ود ايها الحبيب
تحـــياتي ..
|
Post: #40
Title: Re: الموج أغرق بورداب الرياض ..
Author: صديق الموج
Date: 02-20-2005, 02:51 PM
Parent: #1
عمر الفاروق...شانه شان بورداب الرياض يعملوا كل جميل ويسبحوا بحمد
غيرهم يا اخى انتو الدخلتونى (ان ماى فنقر) تسلموا
|
Post: #41
Title: Re: الموج أغرق بورداب الرياض ..
Author: ahmed haneen
Date: 02-20-2005, 10:51 PM
Parent: #1
Quote: فك ما بفك ..
حرم تفك ..
أفو مقاتل وشفيف كمان ..
والله مقاتلين آخر زمن ..
قال عايز يتباطن وبي عمة كمان .. |
الأخوان معتصم الشفيف والرائع تمبس
والله يا حناكيش انتو العمة ما تركزو ليها
زمان شافوكم تشاكلوا بالبسكويت ..
بعدين يا اخوانا العريس ما جاب معاه سوط
اها اخونا ود وراق قال الليلة يتفشي فوقي
وما صدق الفرصة مواتية
والله لي هسع ظهري كلو شقوق
بعدين كلمونا الموج دا هديته كانت شنو
في ناس قالوا دهب
وفي ناس قالوا شعيرية
ود الموج قال (المصيبة الكبيرة يكون مصحف)
وزي ما قال جدو لي واحد اهداه مصحف
(هديتك ما بقول فيها حاجة !! لكن الفيك اتعرفت )
|
Post: #42
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-21-2005, 01:22 AM
Parent: #1
يا تمبس :
أغني ليك شنو ؟؟؟ ما كفاك حرمتنا نومة النهارية واديتنا الجوع وحوومتنا الرياض كلها انا واخوي معتصم ؟؟؟ ياخ انا لحدي اسة جيعان !!!!!!!
قلت لي عربيتي مالا ؟؟؟؟؟؟؟؟؟؟؟؟؟
عارف انا حا اغني ليك شنو يا تمبس ؟
مصير العيش يجي الطاحونة يدقق
أحمد حنين :
والله مرقت ليك من علقة كاااااااااااااااااربة يمين بالله لو كان في سوط عن عنج كان سكيتك من ههنا ليييييييييييييييي اسمرا
هلا هلا افففففففففففففو عليك يا حنين يا منووووووووووووووووور ...
|
Post: #44
Title: Re: الموج أغرق بورداب الرياض ..
Author: معتصم دفع الله
Date: 02-21-2005, 03:01 AM
Parent: #42
طـــــيور الظـــلام ..
|
Post: #46
Title: Re: الموج أغرق بورداب الرياض ..
Author: صديق الموج
Date: 02-21-2005, 04:20 AM
Parent: #1
ابو جهينة...عمت صباحا
يا اخوى قصة الشعيرية انا حا افتح ليها بوست براها بس بعد اقنع
من المنبر واتوكل على الله..خصوصا بعد القوانين الجديدة،،،
|
Post: #47
Title: Re: الموج أغرق بورداب الرياض ..
Author: صديق الموج
Date: 02-21-2005, 04:31 AM
Parent: #1
زول ساكت تسلم
ناس وليد وتمبس وابوجهينة ديل اقمار..طيب لو شفت بورداب
الخرطوم تقول شنو؟؟ ملائكة عدييييييييل كده!!!!..
يا اخى تسلم وكم تمنينا ان تكون معنا،،،
|
Post: #50
Title: Re: الموج أغرق بورداب الرياض ..
Author: زول ساكت
Date: 02-21-2005, 05:06 AM
Parent: #47
Quote: زول ساكت تسلم
ناس وليد وتمبس وابوجهينة ديل اقمار..طيب لو شفت بورداب
الخرطوم تقول شنو؟؟ ملائكة عدييييييييل كده!!!!..
يا اخى تسلم وكم تمنينا ان تكون معنا،،، |
والله ياصديق انا الفاتت علي
ومالي في الطيب نصيب
وصيدي ناجع
وحظي عاثر
ودهري قصدني مالو ومالي
|
Post: #48
Title: Re: الموج أغرق بورداب الرياض ..
Author: صديق الموج
Date: 02-21-2005, 04:45 AM
Parent: #1
محمد الحسن كتر خيرك لكن ما يكون عدم الجية قرار سياسى
تسلم يا حبوب،،،
|
Post: #49
Title: Re: الموج أغرق بورداب الرياض ..
