Post: #1
Title: الأخ بكري: مشكلة واجبة المعالجة
Author: Ahmed Alrayah
Date: 01-25-2005, 07:44 PM
Parent: #0
أخ/بكري
تملّكتني دهشة بالغة وأنا أجد اسمي بين (المتواجدون الآن) بالمنبر الحر رغم تأكدي من نقري على أيقونة الخروج بعد آخر مشاركاتي (في الصباح الباكر)، هي مشكلة فنيّة لا ريب عندي في ذلك لكنّها تبقى واجبة المعالجة حتى لا تفتح الباب واسعاً أمام اتهامات واقاويل لا ينقصها منبر سودانيز أون لاين.
شكراً للاستجابة والتوضيح -إن أمكن ذلك-.
أحمد الريّح
|
Post: #2
Title: Re: الأخ بكري: مشكلة واجبة المعالجة
Author: bayan
Date: 01-25-2005, 07:59 PM
الابن العزيز احمد
عودة ميمونة
الله يستر يا ولدى ما يكون فى زول متلبب الباسورد حقتك..
لانك غبت كثير.. بدون اعلان..
بالمناسبة فى بوست من البوستات فى زولة قالت انك هجرت المنبر بسببى..
اها بيكون اتفتح الباب انك ما جاى ويكون فى زول شال الباسورد..
واسع الورانا شنو انك احمد الريح البجد جد؟
خاصة انك كاتب بصورة عادية ومافى احمر او ازرق.. ولا صفحة متطاولة..
   
|
Post: #3
Title: Re: الأخ بكري: مشكلة واجبة المعالجة
Author: Hussein Mallasi
Date: 01-26-2005, 01:29 AM
Parent: #2
اولاً : الف مبروك
ثانياً: كل سنة و انت طيب
ثالثا: حمدالله على السلامة
رابعاً:| Quote: شكراً للاستجابة والتوضيح -إن أمكن ذلك-. |
ما أظن ...
|
Post: #4
Title: Re: الأخ بكري: مشكلة واجبة المعالجة
Author: ست البنات
Date: 01-26-2005, 08:52 AM
الأخ ود الريح ,
العيد مبارك وعودا حميدا مستطاب .
أوعى يقولوا ليك دا القرين حقك !!!
نكتة بهذه المناسبة :
واحده اسمها فاطمة والتانية آمنة, اتلاقن , فاطمة سألت آمنة : ماشية السوق ؟
آمنة ردت : لا انا ماشية السوق !
فاطمة قالت : سمح امشى انا كنت قايلاك ماشية السوق !!
( النسوان ديل طرشانات !!)
ست البنات .
|
Post: #5
Title: كل سنة وانت طيب
Author: Khalid Osman Jaafar
Date: 01-26-2005, 12:13 PM
الحبيب أحمد الريح (ابواتو)
ألف مبروك الزواج وكل سنة وانت طيب
|
Post: #6
Title: Re: كل سنة وانت طيب
Author: abuguta
Date: 01-26-2005, 01:02 PM
Parent: #5
العزيز
ود الريح
كل عام انت بخير
الف مبروك وبيت مال وعيال
افتح اى صفحة غير سودانيز اون لين
go to
tools
internet options
داخل عام
setting
veiw files
ctrl A
عشان التظليل
واحذف جميع ملفات الانترنت المؤقتة
وبعد كدا
شوف بركة حاج احمد بتسوى شنو...بس ما تزود الوصفة
لك معزتى
|
Post: #7
Title: Re: الأخ بكري: مشكلة واجبة المعالجة
Author: Sakotaweya
Date: 01-26-2005, 01:13 PM
الأخ أحمد
ألف ألف مبروك و بيت مال و عيال
و حمدلله علي السلامه ..
قولنا نخرم بي هنا نبارك ليك لحدي ما نلاقيك .. و زي ما قالت الخاله بيان ..
خد بالك ما يكون زول ماخد الباسورد .. أصلو المنبر الأيام دي ما ناقص و أسهل حاجه بقت الإتهام ده .
لك كل التحايا .
|
Post: #8
Title: Re: الأخ بكري: مشكلة واجبة المعالجة
Author: yumna guta
Date: 01-26-2005, 04:43 PM
Parent: #7
الأخ أحمد الريح
حمدلله علي السلامه
ألف مبروك و انشاء الله بيت مال و عيال
|
|