Post: #1
Title: جيناكم يا أحلى بوداااااب...الشمار شنووووو
Author: كبسيبة
Date: 02-16-2005, 09:54 AM
Parent: #0
جيتكم والشوق دافرني دفر...
أزيكم يا بورداب نفر نفر...ذهاب وإياب
تحية خسوسية للإرهابيين والظلاميين وكية للمابينا
تحية خاصة لقائد المسيرة الفريق بكري أبوبكر وبقية الحرامية
السرقو مني تايمي.
ولكل الكاتمين جواهم وما بيجيبوا سيرة
وتحية عبركم للقلب...أخ كاسرة فيني كم سن يا ربي عدوووهم براكم
والجكس بتاعي كلو يقيف صف
لأني جاي بدراسة جدوى وحيكون في تشليع وتصفية حسابات
خسوساً إنتي يا أم ضفاير وشعرك طاير
وكل واحدة حتاخد حقوقها على داير مليم
بس حخلي القلب ...أخ كاسرة فيني كم سن يا ربي عدوووهم براكم
وحمدلاكم على السلامة (بقينا كم نسمة بالله )
ومبروك للعرسوا
وكفارة للإطلقوا
وبخت الناوووووين
وولخطبو (أهن جوووووب) ما كتو تعقدوا
وجاكم كبسيبة بعد السونامي
|
Post: #3
Title: Re: جيناكم يا أحلى بوداااااب...الشمار شنووووو
Author: bayan
Date: 02-16-2005, 10:11 AM
وين يا كبسيبة امانة ما فاتتك كبسيبات
نبدى من وين؟؟!!...
اها بكرى سوى ليه قوانين خلى بالك كويس
ما تلقى نفسك فى السهلة...
والضلامين بقو فى جناحيبن
جناح ناس هناى وجناح ناس هناى التانى
انت مع ياتهم؟
معانا ولا مع ديلاك...
كبسيبة قال: معاكم
طاخ طراخ نحن ناس ديلاك
 
ما علينا
يا كبسيبة يا اخوى
القوانين دى فصلو اتنين ضلامين قبل القوانين
و مبلغ واحدة مستينرة بعد القوانين
اها بعد خوفتا يا كبسيبة.. وبليت راسى تب وبقيت كل يوم اعمل
تستا تستا للباسورد
يقومو يرجعوهم كلهم.. آآآآآآآآآح ارتحنا وطلقنا كرعينا و لسانا..
بعدين خلى بالك اى كلمة كدا ولا كدا تروح فيها
نسيت اقوليك
ناس الديمغراطية المنورين ما فضحو روحهم! فكو السكلى على روضا وقال الضلامين فى ستين داهية
اها نحن الضلامين ديل وحاتك قلنا يرجعوهم التلاتة...و عملنا فيهم قون بالروسية
طلعو هم ضلامين و نحن منورين...
بعدين جات اسامى جديدة حمل وديع و مرجفون و حية رقطاء ودبابين دى كلها الاسمات القالوها المستنيرين لينا فى غيبتك
مواضيع الجكس وكدا الا تلقى زول تانى يقولها ليك..
|
Post: #4
Title: Re: جيناكم يا أحلى بوداااااب...الشمار شنووووو
Author: A.Razek Althalib
Date: 02-16-2005, 10:16 AM
Parent: #3
الغالي كبسيبة
| Quote: جيتكم والشوق دافرني دفر... |
وأنحن راجينك والشوق عاصرنا عصر...
كده أمشي خش سلم على بت مردا وشوف البوست حق اليهودي آرثر ميلر وبالمرة حمدل ليها السلامة بالعودة بعد الكك الإلكترونية وكمان أساسي قال باقي الهزيمة الفكرية....
خالص الأمنيات بالعودة...
ده المنبر نور.. وزاد حلاة.
قلنا نقصر ليك الدرب وهاكا الرابط : Re: ...ومات آرثر ميلر بس الله يعينك على القراية أم دق..!
|
Post: #5
Title: Re: جيناكم يا أحلى بوداااااب...الشمار شنووووو
Author: ست البنات
Date: 02-16-2005, 10:21 AM
كبيسة الظريف ،
أهلا ومرحب بيك ، المنبر نور ،
وافتقدناك وخفة ظلك !
وبركة الجييت بركة الجييت !
ست البنات .
|
Post: #6
Title: Re: جيناكم يا أحلى بوداااااب...الشمار شنووووو
Author: نادية عثمان
Date: 02-16-2005, 10:39 AM
Parent: #5
هى تود ابدو ابدون تود
ار دسن مشندل !!
وبرضو
اى دهن دهن مشتاقرى !!
ان هال مندى ؟
بليييييز كول مى !!
غلبنى اقولها بالهندى !
|
Post: #7
Title: Re: جيناكم يا أحلى بوداااااب...الشمار شنووووو
Author: كبسيبة
Date: 02-19-2005, 06:41 AM
جاييكم يا أحلى ناس ...
|
Post: #8
Title: Re: جيناكم يا أحلى بوداااااب...الشمار شنووووو
Author: بلدى يا حبوب
Date: 02-19-2005, 06:47 AM
اهلن بالزول الاصلى المعتق كبيسة
الشوق مطر ويا مرحب بيك منور يا راجل
بس انته دخلت البورد بالبوابة الرئيسية والله من السلم الخلفى
تحياتى
|
|