Author: صديق الموج
Date: 02-21-2005, 05:01 AM
Parent: #1
| Quote: واخرتها تحتو قرض مع بعض |
الحقوا اساسى انحرف بقى يقول كلام الرندوق
تسلم يا حبيب والله هشام شيخ الدين شهانا شوفتك وان كنا لانريدكم
معنا ولا نريدنا معكم ..نتمنى ان نتلاقى فى السودان تحيات لاهل
جده عموم،،،،
|
Post: #51
Title: Re: الموج أغرق بورداب الرياض ..
Author: ترهاقا
Date: 02-21-2005, 05:09 AM
Parent: #49
مرفوع للقوة ألف لامواج صّديقية
|
Post: #52
Title: Re: الموج أغرق بورداب الرياض ..
Author: صديق الموج
Date: 02-21-2005, 05:10 AM
Parent: #1
Quote: وين تلقى الفرحة وتتهنَى؟؟؟
في داراً (ضيقي) ومافي بــــراح |
والله صدق يا عمران وانت كمان اصدق منو وبعدين وكتين تقضى كلمنا
عشان فرحك يكون اكبر من الليلينا..تسلم،،،
|
Post: #53
Title: Re: الموج أغرق بورداب الرياض ..
Author: صديق الموج
Date: 02-21-2005, 05:19 AM
Parent: #1
Quote: الموج الأزرق في عينيك يجرجرني نحو الأعمق
ليالي الرياض محلوة ببوردابها ، وبأصدقائهم ،، |
ود قاسم العزيز..لولاك ما كان كل ذلك ممكنا يا خال،،،
|
Post: #54
Title: Re: الموج أغرق بورداب الرياض ..
Author: صديق الموج
Date: 02-21-2005, 05:32 AM
Parent: #1
| Quote: وتجدوني اتوسد كوم من الحسرة لمعرفتي المتأخرة بالعزيز صديق طيلة فترة تواجدي بالرياض |
غايتو جنس تواضع.!!!.طيب انا اتوسد شنو يا عمر يارهيف؟
يا اخى انا سعيد جدا وسعيد خالص وسعيد كلو كلو وسعيد صالح زاتو،،
|
Post: #55
Title: Re: الموج أغرق بورداب الرياض ..
Author: صديق الموج
Date: 02-21-2005, 06:29 AM
Parent: #1
(المدعى)عبد الرازق الطالب
حسب المرسوم (الودقاسمىال مكتوم) تقرر التالى:
يرفع لقب ظلامى عن المذكور اعلاه
يتم منحه لقب (كشاف) اعظم بدرجة لورد
وبناء على مابدر من (المدعو من حسن رقيص) سوف ينظر المجلس لاحقا
فى رفع اللقب عن اساسى واخرون(اناتى وضكور) سوف ترد اسماؤهم
لاحقا
على مجموعة البورداب تنفيذ امرنا هذا اعتبارا من اليوم.
صدر هذا المرسوم تحت توقيعنا باستراحة الراية.
ودقاسمى ال مكتوم صديق الموج
خال عموم البورداب سفير البورداب لدى جمهورية بورداب الخرطوم
|
Post: #56
Title: Re: الموج أغرق بورداب الرياض ..
Author: صديق الموج
Date: 02-21-2005, 06:39 AM
Parent: #1
Quote: الشكر لكل الذين أسهموا في إنجاح اللقاء بتلك الروعة والبهجة خاصة الجنود المجهولون
تمبس ، شتات، معتصم، وليد+ وليد، وكل الحضور |
حبيب بلدو..اهل العقل ما يروحو شكرا جزيلا يازول يا سمح
شوف جنس رواشتى الخيل نجقلب والشكر لى حماد لكن هولاء هم
موضع السجدة فى الشكر تسلموا جت،،،
|
Post: #57
Title: Re: الموج أغرق بورداب الرياض ..
Author: صديق الموج
Date: 02-21-2005, 06:50 AM
Parent: #1
Quote: يا عمر .......... بالغتو ........طيب انا عاملين لى احتفال عبارة عن (تحقيق ) وتحرى ليه وين الجماعة (الطرب ) ... عموما الفيكم اتعرفت [/Q
محمد حامد جمعة...الحسادة شنو ؟؟ بعدين انا احتفلوا بى بورداب
الخرطوم خليك من ناس شتات وحنين وعبدالرازق الطالب ديل
انت تعال وشوف حا نسوى ليك شنو؟؟؟ تسلم،،
|
Post: #58
Title: Re: الموج أغرق بورداب الرياض ..
