|
كل عام وانت حبيبي
|
الي رجل ما ربما لايسمح وقته ومشغولياته الكثيرة واهتماماته العديدة بأن يتذكر ان غدا هو عيد الحب الي رجل اثق بأنه لن يتذكر رفع سماعة الهاتف ليقول لي كل سنة وانت حبيبتي لا اريد هدايا لا اريد عطرا لا اريد ذهبا لا اريد مالا اريدك انت احتاجك انت فهل تسمعني؟؟؟
|
|
|
|
|
|
|
|
Re: كل عام وانت حبيبي (Re: abdalla BABIKER)
|
Quote: الي رجل ما ربما لايسمح وقته ومشغولياته الكثيرة واهتماماته العديدة بأن يتذكر ان غدا هو عيد الحب الي رجل اثق بأنه لن يتذكر رفع سماعة الهاتف ليقول لي كل سنة وانت حبيبتي لا اريد هدايا لا اريد عطرا لا اريد ذهبا لا اريد مالا اريدك انت احتاجك انت فهل تسمعني؟؟؟ |
غايتو ان طنش بعد دا كلو؟.........يبقى داير دق
| |
|
|
|
|
|
|
Re: كل عام وانت حبيبي (Re: صباح احمد)
|
Quote: الي رجل ما ربما لايسمح وقته ومشغولياته الكثيرة واهتماماته العديدة بأن يتذكر ان غدا هو عيد الحب الي رجل اثق بأنه لن يتذكر رفع سماعة الهاتف ليقول لي كل سنة وانت حبيبتي لا اريد هدايا لا اريد عطرا لا اريد ذهبا لا اريد مالا اريدك انت احتاجك انت فهل تسمعني؟؟؟ |
قطعا يا صباح سوف يسمع تلك الحروف الجرئية الجميلة وسوف تغطس حروف مثل تلك الى اغواره البعيدة و سوف تظل تمطر فى احشائه ردحا طويلا...دايما اجلسينا فى حدائقك الخلفية بمثل هذا البوح الذى يندى الدواخل. فهل من مزيد؟؟؟؟؟
| |
|
|
|
|
|
|
Re: كل عام وانت حبيبي (Re: صديق الموج)
|
ياصباح تحياتي
وأمنياتي الطيبة
(ربما كان غدا أو بعد غد)
تحياتي للزملاء بالصحافة وتحيات خاصة للأخ
عمر حامد مع وعد بإطلالة جديدة عبر صفحاتكم
بعد توقف قصير لأسباب فنية. .
| |
|
|
|
|
|
|
Re: كل عام وانت حبيبي (Re: صباح احمد)
|
صباح الحب شكرا ليكم علي الحضور الجميل اساسي مدلل نادية التي طمأنتني بانه يسمعني واكدت انه في لمح البصر سيكون معي محتفلا بي وبعيد الحب فلم يفعل صديق الموج الذي قال كما قالت ناديةانه يسمعني فلم يأتي ولا اظنه سياتي حسن احمد حسن مها راوية شكرا جميلا *العيد الجاب الناس لينا ما جابك وفضلنا وحاتك منظرين مع الاعتزار للاغنية
| |
|
|
|
|
|
|
Re: كل عام وانت حبيبي (Re: صباح احمد)
|
نظرت الي ساعة يدي الساعة تجاوزت الثامنة صباحا قلت في سري لعله وقت مناسب للاتصال به اتصلت علي رقمه الخاص الذي احفظ حروفه جيدا ابتلعت ريقي بصوت مسموع قفزت عبارة كل سنة وانت طيب الي طرف لساني لكن لم يفاجئني صوتهاالالي المألوف: عفوا هذا المشترك لا يمكن الوصول اليه هاتفيا الرجاء معاودة الاتصال لاحقا يلهذا المشترك الذي دائما ما اعجز في الوصول اليه او الاتصال به في الوقت الذي احتاجه فيه
| |
|
|
|
|
|
|
Re: كل عام وانت حبيبي (Re: صباح احمد)
|
صباح
