Post: #1
Title: Skype.....برنامج اتصالات يستحق الانتباه
Author: Elnasri Amin
Date: 01-29-2005, 11:11 AM
برنامج اتصالات Telephony جديد يمتاز بمواصفات جيده...
يمكنه ان يعمل من خلال الجدران الناريه Firewal ....
يقول مصممى البرنامج ان جوده الصوت عاليه جدا Crystal Clear
اهم مميزات البرنامج:
يعمل على كل برامج التشغيل مثل ويندوث لينكس , ماكنتوش و الاجهزه الصغيره
المحموله فى اليد مثل ال Palm .
2-يتميز على الماسنجر مثل MSN , Yahoo بامكانيه التحدث فى نفس الوقت و
لاربع مشتركين و هى ميزه لا تتوفر كذلك فى البالتوك.
3- يمكنك الاتصال باى تلفون عادى باستخدام سكايب اوت و هو
مثل كروت التلفونات وتكلفة المكالمات جيده....
مثلا ...
المكالمات للسودان تكلف حوالى اقل من 3 سنت للدقيقه...
السعوديه جده و الرياض اقل من واحد سنت وللموبايل اقل من 3 سنت
تجدون كل الاسعار فى اللنك ادناه
http://www.skype.com/products/skypeout/rates/all_rates.html?currency=USD
صوره من البرنامج
انا شخصيا لم اجربه فالشخص الوحيد فى قائمتى هو الصديق العزيز
الاخ عبود محمد خير فى السعوديه وللاسف و نسبه لاختلاف فارق الذمن لم
استطع التحدث معه و تجربة البرنامج.
لمن يود التجربه فقد قمت بعمل شخصيه تجريبيه باسم Amin9999
يمكن اضافته للقائمه و نستطيع الحديث و تقييم البرنامج...
هنا وصله للموقع
ينطق البرنامج سكايب مثل Ripe
|
Post: #2
Title: Re: Skype.....برنامج اتصالات يستحق الانتباه
Author: waleedi399
Date: 01-29-2005, 11:38 AM
Parent: #1
النصــري ..
كل سنة وانت طيب وبالف خير ..
اديك الف عافية على البرنامج الرائع المجرب دا
ما قصرت ابداً والله .. شكراً على هذا الاهداء الجميل ..
بجيك راجع تاني انشاء الله ..
|
Post: #3
Title: Re: Skype.....برنامج اتصالات يستحق الانتباه
Author: محمد السر
Date: 01-29-2005, 02:53 PM
Parent: #1
النصري شكراً على البرنامج
لكن شايفك إنت وأبو الريش لابسين رسمي
إن شاء الله مافي عوجة؟؟
|
Post: #4
Title: Re: Skype.....برنامج اتصالات يستحق الانتباه
Author: Ahmed Khalil
Date: 01-29-2005, 04:59 PM
Parent: #1
0.276
قصدك اقل من 30 سنت .
|
Post: #5
Title: Re: Skype.....برنامج اتصالات يستحق الانتباه
Author: Elnasri Amin
Date: 01-30-2005, 01:40 PM
Parent: #1
الاخ وليد
شكرا لمرورك الكريم
وفى انتظار تقييمك للبرنامج
الاخ محمد السر
سلامات و مبروك الاسم الجديد
انظر للوصله ادناه و ستجد الاجابه على سؤالك
طلب من جميع الأخوة والأخـوات للتضامن مع مواطنى بورتسـودان
شكرا ليك
الاخ احمد خليل
انت محق ...الاسعار اقل من 30 سنت و ليس 3 سنت
الاخ عزالدين
قمت باضافتك لقائمتى و استطيع ان اراك الان و انت فى مكالمه
|
Post: #6
Title: Re: Skype.....برنامج اتصالات يستحق الانتباه
Author: Elnasri Amin
Date: 01-30-2005, 02:03 PM
Parent: #1
اربع انفار فى بالى
ياربى بجو؟
|
Post: #7
Title: Re: Skype.....برنامج اتصالات يستحق الانتباه
Author: Salwa Seyam
Date: 01-30-2005, 06:51 PM
Parent: #1
الاخ النصري شكرا كتير علي البرنامج فهو فعلا مفيد... انا جربته والصوت واضح وطريقة
الاتصال سهلة...
