Post: #1
Title: لون الارض بيشبة لون .....؟
Author: اسلام عبد الرحمن عمر
Date: 02-16-2005, 03:08 AM
لون الارض بيشبة لون
اسماءنا الزيف .......؟
واسمك نتنادابو
مقيًلة اقيف ...
شاءن احكيلك حجوه ....
حجوة فاطمة السمحه
وشبح الغول...
ماااااا الطوفان مابيرحم غلة
نملة....
تلاته حبوب فتريتا.. وحبة سمسم
وذرة سكر ...
سكران اتبول فيها
وماتت نمله .........
................................
وصلنا ؟؟؟؟؟؟
طرف الحلة الملو جنياتا
لوارى البندر
وصلنا ؟؟؟؟
الرمش متاكا بيمنع
روحنا الشوف
وصلنا ؟؟؟؟؟؟
ود العين قليل الادب
رسلناهو يتاوق الخاطر
قنب يطنطن .....
وصلنا ؟؟؟؟؟
النيل الودجى يصب فى
قلة حيلة شافعه بتبكى
صفقة شفع وصوت زغرودة
فى يوم طهورا ؟؟؟؟
.................................
وكان الليل سهران بيتاوق
لينا ....؟
دخان الطلح ممتد عمود
بيصافح انف الليل ؟؟؟؟؟
محمد معانا ...
ماتغشانا كتاحة الخُُمرة ...
ولون الشاف فى ساق النيل
عروس اليابسة
محمد معنا الحب الفينا
يفوت الشملة ويصل الروح ...؟
الروح الدلكتا حزنك وصدق النية
نية فاطمه السمحه الغلبت
شبح الغول ....؟؟
وليه مانقول .....
انو الغول بتعمد ينط
من ريق الصبح ....
ويقطع حبل الضوء السًرى
من قبل ماامو الشمس
تحمل ....؟
او تمارس للكسوف فى يوم زفافه
وانو الغول موجود فى
الشارع ...
وفى الاحباط ....
وفى ..
غنواتنا ...
وفى
دعواتنا ...
وفى
الاحساس ..................؟
ومن الساس
ونحنا صغار
|
Post: #2
Title: Re: لون الارض بيشبة لون .....؟
Author: مأمون التلب
Date: 02-16-2005, 06:13 AM
Parent: #1
هذا النص بداية علاقتنا يا مجنون
طنشتني في كم موضوع كده
لكن أصبر يا كرور
انت في ياتو مقابر
كلمني عشان نديك فاتحة وزيارة
مشتاقين
مأمون التلب
|
Post: #3
Title: Re: لون الارض بيشبة لون .....؟
Author: مأمون التلب
Date: 02-16-2005, 06:13 AM
Parent: #1
هذا النص بداية علاقتنا يا مجنون
طنشتني في كم موضوع كده
لكن أصبر يا كرور
انت في ياتو مقابر
كلمني عشان نديك فاتحة وزيارة
مشتاقين
مأمون التلب
|
Post: #4
Title: Re: لون الارض بيشبة لون .....؟
Author: اسلام عبد الرحمن عمر
Date: 02-16-2005, 11:09 PM
Parent: #1
يااااااااه
التلب ...................؟؟
ياخ مشتاقييييييين وتسلم يا جميل ...؟
معليش الفترة الفاتت دى انا قعادى فى الخرطوم كان بسيط جداً
اها ...؟
خلينا نشوفك يا جميل .
|
Post: #5
Title: Re: لون الارض بيشبة لون .....؟
Author: إسماعيل التاج
Date: 02-16-2005, 11:50 PM
Parent: #1
كتب إسلام:
Quote: وليه مانقول .....
انو الغول بتعمد ينط
من ريق الصبح ....
ويقطع حبل الضوء السًرى
من قبل ما أمو الشمس
تحمل ....؟ |
الجميل إسلام
شكراً على هذا النص الرائع الذي أفتتح به صباحي هذا.
يبدو إنك ما زلت قابعـاً بالخرتوم ولم تغادر إلى دارفور بعد.
كل التحايا والأشواق وشكراً على حضورك الكريم، النبيل ومساهماتك الإيجابية في الرحلة التي جعلت لها نكهة أخرى.
كل الود
إسـمـعـيـل
|
Post: #6
Title: Re: لون الارض بيشبة لون .....؟
Author: dreams
Date: 02-17-2005, 00:00 AM
Parent: #5
اسلام
يا اسلام
ماسامعنى؟
طيب ازيك
اسماعيل
ازيك برضو
|
Post: #7
Title: Re: لون الارض بيشبة لون .....؟
Author: اسلام عبد الرحمن عمر
Date: 02-17-2005, 01:13 AM
Parent: #1
مولانا اسماعين .............؟؟
صباح انيق جداً بى طلتك يا حميم
شكراً على الدعوة الجميلة ... والبحر .. والناس الجميلين
وال....... ,,,,؟؟ شكراً
شايفك بى هناك تشرب فى موية البحر ...؟؟ اها ابوساندرا عرفتو
قميصو مشا وين ههههههههههههههههه
احلاااااااااااااااااااااااااااام
انا ذاتى بكورك ليك
ازيًك انتى ...؟
تمام ...؟
فلتنتو ( دى جاية من الفالنتين ) اها فلتنتو وين ؟؟؟
|
Post: #8
Title: Re: لون الارض بيشبة لون .....؟
Author: إسماعيل التاج
Date: 02-17-2005, 02:40 AM
Parent: #1
إسلام
أسألني عن:
قميص عامر،
قميص عثمان.
أجاوبك بسهولة.
أما قميص أبو ساندرا
دي حكاية تحـير!!!
= = = = = = = = = =
أحلام
تحايا وحبة عتاب.
في الحقيقة كتييير عتاب.
وليه؟؟؟؟
الباقي بالماسنجر.
إسـمـعـيـل
|
|