رساله للاخ بكري ابوبكر

وصوك عليناياحبيب عينينا عاوزنك حنين

لابد باكر يرجع صوابك ترجع تميل

انت فينا كبير وريدنا ليك كثير

للاخ المحترم بكري

اخي هدا المنبر هو بيت كل السودانين بمختلف ارائهم ومعتقدهم واصلهم واخلاقهم.
هو بيت السودان والواحه الجميله البنهرب ليها.
وهو برضو البيت البلمنا كلنانحنا واختنا روضه كان بالت ولا امسكت البول شحا
وهو بيت اخونا ود الشيخ المابقدر علي لسانه التقول رباطابي
وهو بيت اخونا علاء اكان بقا حتي جك مش كوز
وهو بيتنا كلنانتشاكل ونتضارب لمن الدم يسيل في الركب
لاكين وكت يهبشنا غريب ووقت الحاره تلقا روضه بقت رضا وامام جامع
وود الشيخ البدرج العاطله
وعلاء علا صوته بي انا سوداني اناوباسمك الشعب انتصر وحائط السجن انكسر
ووقت صينيه الغدا يختوهانقعد نتعازم زي الضابحين فيل مع انو الصحن ما بشبع كديس
ياهو دا حالنا رضينا ولا ابينا
ازعل شديد لمن اشوف الناس التانين في الغربه كيف متكاتفين ونحنا السودانين لسه في دا عبد ودا كوز .
حقو الحاجات دي نخليهالمن نكون يرانا عشان الشمات ما يشيلو حالنا
المهم هسه يا بكري الناس ديل لازم يرجعوا يبيتو الليله في البيت وحكاية اللجوء لي بيوت تانيه دي ما حلوه يا اخوي يا بكور
وناس في حماك ربنا الكضابين ديك برضهم اخوانا نتونس ونلعب حجله مع بعض بس جوه الحوش وبعد ابوي ينوم نقول ليهم اكان راجل طالعني برا الشارع وبعد داك نرجع ننوم جوا البيت اخوان اخوان والصباح نمشي سوي مدرسه الشارع.
اخي يكور الدكتور
استحلفك باسم السودان الوطن الواحد بعد الله الواحد ان ترجع لي اخواني للبيت

بكرى ... قسم بالله لو كنت انا المخاطب بى الكلام دا كنت عملت بها فورا ولو من باب اكرام هذا المنطق الحلو والروح السودانية الشفيفة
ادعم ما ورد هنا واشيد به

الاخ محمد حامد
سلام وتحيه
لكن برضو بعدين بقول ليك طالعني برا
وبرضو بنمشي لمدرسه الشارع سوا

اخي بكور الدكتور
استحلفك باسم السودان الوطن الواحد بعد الله الواحد ان ترجع لي اخواني للبيت

الأخ فاضل الحلو :
تحية حب وإحترام ..
والله حاولت أعمل نسخ لي جزء معين عشان اعلق عليهو لقيت نفسي نسخت كلللللل الموضوع !!!
والله والله والله قلت الكلام البسييييييييييط ومعناهو كبييييييييييييييييييييييير ..
تعرف لو كل الناس استوعبت الكلام ده الموضوع بيبقا منتهي ...
ليك التحية وشكراً علي الأناقة التي كانت في البساطة ..
ولسة راجين ..

لاكين وكت يهبشنا غريب ووقت الحاره تلقا روضه بقت رضا وامام جامع

الأخ فاضل الحـلو..
كلامك الفوق دا، كلام زمن الأميـر الحلـو، أما فى زمنـا هــذا الذى أستأسـدت فيـه الأرانب، فإن أدبيـات الإنقاذ ولســان حالهـا يقول: لو هبشنـا غريب، فسـوف نضحى بألف مواطن، وبأرض حلفـا والنوبـة، حتى يتركنـا فى السلطــة ولا يجرجرنـا للمحاكـم الدوليـة.. صـروا مسخــا من صــورة الســودانيين. وخطـرا على البلاد. ولذلك فإن المعاييـر تغيـرت، ولم تعـد الموازين الموازين.. ولا السنـج السنــج.
ثم ذكرت أن هــذا المنبـر يمثل الســودان كلـه.. وإذا أخـذنـا هـذه الفرضيـة.. أليس فى الســودان قوانين.. بلى!! فيـه محاكم، وسجــون ومصحـات عقليـة، وكدبـاس... وهلمجــرا.
فلماذا ترضى للســودان الكبيـر النظـام والقانون الذى يردع المعتـدى، وتريــد للســودان الصغيـر أن يكون فوضى.