لكن عيبه انك اول ما تشترك خلاص اسمك ممكن يكون متاح لاي شخص حتي بدون
ماتديه ليه يعني انا في خلال 24 ساعة وصلتني مكالمات لاتعد ولا تحصي منهم البفتش في عروس
والعايز يتونس وغيره ... لذلك اسال هل من طريقة لحجب الاسم ليكون اكثر خصوصية
في انتظارالاجابه
|
Post: #8
Title: Re: Skype.....برنامج اتصالات يستحق الانتباه
Author: هاشم نوريت
Date: 01-30-2005, 07:42 PM
Parent: #7
تشكر يا النصرى يارايق
بس عندى طلب عايز كروت اتصال على النت اصلوا كروت التلفون بقت غالية
وبحثت عن الكروت ووجدت انها مرتفعة مقارنة مع الكروت العادية هل تعرف
كروت تتيح امكانية المحادثة عبر النت الى تلفون عادى وبسعر للدقيقة يكون
معقول.
وانا نزلت البرنامج وساحاول اكتشاف مميزاته لاحقا.
|
Post: #15
Title: Re: Skype.....برنامج اتصالات يستحق الانتباه
Author: Rawia
Date: 02-01-2005, 09:11 AM
Parent: #7
سلوى صيام تحيه وشوق
ايوه في طريقه تخفي بيها معلوماتك من انها تكون متاحه للجميع
بتلقيها في file....then options... privacy
استاذ النصري البرنامج دا فعلا كويس
انا دلوقت بطلت استعمله وحصلت لي فيهو طرائف تستحق تتحكي
لكن ممكن ادي اسمي
فيهوrollynat
ساره شاطر يا عسل
عندي ليك طريقه اتصال اسهل وارخص كتير
شرطي الوحيد تتصلي بي عشان مشتاقه ليك ...........ونتفاهم
|
Post: #9
Title: Re: Skype.....برنامج اتصالات يستحق الانتباه
Author: Elnasri Amin
Date: 01-30-2005, 10:30 PM
Parent: #1
الاخت سلوى
نصيحتى ليك اعملى ليك اسم جديد و سميهو اسم
لا فى السما لا فى الواطه,, و ما تديهو لاى زول الا
اهلك و معارفك.
اصلو فى ناس فى الانترنت ما عندهم موضوع و بفتشو لمواضيع...
انا لهسه ما جربت الصوت لكن سمعت الجرس كم مره.
تحياتى
و لو عندك اى مشكله ماتترددى تتصل بى.
الاستاذ هاشم
تحيه طيبه
ادينى كم يوم و بوريك طريقه رخيصه للاتصال
دلوقتى نحنا بنستعل كروت زى سيسى و افريكا و بدينا حوالى
20 الى 25 دقيقه للخمسه دولار.
شكرا ليك
النصرى
واحد من الاربعه الدايرهم يجو اسمو
يبدا ب ع
|
Post: #10
Title: Re: Skype.....برنامج اتصالات يستحق الانتباه
Author: Sakotaweya
Date: 01-30-2005, 10:50 PM
Parent: #1
الأخ النصري
الحقيقه جربنا البرنامج ده .. و الصراحه الصوت واضح خالص
و ملينا الحساب بي 10 يورو = 12 $ تقريبا .. إتكلمنا زي 90 دقيقه مناصفه بين السودان و الإمارات .
بالله لو عندك طريقه إتصال أرخص من الولايات ورييييييييينا ...