Quote: لم يفاجئني صوتهاالالي المألوف: عفوا هذا المشترك لا يمكن الوصول اليه هاتفيا الرجاء معاودة الاتصال لاحقا يلهذا المشترك الذي دائما ما اعجز في الوصول اليه او الاتصال به في الوقت الذي احتاجه فيه |
سرد جميل ومدهش للغاية
السمؤل
| |
|
|
|
|
|
|
Re: كل عام وانت حبيبي (Re: samwal ebrahiem)
|
فشلت كل كلماتي وملاطفاتي في أحتواء الحزن الذي يسربلها ، حتى ضاقت الدنيا في عينيّ ، حينها رأيت تلك الوردة البنفسجية تمتد نحوي فقطفتها وقدمتها لها قائلاً ( كل عام وأنت حبيبتي ) تهللت كل اساريرها وقالت في دلالٍ واضح ( كل الوقت انا غاضبة منك يا حبيبي لانك لم تذكر أن اليوم هو عيد الحب ) وحينها فقط عرفت أن للحب يومٌ وعيدٌ في تقاويم الشهور والله يا صباح كلنا ما نتذكر عيد الحب ولا عيد الفطر ولو ما الخروف كان نسينا عيد الضحية ذاتو ....
تخريمة : سمؤل يا حبيب متين جيت من السودان وفاكي أخرك كدة ... قلينا حاجة كدي
| |
|
|
|
|
|
|
Re: كل عام وانت حبيبي (Re: Sidig Rahama Elnour)
|
الحبيب الغالي صديق رحمة النور
حضرة من السودان قبل يومين وهذه اول مداخله منذ وصولي من السودان تسلم يا غالي على السؤال وحقول ليك حاجات من حاجه بس خليني ارتب احوالي وافكري طبعا لسه اموري جايطه في الرياض المكتب مقلوب الغرفة مبشتنة الفلس نقنقت كترة يعني يا صديق لاحدي ما استقر داير لي شهر
اسف جدا يا صباح علي الخروج من موضوع البوست والتخريمة لكن عشمنا كبيرالسمؤل
| |
|
|
|
|
|
|
Re: كل عام وانت حبيبي (Re: صباح احمد)
|
شكرا ياسمؤل عي اطلالتك الجميلة وكل سنة وانت طيب
*قلت طالما كان هذا المشترك لايمكن الوصول اليه في ذلك الوقت وترجاني الصوت الالي الجميل ان اعاود الاتصال به لاحقا لماذا لااجرب مرة ثانية ربما كان حظي هذه المرة افضل من قبل اعدت الاتصال برقم هاتفه الجوال هذه المرة لن اقول له كل عام وانت بخير ساتمني ان يكون كل عام والوصول اليه سهلا مرة ثانية جاءني صوتها الالي وكالمعتادلكن مع اختلافات بسيطة هذه المرةتقول: عفوا الرقم الذي طلبته مشغول حاليا ..الرجاء الانتظار لحظة او معاودة الاتصال لاحقا حسنا... سأنتظر لحظة كما نصحتني صاحبة الصوت الالي طال انتظاري مع من يتحدث هذا الرجل كل هذا الوقت؟ هكذا سألت نفسي بصوت مسموع فتساءلت معي في حيرة: اتراه يتحدث الي اخري يبثها شوقه ولواعجه واهتمامه الذي يضن به علي؟ اتراه قال لها ما كنت اود قوله له في هذا اليوم؟ ما شكل هذه الاخري.. هل هي جميلة؟ ما لون عينيها؟ ما لون شعرها؟ هل يحبها..هل تحبه بذات الدرجة والكيفيةوالطريقة التي احبه بها؟ هل تغار عليه مثلما افعل؟هل تظل تبحث مثلي بجنون في قائمة الرسائل المرسلة والواردة وحتي في ارشيف رسائله وتنقب في هاتفه وتفتش بقائمة المكالمات الصادرة والواردة وحتي تلك التي لم يرد عليها بحثا عن امرأة اخري تكون قد اتصلت به او اتصل بها او ارسلت اليه رسالة حب مشتاقةفرد عليها برسالة او مكالمةاكثرشوقا وصخبا هل تظل مثلي تنظر اتصالا منه لن يأتي؟