يا بكري.... المنبر منبرك...!! ونحن سيادوا..........!! رأيك شنو??

بأمانة يا أخوي بكري المنبر منبرك ونحن سيادوا ..........!!
رأيك شنو...؟
شفت ليك زول قلعوا بيتو ضيفوا وقعدوا إتحكروا جوه وأبو يمرقوا..
وقاعدين يقولوا ده ضيف قليل الأدب أطردوه...!
وواحد قاعد عريان نجل... أم فكو... وبيقول دي الحرية...!
يا جماعة... كده تصوراتكم للموقع ده شنو؟
بأمانة وبدون أي.... لف ولا دوران...!!
دايرين نعرف رأيكم بدون أي تجريح...! ولا إحراج.. لو أمكن...!

آهه.. قلتو شنو.؟

العافية التبراكم... وتبرانا...

ابو رزقة

شوية توضيح كمان شوية عشان نجيب أقلامنا ونجيج



لى عودة

المكاشفي الخضر الطاهر
اللهم صلى على النبي
كده ... شيل الصبر...

Quote: شوية توضيح..؟

شفت الشوية توضيح... لو قلتها ليك بالكي بورد حقي ده...
بتكون مخالفة للوائح المنبر...
والأخلاق.. والأدب.. وكل القيم السودانية....
بس أنا عايز رأيك شنو... وخلاص...؟

كل الأمنيات الطيبة...

الحل نطالب الإدارة بتطبيق لوائح البورد على هذا العضو الذي أتى بعبارات فاحشة وساقط الكلمات , لكي يكون عبرة لغيره

أخي بما أننا أعضاء هنا لابد أن تكون لنا كلمة
نطالب بتطبيق اللوائح على هذا البوست بل ونطالب الإدارة بالتدخل وسحب الكلمات النتنة هذه من ذلك البوست الذي أصبح نقطة سوداء فى صفحات هذا البورد

وهذا العضو لانرجو منه فائدة حيث أنه له منطق ساذج فى التفكير وأيلولة الامور

شكرا يا ابو رزقة ومعك نطالب ونكرر الطلب أولا بتهذيب ذلك البورد ومن ثم تنبه هذا العضو وتطبيق كل اللا ئحة

مكاشفي

عبد الرزاق
كدي انت اولا بالتبادي ورينا تصورك وبعدين نوريك انحنا
مش انت صاحب الفكرة يعني تقول تصوري انا كده وانتو تصوركم شنو
واها لمن نجي نوريك تصورنا بتضح الصورة الانت اتصورتها
لانو التصور في حد زاتو نوعين اسود وابيض وملون والصورة انواع
لحدة ما تكون ثلاثية الابعاد والله لا جاب الابعاد باقي في تصوري
انو صورة المنبر حتختلف شديد واتصور وأنا مبتسم إنو حيكون
منبر حر اسمع يا ود الطالب هو ليه سموهو منبر حُر دي عنصرية هو في
منبر عبد بالعكس يسموهو المنبر العبد عشان هو مملوك لبكري ابوبكر
وفي تصوري كمان
انو الناس حتبدئ في استخدام الكناية والتورية والهمز واللمز
وقليب الكلام والناس البتحب تشكل الحروف حتبطل تشكيل عشان يشكل
على الناس ويكون في طريقة لكب الزوقة واتصور ناس يابكري الحقني
عيييك ديل حيملو المنبر احي وب واغلب الكلام حيكون صور زي دي

وده يعني كلام كتير من القانون الجديد بلحق امات طه وزي دي كمان

ودي كمان يعني كان لميت فيك بجيب اجلك

وعاد دي لمن الواحد يركبو الجن

ودي وقت يكون الكلام فارغ وما مليان


اها بمشي واجيك راجع

عبد الرازق الطالب
الليلة الآية إتقلبت وود الشيخ بقى الأستاذ
أنا غايتو أكتفي بالكلام دة بيعبر عن الفيني تماماً

