هل مات حلم العودة الى الوطن؟؟؟

كانت كل امالنا متعلقة بتوقيع اتفاقية السلام لتنتهى مشاكلنا ونلتفت بعدها الى بعضنا ونضمد جراح الماضى ونسعى للعلم و المعرفة لنلحق بالركب المتحضر ولكن هيهات يهات ابت النفس السودانية المتعنطظزة والمتعطشة للفرقة ان تسعى فى طريق السلم ابت ابت وبعنجهية فارغة سعت لافتعال المعارك السياسية وصارت تزرع فى بزور الفتنة من اول وجديد ومعها صار يموت فى داخلنا امل العودة الى سودان متعافى يسع الكل
ملعون ابو البترول الفرق الناس
ملعون ابو القرش الطفش الناس
ملعونة حكومة قديمة ولا جديدة كل شعاراتها الثروة هنا والثروة هناك

يا ناس ارحمونا عاوزين نرجع يا ناس

هشام أمين
ستعود للوطن
طالما أن الوطن في دمائك
وطالما اننا جميعاً نستشق الوطن
سنعود يوماً ما للناس البسطاء
انا صدقني لايهني السودان البترول
ولاحتى حكوماته إن تغيرت أو لم تتغير
يهنا السودان الكبير
السودان البسيط والشامخ برجاله ونسائه
باذن الله ستعود
واتمنى أن نترك السودان يقف على قدميه
وان لانجعل جرحه ينزف مرة أخرى

Quote: واتمنى أن نترك السودان يقف على قدميه وان لانجعل جرحه ينزف مرة أخرى

ومين سمعك يا ابو حراز
والله نفسى يوم اصحى وما اسمع خبر سيىء عن السودان مرة دارفور ومرة نيالا ومرة بورسودان ومرة بيان ومرة الاسود الحرة ومرة نمور التاميل تعربد ومرة ومرة ومرة ومافى مرة جلسوا لرفعة السودان بكل فصائلة غايتوا بس النعيش ونقول يا حليل ايام زمان

ايها العزيز هشام
لاتقنط ولا تقبر حلمك المشروع في العودة للوطن الحبيب فقد يسدل الستار قريبا على هذه التراجيديا بانقشاع ظلام الغم والهم بهكذا نضال يسطره شهداء الوطن في كل البقاع بدمائهم الطاهرة لاجلك ان تعود معززا مكرما في موكب النصر المهيب بس ( اعقلها وتوكل)
وليس بالاماني فقط وبالاحلام ننتزع حقوقنا من فم العفريت بل بشيء من العمل الجسور والكل حسب قدراته وامكاناته ولكل مجتهد نصيب ولك معزة.
هباني

سيد الاسم هشام سلامات

Quote: وليس بالاماني فقط وبالاحلام ننتزع حقوقنا من فم العفريت بل بشيء من العمل الجسور والكل حسب قدراته وامكاناته ولكل مجتهد نصيب ولك معزة

عارف يا هشام المشكلة انة لامن نرجع منتصرين نقوم نلقى البشوفنا نحنا زاتنا عفاريت وتدور نفس الدائرة وتعلو نفس النغمة ويظهر سلاح الفرقة مجددا يهدم وينخر فى جسد سودان مريض .
كل ما ارجوة هو مهما كانت هناك فوارق واختلافات مستعصية ان نلجاء الى حوار العقلاء ونحل مشاكلنا بايدينا فقط لا بايدى الغير كما ارجو ان لا نحتكم الى السلاح والتهوين من شائن الاخر لانة لا يتفق معك.
هشام يا هشام مشكلتنا كسودانيين اننا بنطلع من حفرة وبنقع فى دوحديرة يعنى الخلاف والفرقة بقت جارية فى دمنا ودى مشكلة اهم من كل المشاكل ........ هل فى رائيك ممكن نحلها كشعب متحضر؟؟؟؟