هنا بنستخدم كرت 24\7 TCT .. ده كويس خالص ... 44 دقيقه للسودان و الإمارات .. بس مشكلتو الConnection Fees .لو في طريقه تانيه ورونا ....
|
Post: #11
Title: Re: Skype.....برنامج اتصالات يستحق الانتباه
Author: ماجد حسون
Date: 01-30-2005, 11:59 PM
Parent: #1
الاخ النصرى انا استعمل هذا البرنامج من زمن وهو جيد جدا
اقترح ان يشترك اعضاء سودانيس اونلاين فيه وارحب بكل الاخوة اسمى فى البرنامج
magidhason
اما الاخت سلوى فانصحها بتغيير وضعيتها مت skypeme الى اى وضعية اخرى
|
Post: #12
Title: Re: Skype.....برنامج اتصالات يستحق الانتباه
Author: Ridhaa
Date: 01-31-2005, 00:52 AM
Parent: #1
الأخ النصري
الأخوة المتداخلين
سلام
كنت استعمل هذا البرنامج من فترة ولكنني لغيته من جهازي
وذلك لامكانية التجسس والتصنت للمكالمات وسهولة دخول
الهكرز عن طريق ذلك البرنامج
وعندما تكون أون لاين كل الأشخاص المتواجدين يتسنى لهم رؤيتك
وأنت على الخط
يجب الحيطة والحذر عند استعمال البرنامج والتسجيل باسماء حركية
وخاصة الأخوات .
ربنا يحفظ الجميع
|
Post: #13
Title: Re: Skype.....برنامج اتصالات يستحق الانتباه
Author: راشد يحى مدلل
Date: 01-31-2005, 11:09 AM
Parent: #1
الاخوة الاعزاء
البرنامج جدير بى الاهتمام ,,انا بستعمل فيهو من فترة طويلة
يمتاز بنقاوة صوت غير عادية ...كنت اتكلم مع الاصدقاء والاهل فترات طويلة بدون ماادفع اى فلوس , ,,عن طريق الدردشة
تحزير
قبل اشتريت حساب على الاسكيب من واحد واتكلمتةبيهوشوية وقلتة ادس الباقى لى العيد وياريتنى ماعملتة ,, تم قفل الحساب اظنو طلع مضرب خاصة وانى اشتريتو بى سعر رخيص لايمثل ربع قيمتة الحقيقية
الا انة بالغرم من ذلك يظل برنامج جيد ..وبى المناسبة اتعرفتة عن طريقو على اشخاص حول العالم ,, انتقلت علاقتنا الى مربعات جديدة وبىالجد استفدتة من التعرف اليهم وتعريفهم ببلادى والتعرف اليهم
|
Post: #14
Title: Re: Skype.....برنامج اتصالات يستحق الانتباه
Author: Elnasri Amin
Date: 02-01-2005, 08:52 AM
Parent: #1
الاخت سكوتيه
| Quote: ملينا الحساب بي 10 يورو = 12 $ تقريبا .. إتكلمنا زي 90 دقيقه مناصفه بين السودان و الإمارات . |
وفى ارخص من كده....كدى النبحت و لو لقينا حاجه حنوريك انشالله
الاخ ماجد حسون
قمت باضافتك لقائمتى
و انشالله نسمع صوتك
الاخ رضا
كلامك الصوت من ناحيه الخطوره
لكن كمان الانترنت كلها خطره , و اعتقد الزول يقوى قلبه و يخش..
لو الزول عندو مستندات مهمه يحفظها فى سى دى..
غايتو نحن الكمبيوتر بتاعنا غير الكرور مافيهو حاجه و لو
فى هاكر داير يجى مرحب بيهو ..وبعد ما يمر من كل نقاط التفتيش
يلقو روحو ضيع زمنو ساكت.
تحياتى
الاخ راشد
اوع تتقل و بعد شويه نسمع راشد اتزوج واحده من سنغافوره او ترنداد.
|
Post: #16
Title: Re: Skype.....برنامج اتصالات يستحق الانتباه
Author: Elnasri Amin
Date: 02-01-2005, 09:42 AM
Parent: #1
شكرا راويه على المرور
و يا سلوى ممكن تمنعى اى زول يتصل عليك
اضغطى على File
امشى ل Options
و غيرى الخيارات كما هو موضح فى الصوره ادناه
تحياتى
|
|