ام اظنه اليها ياتي هل يحدثها عن مشغولياته الكثيرة مثلما يفعل كلما تحدثناالي بعضنا البعض؟ اغرقتني الاسئلة التي لم اجد لها اجابة وافقت علي صوته العميق *الو.. مرحبا كيف اخبارك؟ لم اقل شئيا..يا لهذا الرجل الذي يسألني في وقت واحد كل هذه الاسئلة ولا ينتظر مني اجابة ويغرقني في بحر اسئلة اخري لا اظنها تستحق الاجابة عبر الاسلاك كانت كلمة الو تاتي سريعة متلاحقة لا ادري لماذا قلت ساعتها بصوت حاولت قدر الامكان ان اجعله متماسكا عفوا .. يبدو انو النمرة غلط وضغطت علي زر انهاء المكالمة في هدوء
| |
|
|
|
|
|
|
Re: كل عام وانت حبيبي (Re: صباح احمد)
|
شكرا ياسمؤل عي اطلالتك الجميلة وكل سنة وانت طيب
*قلت طالما كان هذا المشترك لايمكن الوصول اليه في ذلك الوقت وترجاني الصوت الالي الجميل ان اعاود الاتصال به لاحقا لماذا لااجرب مرة ثانية ربما كان حظي هذه المرة افضل من قبل اعدت الاتصال برقم هاتفه الجوال هذه المرة لن اقول له كل عام وانت بخير ساتمني ان يكون كل عام والوصول اليه سهلا مرة ثانية جاءني صوتها الالي وكالمعتادلكن مع اختلافات بسيطة هذه المرةتقول: عفوا الرقم الذي طلبته مشغول حاليا ..الرجاء الانتظار لحظة او معاودة الاتصال لاحقا حسنا... سأنتظر لحظة كما نصحتني صاحبة الصوت الالي طال انتظاري مع من يتحدث هذا الرجل كل هذا الوقت؟ هكذا سألت نفسي بصوت مسموع فتساءلت معي في حيرة: اتراه يتحدث الي اخري يبثها شوقه ولواعجه واهتمامه الذي يضن به علي؟ اتراه قال لها ما كنت اود قوله له في هذا اليوم؟ ما شكل هذه الاخري.. هل هي جميلة؟ ما لون عينيها؟ ما لون شعرها؟ هل يحبها..هل تحبه بذات الدرجة والكيفيةوالطريقة التي احبه بها؟ هل تغار عليه مثلما افعل؟هل تظل تبحث مثلي بجنون في قائمة الرسائل المرسلة والواردة وحتي في ارشيف رسائله وتنقب في هاتفه وتفتش بقائمة المكالمات الصادرة والواردة وحتي تلك التي لم يرد عليها بحثا عن امرأة اخري تكون قد اتصلت به او اتصل بها او ارسلت اليه رسالة حب مشتاقةفرد عليها برسالة او مكالمةاكثرشوقا وصخبا هل تظل مثلي تنظر اتصالا منه لن يأتي؟ام اظنه اليها ياتي هل يحدثها عن مشغولياته الكثيرة مثلما يفعل كلما تحدثناالي بعضنا البعض؟ اغرقتني الاسئلة التي لم اجد لها اجابة وافقت علي صوته العميق *الو.. مرحبا كيف اخبارك؟ لم اقل شئيا..يا لهذا الرجل الذي يسألني في وقت واحد كل هذه الاسئلة ولا ينتظر مني اجابة ويغرقني في بحر اسئلة اخري لا اظنها تستحق الاجابة عبر الاسلاك كانت كلمة الو تاتي سريعة متلاحقة لا ادري لماذا قلت ساعتها بصوت حاولت قدر الامكان ان اجعله متماسكا عفوا .. يبدو انو النمرة غلط وضغطت علي زر انهاء المكالمة في هدوء
| |
|
|
|
|
|
|
Re: كل عام وانت حبيبي (Re: صباح احمد)
|
