Post: #1
Title: ZOLA123
Author: mohmmed said ahmed
Date: 01-26-2005, 06:42 AM
الاخت زولا
ما سمعنا رايك فى اللائحة
|
Post: #2
Title: Re: ZOLA123
Author: تاج السر حسن
Date: 01-26-2005, 07:54 AM
Parent: #1
يا محمد سيداحمد يا ناس (تريعة البجا) ، شنو العنصريه الجديد دى ؟؟؟
ما كلنا ما قلنا راينا !!!
وبعدين يامحمد يا اخى ما كفايه أنه الوطن أصبح محكوم بى قانونين ، كمان هنا فى البورد؟؟
يعنى لو بودابى أماراتى وقع على اللأئحه وزعل ليهو من واحد وعايز يشتمو يمشى يقطع تذكرة ويسافر الى ناس (أساسى) ، يشتم وينبذ ويعمل عمره ويستغفر ربو ويرجع ؟؟
يا أخوى خلوها عائره كده أحسن ، أنا فى رائى كلما تم التدقيق فى أختيار نوعية العضويه المشاركه كلما تغير الحال، يعنى الجريده المحترمه يقرؤها كثير من الناس على مختلف أمكاناتهم الثقافيه لكن لا يمكن أن يشارك بالكتابه من لا يملك ثقافه عاليه ورهافة حس وحلاوة الكلمه.
كنت نفكر أعمل لى بوست أطلب فيه (تخيلك للأعضاء المشاركين فى البورد) ، لكن خفت يجيب لى (هواء) مش (هوى).
مثال ذلك واحد عضو بتخيلو ذى (سواق اللورى الأخلاقو فى رأس نخرتو ، من اول كلمه يشيل منفلتو ويجيك جارى زول ضرب ، ده كيف تتحاور محاهو)؟؟ الشكيه لى بكرى.
|
Post: #3
Title: Re: ZOLA123
Author: علاء الدين يوسف علي محمد
Date: 01-26-2005, 12:13 PM
Parent: #1
Quote: بكرى ابوبكر اطالبك بتفسير الان
بكرى ابوبكر الزم حدودك
بكرى حريقا فبك
هل من مزيد |
آي في مزيد
كلامكم عنصري
و لأطالب بفصلكم
يعني ليه ما ناديتو ناس الأمارات كلهم
ولا يمكن بس الناس البتشتري السي دي لأنو خمسين درهم "معاهو دي في دي؟"
زولا كل سنة و إنتي طيبة
|
Post: #4
Title: Re: ZOLA123
Author: zola123
Date: 01-26-2005, 12:41 PM
Parent: #1
الاستاذ سيد أحمد
مساء الأنوار
والله اتخلعت لمن قريت اسمي عنوان بوست, قلت يا ربي مع المشاكل الحاصلة دي متهمني سرقت لي اسم زول ولا زورت اي بي ولا مصيبة 
يديك العافية وتابعت بوستك بس كنت في انتظار بنود معينة او 1قتراحات للائحة زي ما سأل خال العيال عشان اعلق عليها.
لاكن الفكرة اكثر من رائعة واكيد غير مسبوقة.
واكتر حاجة عجبتني حكاية انوا الزول العنصري وبتاع المشاكل نحرمه من المشاركة في نشاطاتنا الاجتماعية وحفلاتنا.
الحكاية دي حيتضرر منها كم زول كدة حقوا يخلوا بالهم...لووول
تحياتي واكيد باجي راجع باقتراحات
وشكرا على الاهتمام برأينا المتواضع
|
Post: #5
Title: Re: ZOLA123
Author: zola123
Date: 01-26-2005, 12:46 PM
Parent: #1
تاج السر ازيك
تخيلات الاعضاء دي بتجيب ليك الهوا والدنيا برد براها
خت بس صورتك بتعاين في الارض ومبتسم دي كفاية تخلع الناس الكانوا فاكرينك متوحش.
علاء الدين
انت لو في الامارات اول زول نعمل ليك بن او حظر
وما تزعل
لحدي ما تخلي نفسك طويل ف ي الكتابة وتبقى حريف اكتر, تعرف توصل وجهة نظرك بدون مؤثرات لفظية مزعجة ( شتايم)
تعرف بندوديك الرباطاب تاخد كورس
والله ترجع حاجة تمام.
كل سنة وانت بالف خير وعافية والسنة الجاية اعقل من كدة
|
Post: #6
Title: Re: ZOLA123
Author: علاء الدين يوسف علي محمد
Date: 01-26-2005, 01:18 PM
Parent: #5
زولا الدكتورة
تحظريني عدييييل كدة ياخي ما حرام عليك
ياخي نحن أطيب مننا في الدنيا دي مافي و لما الظروف تخليك تشوفينا بتعرفي تهذيبنا لأي مستوى ينتسب.
و يا ستي إنشاء الله سنواتك كلها عيد و إنشاء الله الفي بالي كلهم يعقلوا و شوفي بعد كدة العقولية الما بتتلحق تكون كيف.
بالمناسبة أنا متابع كتاباتك من على البعد ما بخش عشان ما أنشر الظلام.
شكراً يا ستي
بس ياخي السي دي غالي خلاص
أنا عايز نسخة ترسليها لي؟
|
|