من أراد للسودان خيرا ولهذا المنبر شموخا

(فاليدفر) معنا لأزالة كل قبح ولكى نغرس الورود والزهور مكان الأشواك

حتى يعود (الحمام الفره والجنس اللطيف من النساء والرجال).

أن من تأخذه العاطفه الفجه الى عودة القبح والداعين له والمحرضين عليه

كأنهم لا يهتمون الى توقف المبدعين الذين نتوق اليهم لكى تضئ عتمة المنبر

ويتحول الى صراع فكرى راق ، ومغنى شجى ، و(عسل ينقط).

اخي تاج السر

سلام وتحيه

Quote: الحمام الفره والجنس اللطيف من النساء والرجال

والله يا اخي ما فهمتك قاصد شنو بالحمام الفره
والجنس اللطيف الانا بعرفه دا يا اخي هو للنساء ام ان يصير الرجل من الجنس اللطيف
والله دي يا اخوي ما ادونا ليها زمان

Quote: أن من تأخذه العاطفه الفجه

والله يا اخوي في دي حقيقه لانو انا يااخي يمكن حالي شويه صعب واسكن في مدينه لي سته سنوات
ومافيها جنس حد ناطق باللغه العربيه وطبعا لاجريده عربيه ولا قناة عربيه ناهيك عن سوداني
وزي ما تقول كدا العاطفه بقت اكتر من فجه للتواجد وسط كل مجتمع سوداني
يعني المنبر دا بقي لي بيت سوداني ولو نقص واحد من البيت حتي لو بقي قبيح خلقه واخلاق
ياهو برضو سوداني
انا يا اخي لا ادعو او احرض علي القبح لكن الله غالب يا اخي
ويا اخي يجوز اقول يجوز يعني قد يكون من تراه انت مبدع وعسل بنقط يجوز ان لايراه غيرك كما
تراه انت يا عزيزي
احترامي لك.

اخي المحترم ابوالريش
تحيه وسلام...

Quote: كلامك الفوق دا، كلام زمن الأميـر الحلـو، أما فى زمنـا هــذا

والله ايام زمان ببكي واتحسر عليها
وما بقولو العشناه كان
وارمي حبت لومي فيك
بي حبة الزكري المعاي
ويمكن الفرح الزمان
لسه اصداه بترن
ايام زمان جايز الايام يجن
وتصحي فينا نبل المشاعر
اخي ابو الريش
اهلنا زمان قالو
الصغير لولوه
والمريض واسوه
والسفيه وعوه
ما قلو لينا اكتلوه
ده اكان بقي سفيه
واحترامي لك اخي

اخي عمر الفاروق
تحيه وسلام

شكرا اخي علي كلماتك الجميله وتحيتك واحترامك
اخي اود ان استفسر هل لك علاقه بااخي الصادق شيخ الدين ببروكسل ام هي تشابه اسماء

اخي بكور الدكتور
استحلفك باسم السودان الوطن الواحد بعد الله الواحد ان ترجع لي اخواني للبيت

أخونا الفاضل الحلو :
هو تشابه اسماء فقط ولكن الغريبة لي أخ إسمه الصادق شيخ الدين ولكنه في السودان محل الغبار والتراب والكتاحة والسخانة والكهربا القاطعة اها بيكون ياهو زولك القاصدو ؟؟

Quote: محل الغبار والتراب والكتاحة والسخانة والكهربا القاطعة اها بيكون ياهو زولك القاصدو ؟؟

شكرا اخي عمر....
اعتقد انه تشابه اسماء
القاصده انا في محل العواصف الثلجيه و الجليد والبرد القارص والكهرباء عندنا ما بتقطع براها!!! لكن بنقطعا نحنا برانا عشان ما تقطع الجيب وكده

Quote: اعترف لكم باننى قمت بقرارات متسرعة فى الايام الماضية بحسب عضوية زملاء و زميلة و عليه سوف اقوم بالسماح لهم بالمشاركة مرة اخرى بالمنبر على ان يكون ما حصل هو بمثابة انذار نهائى لهم و اى خظا او تجاوز منهم للقانون و اللوائح الجديدة لاى منهم سوف يكون مصيره الفصل النهائى

انتا فينا كبير وريدنا ليك كتير

Just passing to say hi and keep it up always

شكرا سروره علي المرور والتحيه

مازال العدد ناقص اخي بكري
اين عادل عبد العاطي؟؟؟
اجبر بخاطرنا
انت فينا كبير وريدنا ليك كثير