Author: صديق الموج
Date: 02-21-2005, 07:05 AM
Parent: #1
| Quote: وفي حضرة الموج غرقنا حتي الثماله ... |
ديل لنتو البتغرقوا بحر..يا اخى شكرا وبعدين عمر كان مسستر
ولكنه قبض RED HANDED ودى مسئولية تميس،،،
|
Post: #59
Title: Re: الموج أغرق بورداب الرياض ..
Author: صديق الموج
Date: 02-21-2005, 07:17 AM
Parent: #1
ود وراق يانع الاوراق القمر البراق يا اخى كتر خيرك
وربنا يديم المعروف
|
Post: #60
Title: Re: الموج أغرق بورداب الرياض ..
Author: صديق الموج
Date: 02-21-2005, 07:36 AM
Parent: #1
| Quote: أنا من كثرت ما ضحكت امبارح بالليل جاني وجع بطن |
حمزاوى ما تتسلبط فوقى..وجع البطن دا سوهو ليك اهل
العوض الخاتين ليهم شعيرية مع الكبسة معتصم وشتات
وان شاء الله ديمه ضاحك يالذيد،،،
|
Post: #61
Title: Re: الموج أغرق بورداب الرياض ..
Author: صديق الموج
Date: 02-21-2005, 07:49 AM
Parent: #1
لكن ياود حتين الشغلة ماكانت ناقصاله صوت والله كان
جنس بطان.. هيييييييييييييييييع على راى سجيمان!!
شكرا ليكم اولاد القبائل،،
|
Post: #62
Title: Re: الموج أغرق بورداب الرياض ..
Author: صديق الموج
Date: 02-21-2005, 12:03 PM
Parent: #1
Quote: وزينها إبداعا مع أبنائه بالرقصات المبتكرة الجميلة [
عمر احمد خالد طبعا ديل ما اولادى انا غشيتكم ساكت
ديل اخوانى اولاد ابوى....سامع وبطلوا الشمارات...
|
Post: #63
Title: Re: الموج أغرق بورداب الرياض ..
Author: صديق الموج
Date: 02-21-2005, 12:24 PM
Parent: #1
| Quote: الذين هزّوا إليك جريد النخل .. |
شتات
وهزوا اليكم بجزع نخلة شتات تساقط عليكم رطب الود والادب
يا شفيف عقدتنا خلى لينا حاجة نرد بيها عليك ..انت جبان
كده ليه..
|
Post: #64
Title: Re: الموج أغرق بورداب الرياض ..
Author: صديق الموج
Date: 02-21-2005, 12:51 PM
Parent: #1
Quote: يــامووج
امس انا كنت خايف يسحروك |
ودى يا تمبس حالته بالموية..يعنى زى صلاة
اخونا البلا وضوء...الله لاجاب يوم شكركم الشين(مقولة محبطة)
لكن شكركم السمح بجيبو انا هنا..ودائما ملمومين يا سمح،،
|
Post: #65
Title: Re: الموج أغرق بورداب الرياض ..
Author: صديق الموج
Date: 02-21-2005, 01:21 PM
Parent: #1
| Quote: التحية لبورداب الرياض.. الكانو زمان حاسبيننا منهم.. الحصل شنو |
ما عارف..؟؟!!!
رجوية انتى مننا وفينا وبينا وليناوعلينا ..ان شاء الله
كان فارزنك والا مابينك نابا هدومنا(يعنى نجن عديل كده)
شكرا جميلا وطويلا بت القبائل،،،،
|
Post: #66
Title: Re: الموج أغرق بورداب الرياض ..
Author: صديق الموج
Date: 02-21-2005, 01:35 PM
Parent: #1
معتصم دفع الله المبادر دائما والله الواحد ما عارف
يقول فيك وليك شنو؟ اعجزت بياننا بلطفك وتواضعك
ومروتك..الله يحفظك وتسلم يا شفيف(مش يتاعت احمد حنين)
|
Post: #67
Title: Re: الموج أغرق بورداب الرياض ..
Author: صديق الموج
Date: 02-21-2005, 02:19 PM
Parent: #1
Quote: فلتسعد آمنة كل حبات المطر الهاطلة على خضم "الموج"..[/QUOT
والله الشفع ديل حيرونا ..يا اولاد بجيبو الكلام الطاعم ده من وين
ما صدقنا خلصنا من رد شتات جانا حواره الوليد
ده انا اخاف من الكلب يطلعلى اسد(على راى عادل امام)
ياخى كتر خبرك (وانت الوحيد بالذات الكنا فاكرنك وليد
الجميل)بتصرف من ود القرشى والشفيع.
اها مافى واحد شيطان يقوم ينزلها ..همتكم تمبس ومعتصم،،،،،
|
Post: #68
Title: Re: الموج أغرق بورداب الرياض ..
