ندااء

اين انت يا لؤي والله اشتقنا لقلمك

جوليا إزيك

جايانا متيين ؟؟؟ ده نداء تاني

و نداء تالت لي الأخ لؤي

جوليا شوقي انا والله زعلانة لان ما عملنا ليك بوست ترحيب فايه رايكم يا جماعة نحول البوست دا لترحيب للحبيبة جوليا والاقتراح موجه للؤي ..

الف مرحب بالاخت جوليا واتمنى ان تكون اضافة حقيقية للمنبر

عشّة إزيّك

إقتراحك بالتأكيد مقبول ، رغم إنه جوليا قدمت خلاص بسبب غيابي ، وجوليا ماقصّرت سألت عنّنا قبل مانرحّب بيها ..

شكراً ياعشّة
تحاياي للأسرة

الأخت سارّة
تحيّة طيبة

عُذراً لطول الغياب .. خالص الشكر والتقدير على مناداتك ، وها انا ألبّي النداء ولو بعد شهر ..


وُدّي
وتحاياي للعزيز بدر

عشة الكلام دايما ما بوفيك حقك انا لي الفخر ان يجمعني بك مكان واحد يا رايعة وكذلك الاخ محمد العمدة انا بشكرك جدا وانا سعيدة بهذا الملتقى الحميم يكفي انو جمع الناس وكل زول في حتة اما انتي يا سكوداوية يا اصيلة ويا جميلة فانا مشتاقة ليكي شديد وبتمنى اجيكي الليلة قبل بكرة انا حاتصل بيكي

مرحب بيك يا جوليا بيناتنا ...
و مرحب بناس مسقط العزيزين ..
و شكرا يا عشة للترحيب ما بتقصري..
جوليا تستاهل اكتر من كدا...
و برضو ما ننسى ننادي لؤي كمان ..
نورتي البورد يا جوليا

سلام
سلامات

شكراً لمناداتك ، ومعاك أرحّب بجوليا ..

العزيزه عشه
والله أنا كنت بفكر في بوست الترحيب بس إنتي دايما سباقه للسمح ... أها أنا معاك .. يلا يا جماعه.

حبابك جوليا يالغاليه بت الغالي ... أنا زاتي مشتاقه ليك و في إنتظار أعرف أخبارك

تحياتي للوالد و الوالده و الاسره كلها ..


في إنتظار مساهماتك

يا جماعة انا وجودي بينكم اكبر شرف لي وبانضمامي لهذا البورد اشعر بانني حملت نفسي كم هائل من المسؤولية.. الله يقدرنا.. وشكرا جزيلا ليكم يا رائعين.. كيف لا وانتم سودانيون.. وبس

الأخت الكريمة جوليا

عُذراً لتأخيري الشديد في الرد على تساؤلك ، لكنّني كنت حقّاً في حوجة لتقييم الكثير من الآراء والأشخاص والمواقف قبل حكمي عليها وقبل تسطيري لأي حرف دون فتح عيوني على إتّساعها أولاً ..


لكِ الوُد والتقدير وكل الإحترام

مرحب بجوليـــا

وعودا حميدا لــــــــــــــــــــؤي



كل الود

وليد العجب

وليد العجب
سلامات

وشكراً على ترحيبك بعودتي ، وأرحب معك بجوليا .


لك الوُد

الغياب ليس دائما طامة كبرى .. لأن الحضور الآن أكثر ألقا وسخونة
" حضور المخزون " ..

الف مرحب لؤي و(حمدلا الف على السلامة) زي ما قال العظيم وردي ..

الله يسلّمك ياجوليا

وشكراً شديد على النداء والسؤال والإهتمام ، وألف مرحب بيك بيناتنا وإن شاء الله مانتلوّم معاك ونبقى ليك سند ..


خالص تقديري

الأخ وليد .. شكرا لترحيبك وسعيدة بانضمامي اليكم

يا له من نداء
قدرتي عليهو يا جوليا
شكرا لك ومرحبا بك
ومرحبا بالجميل لؤي

أخي الحبيب إلى نفسي سيمباتيكو
سلامات

ماأظنّني كنت سأستطيع الغياب عنكم/ن لمدّة أطول ، فهنا بينكم/ن وجدت مودّة صادقة أظنّها كافية لأسكن هنا في أمان .. بعض القبح الذي يعلق في أركان المكان قد يصيب الروح ببعض التعب ولكنّا نعود بعد فترة نقاهة نحتاجها .


لك خالص محبّتي

عودا حميدا لؤي وبركة الجيت ..
جوليا نفتقدك هذه الايام وبشدة في النادي ، اصلو عاملين مظاهرة حتمتد طول الشهر بمناسبة 8/مارس وفي الليلة الظلماء يفتقد القمر ، نمر بأزمة تحضيرية فامنياتك لينا بالنجاح يا حبيبة ، ولو عندك أجازة طلي كل الفعاليات مركزة آخر الاسبوع وبتبدأ من يوم 9/مارس ، واليوم الختامي دا أجمل يوم وفيه ملامح منك وانشاالله تكوني موجودة من حسي أعملي حسابك ...

تسلمي ياعشّة والله يبارك فيك .. وزي ماقالت ليك جوليا: الصور ..

العزيزة عشة (والله هسة اخلي شغلي ده واجيكم جارية )!!!
عموما انا متابعاكم طوالي بالتلفون ويكفيكم انو معاكم ست الكل وست الحبايب (ماما)..اكيدة انكم حتتألقوا وتبدعوا كالعادة وزي ما عودتينا يا عشة (الصور)..

سيمباتيكو..
حلو شديد ان يجمع معظم الناس على حب انسان في زمن تندر فيه هذه المشاعر..المنبر ده جميل واتمنى ان يظل نقي دائما... سعيدة بيك

مئات المراحب بكِ جوليا ..

أرجو أن يكون هذا المكان كما تطمحي وتحبي ..



نتفاءل بمقدمكِ وندائك للعزيز الذي نشتاقه لؤي ..

إلى الأمام ..

الحبيب إلى النفس
لقمان العزيز

ربّ أخٍ لم تلده أمّك .. أسطّرها لعلمي أنّك تمتلك فيني مساحة تكاد تكون كل الروح منّي .. ليت الإحساس كان ممكناً إرساله كملفّات هذه الأجهزة ، لترى أخي العزيز كم من الوُد أحمله لك في دواخلي .


خالص محبّتي

الأخ لقمان.. شكرا ليك كتير ..