Quote: لم يفاجئني صوتهاالالي المألوف: عفوا هذا المشترك لا يمكن الوصول اليه هاتفيا الرجاء معاودة الاتصال لاحقا يلهذا المشترك الذي دائما ما اعجز في الوصول اليه او الاتصال به في الوقت الذي احتاجه فيه |
يا لسوء شبكة سوداتل والتى ظلت تلعب معك هذه اللعبة القذرة ولا اظن غير الشبكة ما يحول بينك وبين من تنادين بهذاالبوح الجميل ونحن معشر القراء المعجبين نتمنى ان تطول لعبة الشبكة لتخرج من حنايك هذا السردالشفيف..واصلى وتسلمى صبوحة‘‘‘
| |
|
|
|
|
|
|
Re: كل عام وانت حبيبي (Re: صباح احمد)
|
صباحك شذى الاشواق وضحكة ريد من الاعماق
الغالية صباح تحياتي وكل عام وانت حبيبتنا جميعا اذا كان هو من ودعته معك قبل ان تودعينني انا حتما حتما سيواصلك وغدا سوف يأتي الربيع
| |
|
|
|
|
|
|
Re: كل عام وانت حبيبي (Re: صباح احمد)
|
رجاء وليد ايهاب قريب الله ازيكم وكل سنة وانتو طيبين ازيك ياقريب الله واحوالك شنو وليه بتقول صباح حاااااااف ناسي اني استاذتك؟ وماشة بوصيتك تماما وقاعدة من وقتها اجمل دواخلي طبعا يجماعة فريب الله دة نصحني قبال عامين او اكتر بان اجمل دواخلي طالما انا شينة وهسة قاعدة اعمل بالنصيحة
| |
|
|
|
|
|
|
Re: كل عام وانت حبيبي (Re: صباح احمد)
|
لا عطر ولا مال دي شراك نصبت من قبل ولا يمكن ان نقع مرتين هي حمى البداية ثم ندخل في التفاصيل الرهيبة
يقول محمود درويش ما معني الشعر ان لم يكن قنديل من الزيت يدخل من بيت الى بيت
* انا نحب العطر ولكن زهر اجمل انا نحب القمح ولكن السنابل اجمل * لقد اخنا كفايتنا من الاناناس على سطح القمر فنريد قليل من الطماطم على سطح الارض ولا كيف يا صبوحة يا لذيذة وينك انت وين ناس الحلوين والله ايام يا زمان
| |
|
|
|
|
|
|
Re: كل عام وانت حبيبي (Re: قريب الله محمد الحسن)
|
Quote: الي رجل ما ربما لايسمح وقته ومشغولياته الكثيرة واهتماماته العديدة بأن يتذكر ان غدا هو عيد الحب الي رجل اثق بأنه لن يتذكر رفع سماعة الهاتف ليقول لي كل سنة وانت حبيبتي لا اريد هدايا لا اريد عطرا لا اريد ذهبا لا اريد مالا اريدك انت احتاجك انت فهل تسمعني؟؟؟ |
اكيد ما بيسمعك وبس دا بيحس بيك كمان
الرائع الحبيب قريب الله محمد الحسن - العمدة - عارف اسمك هو اللفتني للبوست الرائع دا الملي بالدفء والمشاعر والاحاسيس شفتا اخوك بقى كيف ؟؟ زمان عاملينا لينا مظاهرات ومعارضات كان خليتونا عشنا ايامنا مالو ؟؟ ضيعتو لينا شبابنا ساي بين زقاقات الدباغة وود ازرق وود كنان وهلمجرا
غايتو يا سجيمان بنات الزمون دا عينن قوية جنس قوييتن هسي امانة في ضمتك لنا وصباح ديل عينن ما قوية؟؟؟ كدا على الهواء مبااااااااشرة في الهمبريب البااااااااارد دا ؟؟؟؟؟
| |
|
|
|
|
|
|
Re: كل عام وانت حبيبي (Re: saif massad ali)
|
العزيزه صباح
كل الود وكل سنه وانتى طيبه
عطرتى المنبر بالبوست الرايع دا
تخريمه
العزيز قريب الله
وينك يا راجل يا رايع والله مشتاقيين عدييل كدا
كل سنه وانت طيب.