Author: صديق الموج
Date: 02-21-2005, 02:58 PM
Parent: #1
Quote: لا والله المرة دي الشيلة كلها كان شايلا وليد 399 براهو ولا فضل لأي واحد تاني
وليد401-2 :
كنت وحدك هذه المرة .. وكنت شايل الحفل كلو على أكتافك .. إنشاء الله يوم شكرك ما يجي .. |
جزاء الله (الشتات) عنى كل خير
|
Post: #69
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-22-2005, 01:07 AM
Parent: #1
صديق الموج :
والله ما نسحرك شكلك قروشك كترت والظاهر الصندوق الملفوف كان جواهو أبصلعة الأخخخخخخخدر ..
يازول الأنترنت البترد بيها علي الناس ديل من وين ؟؟؟
تعرف يا موج كل الكلام القالوهو عنك والسمعناهو عنك أقل بي كتيييييييييير من الشفناهو منك ...
صعيب وصفك لأنك هالة وكلك ضي ..
تشرفنا بمعرفتك كنت جميلاً بيننا بالرغم من كترة ( الأبوات ) والتي قلت لنا انها جمع بوت
يا جميل يا راقي إحساسك ..
بيسعد قلبي إيناسك ..
ياجميل يا منتهي الألفة ..
ويا زوق خالي من كلفة ...
رسمت في وجوهنا إبتسامة وزرعت فينا كميات من الضحك ستكفينا باقي أعوام كثيرة في هذه الغربة الصعبة التي سرقت ابتسامنا ..
هناك غربتنا ما هنتنا يا حلوين ..
هناك الهم بدل واحد يصير همين ..
ولكن معك يا موج لم يكن هنالك هم وكان فرحاً جميلاً...
كم نتمني أن تطول إقامتك بيننا وكم نود ان لا يتقاسم معنا بورداب الخرطوم ( ابوات وامهات ) تلك الفرحة فنحن طماعون جداً ..لكن سيكون عزائنا هو عودتك لنا بي الفينة والأخري ..
حبيبنا نشتاق ليك كتير ...
نستني يوم ترجع تعود ..نسعد نحن بي لاقك تااااااااااااااااااااااااني..
مليون تحية ووردتين ..
|
Post: #70
Title: Re: الموج أغرق بورداب الرياض ..
Author: tmbis
Date: 02-22-2005, 01:18 AM
Parent: #69
يا حنين يا مقاتل يا شفيف ..
ياخ نحنا عمرنا ده كلو قضيناهو ( ارتكاز ) كان ( مطوهو مط ) يجي من هنا لي ( أرتولي ) ده غير ارتكاز درس العصر وجدول ستة ، تجي تطلعنا حناكيش ؟؟ نشوف برنامجك ده في عرسي( والحشاش يجيب صوتو )..
عمر
| Quote: ما كفاك حرمتنا نومة النهارية واديتنا الجوع وحوومتنا الرياض كلها انا واخوي معتصم ؟؟؟ |
انا غايتو ما جبت حاجه من عندي قاعد اعمل في الكلام القالو لي صديق الموج في آخر وصية ليهو قال لي يا تمبس الاولاد ديل امانة في رقبتك هم وخالهم ..( طوطحم ) لي وفتح بيهم في شوارع الرياض دي شان يعرفو حاجه الأسبوع الجاي تعالو لابسين فنايل ( كط ) البدل والكرفتات والحركات دي ما بتنفع معاي لانو احتمال يكون عندنا ( جكة ) يعني عربيتك دي من حسع اعمل حساب انها هالكة لامحالة..
يعني برضو ابيت تغني لي ..؟؟ دقيقه بس طيب ..
يا عمران..
إذا افترضنا أنو عمر ده عندو خلل معين في مكان ما بالنسبة لي ( ولي المساء وكده ) ..أنت الببكيك معاهو شنو ؟؟ جاوب بسرعة
|
Post: #71
Title: Re: الموج أغرق بورداب الرياض ..
Author: خالد أحمد عمر
Date: 02-22-2005, 02:14 AM
Parent: #70
ود الموج
ديل ما اولادى انا غشيتكم ساكت
ديل اخوانى اولاد ابوى....سامع وبطلوا الشمارات
نكرتهم عدييييييييييييل عاوز تعمل عملتك في ام حيدر الظاهر عليك
لو ما أعترفت حا أحكي للناس قصة الأستاذ المرفود من الوزارة وإشتغل في الأحفاد
تحياتي
|
Post: #72
Title: Re: الموج أغرق بورداب الرياض ..
