Post: #1
Title: عايز أتخيل المنبر بعد يوم 10 !!! مش علي كيفي؟؟؟
Author: عمر الفاروق شيخ الدين
Date: 02-06-2005, 06:32 AM
إسم الموضوع :زهرة البنفسج لك وحدك ..
إسم الكاتب :رودا مردا ..
عندما ينقشع ذلك الضباب أري صورته من علي البعد وأري حصان أبيض له زيل طوييييييل بدا لي من الوهلة الأولي إنه حصان عربي أصيل قادم من بلاد الأندلس ..ترجل منه صاحب الصورة التي كنت قد رسمتها في مخيلتي إبتسم ومد لي زهرة البنفسج ..كانت معبقة فاح عطرها فملأ الدنيا عبيراً ..هكذا هي الدنيا محبة ..إخاء..سلام ..وئام ..كم أهواكم يا أهل السودان ...
إسم الموضوع :التجارة الألكترونية والصمغ العربي ..
إسم الكاتب :علاء الدين يوسف
ما أحلاها من بقعة تلك التي تقع في غرب بلادي ..ما أطيب أهلها ..كيف مدت لي حواء ذلك السعن المليء سمناً ولبناً ..ما اجمل عصيدة الدخن وما احلاها من مدينة تلك التي أسميتها الفاشر..الان والان فقط بدأت بدأت اضع اقدامي في المكان الصحيح وانا افتتح شركة هشابكو للتجارة الالكترونية وكم كم كم اتمني ان ارتحل جنوباً فتحط رحالي في رمبيك وجوبا
إسم الموضوع : الانبياء كانوا رعاة ..ما اثقفك وما اجملك وانت راعي..
إسم الكاتب : أسامة الخواض ..
ليتني كنت راعياً ..الانبياء كانو رعاة ..استمدينا ثقافاتنا ودياناتنا منهم ..حبيبنا المصطفي صلي الله عليه وسلم أدبه ربه فاحسن تأديبه كان راعياً ..لا تكونو فاشيين اخوتي ..سارعوا وامتهنوا تلك المهنة الشريفة ..لا تكونوا مشائين تواصلوا بكل سبل المواصلات ..ليست الثقافة حكراً علي أحد ..ليتك يا بولا تأتي وتري شباب اليوم وهم يتسلحون بسلاح الثقافة يقودهم ذلك المبدع أساسي وخلفه الرائع وليد وعلاء ..
إسم الموضوع :الدكتور مصطفي عثمان اسماعيل ..بنحبك بس رووق المنقة ..
إسم الكاتب : محمد سليمان ..
الدكتور مصطفي عثمان إسماعيل رجل مهذب ودكتور محترم ديبلوماسي من الدرجة الاولي بس يا دكتور موضوع الحاجات البتقوم في شعر الراس بتاع الزول دي ما جميلة منك وانت راجل متعلم ومثقف ..
بيعجبني فيك رجوع دوماً للدستور السوداني تاركاً خلفك كل قوانين الامريكان الظلمة أصحاب القوانين المخستكة ..
إسم الموضوع : لوحة للمهدي وهو يقتال جورج بوش
إسم الكاتب : خالد كودي
ليتكم اخوتي الانصار تكونون هنا وانا اصور لكم تلكم اللوحة الرائعة للامام المهدى وهو ممسك بالرشاش وهو يضرب في كل الاتجاهات حتي حصد كل شاغلي المناصب في البيت الابيض وكان أولهم الرئيس جورج بوش والعجوز الشمطاء رايس ...
فالنقم اجلالاٍ ومحبة في هذا الرجل العملاق الامام المهدي ...
|
Post: #2
Title: Re: عايز أتخيل المنبر بعد يوم 10 !!! مش علي كيفي؟؟؟
Author: علاء الدين يوسف علي محمد
Date: 02-06-2005, 07:13 AM
Parent: #1
لكن يا عمر ما بلاغت معاي والله زعلان منك زعل ما عادي 
بلاهه بعد الصحبة و العشرة دي كلها ما تقول لي إنك بتهبب البتاعة ديك و بتضرب هناي؟؟؟؟
لكن يا عمر ما قدر دة
ياخي دي قوية خلاس
ألو بالتبادي يا مشعشع
Quote: إسم الموضوع :زهرة البنفسج لك وحدك ..
إسم الكاتب :رودا مردا ..
عندما ينقشع ذلك الضباب أري صورته من علي البعد وأري حصان أبيض له زيل طوييييييل بدا لي من الوهلة الأولي إنه حصان عربي أصيل قادم من بلاد الأندلس ..ترجل منه صاحب الصورة التي كنت قد رسمتها في مخيلتي إبتسم ومد لي زهرة البنفسج ..كانت معبقة فاح عطرها فملأ الدنيا عبيراً ..هكذا هي الدنيا محبة ..إخاء..سلام ..وئام ..كم أهواكم يا أهل السودان ... |
دي أنا ما بغالتك فيها لأنو بقت ظلامية خلاص و إتكوّزت
لكن نسيت الفرمالة
مريومة يا عمر
تاني بالتبادي
أنا هسي ناس فرقع في الخرطوم مهددين أمني
أقوم أمشي أعمل هشابكو فرع رومبيك
إنت الله ما ليك يا زول؟
الروح دي واااااحدة و ديل مهددني بالقتل و تقطيعي أشلاء أشلاء يعني مشّاء ذاتو ما بنفع.
تالت بالتبادي
Quote: إسم الموضوع :الدكتور مصطفي عثمان اسماعيل ..بنحبك بس رووق المنقة ..
إسم الكاتب : محمد سليمان .. |
حولااااااااااااا
غمبلت غمبلت غمبلت
والله دي كبيرة كبر لمن بهناك عايز أتشتح ليها ليهاذو أشان أوصف ليك كبرها ما لقيت ليها آخر.
والله قوية يا عمر
يا حليلك
رابع بالتبادي
إنت بتخلبت الكيمان مالك
هسي نمرة خمسة و نمرة واحد ديل قاسمهم مالك
ديل ناس "روح واحدة بقينا"
|
Post: #3
Title: Re: عايز أتخيل المنبر بعد يوم 10 !!! مش علي كيفي؟؟؟
Author: عمر الفاروق شيخ الدين
Date: 02-06-2005, 07:31 AM
Parent: #2
| Quote: بلاهه بعد الصحبة و العشرة دي كلها ما تقول لي إنك بتهبب البتاعة ديك و بتضرب هناي؟؟؟؟ |
يضربك الضريب يا علاء قول امين ..انا برضو بتاع هناي وبتاع ؟؟؟يازول انا غير البوش ده ما بضرب حاجة وراسي ده عاملو عشان اتلفت بيهو وبس يعني ما بسوي شي ...
Quote: رابع بالتبادي
إنت بتخلبت الكيمان مالك
هسي نمرة خمسة و نمرة واحد ديل قاسمهم مالك
ديل ناس "روح واحدة بقينا" |
واصبحنا رغم البين ..
جسد واحد في روحين ..
مهما تقولوا ظلمني مااااااااا بصدقكم ده حبيبي الروح ببي الروح ..
اهداء من عثمان حسين لكل سكان امريكا واروبا ..
علاء الدين يا اخوي ممكمن سوعال صغمبروووووووووووووووتي كده !!!
ود الشيخ ممكن يكتب شنو بعد يوم عشرة ..وكذلك ابورزقة ؟؟؟؟؟
|
|