حسب ربه
| |
|
|
|
|
|
|
Re: كل عام وانت حبيبي (Re: حسب ربه)
|
طبعاً انا زول بحب اصطاد في المويه العكره
انت متأكده الزوله البتقول ليك هذا المشترك لا يمكن الوصول اليه..الخ دي ياها زاااااته زولة سوداتل؟!!!
وبالمناسبه دي خطرت لي نكته الزوله المات راجلها وفوجئت بعد داك انو كان معرس عليها
وقعدت تقول : غريبه لكن مع انو كان من الجامع للبيت ومن البيت للجامع
قامت ضرتها قالت ليها: بسسسسس ما انا الجامع!!!
| |
|
|
|
|
|
|
Re: كل عام وانت حبيبي (Re: صباح احمد)
|
قريب الله محمد الحسن العمدة سيف حسب ربه احمد فاضل(انشلء الله اكون قريت اسمك صاح) كيفكم
وكل سنة وانتوا طيبين والله ياقريب صحي الحي بلاقي مسؤول من الخير انت حسب ربه دة اياهو حسب ربه زولنا داك ولا غيره كيفك ياعمدة انشاء الله مرتاح
| |
|
|
|
|
|
|
Re: كل عام وانت حبيبي (Re: صباح احمد)
|
Quote: كيفك ياعمدة انشاء الله مرتاح |
في نعمة والحمد لله يا بت العم لكن باقي ليك راحة غير في وطنا بتنلقي ؟ الواحد كان ما ساق قريب الله دا.... ورجع بيهو السودان ....واتحكرنا كدا في نص كافتيريا تكتنولوجيا ....وكربنا ليك يا داك صحن البوش .....ودورنا ليك داك الركن الفد.. صنقيرة للعصر ماااااااااا بنكون مرتاحين
الواحد كان ما اتعفص ودافر في المواصلات مااااااا بيكون مرتاح والواحد كان ما عرقو دا بلل هدومو في نص السوق العربي ماااااااابيرتاح
وكان ما اخت ليك كشحة بكبتة - بضم الكاف - بربر والباوقة ماااااااا برتاح
| |
|
|
|
|
|
|
Re: كل عام وانت حبيبي (Re: صباح احمد)
|
صباح لك التحايا النواضر وكل عام وانتى بخير بلاهي شفتي كيف يابت أمي أنا قاعد السنة الفاتت دي كلها أكيد حلقى لى زولةً أهنيها بعيد الحب وأها مجهز الهدايا والكلام السمح أها لكن لغاية أسى مالقيتها عليك الله دى مافوارق غريبة ياأختى والله أصبرى أكيد حيسمك زيى ماأنا مـاكد انى حألقى التسمعنى عاد ياصباح ان لغاية العيد الجايييى ماسمعك وانا مالقيت التسمعنى اخير نقول منو العوض واليه العوض ونرضى بالقسمة يابت امى
| |
|
|
|
|
|
|
Re: كل عام وانت حبيبي (Re: صباح احمد)
|
ازيك ياعمدة شكرا علي الجرسة بتاعتك من الاغتراب رايك شنو نتبادل انا اجي محلك وانت تجي السودان؟ بعدين مالك محرش علي سجيمان ياخي انا لسة ضيفة والضيف في ذمة سيد البيت ولا شنو
| |
|
|
|
|
|
|
Re: كل عام وانت حبيبي (Re: صباح احمد)
|
يا صباح......الغائب عذروا معاهو.......لم يتحرك قلمك ليكتب ما سطرتيه.... الا بعد ما نادى فيك.... يا سارية القلم.....فالارواح جنود مجندة... ما تشابه منها ياتلف..... وما أختلف منها يختلف.... فإستغراقه لك هو الذي بث فيك الطاقه التى تشكلت فيما خط يراعك.... فارعى العشرة يرعها
لكم دوام الإلفة وديمومة السعادة والمسره