Quote: كدي انت اولا بالتبادي ورينا تصورك وبعدين نوريك انحنا مش انت صاحب الفكرة يعني تقول تصوري انا كده وانتو تصوركم شنو واها لمن نجي نوريك تصورنا بتضح الصورة الانت اتصورتها لانو التصور في حد زاتو نوعين اسود وابيض وملون والصورة انواع لحدة ما تكون ثلاثية الابعاد والله لا جاب الابعاد باقي في تصوري انو صورة المنبر حتختلف شديد واتصور وأنا مبتسم إنو حيكون منبر حر اسمع يا ود الطالب هو ليه سموهو منبر حُر دي عنصرية هو في منبر عبد بالعكس يسموهو المنبر العبد عشان هو مملوك لبكري ابوبكر وفي تصوري كمان انو الناس حتبدئ في استخدام الكناية والتورية والهمز واللمز وقليب الكلام والناس البتحب تشكل الحروف حتبطل تشكيل عشان يشكل على الناس ويكون في طريقة لكب الزوقة واتصور ناس يابكري الحقني عيييك ديل حيملو المنبر احي وب واغلب الكلام حيكون صور زي دي

علاء...
تحية..

Quote: أنا غايتو أكتفي بالكلام دة بيعبر عن الفيني تماماً

الفرع الشرقي للنهر القومي العظيم في السودان... لمن لا يعرفه...

هو نحن عندنا نهر قومي....

ود الشيخ
تحية.

