Post: #1
Title: فتناكم بي عافية!
Author: Bashasha
Date: 01-27-2005, 06:19 PM
Parent: #0
كعادتنا، لمان ناوين نغيب بنقول مع السلامة، من باب العلم او كده. فوداعا والي لقاء.
الاخت العزيزة اشراقة، معذرة مالميت في البوست المعني لاقوم بالواجب.
|
Post: #2
Title: Re: فتناكم بي عافية!
Author: bayan
Date: 01-27-2005, 07:10 PM
Parent: #1
تمشى وتجى بالسلامة
ليك وحشة..
|
Post: #3
Title: Re: فتناكم بي عافية!
Author: ودرملية
Date: 01-27-2005, 07:12 PM
Parent: #1
سلامات
وعوافي
...
لانك ظلامي وكلامك عدم
زرعتا الحسادة وحصدت الندم
لانك بغيض وكلك وهم
شتلتا الكراهة فقامت سقم
كرهتك لانك مجرد كلام
تأفرك سلوكنا و(تكوش) الم...
...........
تاكد تماما سوادنا عشم
ولونا المغبش يضاهي الامم
عرفنا العروبة بدم الزنوجة منذ القدم
نكرنا التنكر لغير السلام
وعرفنا التواصل بكل احترام
وانت التدافر وماشي في ظلام
تلصق كلامك وتخلق خصام
متين الحقيقة كانت صدام !!!
براح العواطف يبلغ مرام
تمام التوادد يعلي المقام
فغيب يابشاشة وتعال بي وئام
لتحكي القصص بمالي الكلام
او فغب للابد ..او لحين التمام
.....
مع الاعتزار للاغنية...
بالمناسبةتكوش هذه من كوش .............
.........
شعر وكدا باقليلك العبد لله اليومين ديل شايف ليهو شوفة يقرض في الشعر زي الرغيف الساخن
بعدين ياخي ماتمشي اهو الواحد يرتاح شوية من متاريسك الماليها حد محل ماالزول يجيك بي درب تمروقبوا بي دربا تاني خاالس ...
طبعا بقرقك معاك استاذ كمال لزوم الحالة واحدة وكدا...
اتمني تعود وانت اكثر مرونة في طرح ماتريد طرحه ياظلامي ياكاره ذاتك ...
بالمناسبة شعيريتي الفوق دا لزوم الكدينق وكدا
في امان الله
ودعواتي لك بالتوفيق
|
Post: #4
Title: Re: فتناكم بي عافية!
Author: kamalabas
Date: 01-27-2005, 07:18 PM
Parent: #1
والله ياود رملية شعرك دا ما مهين هل أنت أصلا تقرض الشعر والله
دي أول مرة ?... بشاشة ماشئ وين?
كمال
|
Post: #5
Title: Re: فتناكم بي عافية!
Author: Mohamed Elbashir
Date: 01-27-2005, 07:36 PM
Parent: #1
Quote: متين الحقيقة كانت صدام !!!
براح العواطف يبلغ مرام
تمام التوادد يعلي المقام
فغيب يابشاشة وتعال بي وئام
لتحكي القصص بمالي الكلام |
عــــليك يســـهل و علــينا يمـــهل
في البورد متسع للجمـيع أذا النفوس أتصافت
محمد علـي
|
Post: #6
Title: Re: فتناكم بي عافية!
Author: نهال كرار
Date: 01-28-2005, 01:46 AM
Parent: #1
تروح وترجع السلامه
والله يابشاشا البورد من غيرك حيكون ما عندو لون !!! ابيض واسود بس
|
Post: #7
Title: Re: فتناكم بي عافية!
Author: د. بشار صقر
Date: 01-28-2005, 02:18 AM
Parent: #1
بشاشا
الرائع
تمشي وتجي بسلامة
لك الوحشة
ودرملية
شعرك عجيب:
Quote: كرهتك لانك مجرد كلام
تأفرك سلوكنا و(تكوش) الم...
........... |
ده ياتو سلوك تقصد؟!!!
|
Post: #8
Title: Re: فتناكم بي عافية!
Author: Muna Khugali
Date: 01-28-2005, 05:43 AM
Parent: #7
Don't take long Bashasha,
Muna Khugali
|
Post: #9
Title: Re: فتناكم بي عافية!
Author: jini
Date: 01-28-2005, 08:01 AM
Parent: #1
بشاشة
ترجع بالسلامة
كرهوك لأنك تفضح سريرتهم الهيوغراطيةالهشة التى تتكئ على منسأة سليمان التى تهاوت تحت مطرقة الصنديد قرنق فهتف بشيرهم هللويا وقريبا يعتلى نهال دينغ وزارة خارجية عروبته عشاق الهروب من الذات الأصيلة إلى ذات منفصمةمتهالكة
جني
|
Post: #13
Title: Re: فتناكم بي عافية!