منصور
| |
|
|
|
|
|
|
Re: كل عام وانت حبيبي (Re: صباح احمد)
|
شكرا علي كلماتك الطيبات يا منصور *مسؤول من الخير ياسيف انت قاعد في ياتو حتة وماعندي مانع ابلك شرط ما تكون في ليبيا ولا اليمن فالمثل يقول ان الاغتراب فيهن ضياع زمن
| |
|
|
|
|
|
|
Re: كل عام وانت حبيبي (Re: صباح احمد)
|
بعد التصحيح استاذتنا الجليلة صباح شكرا لكلماتك الرقيقة وبالله بعد اتصل قل ليهو في بسألو عنك واكيد بلا عطر وبلا ذهب
الفنان وجع قلبو تحياتي شفت صباح دي شكلها بتشرك ليها لواحد اعمل حسابك * والله شوق اغرق بحر نأمل ان اسمع المزيد
ود العمدة انت في الطائف وطبعا المنطقة عالية اكيد تكون رايحة ليك فتة ويا حليل زمن الدباغة وود الجاك ومدني كلهاوالله لمن اتذكر تلك الايام الخوالي اقول يا ليت الشباب يعود يوما لاخبره ما فعل الاغتراب
| |
|
|
|
|
|
|
Re: كل عام وانت حبيبي (Re: صباح احمد)
|
قريب الله ازيك انا شكلي بشرك لي لي واحد؟ الله يسامحك ويخلي صاحبنا ما يقرأكلامك دة والظاهر عليك داير تعمل لي مشاكل تتذكر مشوار البحث عن دجاجة راسهاعدييييييييييل كدة وباسطة ذات يوم ممطر انا وانت ولبني احمد حسين ووائل عمر عابدين وحمزة ؟بعد يوم طويل ومرهق وممل من العمل بالجريدة وبعد فطور نهار متأخر بكيكة بايتةومعفنة معاها حاجة باردة من الدكان واظن انو كان فطور بالدين ويمكن يكون سيد الدكان ما رجعنا ليهو قروشو فجأة جاتنا ليلة القدر وقلنا نحتفل بجيتها لينا علي طريقتنا الخاصة ونعوض جوع اليوم داك وايام كتيرة غيره قضيناه سواء فء الحرية وبحرية طبعا دي كلها حاجات رميتوها وراء ضهوركم لمن فارقتوا السودان وضربتوا الهمبريب وشميتوا ريحة النفط عارف ياقريب الله احلي حاجة في مهنة المتاعب دي شنو؟ انك تكون مغبر ومرتاااااااح لانك مفلس وعامل حساب انك ربما تتاخر قليلا او كثيرا في الوصول للمنزل في شغل صحافي او في جهة غير معلومة بها اناس تضطر لتلبية دعوتهم وانت غير راغب بها صدقني ياقريب الله الناس ديل هسة بقوا تمام التمام وما عندهم مشكلة في انك تكتب وتتكلم وتجوط وتكورك في حدود اللياقة
| |
|
|
|
|
|
|
Re: كل عام وانت حبيبي (Re: صباح احمد)
|
Quote: . . . . .. وضغطت علي زر انهاء المكالمة في هدوء |
يا سلام عليك يا صباح ..
Quote: يا صباح......الغائب عذروا معاهو.......لم يتحرك قلمك ليكتب ما سطرتيه.... الا بعد ما نادى فيك.... يا سارية القلم.....فالارواح جنود مجندة... ما تشابه منها ياتلف..... وما أختلف منها يختلف.... فإستغراقه لك هو الذي بث فيك الطاقه التى تشكلت فيما خط يراعك.... فارعى العشرة يرعها |
يا سلام عليك يا منصور ..
ياسلام .. "يا سلام" ليس لدي انبل منها في هذا المقام .. فهــل تكفي؟؟؟؟؟
صلاح / شتات
| |
|
|
|
|
|
|
|