Quote: كدي انت اولا بالتبادي ورينا تصورك وبعدين نوريك انحنا

أنا يا ود الشيخ.. تصوري لهذا الموقع أنو واجهة من واجهات السودان الحضارية... والتي يجب أنو الناس تحافظ عليها... مش تنشر غسيلها القذر عليهو...
تانياً أنو فيهو شخصيات عظيمة وقيادات فذة تؤثر في مجتمعنا وتعمل بجد وبمثابرة وبوطنية صادقة وتؤدي عملها بصبغة إبداع وفكر رحب.. والغاية هي رفعة الوطن... لا مهارة التحدى بعبقرية المنضمة... وحفظ المراجع... والقواميس وإ بتداع مجالات الثقافة... الملقنة.. والتي بمقدور حتى الأطفال إ تقانها...
ود الشيخ هناك شخصيات تؤمن بتعددية الرأي والحوار المبني على الأسس الفكرية والحضارية مع التمسك بمبادئ الدين وأخلاقيات وسلوكيات مجتمعنا السوداني...
وتمثل أرقى صور التعامل مع الآخر أياً كان ذاك الآخر. وتلك هي مخرجاتنا التي نود أن نخاطب بها العالم وأن يعرفها ويراها ممن حولنا....
والفكرة هنا في موقع www.sudaneseonline.com أكاد أقول أنها تبلورت وتشكلت على أساس إستثمار العقل البشري، وتطوير الأداء وتكوين الشخصية الإيجابية.... ولك مثال في عدد الذين تم التعاقد معهم من دور النشر الأخرى... وآخرهم أماني السني. نتمنى لها التوفيق...
لكن الذين في قلوبهم مرض يرون الصحيح سقيماً والسقيم صحيحاً... ويرمون الشجر المثمر بالحجارة وكم على الأرض من أشجار وليس يقذف إلا ما له ثمر....
فأنبرى هؤلاء بالكي بورد/اتهم مستغلين بعض النقاط الصغيرة التي لا نقول أنها تقع وفق
الأخطاء الصغيرة التي يمكن تجاوزها...
نحن نسلم بأن قانون الخطأ البشري وسنة الكون في إستمرار طالما هناك شمس تشرق تغيب وأن الكمال لله وحده ولكن أن ينبري أشخاص بعينهم فيكتبون في المنبر السم زعاف ويدعون أنهم يماسون حرياتهم ويطالبون الآخر بالكف عنهم أو بالذهاب بعيداً عن ملة كفرهم... فذاك ما لا يتقبله منطق سليم...
فيا عقلاء البورد يا من يلتزم بالصمت ويعتمد الحكمة التي تقول
لو كل كلب عوى ألقمته حجراً *** لأصبح الصخر مثقالاً بدينار
وهذا ما لا يصلح مع المرحلة الحالية.... ونحن مقبلون على صياغة قوانين ولوائح جديدة دعتها ضرورة رتق حالة الإنفصام التي ألمت بالبورد...
وحتى لا ندعي بأن الناس إستمعو لوجهة نظر واحدة... في صياغة لوائح البورد...
ومع الزمن تشكلت هذه الصورة الخاطئة التي يصعب إقناع الناس ببطلانها... وأننا نحن في السودان لسنا كذلك... وأن كل الذي صيغ هنا في هذا البورد... باطل... سيأخذ منا الجهد الكثير.... فما أسهل الكلام... وما أصعب العمل...
وحتى لا نركن إلى هذه الحكمة ونجعلها مسلمة:
إذاً ساء فعل المرء ساءت ظنونه...
وصدق ما يعتاده من توهم...
ونأتي بما لم يأتي به الأوائل..
أخي ود الشيخ... هناك من الناس من يفكر بطريقة المراجعة والنظر والحذر من الخطأ ... بحيث يظهر كل نشاط وكل حركة ينفذها الآخر قد تطمئن الجميع...
لذا فلا بد من التواصل مع كل الناس حتى الفئة المحدودة التي تضاد مراكز الوعي... والنظر إليهم بعين الشفقة والرأفة لأنهم في الغالب أرادوا أن يصيبوا فأخطؤوا فلا يحملنا الخطأ إلى أن نخطئ خطأ آخر... بلفظهم... ولكن الأخذ بيدهم هو الوسيلة مع تبيان مواقع الخطأ والصواب...
وكم سعدت لبعض التجارب هنا في هذا البورد التي تنفذها العقول السودانية... بوعي متكامل.. ولكن الإنحلال والإنعتاق عن الموروث الثقافي... وعدم التخلق.. والإلتزام بالآداب العامة... هذا ما سيعكنن الجو... ونبقي في حكاية داك برضو ما عمل... وداك ليش خليتوهو...؟
فهل سيردد جميع البورداب... يا منبرنا.. يا غالي علينا... شمعة تضوي وتنور حوالينا...
ليل عتمنا الطال... ونسترشد بالرأي المنير والفكر السديد...
أم بكري سيقول الباب البتجيك منو الريح سدو وإستريح...
ونحوم حول مراكز أخرى لا تخدم لنا قضية...
والراعي واعي... آهه ونحن رعوية...

ولك خالص الأمنيات...

علاء تحياتي وهاك بعض من الصور للنائبات أنفع



ودي يا ناس خليكم شاهدين الزول ده جاب لي اخلاقي في نخرتي

ودي بنقو لاتنين من العضاء

ودي انطم وبطل كلام فارغ

ودي قاعد ليك جوه نخرتك

دي ما دايره شرح

ود الشيخ
ياتا دي الما دايرة شرح...
الكلام ده كلو داير شرح...
لغة الإشارة دي... ما أظن لافقة...
بس تحايل على القانون......

أشرح>>.. وبس..

ود الشيخ
ياتا دي الما دايرة شرح...
الكلام ده كلو داير شرح...
لغة الإشارة دي... ما أظن لافقة...
بس تحايل على القانون......

أشرح>>.. وبس..