Author: نهال كرار
Date: 01-29-2005, 01:57 AM
Parent: #9
(يعتلى نهال دينغ وزارة خارجية عروبته عشاق الهروب من الذات الأصيلة إلى ذات منفصمةمتهالكة)
جني ما دام مابتعرف عربي زي الناس بتتفاصح مالك
نهال بقى اسم راجل !!!؟؟؟
قال الهروب من الذات الأصلية قال
بدل شغل المطاعنات دا , إذا عندك مشكلة معاي خليك شجاع وقولها بصراحة
وعلى العموم انا مابكره بشاشا بالعكس انا كل كلمة قلتها كنتا قاصداها
رغم انو افكارو ما بتعجبني لكن أحسن حاجه فيو انو صريح بقول العاوز يقولو حتى لو ما عجب الناس
مش زي الناس التانية , شغلتهم يطاعنوا بس
|
Post: #10
Title: Re: فتناكم بي عافية!
Author: عبدالماجد فرح يوسف
Date: 01-28-2005, 08:17 AM
Parent: #1
أخي كمال بشاشا
سلام
لما ترجع عايزين نكمِل معاك المركزية السودانية وعايزك وإنت مسافر تفكر في مسألة زنوجة الشمال دي وهل الحل الوحيد في إنها تنتهي إننا ننتحر؟ أو أنو بإمكان السودنة إعادة بناء تكوينا المفاهيمي الإقصائي عشان يستوعب مفهوم السودنة ويخلع جلبابو وعمتو وينسب شلوخو لي ماقبل دنقلا
رافقتك السلامة أخي في حلك وترحالك
|
Post: #11
Title: Re: فتناكم بي عافية!
Author: bayan
Date: 01-28-2005, 09:17 AM
Parent: #10
Quote: تاكد تماما سوادنا عشم
ولونا المغبش يضاهي الامم
عرفنا العروبة بدم الزنوجة منذ القدم
نكرنا التنكر لغير السلام
وعرفنا التواصل بكل احترام
وانت التدافر وماشي في ظلام
تلصق كلامك وتخلق خصام
متين الحقيقة كانت صدام |
ود رملية ابداع لكن.. ياخى انت خنفشارى عديل كدا
بس كاره ذاتك الخنفشارية..
والله ياخى لازم نلم الخنفشاربة يدرسو قصيدتك...
غايتو بشبش دا حيكون النشيد الوطنى حق كوش
بس لو ود رملية اتكرم وترجمو للغة المروية يكون سوى الزين
اهم حاجة ننبه بكرى انه دى ما استقالة عشان ما يمسح
بوستات بشبش....the joykill
|
Post: #12
Title: Re: فتناكم بي عافية!
Author: ودرملية
Date: 01-28-2005, 01:07 PM
Parent: #11
سلامات
وعوافي
...
استاذ كمال عباس العبدلله كان قارضا لايشق له غبار ثم اصبح (فجاة) مقروضا بفعل العوامل الطبيعية...
.................
Quote: ودرملية
شعرك عجيب:
Quote: كرهتك لانك مجرد كلام
تأفرك سلوكنا و(تكوش) الم...
ده ياتو سلوك تقصد؟!!! |
...........
الحبيب د.بشار صقر ..
غزرا ياغالي مااقصده من اعلاه لايقدح باي صورة من الصور في جوهر مايحاول استاذ بشاشة تبليغه لنا بل اختلافي معه في طريقة طرحه الناشفة العنيفة الغير مقبولة (علي الاقل عندي) .... لانوا لو أستاذ بشاشة ضبط طرحوا ودعموا بصورة علمية يتقبلها المتلقي دون ان تخدش فيه شيء وبصورة تحترمه ككائن يبحث عن المعرفة بمختلف الوانها سيكون صدي ذلك قويا جدا ... بشاشة دا زي الزول الشايل عكاز وبيقول لي اولادوا اكلوا (الاكل مو سمح) لكن بي السلوك دا بيكرهم الاكل زاتو لذلك كلامو عن مسالة الهوية وماادراك كلام لايجد اذنا صاغيا برغم من انو في قدر كبير من الناس عارفة انو الراجل علي صدق في جل مايطرح ولكن الاسلوب منفر للغاية...
اتمني ان اكون وضحت ليك شي بسيط من مااقصد ولك ان تعلم انني دائما اقدم حسن النية ....
............
يابشاشة سامحنا لو غلطنا عليك وربنا يسهل امورك جميعا ياحبيب
............
د.بيان
الخنفشاريةالله يطارهم بالخير فارقوا المنبر خبارم ايهاب بقا بيجي زايق وبيطلع زايق والبقية ايضا خالص ودي لك وللاسرة الكريمة
|
Post: #14
Title: Re: فتناكم بي عافية!
Author: shiry
Date: 01-29-2005, 05:06 AM
Parent: #12
بشاشة
تمشي وتجي بالسلامة
قلوبنا (بيضاء) معاااااك
وندعو ليك انشاء الله
كل ايامك(بيضاء) ويبعد عنك (السوداء)..
|
Post: #15
Title: Re: فتناكم بي عافية!
Author: الزنجي
Date: 01-29-2005, 06:34 AM
Parent: #1
فطر عجيب يودي ما يجيب
|
Post: #16
Title: Re: فتناكم بي عافية!
Author: وليد محمد المبارك
Date: 01-29-2005, 06:46 AM
Parent: #15
قشة ما تعتر ليك
|
Post: #17
Title: Re: فتناكم بي عافية!
Author: Mohamed Adam
Date: 01-29-2005, 07:01 AM
Parent: #1
Bashasha
تمشي وتجي بالسلامة
|
|