Post: #1
Title: باقي الاحلام ........... الله يهون
Author: وليد محمد المبارك
Date: 02-08-2005, 08:21 AM
Parent: #0
كباية شاي حارة سكر خفيف
سجارة برنجية ناشفة ومولعنها بي كبريته ما بي زناد
تبش بالشطه وملاح شرموط وباسطه من شريف
يوم مغيم وفيه حبت نسيم
امشي كبري امدرمان نص النهار -اليوم مغيم - وانزل بين العلب لي نص الجزيرة ، اقعد في مقدمتها زي التقول سائقها -زي زمان- واتفرج في اول حته بتلاقو فيها النيلين وببدأ منها النيل العظيم ، ارقد في النجيلة ، واجدع الدراب جوه المويه ... طش ... طش ... ، طيره ملونة زي الوقعت في لوحة تشكيلية لم تجف من اللون ، بتعاين لي بي فضول ، وانا ما شغال بيها
العصر ، البس كدارتي المقطعه ، واجري الدافوري ، واكيد حا ارجع غالب
المساء، امشي الكبري امام مقابر احمد شرفي وفسحة الليق ، ومعاي الفرد ، ونسة وغنا وشمشرة لحدي الساعة 11 ، وبعد داك نتجارى نكوس في العشاء ، بوش مكشوحة فيه موية جبه وعلبة ساردين ... وعيش كتيييييييييييييييييييييير
الصباح اصحه بعد الساعة 12
يا حليل زمان
زمن الجهل
|
Post: #2
Title: Re: باقي الاحلام ........... الله يهون
Author: ود الشيخ
Date: 02-08-2005, 08:32 AM
Parent: #1
شبكتني امشي وامشي لومن انقلبت صورتك
ايها المشاء
|
Post: #3
Title: Re: باقي الاحلام ........... الله يهون
Author: Balla Musa
Date: 02-08-2005, 08:37 AM
Parent: #1
وليد
صباحاتك بيض (جمع أبيض)
يا حليل زمان
الماضى دايما أحلا حاجة عندنا كلنا السودانيين والحاضر دايما حلو عند النس البسوطوهو بى ملاعق المستقبل الذهبية و بختو الماضى فى إبريق دهب لزوم الوفاء.
ياربى متين نبقى زيهن?
|
Post: #4
Title: Re: باقي الاحلام ........... الله يهون
Author: نادية عثمان
Date: 02-08-2005, 05:40 PM
كر على ياوليد ..القلبك كده شنو ؟!!
اها شفتا دى اخر الشمشرة بقيت رأسك تحت وكرعينك معلقات فى الهوا
التحايا الطيبات ووالله ليك وحشة شديدة
ياخ انت لمن دخلت البورد ده كنت ظررررررررريف تغنى وتدوبى وتنكت الحصل ليك شنو شقلب صورتك دليلا على شقلبة الحال ؟!!!!
اقول ليك دوبيت ؟
ولا لا خلاص خليهو لمن تتعدل الصورة ولاشنو يابلة ياود امى ؟!!!
|
Post: #5
Title: Re: باقي الاحلام ........... الله يهون
Author: خدر
Date: 02-18-2005, 07:46 AM
Parent: #4
ياوليد
|
|