الأخ العزيز أبورزقة :
اولاً أبدأ المداخلة بتصورك الذي وضعته ..وفي رأيي أن التصور الذي وضعته هو التصور النموزجي الذي تتمناه في المنبر وليس تصورك الواقعي للمنبر ..وهنا تكمن المشكلة الاساسية في كلامنا دوماً وهو الكلام النموذجي الذي لا نود أن نجرح به ناس اخرين هم مخطئون ويجب أن يسمعو الكلام الحار ...
المنبر بوضعه الحالي ودون مجاملة وبغض النظر عن أن به أسماء رنانة وعملاقة لم يصل الي تلك الدرجة الهلامية التي يرسمها له البعض ..
المنبر وشخصيلته العظيمة لم يقدموا الشئ الذي يزكر ..علي رأس كل 70 بوست تجد بوست واحد لرجل عظيم يمكن أن يستفيد منه الاخرين .. معظم من يشترك في هذا المنبر يضع نصب أعينه أن هذا المنبر هو منبر للمعارضة السودانية وكل من يخالف الحكومة يجب أن يكتب هنا وكل من يوالي الحكومة يجب أن يفصل ..فكيف يسمي منبر حر؟؟؟؟؟؟
موضوع أخر مرتبط بهذا المنبر وهو ساقط القول والذي يعتبر قمة الأدب والابداع في هذا المنبر ولاحظ معي أن العظام اللذين تقولهم يشاركون في معظم المقالات التي يكون فيها التحرر وتجدهم يوقعون للكاتب ممتاز ..رجل علامة ..قلم جرئ واصل..قول يا مبدع واشجينا ...وووو الخ ...
التصور الحالي للمنبر هو تصور مبني علي الحزازات والمديدة الحارة والتي نخوض نحن فيها لاننا نجد نفسنا مجبورين عليها وهنا لابد من توضيح مللنا من سماعه وهو " طووول بالك وكون انت الكبير وانسي وما كل زول فارغ تنزل لي مستواهو ووووو" هذه عبارات قد تنجح مع البعض وبعد أن جربت فعلاٍ مع بعض الاشخاص ولكنها باءت بالفشل فكان لابد من الرد والرد الموجع والمداوة بالتي هي الداء...
المنبر بشكله الحالي ودون مجاملة وكلمات منمقة منبر الغرض منه غرض سياسي بحت لا يمت للثقافة والتثقف بصلة ودعونا من المجاملات ...
التصور للمنبر الحالي تصور مبني علي أن المنبر هو عبارة عن شلليات ...
التصور الحالي للمنبر تصور لمنبر مبني علي كن يساري أو لا تكن ...

عمر الفاروق شيخ الدين
المشآىىىىىىىى بكرعينو الما بوجعنوا
قلت:

Quote: علي رأس كل 70 بوست تجد بوست واحد لرجل عظيم يمكن أن يستفيد منه الاخرين .

دي ما بغالطك فيها ولا في زول بقدر بغالطك فيها...
وكمان الإتنين ديل:

Quote: التصور للمنبر الحالي تصور مبني علي أن المنبر هو عبارة عن شلليات ... التصور الحالي للمنبر تصور لمنبر مبني علي كن يساري أو لا تكن ...

بس شايفك نسيت مسألة إنتحال الشخصية... ما ذكرتها...
وبالذات دي:

Quote: كن يساري أو لا تكن ...

بس خلاف الرأي لا يفسد للود قضية...
وأخوك كان بقي شين يا أخوي عمر يا تشيلو كلو يا تخلي كلو...
آهه.. مسألة إنك تخلي كلو... دي الهم عايزنها.... فما طريقة إلا تضبو تحت أباطك... ولا قلت شنو...
بس أعمل حسابك ما يقلقلك.....

غبد الرزاق
يا الحبيب كَو شرح ما فينا اللبيب بالإشارة يفهم
يا أخي متين تتثقف السكوت من ذهب مع الريح
Gone with the wind ده فلم جميل

ود الشيخ.
تحية.

Quote: Gone with the wind ده فلم جميل

الذكرى للحبان.. أجمل هدية.

ودار أبوك كان خربت شيل ليك منها عود...online.

شباب ... يا أروع الرائعين..

أنا شايف طشاش طشاش...
بجيكم يوم باكر...

تصبحو على خير...
ولكم مني خالص الأمنيات...