Author: صديق الموج
Date: 02-22-2005, 01:45 PM
Parent: #1
عجب...تحياتى والله لو كنت قد جئت لرايت عجبا لكن مادام
مشاعرك معانا برضو مكسب تسلم يا حبيب.بس ما تنقطع،،،،
|
Post: #73
Title: Re: الموج أغرق بورداب الرياض ..
Author: ahmed saeed
Date: 02-22-2005, 11:54 PM
Parent: #72
سلام صديق الموج
سلام بورداب الرياض
كنا نود الحضور لولا ظروف خارجه عن الارادة
لك الف تحية
الجكه الجاية
|
Post: #74
Title: Re: الموج أغرق بورداب الرياض ..
Author: عمر الفاروق شيخ الدين
Date: 02-23-2005, 00:15 AM
Parent: #1
يا تمبس :
يعني الواحد أصلو عيونو ما توجعو في البلد دي ؟؟؟؟؟؟؟؟؟؟؟؟؟؟؟؟
نعللللللللللك قايلني متجرس؟؟؟؟؟ أفففففففففففففففو
بعدين الغنية زاتا باااااااااااايخة ولاااااااا سمحة وعمار زاتو ولااااااا بيعرف يغنيها ولا شتين
بعدين يا تمبس وقعت في شر أعمالك وانت راجل شهيد ومفروض نعمل ليك عرس الشهيد ونجيب ليك فرقة الصحوة ونتكلم عن كراماتك وكيف انك كنت تشتم رائحة المسك وتري الحور العين !!!!
تخريمة :
نحن عزابة ومشوكشين ولينا حق ..لكن الكاشف أخوي داك مالو ؟؟؟؟؟؟؟؟؟؟؟؟؟؟؟
ولي المساء يكون قايلا ولي الجمعة ؟
|
Post: #75
Title: Re: الموج أغرق بورداب الرياض ..
Author: صديق الموج
Date: 02-23-2005, 03:11 AM
Parent: #1
الصادق خليفة بى جلالة قدرو جانا زائر
والله يالصادق ذلك يوم نتمنى ان يجود الزمان بمثله او بغيره
وفقدناك لكن ود وراق مثل بولاية التمساح خير تمثيل
يعنى صاحبك بقى حزب امة جناح (الكاشف)
والله الود لما يقول النبق.. النبق.. النبق.. ولا هناى داك
شكرا لك ولهم بورداب الرياض..خلينا نشوفك او نسمع صوتك
وحديثاقالوا (صل اخاك بمكالمة،وان لم تستطع فبرسالة
وان لم تستطع فبمس كول وذلك اضعف الرصيد)
حاشية:
اظرف شىء السودانيين بقولو ليك اعمل لينا مس كول..
طيب الميسد هنا شنو..الصاح يقولو ليك اعمل لى فلاش وبعدين
لما انت تلقاها تبقى( ميسد كول) مش يا متعلم يا بتاع
المدارس على راى سعيد صالح..تسلم يا حلو،،،،
|
Post: #76
Title: Re: الموج أغرق بورداب الرياض ..
Author: صديق الموج
Date: 02-23-2005, 04:46 AM
Parent: #1
Quote: الـصـنـديـد الـمـوج
انـشـاءالله ما أخـر وداع
السمؤل |
السمؤل ابراهيم:
صاحب السمؤل الملكى
شكرا طويلا يازول يا سمح وفعلا ان شاء الله ما اخر وداع.
ونحن فرحانين بيكم ومنكم وعشانكم تسلم،،،
|
Post: #77
Title: Re: الموج أغرق بورداب الرياض ..
Author: صديق الموج
Date: 02-23-2005, 04:51 AM
Parent: #1
ترهاقا الحبيب
احمدساطور شنو؟؟؟ يا اخى انت احمد زهرة،احمد نسمة،احمد
نرجسة..
معليش اصلوا السودانيين كل اسماؤهم غلط .يسمو الريحة الصاروخ
والكبريت ابو وردة!!!!عجبى
كتر خيرك يا اصلى والتحية للعائلة الكريمة،،،
|
Post: #78
Title: Re: الموج أغرق بورداب الرياض ..
Author: صديق الموج
Date: 02-23-2005, 05:49 AM
Parent: #1
احمد سعيد
وينك يا ولد شكرا وليتك كنت معنا نختال عبره
|
Post: #79
Title: Re: الموج أغرق بورداب الرياض ..
Author: عمر محمد عبد القادر
Date: 02-25-2005, 12:23 PM
Parent: #78
يا جماعة البوست دا غتس قلنا نجيبو تاني فوق ..
|
|
|
|
|
